德福閣

营业中

休息中

依架食飯越黎越貴, 所以話有三文魚生蠔既自助午餐可以$200真係好抵, 今日就一於去D間位於旺角豉油街既德福閣得唔得先!十二點上到去, 好多人呀!!! 好彩空間都幾大, 而且食物都算唔少選擇, 環境都OK!刺身三文魚真係好正好新鮮, 又厚切, 係必食的, 生蠔都不停REFILL, 而且仲有八爪魚等等既刺身, 咁既價位既自助餐估唔到刺身咁OK湯粉先填完想要咩料, 再交比廚師去煮, 食落叻沙湯都幾濃, 幾有南洋風情!燒羊脾一D都唔蘇, 但都幾有羊味, 估唔到都幾好味湯有中湯有西湯, 但我傾好湯, 冇味精, 夠清甜, 有屋企湯既感覺!星洲米: 少少辣, 幾開胃焗蠔: 蠔都幾大隻, 而且用芝士焗好惹味炒通菜: 幾有鑊味, 味道岩岩好, 唔好太咸太淡雞腳: 我覺得係必食, 佢白老水去整, 隻味好好味甜品有朱古力噴泉, 去沾生果食好好味!總結D個價位有咁既質素, 性價比好高, 好唔錯呀!

聽同事講旺角有間抵食Tea buffet，今日決定睇下$129 可以食到啲咩先！☝️👀3:15 Tea buffet 就開始啦，食客都已經坐埋位等開始， 都幾滿座，唔怪得同事叫我地book定先仲有香口小食！ 香脆魚柳，新鮮炸起，好熱，要小心等一等先食！熱盤選擇都唔少， 我比較喜歡食海鮮蒸滑蛋！下午茶時光，飲番本espresso😋😋😋仲有粉麵選擇，拎張紙仔tick tick 完，比大廚，佢就幫我煮麵麵食。等約10分鐘，我碗喇沙蛋麵就食得啦！好方便🙈🙈🙈我揀左札肉、肥牛、墨魚丸，蛋麵。味道正常，淡淡喇沙味，食完都好飽肚啦！最後食埋個朱古力噴泉就滿足啦！整體而言，129抵食，超級平平。雖然與5星級酒店既500蚊自助餐都有點距離，但139咁平，任食既去邊搵！？

因為小妹最近好想食生蠔，而愛人又話想食buffet，所以不停上網咁搵下邊間buffet有生蠔食而又平平地，終於就比我見到呢間仕德福有，所以就book左兩位同愛人大吃大渴事不宜遲拎左個位之後就梗係　開　動　嚕　！冷盤個選擇都幾多架，首先梗係有小妹最愛既生蠔啦，隻隻都好大隻，而且好新鮮，食入口有海水既咸香，而且非常之creamy，係正既，所以小妹我食左好多，哈。除左蠔之外，仲凍蝦，青口，花甲同埋長腳蟹，三文魚刺身同壽司等等。長腳蟹都好新鮮，我同愛人都拎左好多隻黎食呀。（同場見到有個小胖子專食長腳蟹，我地計過佢起碼食左4X條呀）熱食食完冷盤就就熱食啦，熱食就都幾多選擇既，有焗蠔，炒飯，炒麵，菜，火龍果咕嚕肉，魚，燒牛肉，天婦羅，豬肚湯等等。要講下既係每一台都有送既蒸粉絲帶子，雖然佢無好似大陸既咁重蒜香味，但係隻帶子好鮮甜，好想食，好想再encore，可惜只按人頭送啦無得再拎嚕甜品食完冷盤，熱食後，愛人已經停晒手腳，佢真係晒料，甜品先至係戲玉呀。甜品方面都有好多選擇，基本上所有精緻蛋糕你講得出既佢都會有，最估唔到係佢有個CHEF係到即焗梳乎厘，重申多次，係即刻焗既梳乎厘呀！正呀，香濃的蛋香撲鼻

