德福閣

营业中

休息中

今晚去旺角仕德福酒店的德福閣吃自助晚餐，餐廳雖然面積不是很大，但食物種類多，侍應有禮貌和勤快添加食物。 有小朋友喜愛的朱古力噴泉， 隔時段推出的熱辣辣梳乎厘和限時推出的法式火焰香橙班戟，令到客人時刻保持情緒高漲😬， 值得一讚。 海鮮類冷盤有長腳蟹爪、生蠔、 青口、凍蜆、白灼蝦、 雜錦刺身和壽司等等。 熱葷有咕嚕雞球、炒蜆、 麻辣肥牛、香蒜意粉、酥炸魚柳、豉椒泥鯭魚、椒鹽燒豬柳、烤鴨腿、焗蠔丶燒牛肉和海鮮雜菜鍋。 沙律方面有數款可供選擇，甜品方面有楊枝甘露、 各款西式蛋糕丶布甸丶印尼糕點、雪糕和即製鮮果班戟。另外亦有鴨胸肉、白雲鳳爪、沙樂美腸伴鮮茄。 這自助餐有供應免費啤酒給成人任飲，至於小朋友方面，也有蘋果汁、樽裝可口可樂和橙汁等等。 這自助晚餐還有一個小小驚喜，就是每位客人都可享用一隻吉列虎蝦連甜酸汁，蝦肉 Q彈大隻，非常美味! 另外星期六、日和公眾假期還有八五折，連加一也只是剛過三百，十分抵吃!

之前已經聽過呢間酒店嘅自助餐好抵食，今日就一於去試下。由於比較full嘅關係所以我地要坐係酒吧區。食物嘅種類都好足夠，海鮮方面有長腳蟹、生蠔、刺身等等，生蠔每一隻都好大隻同肥美，而且refill都好快，唔洗驚無得食。至於熱盤方面選擇都幾多，最正就係燒牛肉同焗壕，燒牛扒中間可能會比較生，但係好重牛味，而焗壕最正就係好多芝士。最後甜品方面有即叫即整嘅pancake，入面嘅配料可以自己揀，我個人認為最正就係香蕉同cream，同pancake好搭。另外仲有好搶手嘅疏乎厘，每一次出爐都要排隊，唔會太甜而且好鬆軟。

在同事的介紹下來到旺角這間德福閣享用自助午餐，其位置在洗衣街公園後面，位置好方便。就以自助午餐來說，這個價錢在同區非常優惠。生蠔方面，供應非常快，優點是生蠔自取，不是每次只限兩隻，生蠔非常新鮮肥美又大隻，生蠔味很重、很creamy，怕生食可選擇焗蠔，味道也不錯；沙律方面，有很多配料，有煙肉、煙鴨胸和火腿等；熟食方面亦非常多選擇，粉麵檔方面，有喇沙和清湯湯底給你選擇；甜品方面，選擇也算多，有本地的雪糕杯提供，接近下午一點時候有職員製作pancake，在旺角區中午自助餐是一個性價比高的選擇。

在朋友熱烈的介紹下來到旺角這間德福閣享用自助午餐，位置在洗衣街公園後面，位置十分方便。自助午餐來說，這個價錢在同區非常優惠。生蠔方面，供應非常快，優點是生蠔自取，不是每次只限兩隻，生蠔非常新鮮肥美又大隻，生蠔味很重、很creamy，怕生食可選擇焗蠔，味道也不錯；沙律方面，有很多配料，有煙肉、煙鴨胸和火腿等；熟食方面亦非常多選擇，粉麵檔方面，有喇沙和清湯湯底給你選擇；甜品方面，選擇也算多有本地的雪糕杯提供，接近下午一點時候有職員製作pancake，在旺角區中午自助餐是一個性價比高的選擇。

