德福閣

营业中

休息中

草根成日經過豉油街，都見到仕德福酒店🏨上面有間餐廳食buffet🍴。不過次次都為咗去食其他野，一直都冇機會試～今次終於決定一於去食！Dinner Buffet ($298)呢間德福閣係主打食超平自助餐，當然我地唔會期望佢會係非常高質🙊。海鮮選擇唔多，冷盤都有一般嘅cold cut，刺身任拎。當晚重點之一係生蠔👀，因為佢真係任食同無限refill👍🏻。生蠔唔細隻，口感都算Creamy💦，亦完全唔腥🤤，中意生蠔嘅可以全晚任拎。其他海鮮有蟹腳、青口、蜆。。。但冇鮮甜味，所以海鮮嚟講生蠔最出色。.草根想特別介紹個海鮮熟食Corner，有個焗黑松露醬元貝幾好食，元貝大粒又柔軟，再配上已調味嘅滑口薯蓉😘味道都幾好嫁😏，草根encore咗2-3次。熱食選擇較多，當中雞串、燒豬仔骨同有個日式蜆肉湯🥣味道都唔錯，其他就不過不失啦。甜品方面都係一般大路野，朱古力噴泉⛲️、啫喱、蛋糕仔🍰。特別d係竟然有雞仔餅同麥芽糖餅😆。雪糕係維記，飲品比較有趣，有枝裝汽水 🥤、啤酒🍻同咖啡☕️。整體上比較一般，食物種類唔算多，不過都對得住佢個價錢嘅👀。selling point係有蠔食而且係不斷refill ，所以中意蠔嘅人

上個禮拜，朋友帶左我去呢間酒店去食自助餐，我都冇嚟過呢間酒店，不過呢間酒店睇嚟好新淨，好似開咗冇耐咁。呢度地方都舒服，地方都幾大。雖然食物嘅選擇唔係好多，好在樣樣食物我都鍾意食，除咗一般嘅海鮮刺身之外，仲有幾款熟食，仲有好多甜品，同埋我最鍾意嘅朱古力噴泉而且呢度每人送咗粒炸帶子，炸得好香脆，帶子仲好鮮甜。呢個係田螺酥皮湯，酥皮好薄又焗得好脆，個湯底係好濃嘅蕃茄湯，仲有田螺仲入面，最鍾意佢咁細碗，飲完都唔會太飽呢度夜晚八點仲有表演睇，突然之間熄晒啲燈，原來廚師喺度整緊火焰香橙pancakes, 好有驚喜。pancakes 整得好薄，味道酸酸甜甜咁開胃另外，我最鍾意呢度嘅環境好安靜。唔似得一般嘅自助餐咁環境都好嘈，好多人，可以靜靜地慢慢咁食嘢，同朋友傾吓計

又到月尾手緊緊，但朋友生日想食生蠔.... 係網上揾到有抵食生蠔Buffet，300頭蚊已經有生蠔及大量甜品，加上係旺角夠晒就腳。本身以為食客係外國或內地客為多，不過入到去基本上都係香港人。或者大家同我一樣，都覺得放題都300幾，去酒店食自助餐也不錯吧。坐低無耐後，職員就放低左一份炸帶子，雖然唔係新鮮熱辣辣，不過帶子唔會炸得太乾。凍盤方面，有凍肉、凍海鮮、刺身及生蠔。選擇唔算太多，不過大路野都齊晒。生蠔唔係即開生蠔，不過size都算幾大隻，肉唔算太薄，而且新鮮度還好(我食一般日式放題生蠔係會痾架)三文魚魚生都幾大塊厚切，口感十足！燒牛肉肉味都幾香，牛肉屬於五成熟，對我來說剛剛好。甜品都佔了不少的位置，當中除了有蛋糕、日式糕點，還有朱古力噴泉。每天晚八時正，於燒牛肉旁的位置，廚師就會上演火燒法式火焰香橙班戟。有興趣的話，記住留意時間。呢份香橙班戟，橙味深重，而且pancake剛剛新鮮整好，值得一試。食完香橙班戟未夠喉的話，仲可以到甜品區食自選Pancake，大家可選芒果、香蕉的味道，食落個皮都幾香又軟熟。最後大家不可錯過即製的梳乎厘！我輕易地就消滅了7個，太好吃了。===========

