德福閣

正所谓一分钱, 一分货, 两旧几水的自助餐唔好期望过高, 首先餐厅位处豉油街, 近旺角东站, 交通方便, 餐厅范围很少, 有点局促, 可能闲日关系, 得果几枱客, 环境清静又唔驶抢食, 几好! 生蚝系有啲海水咸味唔腥, 但细只又有点沙, 冻虾肉实, 三文鱼及立鱼虽然厚切, 但味道较淡, 比较普通, 蓝青口比较细只无味兼有点沙, 蚬同海螺都系无味, 个西汤好饮, 沙律都有几款选择味道唔错, 即切的烧牛肉有牛肉味, 但嫌佢太生, 热荤的烧骨, 西兰花蟹柳及脆皮鸡较好味, 八点表演火焰班㦸, 个班㦸系有啲橙味但好难食, 橙汁好淡, 甜品选择很少, 只系炖蛋几嫩滑, 服务员态度很好, 换碟好快, 整体对我来说都只属一般, 无下次!