德福閣

营业中

休息中

第一次去食，想淨係食生蠔就得，其他熱食得少少，係時唔得嘅，壽司得個小小，甜品又唔得，用麻coupon 都三百元一位，我另願食放題好過食這間自助餐。一啲都唔掂。垃圾自助餐

以平日自助午餐$128/位，交通又便利，質素算是合理。彈點：坐位較窄；食物款式較少，尤其熱葷，味道好麻麻；甜品算難食，不過都有水果揀，同埋nestle 杯裝雪糕，豆腐花等。無魚生，得壽司。多爭食食客（不過應預咗），多享受生活既叔叔嬸嬸，遇著做團都幾煩。讚點：食物refill 快，侍應收碟快；有肥美生蠔，同埋每十隻十隻refill, refill 都快，d客搶完一大輪，最後還有多餘放係度。有燒牛肉，生滾粥，自助咖啡，蘋果汁。都係果句，$128仲想點，尤其而家外出食野貴，除非你要求高，但如要求高，你亦都唔會揀間$128既自助午餐喇!同朋友傾吓偈，都係一個不錯既選擇，請埋對方又如何!食連鎖快餐店，現在都$40~50/位，現在講緊有生蠔同燒牛肉，hea 下坐返兩粒半鐘，算係咁。

傻奸奸唔知道原來8半後冇哂生蠔我們8點入席只能食到一彎真係好唔甘心下次會6點去食 補返數各位蠔粉記住唔好步我後塵!的確個生蠔好唔錯 很清淡的海水味豐滿的肉感鮮味十足食到半打 就翻本了！失落了大察生蠔 驚喜在有料的梳乎里我所指有料 是說食落有口感有質感明我講的自然會懂的畢竟口味各異, 請勿見笑。同場有即做banana pancake朱古力fountain 及幾款蛋糕很難吾會吾好食 哈哈少食多滋味 人老了 食buffet再不是鬥食得多而是食得舒服最後要說的是服務員的態度很好值得讚👍

上網想搵啲又平又有蠔食嘅自助餐，決定揀呢間。由於價錢合理，所以餐廳差唔多坐滿客人，餐廳座位較密，枱同枱之間嘅空間較小。其實食物款式選擇唔多，但係好多都啱我胃口，所以呢餐好滿意。海鮮吧有生蠔，涷蛇，蜆，青口。蠔好大隻，雖然唔係即開，但都新鮮肥美，其他都新鮮，蝦肉都算結實。刺身係切好自助嘅，但係每次拎出嚟好快比人攞晒，品質可以，無特別。焗蠔好味，其他熟食一般，無特別差但又無特別出色。甜品有焗疏乎厘，可惜用料不足，每晚八點有香橙火焰班戟表演，不過唔好食。

今年公司團年飯在這𥚃，因為老闆娘愛吃生蠔，而我就姑且一試吧我們被安排在酒吧附近位置，可以自成一閣，而這層都有成千呎，可以坐百幾人。一去到就第一時間攞生蠔及魚生，生蠔幾大隻同比較厚身，有少少海水味，唔腥👍👍至於三文魚生可以，另一樣魚生只屬一般，藍青口就比較細隻，而且無味。赤蝦刺身都幾新鮮同幾好味，可惜只食得一隻，再攞都冇啦。焗生蠔－焗到生蠔好細隻，可以不吃。😅😅法式焦糖燉蛋－冇獨立包裝，所以冇試過。熟蝦－都算新鮮😋😋👍燒牛肉－有牛肉味，不過質素只屬一般。沙律都有幾款選擇－正常味道焗海螺－每人一份，螺肉都算大同彈力。甜品：火焰班㦸－每晚八點表演一次，班㦸有點橙味，好睇唔好食。梳孚厘－全都是粉，麻麻😰海鮮燉蛋－燉蛋都幾嫩滑👌飲品有啤酒－金威啤酒任飲橙汁－唔係果汁先生，好淡天然維他命水－蒸溜水＋生果，有少少生果味。侍應服務都幾好，換碟快，有笑容😄😄如果以＄250嘅質素，都算超值👌

