影片
更多
2018-07-29
321 浏览
第一次食聖誕自助餐我就係喺呢一間餐廳，嗰陣時候年紀比較小，錢唔係話特別多所以揀咗呢一間價錢又相宜，聖誕節又有位，仲會有聖誕老人去派禮物嘅酒店，我好記得嗰一次我仲係抽獎嘅時間贏咗一個自助午餐券添。今次舊地重遊，發現佢啲食物比起之前做好左。係平日嘅晚餐竟然會有任食生蠔而且size非常之大，非常之厚肉咬落去creamy ，海水味不重。如果胃細d，食幾隻都飽。除此之外仲會有長腳蟹，青口，三文魚，八爪魚嘅刺身，選擇款式都幾多。值得一提嘅就係呢一度嘅沙律吧個款式都幾多下，有唔同種類嘅蔬菜，仲有我最鍾意嘅薯仔沙律同埋沙律螺絲粉。熟食差唔多有10幾款，有炒蜆，蒸魚，五花腩，蒸蛋，炒什菜，味道不錯，挺有火喉。仲有即叫即炸嘅天婦羅，有洋蔥，南瓜，番薯等等。熱辣辣，夠香口。相對於熟食，甜品嘅種類可能比較少啲，但係其實已經足夠。有小朋友最鍾意嘅朱古力噴泉，又會有唔同種類嘅蛋糕，同埋即製嘅pancake。三百幾蚊呢一個價錢，平日有咁多唔同嘅食品性價比來講已經非常高。仲有一點值得讚賞嘅就係呢一間餐廳嘅心思，每一晚去八點鐘都會有一個表現，今日我遇着嘅就係火焰pancake嘅表演全場會熄晒燈，火焰有漆黑閃亮，氣氛十分
今次舊地重遊，發現佢啲食物比起之前做好左。係平日嘅晚餐竟然會有任食生蠔而且size非常之大，非常之厚肉咬落去creamy ，海水味不重。如果胃細d，食幾隻都飽。
除此之外仲會有長腳蟹，青口，三文魚，八爪魚嘅刺身，選擇款式都幾多。
值得一提嘅就係呢一度嘅沙律吧個款式都幾多下，有唔同種類嘅蔬菜，仲有我最鍾意嘅薯仔沙律同埋沙律螺絲粉。
熟食差唔多有10幾款，有炒蜆，蒸魚，五花腩，蒸蛋，炒什菜，味道不錯，挺有火喉。
仲有即叫即炸嘅天婦羅，有洋蔥，南瓜，番薯等等。熱辣辣，夠香口。
相對於熟食，甜品嘅種類可能比較少啲，但係其實已經足夠。有小朋友最鍾意嘅朱古力噴泉，又會有唔同種類嘅蛋糕，同埋即製嘅pancake。
三百幾蚊呢一個價錢，平日有咁多唔同嘅食品性價比來講已經非常高。仲有一點值得讚賞嘅就係呢一間餐廳嘅心思，每一晚去八點鐘都會有一個表現，今日我遇着嘅就係火焰pancake嘅表演全場會熄晒燈，火焰有漆黑閃亮，氣氛十分好。
张贴
