德福閣

营业中

休息中

老公一向喜歡食蠔，聽聞德福閣自助晚餐的生蠔是無限量供應，今晚特意過來試試。食物款式不算很多，但種類尚算齊全，有生蠔、海鮮、中式熱食、日式刺身壽司、冷盤、飲品啤酒、甜品、沙律、湯。地方不大，但侍應們的服務態度很好，很有禮貌，執枱速度勤快，自助晚餐6:30開始，我們7點到達，所有食物盤都是滿滿的，坐下不久，侍應送上每位顧客一客的帆立貝，味道不錯。自助餐最受歡迎的食物莫過於海鮮，生蠔必然是首選，不算大隻，但很鮮味，不會覺得腥。蝦、青口、和魚的味道都不錯，麒麟豆腐夠滑，豬手好腍，雞脾啖啖肉，未食甜品已經飽飽哋。大約7點半，侍應通知我們8點會有即整火焰班戟，我忙著食甜品，到了8點忘記了霸頭位影靚相，錯過了火焰著起的一刻，下次有機會一定要拍到。甜品款式超多，我選了日式芝士餅、楊枝甘露、芒果布甸、朱古力雪糕和鮮果班戟，班戟是即叫即製的，鮮果自選，甜品控大滿足。飲品方面，成人啤酒任飲，另有樽裝汽水，蘋果汁可供選擇。整體而言，感覺滿意，服務很好，唯美中不足就是沒有三文魚。

今晚黎到旺角食BUFFET! 想搵一間有任食生蠔又抵食既buffet 都真係唔易，但德福閣就正正滿足到我呢個要求。 自助餐既時間係可以由六點半食到九點半，其實都真係好難三個鐘都係咁食，食一個半鐘都已經好飽。我地六點半黎到既時侯，自助餐岩岩開始！生蠔已經放哂出黎！出面仲有大約十隻個陣已經見到店員拎緊盤新既出黎！成晚refill既次數都真係好多，長期都係生蠔等人夾！生蠔分左法國同美國蠔，美國蠔就比較飽滿，法國蠔就比較濃味，兩隻都唔腥，反而係足滿蠔既鮮味！真係100分！大量蠔食到你唔食，又唔駛等又夠鮮！ 其他野食例如係魚生都非常之唔錯，refill速度都好快，而熱盤方面我就好中意中同西湯，中湯夠哂老火冇味精，西湯又唔會好稀夠哂creamy！正！ 餐廳仲會每人送一粒炸帶子！味道非常好！ 甜品都有好多選擇！芝士蛋糕、jelly、生果等等！生果夠哂甜！甜品又唔會太甜非常之好！廚師仲即席整梳乎厘！光波爐可以望住佢地發大！夠哂新鮮！ 飲品都有咖啡機、茶同埋啤酒！最估佢唔到係有罐裝可樂！！！

假日與媽媽到德福閣享用下午茶自助餐，餐廳環境尚算舒適，每枱客人之間保有一定距離，具空間感，燈光鮮明，亦可以望到街景。食物方面，冷盤有凍蝦和青口，亦有沙律食材可自由搭配，另外更有一些涼拌前菜。熱食大約有十款，例如酥炸魚塊，烤香草場，烤雞，黑醋西檸骨等等，味道不過不失。甜品方面，我覺得偏甜和膩，泡芙比較出色，另外還有杯裝雪糕，玄米茶口味竟然有驚喜，淡淡茶香有回甘效果。飲品方面主要是咖啡或茶，以及蘋果汁。下午茶自助餐任食兩小時，以$140/位的價錢而言，性價比算高，可以一試。

