德福閣

营业中

休息中

朋友約食飯，大家揀左旺角平價抵食的德福閣食自助餐。星期六的BRUNCH BUFFET，野食豐富！充滿驚喜！電梯一開門就見到好大座朱古力噴泉。之後就係熱食好吸引，有腩肉，三文魚骨腩，臘鴨腿，牛肚蘿卜...午餐都有蠔食，有兩種口味。一種是芝士焗蠔，一種是生蠔。朋友好鐘意食蠔，拎左好幾隻。自助餐食物種類都算多，有沙律，火腿，仲有好多唔同生果。仲有生滾粥攤位，大師傳會收order即整。甜品種類都算多，有唔同蛋糕，雪糕，奶凍，啫喱...

放假同朋友食lunch buffet，食物都有齊冷盤、沙律、壽司、熟食，甜品、餐飲☺️☺️因為食lunch 一早就食咗啲熱野先，熱食有即叫即整的生滾粥、羊架同金沙骨點心，糯米飯，雞，四至五款熱食，仲有焗蠔😋冷盤就有壽司，冷麵，鴨胸，火腿，自助沙律吧，呢間lunch主打係有蠔食，完全唔使排隊，可能因為晏晝關係，唔會有人爭，鍾意食蠔既你真係可以食夠本😍😍甜品方面有超多選擇，即製班戟、朱古力噴泉、蛋糕、泡芙、奶凍總括lunch百令蚊就係食蠔已經抵曬😋😋

假日食個tea, 想靜靜地同企人傾下計，又唔駛趕時間，其實選擇唔太多，動輒食件cake 飲杯咖啡都要百幾蚊，朋友圈最近興在本地酒店消費，發現德福閣weekend tea 只需百零蚊，就同家人來試下海鮮壽司有蝦同青口有點驚喜，已值回票價，雖無刺身，但有壽司🍣也幾好沙律🥗選擇也不少，有雜果、沙律🥗菜也新鮮火腿區有熱狗🌭️在自助餐少見脆脆面，今次見到，好脆，唔油，加埋榨菜肉絲做餸，lam lam 脷甜品🍮選擇不少，有朱古力噴泉🥞 即叫即做pancake 個漿較得好，好味😋

上個禮拜寶寶因為偶然間，見到呢間酒店自助餐出咗OpenRice 85折coupon，跟住佢問我食過未，我又真係未食過喎🤓因為我通常都係食大集團式嘅酒店自助餐，一來易泊車，二來通常優惠都特別多，所以搞到食嚟食去都係果幾間❗️今次寶寶誠邀之下😌，就陪佢來試吓呢間位於旺角仕德福酒店嘅dinner buffet❣️.一開場就發現其實大家都係為咗任食生蠔😍而來❣️頭15分鐘大家都係擁晒喺果個area🤣識食一定係揀肥美又厚底嘅蠔😝任食來講，我覺得係好食嘅❣️平心而論真係好過好幾間集團式大酒店😲有海水味+冇鐵鏽味～幾creamy☺️而且啲海鮮都refill得好快，當d生蠔剩返兩三隻嘅時候，廚師就會再拎出嚟，全晚一路都係呢個practise，所以真係唔駛怕拎唔到😉除咗好之外，仲有長腳蟹、青口、凍蝦、大蜆～話說原來喺十二月份德福閣惠顧晚市自助餐，每位會額外送一客 吉列虎蝦伴鳳梨酸甜汁，我哋都係嚟到先知🙈雖然話就話係送嘅，但質素好高❗️除咗炸粉有少少厚之外，我見枱枱嘅虎蝦都好大隻，分批上枱時仲出緊煙，香噴噴熱辣辣❣️咬落啲蝦肉好彈牙，證明真係食材新鮮，而且係即炸😍刺身/壽司今日嘅刺身有三文魚、鱆紅魚同八爪魚三款❗️三文魚