平時放題火鍋食得多，今次就選擇旺角酒店buffet價錢又大眾化 ，又有我最鐘意的生蠔任食。冷盆：生蠔，蜆，長腳蟹，蝦，青口，刺身和壽司🍣。生蠔好大隻又夠肥美，又有淡淡海水味，生蠔一出好快就拿完，又會好快不停refill,蜆和青口都夠飽滿,蝦又爽口彈牙。沙律區種類又多，自己鐘意食咩就夾咩。熟食：焗生蠔，炒菜，煮蜆，肥牛，時蔬炒魚柳，炸雞，吉列魚柳等。甜品區種類繁多。每位送一隻帆立貝，大大隻好鮮甜。又有朱古力噴泉又有水果，西瓜好清甜。有玻璃樽枝裝汽水任食。即焗疏乎厘。有甜品。以呢個價錢來說真是抵食，又有生蠔任食，食物種類都不算少，味道又好味。

中午時段，同朋友shopping 完想食自助餐又想食生蠔！ 終是入左而間而間人流都算多野食又新鮮！首先，入到黎當然就係直奔生蠔區啦🤣🤣 果然無令我失望 啲生蠔又大隻又新鮮 每次去自助餐生蠔都係要搶既，今次當然唔例外。費盡九牛二虎之力終於比我搶到兩隻。一淡咬落去，"雪"一聲就吞落肚🤣（當然都有咬既）！到無倫啊❤️❤️生蠔好大粒，食完要繼續去拎啊！！食完生蠔仲有焗蠔，又忍唔住口食左幾隻今日仲有特別餐牌——燒牛舌，但係就要排隊拎。食完兩舊發現排隊都係值得的🤣牛肉好重喔 Pancake 即叫即整，可以自己揀生果！有雜果，香蕉個d其他仲有好多例如壽司，生果，鹵水鳳爪，沙律，中華沙律。。。等等等等等接近20幾樣既熟食。更有朱古力噴泉同生果，有我鐘意既西瓜❤️ 雖然無起沙但勁甜食飽飽再食埋個雪糕，一流。完美的一餐

第一次食聖誕自助餐我就係喺呢一間餐廳，嗰陣時候年紀比較小，錢唔係話特別多所以揀咗呢一間價錢又相宜，聖誕節又有位，仲會有聖誕老人去派禮物嘅酒店，我好記得嗰一次我仲係抽獎嘅時間贏咗一個自助午餐券添。今次舊地重遊，發現佢啲食物比起之前做好左。係平日嘅晚餐竟然會有任食生蠔而且size非常之大，非常之厚肉咬落去creamy ，海水味不重。如果胃細d，食幾隻都飽。除此之外仲會有長腳蟹，青口，三文魚，八爪魚嘅刺身，選擇款式都幾多。值得一提嘅就係呢一度嘅沙律吧個款式都幾多下，有唔同種類嘅蔬菜，仲有我最鍾意嘅薯仔沙律同埋沙律螺絲粉。熟食差唔多有10幾款，有炒蜆，蒸魚，五花腩，蒸蛋，炒什菜，味道不錯，挺有火喉。仲有即叫即炸嘅天婦羅，有洋蔥，南瓜，番薯等等。熱辣辣，夠香口。相對於熟食，甜品嘅種類可能比較少啲，但係其實已經足夠。有小朋友最鍾意嘅朱古力噴泉，又會有唔同種類嘅蛋糕，同埋即製嘅pancake。三百幾蚊呢一個價錢，平日有咁多唔同嘅食品性價比來講已經非常高。仲有一點值得讚賞嘅就係呢一間餐廳嘅心思，每一晚去八點鐘都會有一個表現，今日我遇着嘅就係火焰pancake嘅表演全場會熄晒燈，火焰有漆黑閃亮，氣氛十分