前排友人請我睇林海峰的Talk Show，大家都知一場talk show都唔平，真係好豪，為感謝他，我今晚也「豪」一次，由他決定吃餐好。結果….他也很識揀，揀了去食自助餐，也好! 反正我已有一段時間沒有吃自助餐，加上自助餐咁多選擇，總有大家喜歡的。走進仕德福酒店閣樓的德福閣，雖沒有一般高級酒店餐廳金碧輝煌的裝潢，但反而感覺很親民舒適，以米黃色為主調，環境光猛，設計簡約優雅。餐廳場地雖不大，大部份是二至四人枱，有一排排舒適的長梳化座，枱椅擺設得整整齊齊，而枱與枱之間有一定的距離，坐得很舒適自在。餐廳十月份正推出國際海鮮自助晚餐，正合我們心意，因為大家都是海鮮迷，今晚實大飽口福。自助晚餐供應時間由6:30PM-9:30PM，星期一至五收費為成人 $308，長者 $268，及小童 $238，而在Openrice專頁下載優惠劵就有85折，抵！究竟有咩海鮮，一陣就知。****************************安坐後，服務員隨即送上一人一客吉列香芒帆立貝，熱辣辣上枱。帆立貝略為炸得有點過火，但非常香脆，且不油膩。其肉厚肥大，蘸上香芒醬汁更吸引。********************

旺角平價抵食自助餐百幾蚊午市自助餐，真係唔可以要求咁多普遍食個好啲嘅西餐都差唔多價錢。自助餐食物種類都算多，有沙律、冷麵、簡單壽司幾款，不同火腿，仲有好多唔同生果。熱食有鴨胸、蒜泥白肉、雞、炸排骨、菜類、炒麵、焗蠔等等。我覺得個蜆豆腐湯唔錯，蜆都算鮮甜，而且有豆腐粒；另外我最鍾意嘅係有臘味排骨飯，細細盅，唔會太多，飯夠林，唔錯。甜品種類都算多，有唔同蛋糕、雪糕、奶凍、紅豆福餅等。呢個價錢其實性價比都算唔錯。

星期六去左旺角仕德福酒店食lunch自助餐，位於家樂坊附近。酒店入去之後直上一層就是。地方都大，好多位。呢度最大特色是午餐都有蠔食，有兩種口味。一種是芝士焗蠔，一種是即開即食的生蠔。我個人就比較鍾意芝士焗蠔，熱辣辣，同埋芝士都厚底。熱的仲有蜆，浸在湯入面，加上豆腐，我都推介呢款。壽司都是我食自助餐的至愛。比較有特色仲有三色蛋批，混合了鹹蛋皮蛋同雞蛋，我林在其他自助餐都好少見同有得食。熱蕈仲有雞腿，pizza同埋牛仔骨等等，味道都中上。我最要講的就是它的甜品啦~~真是要讃！ ！ pancake是大廚親自出黎即場煮的，煮好左餅底就會問你要咩配料，有香蕉雜果紀廉等等。仲有它的黑豆豆腐花，少糖，岩曬怕甜得濟的人，同埋好滑。仲仲有好多芝士蛋糕啊甜品杯啊等等，我都食唔曬甘多款。當然唔少得仲有煎牛排和生滾粥，呢兩款就在另外一面，有大廚即場煮。野飲選擇就比較少，得橙汁同維他命水，同咖啡，或者它可以考慮多幾款果汁。

媽媽最近經常「扭計」，見她老人家平日沒有太多消遣，只愛吃東西，那就帶她到德福閣吃自助餐。這個自助餐可說非常抵食，放openrice 列印coupon，平日有9折，星期六、日及公眾假期8折。自助餐的選擇非常多，特別是熱食，包括有雙重芝士焗蠔、吉列墨魚餅、吉列南瓜餅、燒伊麵、楓樹糖紅燒雞髀、黑醋西檸骨、日式海鮮燉蛋、 蠔皇鮮菇雙花等~冷盤包括有雜錦壽司、美國生蠔、煙鴨胸、雜凍肉、麻辣豬耳、味噌螺肉、自助沙律吧~美國生蠔大大隻，非常新鮮，口感creamy，每次都很快就會被食客搶空，幸好餐廳經常為食物補給，所有不用擔心供應不足問題。還有廚師在旁即切燒羊髀及即時泡製大排檔生滾粥。個人非常推介生滾粥，粥底口感軟綿，帶有米香，而我點了牛肉、豬血及生菜做配料，牛肉入口淋滑，生菜爽脆，非常好吃。另外，甜品方面，款式亦不少， 芒果鮮奶布甸、西洋菜蜜杞子大菜糕、日本和菓子、楊枝甘露、豆腐花、雪糕杯、朱古力噴泉伴鮮果及水果盤等等。