今日朋友請我來這間旺角德福閣食lunch buffet， 估唔到價錢百鬆d又有生蠔食， 加上裝修新颖，坐得舒適， 侍應又經常補給食物, 日後食午餐又多一個選擇途徑。雖然食物種類不算太多， 大基本多款熱葷食品、健 康沙律、特式甜品和各式cake都有， 一邊食一邊傾偈,加上一邊享受酒店式嘅餐飲服務，算唔錯了。第一款要食當然是這裏的生蠔啦！ 剛好侍應拿來一盤新鮮即開的生蠔，我和朋友各取3隻， 生蠔大大件 常新鮮肥美, 少少海水嘅鹹味，不錯。原隻海蝦燉蛋， 蝦非常新鮮彈身，而燉蛋香滑味濃， 熱辣辣食味道佳。排隊去燒味部攞叉燒，每人拿到兩大片，肉質軟稔，味道甜密。熱葷的先後拿了炒米粉、 滑雞盅仔飯、 芝士焗蠔和豬手，食得好飽。最後甜品居然有楊枝甘露， 拿了一碗仔食，最後還取了幾件小cake和咖啡慢慢嘆，大滿足。酒店餐飲服務確係唔同啲， 不停為你换碟， 招呼一流。正正正！

今次嚟到德福閣食lunch buffet 👍🏻一出lift，一眼就望曬，款式唔算多，但食物refill得好快😚唔驚無得食😀在前菜區，有不同款式涼伴，例如：火腿肉，涼拌手撕雞伴青瓜，日式雜菜魚餅，七味牛薄牛脷片，日式茄子，中華沙律在海鮮方面，有生蠔，睇落都幾大隻，生蠔都好新鮮仲有自助沙律區，可以製造屬於自己嘅沙律，有好多款式材料和醬汁可以選擇，例如：粟米，車厘茄，芒果等等……仲有壽司，日式冷麵，日式雜錦壽司🍣在熟食區方面，有芝士焗生蠔，烤排骨，蒸飯，有忌廉湯，在甜品區，必定有朱古力噴泉😍 最鍾意將棉花糖點落朱古力噴泉💕有日式和果子，班蘭布甸，椰汁紅腰豆糕，雜果啫喱，意大利芝士餅，即叫即製嘅pancake😀有花生醬，香蕉，忌廉等等，Pancake皮薄多餡，正，仲有唔同款式小蛋糕，超多選擇，個黑豆腐花好好食，食飽飽再食個杯裝雪糕，咁就滿足～一人埋單都係$145 食Lunch Buffet，仲有生蠔食，正👍🏻-Name🏠: 德福閣Location📌: 旺角豉油街118號仕德福酒店閣樓（港鐵旺角站 E2 出口/港鐵旺角東站 B 出口/港鐵油麻地站 A2 出口）價錢💰: Lunch Buffet

父親節當天，請爸爸媽媽一起到位於旺角豉油街德福閣吃自助午餐。餐廳位於仕德福酒店閣樓，很容易找到。餐廳佈置簡潔，長長的自助餐枱，擺放了林林總總的食物，非常吸引。咖啡、奶茶、蘋果汁、汽水、還有雪糕都是以自助形式。牛肉、豬扒、炸蝦、焗生蠔、沙律、生果⋯⋯形形色色種類繁多芝士焗生蠔，不能錯過，必須多吃幾隻😁重頭戲新鮮生蠔，二百多塊的自助午餐，就能吃到生蠔，試問在哪裏找得到呢？！各式甜品，顏色鮮艷，的的式式炸三文魚骨，脆卜卜，連小朋友也喜歡吃。朱古力噴泉，小朋友瘋狂地喜歡。