近幾年經常食放題, 一個價錢任飲任食, 但自助buffet相對愈黎愈少食。早排經過旺角仕德福酒店, 門外既水牌列明價錢同埋野食既款式, 印象中款式都幾豐富, 咁岩妹妹今個月升職加薪, 於是今晚一家人就決定食餐酒店級buffet。在酒店搭lift上一層就到達德福閣, 打開lift門就見到長長既餐檯放滿食物, 雖然Dinner buffet由6:30才正式開始, 但侍應亦會先安排我地先入座等待開始時間。 餐廳呈長方, 座位間亦唔算太迫。自助餐檯上食物款式排列分明, 雖然款式似乎不算多, 但一般既冷盤海鮮、刺身、生蠔、沙律、熟食、甜品等都有供應...就連朱古力噴泉都有。Dinner buffet正式開始, 通常最受歡迎, 一窩峄衝去的都係冷盤既刺身、生蠔、海鮮....但酒店re-fill得好密, 唔擔心要等好耐先有野食。生蠔size幾大隻, 海水味重~蟹腳有d鹹, 似浸過鹽水如果唔好生蠔, 都有焗蠔選擇刺身款式雖然唔多, 但三文魚質素亦唔差天婦羅 有專人即炸, 嫌只有瓜菜類每位入座均送一隻炸蝦, 外皮幾脆, 蝦肉略爽中式熟食味道亦唔錯, 不會馬虎~ 尤其西蘭花魚塊, 魚塊嫩滑入味, 西蘭花依

這間酒店在旺角，今日放假來食個午餐自助餐先，用apps訂座可以有9折，餐廳是一出電梯就到，已經見到朱古力噴泉同甜品，地方很小的，所以一眼望晒，我們坐食物枱附近，一望就是燒牛肉，拿了一塊俾媽媽，不是好大瑰，夠淋夠入味。先拿了沙律，有雲耳，紫椰菜，豆芽，紐紋通粉，普普通通，不差的。朱古力噴泉好吸引羅宋湯，味道酸酸地開胃，有d雜菜芝士焗蠔，蠔仔細細隻，香芝士味又唔會腥有好多人呀生蠔是廚房即開拎出來，每次只是有一蝶，所以要等。大小適中也是鮮甜，唔會腥呀。生滾粥，淡了d，有牛肉，蠔仔，夠晒大碗燒牛肉冇晒，之後變了燒排骨，好靚的燒得好香，有d蜜糖係面，好好味，廚師不停反燒排骨同加蜜糖，好細心。有即整窩夫，熱辣辣加埋雪糕食，簡單絕配。食物款式也是樣樣也是有，沙律，湯，熱葷，冷盤，生蠔，生滾粥，燒牛肉，燒排骨，生果，雪糕，朱古力噴泉，甜品，窩夫，pancske，地方小小，好厲害

今日同家人行經旺角搵食lunch.經過德福閣見到有lunch buffet食！望一望個價錢！咁平既？！😍唔洗二百蚊😍。即刻上openrice睇下有啲咩食先！見都幾多選擇，家人聽到食buffet就好興奮咁，一於睇下即刻walk in有無得食先！上到去都好full,幾驚無得食。好彩都有枱！😉一放低d野之後，梗係要飛過去刺身部先啦！🍱都有三款刺身！咁岩師傅拎左盤新鮮既出黎！即刻引黎左好多人！🤣三文魚d質素都唔錯。有三文魚腩位😁食落都新鮮肥美。唔會話唔夠凍。😋最令人驚喜係，200蚊都唔洗既自助餐，竟然都有生蠔食！真係食幾隻都賺番哂呀！而且d蠔唔會話好細食。食落係新鮮既，加埋檸檬汁同茄汁落去，味道更鮮甜。唔錯！除左刺身之外，日式野都有提供壽司，冷喬麥麵等等。當然唔少得係沙律吧！熟食方面：有芝士焗生蠔！😍😍濃濃既芝士一齊焗，生蠔好juicy!熱辣辣。邪惡炸雞🍤青口蒸蛋:蒸得夠滑！有陣青口既鮮味。炒麵，蒸包，蘿蔔牛腩（d蘿蔔炆到好入味好腍！） 中西式湯：忌廉湯都幾好飲，有一粒粒既火腿粟米 ，飲落好有口感！😊味道夠濃！即叫既煮：生滾粥😋自己點餸。選擇多！既切牛扒😋😋切得夠薄，唔驚會食到好飽。牛扒都幾嫩