今日同幾個朋友聚舊，嚟左仕德福酒店入面嘅德福閣嘆下午茶，每人都只係需要差唔多130就可以享受到下午茶自助餐，性價比好高👍🏻👍🏻冷盤沙律自由配搭，鴨胸好味、沙律菜都好新鮮，另外有蝦、青口、同各類刺身壽司等等，質素都唔錯。熱食類有炸物、雞翼、關東煮、海鮮蒸蛋等等，款式多，啱曬每樣野都想試少少嘅我🥰另外點左一個即叫即整米粉，叫左蝦、魷魚同肥牛配沙爹湯底嘅米粉，好快有得食，湯底都幾有鮮味。蝦🦐同魷魚都好新鮮去到四點果陣會有即場製作嘅班戟，有好多款唔同既餡料同醬料俾客人自選，一開即刻有人龍排隊！甜品方面有各式糕點，重有杞子蛋撻，有特色得嚟又好養生，好特別！另外除左常見嘅蛋糕款之外重有沖繩海鹽同玄米茶味，揀左玄米茶，味道清香唔會太甜！

Family day就同屋企人去食自助餐，食物種類繁多，有冷盤、沙律、簡單壽司、熟食，甜品、餐飲☺️☺️每個人都搵到自己想食嘅野👍🏻一開始當然食啲冷盤先，我要左壽司，冷麵，煙鴨胸，火腿等等，味道不錯😋😋另外自選沙律可以配上肉碎粒、芝士粉、千島醬、沙律醬，特別開胃！👍🏻冷盤仲有凍蝦，青口同涼拌前菜。蝦同青口好新鮮爽口🤤🤤熱食大約有十多款，如關東煮、滷水雞翼、炸魚塊、碗仔翅、菜類、飯麵及咖哩醬配薄餅等等。關東煮內有好多材料如蘿蔔、獅子狗卷、鳴門卷、魚片及雞蛋等，湯汁香甜，夠哂入味！ 😋而滷水雞翼味道濃郁👍🏻仲試左即叫即整的肥牛湯米粉，味道唔錯！甜品方面有超多選擇，啱哂甜品控嘅我🤤包括雪糕、楊枝甘露、圓肉糖水、即製班戟、水果、木糠布甸、桂花糕、朱古力噴泉、蛋糕、泡芙、奶凍及啫喱等😍😍我叫咗個最愛❤️❤️嘅班戟，係即製嘅，配料可以自行選擇，有煉奶、花生醬、乾果、香蕉、忌廉、花生椰絲、士多啤梨醬同芒果醬等，熱辣辣又香噴噴，味道好正！🤤🤤🤤雪糕方面有朱古力、士多啤梨、雲呢拿、沖繩海鹽和玄米茶味，我揀咗沖繩海鹽味，味道好特別~😍😍飲品方面有咖啡、朱古力、橙汁、茶、維他命水，勁多選擇😍總括而言，哩個下午茶自助

一到weekend就心思思唔知想食咩好，中西日本餐都想食，我同男朋友掙扎左好耐，最後終於決定食自助餐。今次揀咗呢間係旺角嘅brunch buffet，貪佢價錢勁抵！而且地理位置方便。以呢個價錢來講，一行到入去已經好驚訝，佢竟然包含咗朱古力噴泉，如我哋所願中西日本餐都有🥰 真係物超所值！熟食方面有豉油雞翼同雞鎚，我諗都好難煮得唔好食嘅🤣 而蘿蔔糕嘅質素亦唔差，唔會剩係得澱粉質，啖啖蘿蔔粒。關東煮嘅表現10分出色，蘿蔔煮得好軟林入味，材料亦十足，有雞蛋，獅子狗，貢丸等等。日式大葱海鮮燉蛋亦係出乎意料之外既菜。香滑鮮嫩，鮮味十足！酥炸魚柳，外脆內軟，口感不錯。不過炸粉比較厚，所以食咗一條之後就留肚食其他💁🏻‍♀️臘腸蝦米冬菇炒飯，又係一款落重料嘅dish。臘腸嘅份量足夠，冬菇香味嘅夠重，炒飯粒粒分明。非常impress嘅係，甜品款式眾多，甚至有懷念雞蛋仔😋😋除咗中式甜品之外，極有非常多款式嘅西式糕點。心知仲有泰式甜品添🥰 一次過滿足晒我咁多個願望！咖喱豬肉夾餅，比較重口味，夾餅比較簿，唔怕食完之後好容易飽。總括而言呢餐自助餐雖然一定冇五星級酒店嗰啲咁grand，但係絕對物超所值，作為casua