德福閣地方有限但勝在位置及交通方便坐落於旺角鬧市內與三五知己暢談一番最適合不過！食品款式不算太多但勝在少少款式就已包括生蠔、長腳蟹、青口、刺身、凍蝦等等較受歡迎的海鮮類！順帶一讚餐廳Refill速度很快餘下不多就已立刻Refill唔會等到完全取清田螺酥皮湯酥皮湯焗得熱烘烘金黃色的外皮吸引目光入口時亦非常酥脆可口每盅都有一隻田螺在內燒牛肉牛肉味相當香濃只是略嫌有點生另有黑椒汁及燒汁可供選擇8:00特別環節：法式火焰香橙班戟（淡淡橙香味）突然全場關燈然後由廚師即場炮製火焰班戟滿有氣氛的！梳乎厘口感軟綿綿的入口即溶充滿蛋味同時十分輕盈而且每份的份量剛剛好這價錢等同其他自助餐午餐價格但在德福閣已經可以吃到如此一頓豐盛晚餐又有海鮮、冷盤、主菜、湯飲、甜品等等真值得一試！

早前在某討論區看見有網友介紹仕德福酒店的自助晚餐，趁着星期六放假就帶左家人去試下餐廳裝潢簡潔明亮，面積不算很大，麻雀雖小，卻五藏俱全香港人最愛嘅海鮮當然不可缺少，有生蠔、長腳蟹、鮮蝦、日式刺身等等。生蠔不算很肥美但都幾新鮮長腳蟹肉質都幾鮮甜三文魚刺身非常肥美用餐途中店員送上每人一隻的炸帶子，炸粉外皮略厚，味道質素正常。沙律區的選擇有十多款，沙律菜碧綠，配料新鮮，隨你喜歡泡製成一個獨特的沙律前菜區的選擇也不少啊，有各款涼伴菜和火腿肉~ 我個人很喜歡麻辣雲耳熱盤以中餐和炸物為主，質素不錯！更設有燒西冷牛肉、中式老火湯、西式忌廉湯、酥皮焗田螺湯等等甜品區選擇設各式西餅糕點，更設有朱古力噴泉、焗疏乎厘、煎法式薄餅等等。各款水果亦非常多汁清甜！特別推薦這裏的香蕉pancake，軟林的外皮有蛋香，加上花生醬和煉奶簡直是絕配的美味總括而言，德福閣的食物款式選擇雖然不算很多，但以星期六晚每位都係約$300左右呢個價錢來說，性價比算係幾高

同朋友見stanford嘅tea buffet幾平 決定一試位置都唔太難搵 喺新寶戲院條橫街行到尾就係野食種類都唔少 沙律都幾多款 仲有蝦同青口 都幾新鮮 酒店隔一陣就會拎新鮮既岀黎refill熟食方面都不外乎係一啲酒樓常見蛋糕 有蘿蔔糕 馬拉盞 煎雞翼等等最估唔到係西多士 熱狗都有得食～不過西多士略微唔夠蜜糖野飲方面除左橙汁 仲有咖啡同茶水 自助形式～雪糕係雀巢杯裝雪糕 有齊哂5種口味 中意既仲可以喺上面加朱古力碎等等甜品種類都好多 而且質素都唔錯 岩哂中意食甜品嘅朋友酒店都有提供即叫即整嘅pancake 有得揀花生醬 椰絲 香蕉 忌廉等師傅都整得幾好 皮薄得黎 又夠多餡仲有得order粉麵 配料有得揀貢丸 墨丸 魚片頭同肥牛 仲有得叫少麵 個人覺得都幾唔錯 大家不妨一試

本身今個weekend係同男朋友去澳門黎返個兩日一夜短trip，但男朋友臨時有公事去唔成，所以今晚男朋友帶我黎德福閣食buffet補數。德福閣喺仕德福酒店入面，新寶戲院再行前d就見到，都容易去。佢d三文魚都切得幾厚身，正！男朋友食左兩三碟，而我就瘋狂食甜品同串燒XD我地每次拎一碟，食完先再出去拎，都食左起碼八九round！整體黎講，雖然食物種類未算超多，但生蠔、青口、三文魚呢類item都夠新鮮，而且都refill得快！密密食多幾round都值回票價！