有人請食自助餐緊係要即刻舉手舉腳話要去🙆🏿‍♀️今次仲要帶我黎到德福閣😍口水流到一地都係🤤🤤見時間仲早，偷偷地影多幾張圖俾大家先 （記得唔好騷擾到啲職員準備晚餐呀🙆🏿‍♀️）以前放學成日都會經過呢間酒店，但一直都冇為意原來佢哋入面有得食自助餐😜😜自助餐係晚上六點半先開始，不過人有三急所以職員整咗張匙卡畀我哋去餐廳嘅廁所😅去廁所要用佢哋嘅匙卡先去到🙆🏿‍♀️好啦講返正題先一入到去餐廳第一眼畀佢哋一大堆甜品包圍住。而我最鍾意食就係佢哋嘅啫哩，在場嘅小朋友都係咁拎😋😋而且環境舒適，我哋有幸被安排到坐喺窗邊位，慢慢談心，拎野食都好方便🤣雪糕任食㗎！口味都幾多❤️❤️而且佢哋仲有其他飲品都係任飲嘅，例如支裝汽水啤酒等等，仲要好夠凍💖💖熱食既選擇夠曬多，而且上菜嘅速度都非常之快，轉眼又俾人full滿唔錯唔錯😍😍仲未夠鐘入去，偷偷地影住張牛嘅畀大家睇🤣海鮮刺身選擇都唔少㗎，而且放心底下仲有一堆冰雪住。媽媽最鍾意食就係佢哋嘅長腳蟹，唔會好咸，所有海鮮刺身都夠哂鮮！😋😋d呢到就有我最鍾意嘅沙律吧，最特別嘅係佢哋有荔枝肉😍😍都唔知食咗幾多大碗🤣🤣一到八點鐘仲有佢哋嘅重頭戲，就係法式火焰香橙班戟。成個餐廳都會熄曬燈，

 今天和老公去了新寶戲院買飛睇戲， 午飯未食，打算食個tea hea一hea先。 暑假街頭熱辣辣不過都好多遊客拖住喼， 星期六下午好多食肆都人頭湧湧。 記起之前個friend話士丹福酒店tea buffet 平平地坐吓hea 非常 good fit， 即管過去望望。 竟然都仲有位，安排了窗邊位置， 價錢$129已包加一。 個場差不多都有九成滿座， 冷盤熱盤就放在場中間， 所有食物一目了然。 冷盤有自助沙律， 冷麵凍蝦青口和壽司。 款式唔多。 估唔到凍蝦蝦肉結實鮮甜， 青口冇咩味道。 唔算太多人去排， 店員也極速refill。 唔少得的中式粉麵档。甜品水果一應俱全。 估唔到細細規模仲有朱古力噴泉。 甜品細細份， 做得精美。 試了班蘭布丁， 但沒有班蘭味道。以下午茶為主的自助餐當然少不了即製pancake， 聞到很香蛋味和牛油味。 仲有熱辣辣窩夫， 配上特製醬汁水果一樣美味。杯裝雪糕只供應雀巢細杯裝。 飲品都是自取。 橙汁唔係鮮榨且味道較淡。 還是按一杯鮮奶咖啡較穩陣。碗仔翅非常足料。 綠豆沙熱辣辣有海帶和臭草味， 唔錯呀!鹹蛋黃杞子雞肉蒸飯 這款蒸飯唔錯細細碗有飯香。 其它常見熱葷， 炸