種類較少，但都符合呢個價錢。生果有啲問題，有啲怪怪地嘅味。半生熟嘅牛肉，再配上黑椒汁，真係好好味!我坐嘅係靠窗邊，近吧枱，氣氛真係一流，聽住音樂，好好享受晚餐。總體都覺得唔錯。

放假到德福閣食lunch buffet, okibook有8折。上網有好多好評，怎料中伏。一開始食左7隻生蠔，好多蠔殼，味道ok，又吃了些三文魚和沙律。過左一陣開始覺得頂住，唔對路去洗手間坐下，跟住想嘔，嘔返d蠔出來。唔舒服只能在餐廳坐，入去再嘔多次。坐左一陣好d,但見到d野食都想反胃，食左一小碗粥暖下胃好d。最終埋單走人。行行下都好唔舒服，再衝入球場洗手間，狂嘔。老公講得啱，平嘢無好嘢，請我都唔再去。蝕左205元，仲攪到自己咁辛苦

愛蠔之人有福啦！上次嚟過旺角仕德福酒店食自助餐有勁多蠔食，而且隻隻都鮮甜肥美，今次決定再去幫襯。今期自助餐每位都會送「蟹肉銀絲蒸帆立貝」，當然有我至愛嘅美國/法國生蠔，仲有松葉蟹🦀、藍青口、凍蝦🦐、大蜆、日式刺身(三文魚、鱲魚🐟、八爪魚🐙)、 雜錦壽司🍣、中日式冷麵、煙三文魚拼鮫魚、鴨胸胸、各式凍肉、沙樂美腸伴鮮茄🍅、麻辣豬耳、新蝦蟹籽伴豆腐、味付螺肉、自助沙律吧。🥗熱食方面都好多，有我至愛之一嘅潮州蠔仔粥🥣，啲蠔仔仲要粒粒都好大粒，加上大量芫茜，超好味！另一款素翅雲吞盅都好好食，熱辣辣，平時鍾意食碗仔翅嘅我絕對啱晒，我都忍唔住食咗幾盅。仲有好多好好味嘅熱食，焗香草金蠔薯蓉盅、三巴汁炒青口、士多啤梨骨🍓、吉列墨魚餅、/蠔仔雜菜餅、巴東豬手、麻辣湯浸肥牛、蝦醬淡菜肉鬆炒飯、香蒜欖油彩椒炒意粉、咕嚕雞球、蠔皇鮮菇雙花。仲有大廚即切燒牛肉🥩、即焗菠菜芝士焗蠔、鮮茄醬焗蠔、雙重芝士🧀🧀焗蠔，真係全部都係蠔！😍😍每晚都仲會熄晒燈即場表演俄羅斯伏特加火焰♨️🔥田螺串，非常有氣氛。不過酒味就濃咗啲~ 未必會啱唔鍾意酒嘅朋友。甜品款式都多不勝數，首先門口有勁吸睛嘅朱古力噴泉、仲有七彩繽紛嘅甜品，見到都流

今日食既呢間係位於油麻地地區既酒店,仕德福酒店既自助餐廳價錢唔貴, 但都已經有刺身, 海鮮, 生蠔等等既野食可見性價比都幾高下入到去大約70% FULL, 所以唔洗排隊就已經安排入座自助餐吧就係一條長長的枱上面比較特別的就是有廚師即場切的牛肉和甜品區有蛋餅仲可以自己選材料的!!先吃沙律作為前菜, 選擇都算多, 食材和醬料都很齊全刺身和壽司也有海鮮的選擇也蠻多的青口是我的最愛!!最後點了個令我相當滿意的蛋餅入面的材料是我自己配答出來的加上濃濃的朱古力醬在裡面超好味!! 重點是任吃的!!