一月又到我的生日，因為不想家人破費，家人預先找到了仕德福酒店，訂了位，一至五晚餐$308，現在還有晚餐85拆優惠，完全是抗通脹消費！座位離自助區很近，方便拿東西吃！雖然自助餐的價錢非常親民，但是質素一點也不馬虎，食物的種類有冷盤、熟食、海鮮、肉類到甜品，種類都非常之多，還有每人一位蟹肉釀糯米飯！冷盤種類有各種沙律菜、蔬果，不同醬汁。還有牛扒，有好香濃牛肉味，配黑椒汁好好食！最吸引是海鮮那部份，想不到這麼親民的價錢，都會有生蠔供應，而且生蠔的size一點也不細，質素也不錯啊，我一共吃了半打！另外還有一些蟹腳、青口、蜆，都好新鮮！芝士帆立貝都好好食，有好香濃的芝士味！熟食我比較喜歡炸蝦卷，香脆又彈牙！父母比較喜歡鹽燒腩肉！每人一份的蟹肉釀糯米飯，父母都很喜歡，蟹肉的鮮甜味沒滲入糯米飯中，糯米飯煙韌有口感！甜品的種類也有很多，有廚師即製的疏乎厘，充滿蛋香又軟綿綿！也有不同種類的蛋糕仔、芝士蛋糕，芝麻大菜糕、啫喱仔等等！還有各種水果！飲品竟然有支裝汽水，弟弟見到好開心！大家都食得好飽好盡興！

要搵抵食既生蠔任食BUFFET都真係有少少難度,間間D價位都要過500$, 今晚就俾我搵到間幾抵食既BUFFET, 埋單都係三百零一個人!!! 德福閣係旺角, 位置都幾方便, 我地7點就入坐仲可以食到9點半唔會趕你走! 一入到去梗係去左拎生蠔先, 但點知得番兩隻, 但行多一個圈又話咁快REFILL左, 掛住夾野食都冇影到佢REFILL 完係幾咁壯觀, 餐廳一D都唔姑寒,REFILL 左鋪滿哂成個擺位~~唔駛驚唔夠人搶!!! 除左生蠔,佢仲有凍蝦、蟹等等~都好鮮味,D 蝦好彈,我都食左好多隻~~~ 講左咁多野食都唔記得講下佢D 位,我地坐2人枱, 張枱比較細張同有少少迫, 同埋呢晚都坐滿哂~ 不過迫得黎都幾熱鬧~! 食到咁上下佢有個蟹蓋釀糯米飯送,熱辣辣咁非常之好食!!!! 不過一人得一個嫁咋! 除左海鮮,佢仲有刺身~ 切好左放左係凍櫃度任夾, 三文魚等等都好新鮮! 唔錯! 熟食方面都有好多款, 同埋D 炸物都好脆口,唔會講放左好耐淋哂咁!野飲都係係出面任拎~ 有咖啡、奶茶等等同埋仲竟然有玻璃樽裝可樂!!!! 呢度都有好多甜品! 仲有梳乎匣同PANCAKE即整! 好正! 記住留肚食!

朋友介紹旺角有度好抵食嘅晚上自助餐，我一於訂咗四位同家姐一齊慶祝生日。呢間餐廳其實係位於旺角嘅仕丹福酒店閣樓，一上到去，門口接待處職員有禮貌、親切的招呼，之後就安排入坐。唔好睇少呢度地方細細，但係野食嘅種類都幾多！首先，有新鮮即燒即切嘅牛排同火雞肉，可以加黑椒汁或者燒汁一齊食，肉質都算唔錯，幾嫩同唔韌。肉類隔離就係焗芝士同鮮茄帆立貝，個芝士帆立貝要大讚，因為芝士味實在調較得非常好，好香濃，大家一定要試吓！第二個本人認為好食嘅就係府城蝦卷，佢炸得非常香脆，外脆內軟，入面粒粒蝦肉，熱辣辣，好正！第三個好味嘅就係鹽燒豬腩肉伴胡麻醬汁，豬腩肉唔會好膩，食落口係會有融化嘅感覺，唔錯！除咗呢啲肉食之外，海鮮同壽司都好食㗎，有大大隻新鮮生蠔、大蝦、大蜆，粒粒鮮甜；至於壽司就有大量三文魚同油甘魚刺身，都算肥美。到晚上八點左右，侍應姐姐告知會有法國田螺串燒，我哋準時去拎咗，由於太好食嘅關係，我唔記得影相就食咗。。。因為熱辣辣，好好味！仲有無限量嘅中華沙律提供，肉類同蔬菜類嘅食物都好平均，係好嘅現象。食完主菜就到甜品，呢度嘅甜品種類都算幾多，款款都好精緻，非常吸引！呢度比到我一個大驚喜，就係汽水任飲之餘，