端午節一家十幾口想食buffet，唔想大破費，揾到間平平地，用左優惠二百蚊左右一位，價錢好平，所以都無乜要求，野食唔算多，但值呢個價，仲有生蠔任食添。凍盤主要有生蠔，三款刺身，都好肥美啖啖肉，另外仲有蝦，蟹腳，青口，蝦肉隻爽口。另外仲有d熱食，甜品，甜品選擇幾多，比較突別有糯米池，芝麻膏，雞仔餅，麥芽糖夾餅，仲有即製pancake同梳孚里，另有火炙pancake表演，火炙pancake用橙酒橙醬煮，熱辣辣，酸酸甜甜好白橙酒味。另一驚喜係有支裝汽水任飲，食buffet好少有，隔離仲有杯裝雪糕，可以自己整黑牛飲

呢度放食物嘅地方一眼睇曬，雖然款式唔算多，但係勝在啲野食fill得夠快😆野食除咗有唔同嘅日式刺身同埋壽司之外，亦都有唔同嘅海鮮 例如生蠔青口等等😎其他野食就冇乜特別，都係一啲基本嘅熟食🤔另外到咗八點鐘嘅時候就有個特別節目就係火焰pancake😍勁多人都走出去欣賞，因為整果陣會熄哂燈，之後可以睇到勁大火🤣而野飲方面都有唔同既選擇 例如唔同既汽水😆另外都有唔同口味嘅雪糕😎今次小編仲拎左罐可能同朱古力味既雪糕自製黑牛😂一度食生蠔再飲黑牛都係一個唔錯嘅配搭😍👍🏼另外甜品方面都有好多唔同既選擇 例如梳乎裡、pancake同埋唔同既小蛋糕😆而好受小朋友歡迎嘅朱古力噴泉又點少得😗

今次係我第一次寫食評，今日係爸爸生日，佢又話想食自助餐，咁我就係OpenRice 呢到睇下有乜自助餐好。。以$300以內的自助餐黎講，德福閣係好正，因佢有生蠔長腳蟹生蠔仲要好肥美仲要有汔水啤酒任飲甜品我掛住食唔記得影，只影左個班cake，個班cake你現場整的熟食雖然唔係好多選擇，不過味道都可以仲有焗蠔食呀，d蠔都好大隻所以我覺得以300蚊價錢後講係可以接受，用OpenRice 優惠券或匯豐信用卡就有85折，真係好平

宜家香港有得食生蠔既自助餐真係見少賣少，我估計因為怕消耗速度唔夠快，有機會影響食物品質，但呢間我食完可以話俾大家知，生蠔十分新鮮仲要係大大件，佢地選用既生蠔比較淡味，清清地帶有少少海水味鐘意食生蠔既朋友仔千萬唔好放過另外，佢地都有提供多款既凍盤，小食，魚生，甜品同埋熟食呢個係蘇皮螺肉湯，螺肉大大舊，蘇皮唔會好厚，本小姐覺得好滿意個pan-cake即叫即煮 我叫左我最鐘意既香蕉味因為openrice只可以post 12張相，所以大部分既熟食我都無影相post唔到，雞鴨羊牛菜湯飯麵，乜都有，一次過迎合哂唔同口味同要求既你地以上開飯食評，只係本小姐個人食後感

今日和好友去位於旺角Stanford Hotel的德福閣食自助餐。餐廳設在酒店的閣樓，光線柔和，環境舒適。先來一客清補涼佛手瓜煲豬骨，湯水清潤。還有意式酥皮田螺盅，好友相當喜歡，試完一個後添食。菜式選擇多元化，中西冷盤海鮮甜品生果樣樣齊，圖中的冬瓜捻滑清甜入味，炒菜爽脆惹味。炒蜆無沙，與味菜和其他配菜同炒，味道對版。冷盤其中有牛利，沙律，雲耳，日式魚餅。巴馬臣芝士野菌意粉，鴨胸，茄子，中華沙律，茄子。意式辣蕃茄烤排骨，排骨入味有咬口，日式咖喱牛腩啖啖肉。生果和甜品其中一角。甜品櫃內有更多選擇。即制新鮮梳乎釐。於旺角鬧市可以找一處坐得舒服與好友邊食邊談天的地方並不太多，工作人員服務態度良好，笑容滿面，餐廳位置交通方便，大家過了一個愉快的晚上。