The location is pretty easy to find and the hotel’s restaurant setting is quite normal, you can enjoy your time freelyCreamy clam soup having strong taste with rich flavorCheese oyster is kind of my favorite here though the size of oysters is a bit too small, combining few small oysters into one large oyster shell Roasted chicken is quite nice too with relatively soft textureFried Rice in lotus leaf is yummy with good seasoningRoasted pork ribs not having really good texture but the sauce is sti

睇OPENRICE發現德福閣自助餐用指定信用卡做緊優惠，地點仲喺旺角，交通方便，book定星期六同屋企人黎試下。咁既價錢黎講，好抵食呀！食物選擇多，而且refill得快。冷盤包括有刺身、壽司、生蠔、煙鴨胸、凍肉/火腿、自助沙律吧、冷麵，仲有不同既冷盤小食。估唔到既係，午餐都有生蠔食！生蠔處理乾淨，冇碎殼，味道鮮甜。熱盤包括有乳酪烤雞腿、黑醋西檸骨、雙重芝士焗蠔、山楂紅棗炆豬手、 蠔皇鮮菇雙花、中式點心、粉麵、豆腐蜆湯、生滾粥，仲有即切牛扒！最鐘意食雙重芝士焗蠔，香濃既芝士蓋住飽滿鮮味既焗蠔，入口濃滑creamy，正！粉麵即點即煮，試左個麻辣湯底，好惹味。仲有咖喱同薄脆都好好味。甜品包括有朱古力噴泉、新鮮水果、楊枝甘露、豆腐花、芒果鮮奶布甸、奶凍、泡芙、杞子大菜糕、和菓子、楊枝甘露、雪糕，仲有現場即煎既pancake。我揀左海鹽雪糕，味道幾有驚喜，味道咸咸甜甜，食左都唔覺漏。飲品係自助任飲，有咖啡、茶、蘋果汁同detox water。

今日媽媽來這裡食晚餐，預祝明天生日！這間在旺角豉油街的酒店，在M floor一出𨋢就是取餐處，好吸引又多美食（冷盤、熱盤、甜品）環境明亮寬敞、乾淨坐位舒適，在sofa位及大堂區。取食物處在中央位置。首先每位客人送一小盅燉湯（今晚是足料滋味的海參冬菇燉湯）暖胃好飲冷盤：海鮮（生蠔、蜆、大蝦、青口），壽司刺身、冷麵、沙律、小前菜等，新鮮又不斷添食物，refill得好快有效率！熱盤：好多款式，有西湯（黃薑青口薯蓉忌廉湯：好香好滑的口感）豬肉粥（好綿綿又入味的粥底，有好粒蠔豉、豬骨，好喜歡這個粥，配有香蔥粒及脆片讓客人自行加上），大大份牛扒（專人廚師為客人切薄片，可配黑椒汁或燒汁）、一小盅酥皮燴海鮮（即製酥皮香脆、燴海鮮有青口、三文魚粒、蠔）、入味豬腳薑（薑醋蛋更是搶手）、乳酪燒雞、米蘭焗蠔（熱辣辣、醬汁微酸辣、蠔唔硬香濃蠔味）、北海道鮮奶浸青口（滑香醬汁配青口）、香辣軟腍牛肋片配伴辣泡菜汁，更有豬有魚有飯有粉麵，好豐富！甜品：好多款式：蛋糕件（朱古力、芝士蛋糕、木糠布甸等）7:30後即製班戟（雜果、香蕉、花生醬、提子乾等，更可自行加朱古力醬及煉奶等，熱辣辣又香又軟），即焗軟軟甜甜的鬆乎厘、香