媽媽鍾意食lunch buffet，同佢黎食weekend brunch，貪佢咩都有得食，每樣食少少有得揀幾開心!!冷盤最吸引我嘅係三文魚刺身同生蠔，三文魚刺身非常厚切而且肥美，生蠔今次只係淺嘗兩隻，未到非常新鮮但可接受!! 呢度熟食有大約10款，有芝士焗生蠔，每款熟食食咗少少，最愛咕嚕雞球同埋西蘭花炒臘肉!! 幾特別有個芝士火鍋!! 個粥有驚喜，啲粥煲到好綿好好食，唔覺意食咗兩碗!! 粥檔隔離仲有燒牛肉!! 甜品都有幾多選擇，Pancake即叫即整好食，楊枝甘露同埋豆腐花都唔錯!! 雪糕揀咗沖繩海鹽味，藍色雪糕同係沖繩食到嘅都好似!! 飲品主要就飲咖啡機嘅咖啡!!

聖誕想同女朋友食餐氣氛好啲但又唔貴嘅餐廳，驚喜地發現到仕德福酒店有一個價錢合宜嘅自助餐。一入餐廳有聖誕裝飾而且全場爆滿，睇黎都有唔少人被呢間既性價比吸引咗黎，款式唔算太多但該有的種類都有。呢個buffet既highlight係生蠔任食，大大隻可以過足口癮! 另外仲有幾款刺身/壽司同簡單海鮮選擇熟食種類都多，魚牛雞豬羊，該有的都有，亦都用唔同嘅烹調方式，唔會太單調每位客人都送吉烈大蝦一隻，雖然唔係好特別，但都顯出餐廳有花心思額外安排飲品任酙任飲非常正，有高成本瓶裝汽水、即磨咖啡、柚子蜜、果汁等等極多選擇，算是一個驚喜甜品尚算精緻，味道賣相亦不錯另外一個大驚喜係餐廳喺8點會通知食客廚師會表演特製一份火焰香橙pancake，之後觀眾都可以一人獲得一份，有得睇住過下癮又有得食，認真不錯！

好耐無食自助餐，去開旺角行過見到仕德福酒店見到有自助餐食，星期六日都係$323一位 ，就去試下。六點半正式可以拎野食，見到有生蠔、長腳蟹、蝦。我地就先拎左生蠔同長腳蟹。生蠔大大隻，食落去重海水味，好creamy，好新鮮。長腳蟹都好鮮甜，肉質帶嚼勁。兩樣野都會不停refill，唔怕無得食。仲有刺身、熟食、甜品等等，例如三文魚刺身、炸蝦卷、魚柳、芝士蛋糕、楊枝甘露，野食多樣性，特別推介梳乎厘，即整的，蛋味香濃 ，又軟屬！甜品係勁多，仲有即刻焗嘅疏乎厘。飲品有汽水同咖啡機中意食生蠔同長腳蟹就要試下，平日再平啲。

今日去左仕德福酒店食午餐自助餐，呢度其中一個特色係午餐都有生蠔食。有蜆，有蠔，有壽司，雖然壽司的款式不是好多，不過食落都好okay。熱食有三色蛋，鴨胸，牛排，雞腿，粥。呢度的菜式都算多元化。最值得推介的是甜品，呢度有現場即整的pancake，有得自由選擇餡料。仲有成個甜品櫃，朱古力噴泉，雪糕，岩晒我呢d甜品發燒友～個黑都豆腐花真心好食，入口即融，又唔算太甜。個場唔算好大，係酒店一樓，行樓梯上去一層就得了。