老闆娘看到飲食男女，推介呢間自助餐，所以今年公司團年飯在這𥚃，因為她愛吃生蠔，而我就對這個300幾蚊8折，折實＄250.2，的自助晚餐就抱著不大期望，可以一試。我們被安排在酒吧附近位置，可以自成一閣，而這層都有成千呎，可以坐百幾人。差不多6:45到達，第一時間攞生蠔及魚生，生蠔比較厚身，有少少海水味，估唔到二百零蚊自助餐都有生蠔食，仲要有些水準。至於三文魚生可以，另一樣魚生只屬一般，藍青口就比較細隻，而且無味。赤蝦刺身都幾新鮮同幾好味，可惜只食得一隻，再攞都冇啦。焗生蠔－焗到生蠔好細隻，可以不吃。法式焦糖燉蛋－冇獨立包裝，所以冇試過。熟蝦－都算新鮮燒牛肉－有牛肉味，不過質素只屬一般。沙律都有幾款選擇－正常味道焗海螺－每人一份，螺肉都算大同彈力。火焰班㦸－每晚八點表演一次，班㦸有點橙味，好睇唔好食。梳孚厘－全都是粉，麻麻😰海鮮燉蛋－燉蛋都幾嫩滑👌飲品有啤酒－金威啤酒橙汁－好淡天然維他命水－有少少生果味侍應換碟速度都很快，服務都幾好👍如果以＄250嘅質素，都算超值👌

連加一$150既午市自助餐，都唔預有乜好野食。魚生得兩款，冇驚喜。燒牛仔扒算ok。沙律正常。生滾粥，唔錯。熱食，冇乜幫襯，個三文魚腩都算ok。當然，最緊要係食生蠔，唔係點返本？d生蠔算新鮮，夠肥美，冇腥味，補充得幾快，抵讚！

平價自助酒店晚餐自助晚餐 平日$264.1 假日$278 (連加一) 整體可以味道整體大部份正常都叫抵食，已經比我有驚喜…這酒店以一張長桌加燒牛肉位和飲品位，3張桌以任食生蠔 做主打，待應話係紐西蘭蠔 ，食落去吾好預有咩海水味，但夠厚身同味道可以，但再之後幾碟就差點，但都叫不停供應…大約1.5小時左右，2030左右就結束，所以如果想食蠔朋友最遲7點到會好點…朋友最後食左30隻法式火焰香橙班㦸French flame crepe suzette……8點仲有火熖班㦸，這個好味喎，必食咁既價有生蠔，有沙律（吾得，粟米和麵包粒怪味），燒牛肉味道吾錯又夠嫩身，湯有中西湯（中湯好味），有刺身（驚喜ok,但得2款）壽司（5-6款），仲有熱食大約十款和甜品，啤酒任飲，咖啡和 #雀巢 雪糕

一班朋友約埋提早做冬，準時18:30前已到，睇左一轉有乜野食，坐定定等開餐，目標係生蠔，黎之前都睇左好多食評話生蠔唔得，一心唸住以呢個價錢唔預食d乜好野喇 .....但無期望就無失望，生蠔估唔到好大隻好味喎，一開始好多人排，第一轉我都攞左4 隻，之後見無咁多人先再攞，唔洗迫 .....其實野食選擇係唔多，每樣少少，但我覺得唔可以同4xx以上果d比，2xx一位我覺得可以接受。位唔多，但星期1都滿座，下次可以同老公去再食過

今日因爲groupon優惠試咗呢度，質素低既程度係個人認為無可再差！佢有幾個最，希望經營者反思，唔好再羞辱香港既名聲。1. 第一次食咁難食既生蠔2. 大部分野食都好難食，仲有梅菜扣肉，炒麵，呢啲算比較正常少少3. 甜品仲正，未食過咁既味既楊枝甘露，無味既班䕡芝士批、芒果布旬4.手撕雞雲耳，refill果碟係全雲耳5.包鴨肉既皮個籠入面個有虫我好認真希望大家唔好因爲任何優惠中伏，間餐廳太無心做食物，仲要係一間酒店，對本港人，外地人同食物，都係一種羞辱，望早日改善！