呢度食物既選擇唔算多, 但好在大部份都係吸引既一坐底就已經有人送上位上既扇貝上面仲有蟹籽的, 熱辣辣食一流生蠔超大隻既生蠔佢仲有唔同品種可以選擇試哂2隻我個人就最鐘意法國生蠔肉質厚實, 而且帶點海水味道刺身一定要食既係三文魚刺身好爽口的, 而且因為每次既量都唔多所以好快比人掃哂, KEEP到係咁FILL D新鮮既野飲竟然有啤酒!! 好多地方都冇或者要另外加錢!!啤酒配生蠔一流除左熟食仲有甜品呢個熱辣辣既窩夫同街食到既有得揮!! 超好味

(生蠔/凍蝦)越來越普及的西餐廳任食自助餐，多元化菜餚中西合壁燜/燴/冷熱盤及各種甜品讓你吃不完而且製作和擺盤過程含多種口味一一展現在眼前，邪惡配搭以開放式餐櫃區內滿滿美食眼花繚亂，精彩「冷盤刺身海鮮區」如: (刺身/海鮮/生蠔/沙律)精心小點就讓你嚐盡DIY增添風味，顏色繽紛耀眼食物選擇性豐富令你一整晚滿滿鮮味吃得飽足一定要試試(巴東豬手/陳皮滷水浸鴨腿)(士多啤梨骨)早或午或下午茶及晚市不僅一家大細體驗新享受也是不錯餐廳還有其他特陳別熱盤款式再配以即叫即焗雙重芝士香料製成絕不容錯過，入口鬆化除了大路的口味外，雜錦甜品即製即燒~賣相精緻且美味不妨以優惠自助平價之最

好難食啊😭 以為真的好味 環境好的。事實卻是好逼 好嘈的。環境差已經扣分，食物質素都是一般般... 連蒸帶子都是配給的 每人只得一隻。生蠔 肥美 但偏腥 及有蠔殼碎刺身 款式少 只有三文魚 墨魚 同另一款魚而且是一盤放出來 讓客人自己夾的 感覺不夠衛生及新鮮其他冷盤 試了蟹 蜆 和青口 呢啲味道都是正常ok的熱盤 不吸引 試得比較少 試了即切牛肉片 也是一般般的 比較硬甜品算是比較好的 有即製梳乎厘 pancake 和 窩夫 算是比較好味 但是雪糕只有雀巢牌... 這是難得的buffet 我是不想拍照的... 因為環境實在逼 食物也少款 重點的生蠔和刺身都差... 😖 三百幾雖然唔算貴 但是也可以吃到其他更好的呢🙈

好耐都冇食過Buffet了，見德福閣晚市自助餐$308一位，用Openrice訂枱仲有85折，就同媽咪去食~仕德福酒店搭Lift，㩒M樓就係德福閣，一開門就已經見到朱古力噴泉，仲有好多精美甜品，全都擺放得好靚冷盤就有生蠔、長腳蟹、刺身、蜆和壽司仲有沙律和火腿etc.我就緊係第一時間食生蠔啦除左生蠔，仲有鮮茄醬焗蠔菜乾湯呢個完全係我既至愛，我前前後後飲左3碗XD因為d菜乾實在太出味，熱熱地，好暖胃蠔仔粥呢個都好暖胃，唔知有冇加入藥材去煮，點解粥水好似食到d藥材味🤔不過係好味個隻到左8pm，師傅會即場表現火焰田螺串😮我最鐘意睇呢d野，哈哈，見到d火光藍藍地就會覺得好靚😁呢個就係師傅既結作，俄羅斯伏特加火焰田螺串好重酒味，同埋比較細串，好快就食完~其實熱盤都仲有其它野食，如意粉、炒飯、甜醋骨、咕嚕肉etc....甜品方面，有個即整pancake,自己揀配料然後師傅會即場整比你，我就揀左雜果加忌廉，再加煉奶係面正呀🤤最後食左士多啤梨同芒果布甸Remark:甜品仲有雪糕、生果和一堆糕點~總結: 熱盤款式種類就不算太多，但都會夠食，其實食唔到咁多，因為最後都會食到好飽，性價比高