今天和家人到位於旺角鬧市中的仕德福酒店內的德福閣吃晚市自助餐。我們大概夜晚7:00到達餐廳，是應立即安排我們入座，便提醒我們自助餐於晚上九時半完結。餐廳環境舒適，裝修風格時尚，在餐廳的中央位置擺放了所有的食物，林林總總。這個自助餐有冷盤、熱盤、甜品和自助飲品區。冷盤方面有各式各樣的海鮮魚生蠔、青口和蝦。生蠔十分大隻！而每位客人都有一份炸大蝦，熱辣辣十分好吃。我拿了一些冷盤有一些沙樂美腸、枝豆和冷麵。我還拿了一塊燒牛肉和烤火雞。肉質鮮嫩， 十分好吃。甜品方面我最喜歡的是楊枝甘露，香香甜甜的，充滿芒果味。然後梳乎厘焗得漂亮，不會太甜。即整的鮮果pancake也很好味，我選擇了花生醬、香蕉和忌廉作餡料。到了最期待的畫面，是師傅即場整法式香橙pancake。師傅會大約在晚上八時關上部份的燈光，便在pancake面上淋上酒，漂亮的畫面就出現在每一位食客面前。法式香橙pancake甜甜酸酸的十分開胃，很好吃。

就到Christmas，好耐無約好朋友撐枱腳，見今日星期日，就同朋友食餐好嘅。揀左旺角Standford Hotel嘅德福閣，喺酒店嘅閣樓。一黎到職員好快就帶我地入座，都幾full。一黎到就比生蠔吸引左，估唔到二百幾蚊嘅lunch buffet有生蠔食，而生蠔好受歡迎，值得一讚嘅係酒店會keep住refill，所以唔驚食唔到。食落都好新鮮，味道唔錯。刺身同壽司都好新鮮，有三文魚、八爪魚同其他魚，都有啲款式。湯有中湯同西湯，中湯係冬瓜薏米湯，無味精味， 幾好。西湯係忌廉青口湯。熟食方面都有幾多選擇，中西式都有。我食左自選配料即煮生滾粥，我試左魚片粥，都ok。仲有香草煎三文魚、鹽燒牛肉、鴨、等等。另一個最吸引我就係即叫即整嘅自選配料Pancake，我試左雜果+香蕉+花生醬Pancake，外面再加左朱古力醬，熱辣辣好好食，唔會太甜。總括黎講，呢餐性價比好高，二百幾蚊就冇生蠔刺身食，非常之抵。

同屋企人到德福閣食個酒店午餐自助餐，大約12點鐘開始， 酒店餐廳已坐滿客人， 之前食過這裏的下午茶自助餐感覺唔錯， 地方雖小五臟俱全👍🏻， 最緊要收費非常抵， 午餐折實之後只需要百幾蚊一位， 仲平過出面的日式放題。 一入到門口已經看到甜品櫃， 每一件蛋糕都很精緻， 還有我最愛的朱古力噴泉。 熟食方面有糯米飯， 炒米粉， 麻辣肥牛， 炸三文魚， 芝士焗蠔 和咕嚕肉 。 冷盤有沙律菜， 壽司， 凍蝦和青口， 水果吧，鴨胸， 最正是生蠔任食， 每一隻生蠔都很新鮮肥美， 見到生蠔都知道這個價錢值回票價了。，😋 甜品我最喜歡芒果布甸，有香濃芒果味， 蛋糕款式有幾款， 楊枝甘露味道唔錯， 黑豆豆腐花的口感很滑，仲可以自製班戟啊！最欣賞有一部自助飲品機， 只需按一個掣已經可以享用cappuccino， mocha， 熱朱古力， 綠茶和紅茶。 我試了一杯mocha， 朱古力味香濃， 帶微微的咖啡香，讚！👏🏻👏🏻整體來說百幾蚊就可以嘆一個酒店的中午自助餐， 性價比很高物超所值。這裏的服務質素都很好，每次一食完，侍應們就很快上前收碟，下次有時間會再來吃晚餐自助餐的。💯

成日都心思思想食buffet 今日就去左試德福閣！tea buffet 由3:30-5:30 都係大概130$ 咋！由前菜到熱食到甜品都有 但有d牌係錯既🤡 例如個牌寫南瓜餅但其實係紅豆餅前菜除左沙律外 仲有蝦同青口 但係一開始就已經比大陸人搶哂了 🤡個人認為最好食既係臘味糯米飯😂😂 熱辣辣又有幾多臘味！熱食仲有雞翼，甜酸排骨，墨西哥卷，炸魚柳等等，而甜品都有好多款 包括木糠布甸, creme brulee，過左4點半仲有即叫即整既鮮果pancake 以呢個價錢來講，都係唔錯架😆