用openrice coupon 食平日既自助午餐見到食評話百鬆啲有生豪食就黎試下！生豪唔算好肥美，但算新鮮，開頭要睇住出新去拎，refill 得快，去到後期無物人拎，一定有熱食有粥，麵，豬扒，雞翼，蒸蛋等都好夠熱同脆口凍食有凍蝦，壽司，冷麵，沙律等，新鮮夠凍，但無海鮮醬，食海鮮爭啲甜品有蛋糕，凍餅，即整pancake ，雪糕等，細細件，樣貌同味道都幾好仲有個楊枝甘露，好濃郁，但濃得有啲奇怪，好假既感覺有咖啡機，加雪糕沖，一流！百鬆啲價錢差不多，可以一試！

今晚我們去咗旺角仕德福酒店嘅「德福閣」食自助晚餐！本來我們好滿心歡喜咁去食，點知最後係失望而回！他們嘅主題所話係國際海鮮美食，海鮮款式種類唔係好多都已經算啦，所謂有嘅生蠔同刺身攞出嚟嘅次數同份量都超級極之少，攪到每個人客都要衝出嚟強搶食物咁！一碟生蠔祇有八隻，真係唔知夠邊個分？如果真係咁唔想畀人客食嘅話，就索性將啲食物收埋晒去，唔好做自助餐啦！生蠔同焗蠔都係腥㗎！三文魚刺身都幾新鮮！但壽司嘅魚生就一啲都唔新鮮，色澤瘀黑，好似死魚咁！老火例湯係苦㗎！橙汁係溝水㗎！其實作為一間酒店嘅自助餐食物嘅出品同質數竟然差過一間日式放題店，真係唉⋯⋯

登登登登，一年一度最重要的日子，就係我的生日，對我來說，生日是一個令我又愛又恨的日子。因為不論親人，朋友，同事都會與我慶祝 ， 一起去食盡不同的美食，而發胖的日子亦離我不遠。 令年第一餐生日飯是朋友陪我渡過的，揀選的地方(德福閣)，吃自助晚餐，由於之前都有看過有關報導，所以對其供應的食物都沒有太大冀望。當晚最令我印象深刻及值得推介的是長腳蟹，田螺焗薯蓉及海鮮蒸蛋。長腳蟹的供應相對少及慢，但是長腳蟹新鮮，無過多的水滲出，很容易拆出整條蟹肉，又不會過鹹，多吃幾條就值回票價。田螺焗薯蓉，其實我不太會選擇吃田螺，但係覺得今次吃的田螺焗得恰到好處，而配搭的薯蓉幼滑黏口，只可以講一，所以我忍不住，前後共吃了四個。海鮮蒸蛋，分別有鮮蝦蒸蛋或青口蒸蛋可以選擇，不過不論是鮮蝦或是青口，材料新鮮，令普通的蒸蛋生色不少。

碰巧相識紀念日，同老公去旺角的Stanford Hotel食自助餐。未知是否不是假日的關係，食物款式比較少，令人有點失望。海鮮雖然有生蠔及蟹腳供應，但份量很有限，一上盤很快便被鄰桌的大媽兵團掃清了；生蠔新鮮，但味道很淡，質地散。蟹腳更可說是完全無味可言，肉質亦不太堅韌。熱盤方面不吸引，選擇少，味道普通。至於甜品方面，生果盤可算新鮮，但其他甜品質素很一般。唯一有趣的環節是有火炙pancake表演，時間一到便剎有介事的全場熄燈，然後有師父即場炮製，即做即食，溫度夠熱，味道頗不錯！

廣告標榜有生蠔、松葉蟹腳、煙三文魚。晚飯時間，煙三文魚完全未見過，生蠔的確有，小家到加零一，出一盆約二十隻，一小時也出不到一盆，檸檬塊欠奉。蟹腳每次出約一磅，你搶不到就沒有，由19：30-21：00都沒有再補放。燒牛肉檔預切牛肉塊，你要吃就施捨你一塊，牛肉可能反複烘燒，肉質偏乾實欠肉汁牛肉味。剪報coupon$250一位，這個價錢，若果吃不到煙三文魚，要超死相搏老命和其他客人搶奪，才吃到三四隻蟹腳或四五隻生蠔，否則就吃Precooked預煮的街頭街尾般廿多三十元的三餸一飯貨色食物，吃八次也不用$250。虧他們做得出﹗