同另一半去完迪士尼樂園玩左成日，梗係食餐好嘢。由欣澳出葵芳超方便，加上得兩個人冇得訂枱，唯有早D去walk in，6：45pm準時開餐。 揀左個招牌走辣雞煲，等佢滾嘅同時，可以出去拎飲品同夾小食，如手拍青瓜…薯餅…泡椒雞腳…糖水…等等 雞煲顏色好吸引，雞肉超滑嫩的，而且一D都唔咸，唔似有D雞煲食兩三件已經超重味精，要勁飲嘢，唔錯！ 我地每人食左起碼十件雞左右，就再加湯同自己出去雪櫃夾配料打邊爐，基本上有不同的丸類、菇、菜、牛肉、豬頸肉、牛柏葉、鵝腸、雞蛋、出前一丁、烏冬、福麵等等等。 6：45～8：45，兩小時任飲任食，$158加10%，上菜同收碟速度都好快，唔錯。

吃貨的我倆都超愛打邊爐，和另一半慶祝生日，當然首選任食打邊爐，想再搞搞新意思........一於就食"海鮮蒸鍋+任食火鍋"！

是日準時5:45PM到達，因為已訂位所以一去到好快就獲安排坐卡位了！

無耐餐廳姐姐就捧上令我倆期待的!!!!!海鮮蒸鍋!!!!!  有扇貝、鮑魚、大蜆、長腳蟹腳、蟶子、青口、班魚塊等等堆到滿滿的，而且鋪滿粉絲，個鍋蒸緊時都已經流哂口水~~~ 趁蒸鍋蒸緊的8分鐘，可以出去自己拎醬料、飲品。眨下眼終於可以開餐，每款海鮮完全唔會有腥味，鮮味十足，而且肉質彈牙一D都唔"霉"! 質素很好!!!!抵食~大讚!!!

秒速食好海鮮蒸鍋後，就到第二個環節!!!!!任食火鍋!!!!食材都喺紙仔上任揀，款式都很多....(掛住食食食，都冇咩點影相)
以"海鮮蒸鍋+任食火鍋"兩個食法，$169+10%一位真係好抵食，下次都會再安哥的!!!

和另一半慶祝拍拖一周年紀念日，決定食"好西"好好慶祝~~適逢見到"黑夜半價優惠"，即於晚上8時45分後入座，全單可享半價優惠，再加上見到"海鮮拼盤"，隻眼發哂光!!!  就決定一試~~~
特選海鮮拼盤 ($498)  有多款海鮮：半隻波士頓龍蝦、生蠔、帶子、青口、鮮蝦等等，非常新鮮，再配有三款醬汁及脆脆多士數片
西班牙海鮮飯 ($188) 魷魚、大蝦、青口大大件，飯粒充滿海鮮鮮味 香脆鮮魷魚($86) 呢款小食係成個煲咁上，件件都好鬼大件，而且係新鮮熱辣，外脆內軟的  配啤酒應該一流 是晚以"黑夜半價優惠"就可享正價的美食，連同原價加一，埋單兩個人都係$460就可以食呢個「海鮮餐」，真係超值!!!!!

已在早兩日訂座時講明要預留半份片皮鴨，兩人滿心期待的6：30到達餐廳。點知………在下單時，卻說要到晚上9：30才供應。天啊！！！！哪預留幹麼！！！仲要到晚上9：30先有！！！ 無奈地點了：四川擔擔麵、生蔥炸大腸、椒鹽鳳尾魚、炸子雞(半份) 四川擔擔麵： 偏麻辣，冇花生的香 生蔥炸大腸： 一般，冇咩特別 椒鹽鳳尾魚： 惹味，脆口 炸子雞(半份)： 皮脆，雞肉都算嫩滑 麻麻地嘅一餐，去到埋單時仲要因為部機壞左，唔收信用咭。 連基本為客人預留片皮鴨的信用都冇、部機又壞唔收咭，原本仲想食今次完片皮鴨下次帶其他friend來試……Well，絕冇下次！

