德福閣

营业中

休息中

之前已經聽過呢間酒店嘅自助餐好抵食，今日就一於去試下。由於比較full嘅關係所以我地要坐係酒吧區。食物嘅種類都好足夠，海鮮方面有長腳蟹、生蠔、刺身等等，生蠔每一隻都好大隻同肥美，而且refill都好快，唔洗驚無得食。至於熱盤方面選擇都幾多，最正就係燒牛肉同焗壕，燒牛扒中間可能會比較生，但係好重牛味，而焗壕最正就係好多芝士。最後甜品方面有即叫即整嘅pancake，入面嘅配料可以自己揀，我個人認為最正就係香蕉同cream，同pancake好搭。另外仲有好搶手嘅疏乎厘，每一次出爐都要排隊，唔會太甜而且好鬆軟。