上星期朋友約了我去吃自助餐，他說是在旺角的一間酒店來的。想一想我也很久沒有吃自助餐了，因為覺得自己食量不多，吃自助餐並不化算。這間酒店地點很方便，我找了一找便找到了，而且這裏環境很舒服，可以讓我們舒舒服服地吃一餐自助餐。雖然這裏的食物選擇並不是很多，但這裏的食物也是很合我胃口的，而且我喜歡的食物大多數都有，除了熟悉之外還有壽司沙律及生蠔等等而且每人送了一客炸帶子，帶子很新鮮，而且醬汁也很特別，是帶了一點藍莓味，味道酸甜的。而且這裏還有我喜歡的牛扒，牛扒很嫩，牛肉味很重，我揀了燒肉汁，味道很配合呢！另外我也很喜歡這裏的甜品，選擇也很多，而且味道不算很甜，所以我很喜歡。這是梳乎厘，熱辣辣的，而且我很喜歡這個大細，梳乎里外脆內軟，焗得恰到好處，而且內裏充滿蛋白香味所以我一口氣吃了三個最後我吃了一個雪糕作為一個完美的總結，我發現了這裏有很特別的芝麻味雪糕，而且芝麻味特別香濃

花費百多元就能吃到酒店的自助午餐，而且還有生蠔食，除了德福閣，還能去哪裏？現在自助午餐還有八折，問你心動未？位於旺角豉油街，德福酒店閣樓的德福閣，每日都提供自助午餐及晚餐，午餐由＄１３８起，晚餐＄２０８＋，而且還有折扣。一出電梯，長長的自助餐上，放滿琳瑯滿目的食品這裏的飲品也是自助，不用再花錢叫飲品。迷你小蛋糕，可愛得意，小朋友一個接一個地吃不停。這裏除了肉食，為了顧客們的健康，也提拱了各類蔬菜，非常體貼。脆卜卜的抄面，加上肉炒三絲，很地道港式面食。醬鴨，蟹子沙律，應有盡有。又大又鮮甜的生蠔，任食，去哪還有？！在外面叫一隻，最平便也要＄４０一隻吧，食四隻，成本都賺回來。不同種類的沙律吧即叫即做的湯粉面小朋友至愛的巧克力噴泉大廚為你提供即場做的Pancake甜點

平時都唔係經常會去食自助餐嘅人，被朋友燒到，德福閣嘅自助餐價錢抵食，又質素唔錯咁話，揀左個星期六去試試。今日就同家人，一早起身去到旺角試下。香港其實有不少呢D中型酒店，都有提供午餐或者下午餐buffet，呢度嘅價錢唔貴。連同訂座折扣，假日都係200蚊內。來到時12點有多，全場滿座咁濟，我都好驚訝原來有咁多人喜歡中午自助餐。可能因為價錢平啦，好多客人都係一家大小，幾適合家庭聚餐坐低之後，就急不及待睇下有D咩食，首先由冷盤到熱葷、甜品、飲品都齊，自助沙律、刺身、生蠔、燒牛仔肉、餐湯、熱葷十多款、中西式甜品等，咁以呢個價錢而言，選擇都幾多。冷盤有煙火腿、涼拌、牛肉粒、煙鴨胸等刺身有三文魚、八爪魚兩款，任拎自取，另外亦都有D雜錦壽司，廚師都fill得快，一見有吉碟，就換盤新嘅出來。質素中規中矩，都可以接受。生蠔由我地坐低到離開眼見到添左3次，我地每次都拎到，生蠔都幾大隻，夠肥，鮮度就一般般啦。但呢個價位有蠔食，都收貨燒牛肉即切，切得厚身，燒得比較熟D。旁邊有日式湯麵區，可供選擇烏冬、拉麵，配叉燒、獅子狗、墨丸等等。餐湯分中、西式，分別為冬瓜綠豆薏米煲老鴨、芹菜蜆肉忌廉湯，試左中湯，熱辣辣，又夠