小妹的同事一直很推這間，但我就比較麻麻地中餐，所以未幫襯過。不過今次見佢誠意拳拳咁，好！就去食一次。 店面闊落，因為我地食12：30PM，時間尚早，店內唔算多人。但到1：00PM就爆哂棚，仲要等位呢！ 由同事發板，叫了兩個小菜套餐—<招牌炒魚腩>及<蝦米粉絲什菜煲>，配白飯及中湯/飲品。 先來讓小妹一食就愛上的<招牌炒魚腩>，外脆內軟，外皮脆脆又香口，魚肉嫩滑、鮮甜滋味，薑蔥爆得好香，成個菜式超惹味，很好送飯！ 接著有個清清地的<蝦米粉絲什菜煲>，上枱時魚湯仲滾下滾下的，夠火氣；煲中有小妹至愛的粉絲，蝦米很香，什菜有菜心、生菜、白菜仔、菇類等；成個煲最好味係魚湯，超鮮甜，完全和其他舖頭有落味精的冇得比，真係好好飲 兩個菜式都很推，難怪同事經常推介

想食日本嘢，呢間價錢親民，又可以坐得舒舒服服，而且套餐可以自己隨意配搭。

星期五晚上等左15分鐘先入座，左諗右諗一輪，終於決定了咖哩吉列豬柳飯加芝士($88)、迷你什錦刺身丼配唐揚定食($76)。

咖哩吉列豬柳飯加芝士： 吉列豬柳新鮮炸好，好脆口； 特意加$10加芝士，但一堆芝士完全冇咩融化的感覺，麻麻地…… 迷你什錦刺身丼配唐揚定食： 刺身好新鮮，初時睇落個碗好似好細，但其實個碗有返咁上下的深度，食落份量啱啱好； 加$28有齊麵豉湯、沙律、前菜及炸雞件，一set咁好滿足。

和家人一同提前慶祝父親節，而且星期一至四又有8折優惠券，加上自助晚餐有生蠔供應，連加一折實都係$268/位，似乎唔錯，決定試試。

18:20左右到達，但因為18:30先正式開始，未有得拎嘢食住。

1)生蠔:
*事前已開殼，一隻隻放在冰上，自己用夾拎的，因無限次數，一共食了10隻；
*每隻Size很平均，都算肥美，有女仔手板的2/3長呢；
*肉質很爽、有少少海水的咸味，一D都唔腥；
*全晚見廚師來回補充貨源 (大約20:00開始好似冇補給了~)

2)赤蝦刺身:
*Size有女仔手板咁長；
*肉質很爽、一D都唔腥；
*數量供應有限，拎左兩轉已經冇再補貨給，好彩食了6隻
(其實真的很想再拎多幾隻 T . T )

3)刺身:
*三文魚及立魚雖然厚切，但味道較淡，比較普通
*八爪魚片都比較普通

4)熱葷: (小妹比較麻麻熱食，所以食左1 round就冇拎了> <") *西冷牛扒: 略嫌太生，比較軔，但味道OK；
*酥皮焗白汁蘑菇田螺: 的骰迷你，酥皮香脆，白汁蘑菇田螺香草味較濃；
*芹菜煙肉忌廉湯: 小妹至愛，飲左3碗，有D crazy ；

5)甜品:
*整體唔錯，有即焗梳乎里、泡芙、水果撻、班戟、芝士蛋糕、朱古力噴泉配哈蜜瓜/棉花糖/仲有款生果唔記得係咩、楊枝金露、雀巢雪糕(有小妹至愛的紅豆味).........仲有壓軸20:00廚師即席表演製作的火焰香橙班戟~~

6)飲品:
*只有咖啡機、啤酒、橙汁，汽水要加錢，比較失色......

整體而言:
*$268/位算很抵食，仲可以由18:30坐到21:30；
*全晚全場以港客為主，自取食物時都很鬆動；
*環境清靜，很舒服
*侍應服務很好

值得再去!!!!

上星期去佐敦拎報告，就順便到附近食晚餐，因為小妹愛好食西餐，所以今次去左呢間西餐廳睇睇，見餐牌OK，就決定試下。

大約6：00pm左右，餐廳內已經有四、五枱客人，但我同另一半想行陣先食，所以預留了7：00pm 兩位，坐闊落的卡位。我地行陣之後再返餐廳時，已經坐滿了2/3的客人。

叫了芝士火腿焗加拿大豬肉眼扒配白飯 及 香辣茄汁大蝦扁意大利粉，另每個套餐加$5每人叫了一杯橙汁及蘋果汁。

芝士火腿焗加拿大豬肉眼扒配白飯(套餐價$88)：
剛上菜時熱辣辣，芝士火腿和豬肉眼扒融為一體，睇落OK，但略嫌豬肉眼扒的味道較淡及較靭，比較一般。

香辣茄汁大蝦扁意大利粉(套餐價$78)：
香辣茄汁微微辣，好惹味; 扁意大利粉的軟硬程度適中，不錯。

而套餐中的餐湯、蒜蓉包及飲品不過不失。

總括黎講：
餐廳環境唔錯，燈光柔和；
卡位闊落，可以舒舒服服咁傾計；
套餐包餐湯、蒜蓉包、主菜及飲品，而且再免加一，晚餐每人唔使$100。

不過，下次有機會都想試下佢地的漢堡餐^^

炎炎夏日，忽然想同另一半食雪糕甜品做下午茶，搵左一輪，見到呢間餐牌上的圖片好吸引，就決定試下依間…… 一去到門口已經有四、五個女仔排緊隊等入座，我地邊排邊睇下餐牌，等左5分鐘左右就有位喇～～ 好快就有目標： 朱古力奶油雪糕吐司 $48 ～厚厚的吐司外脆內軟，配上濃濃的朱古力漿，一食已經好幸福 ～雪糕球係我地至愛嘅朱古力曲奇味 ～奶油一D都唔漏，加埋吐司一齊食，好味 芒果軟雪糕$52 ～芒果好甜，一D都唔酸 ～軟雪糕牛奶味好濃 ～味道好清新，好味 整體黎講，味道唔錯的。 雖然冇加一，但略嫌侍應們的招待比較冷淡，可能得兩個比較忙吧

一行8人大擦一餐，整體算OK~~

I 食物方面

1. 刺身: 叫足4 round先夠皮; 魚生厚薄及味道正常，但稱不上鮮甜

2. 火焰壽司: 叫足3 round一大碟先夠皮; size比出面外帶壽司偏細; 火焰三文魚壽司唔錯

3. 串燒: 雞軟骨好食，但灑在串燒上的類似味粉/椒鹽好重手，個個食完都話好鹹，即刻要飲汽水，但送酒就唔錯 

4. 天婦羅: 都係叫蝦為主，蝦嘅size中等啦，唔算係大蝦; 蝦肉都嫩滑，炸漿較薄，唔算好脆，但食落好熱口

5. 火鍋: size係一人爐，主要都係食青口及肥牛，起碼叫了3-4round

6. 任飲酒類: 清酒/梅酒就一小樽，附小杯仔上; 啤酒就自己出去拎

II 服務方面
1.樓面有4-5位侍應輪流好快手接單及收碟

2.結帳後都冇即時趕我地走，感覺會好D，因為清埋枱面嘅食物，我地差唔多坐到8:45pm先離席

3. 甩單: 等到成枱D嘢都食得8899仲未見新一盤刺身及天婦羅時上，問問侍應之後話甩單，叫我地再入紙
4.  自行減數: 特別係order刺身及蝦天婦羅時，都係被自行減數，如刺身30片得20片、蝦天婦羅16件得10件，8個人點夠食，落單又甩單
5. 環境好迫: 就算已經有卡位坐，出入都唔方便，所以是晚都係出左兩轉拎飲品及甜品

III 價錢方面

6:30PM開始食足兩個鐘，都係每位$174(已計加一)，算是抵食