好耐冇食自助餐， 咁啱路過旺角， 見到呢間自助餐都幾優惠， 於是就毅然同朋友入去試下。呢度自助餐嘅位置唔算大， 不過冷盤熱館甜品飲品樣樣齊， 當然唔少得我最鍾意嘅燒牛肉啦。最估唔到呢度嘅冷盤連生蠔都有， 食落去都有鮮味。熱盤有我最鍾意嘅牛油蒜蓉焗田螺， 仲有薯蓉做底作配搭， 雖然heavy但都值得食。燒牛肉熟成度剛剛好， 我諗大概係medium啦， 配搭呢度嘅燒汁真係幾好味。另外飲品方面估唔到有樽裝汽水， 大大噉增加咗汽水方面嘅價值。呢個雪糕品牌係我從來都未見過嘅， 但估唔到味道都有返一次雪糕品牌嘅質素。

最近比較忙，冇機會陪屋企人所以趁今日係假期同屋企人去左德福閣度食buffet。餐廳裝修簡約，都好多客人，食物種類有冷盤，熟食，甜品，餐飲等等。冷盤我要左薯仔沙律，吞拿魚，壽司，冷麵，雜果，煙鴨胸，火腿等等。 種類繁多，味道唔錯。熱盤主食有牛扒，芝士焗蠔，點心，港式粉麵，燒味，蒸飯。個人比較鍾意焗蠔，蠔身大隻，味道唔錯。其他食物都非常有港式風味。甜品就有雪糕，楊枝甘露，煎pancake。我比較鍾意pancake，一向都係我賣飛佛，而且有唔同生果選擇，仲有我最喜歡既士多啤梨汁。正呀。

見好耐冇食自助餐，又唔想食放題。見德福閣做緊discount晚市有八五折，平平哋連埋加一三百蚊左右就決定一試。野食種類唔算多。冷盤有生蠔、蝦、青口、蜆等等。我哋都係主攻生蠔，味道ok但有碎蠔殼，食嗰陣要小心。刺身壽司質素一般，放題食嘅質素會更好。連最基本嘅三文魚刺身都冇，有啲失望。熱食方面有蒸魚、燒雞、焗蠔、辣椒炒蜆、乾燒依面等等，比較推薦嘅係廚師即切牛扒，味道同口感都ok。另外比較有驚喜嘅係糯米飯，非常黏口煙靭，味道都似圍菜食到嘅味。甜品有好多唔同種類嘅cake。比較推薦嘅係廚師即整嘅pancake，可以自選配料同口味，因為係即整嘅熱辣辣食落嘅口感同味道都唔錯。楊枝甘露嘅味道好假，可以唔使試。雪糕係啲雜嘜牌，所以我地試都無試。飲品都係得汽水、橙汁、咖啡、啤酒。橙汁係啲味道比較假嘅橙汁，冇咩選擇嘅情況下唯有飲咖啡機沖嘅咖啡。整體感覺同味道非常一般，食物嘅選擇唔多，用料感覺亦唔上乘。雖然三百蚊嘅自助餐係幾平，但其實用三百蚊去一間好啲嘅餐廳叫到嘅食物一定會比呢度食到嘅好。

最近天氣涼左唔少，胃口亦都好咗😃最啱食自助餐🍴一個價錢任食唔嬲。晚市自助餐來講，德福閣係好抵食！仲有生蠔供應👍🏻👍🏻餐廳雖然唔係好大，但選擇都算齊全，熟食、甜品、雪糕、海鮮⋯⋯環境都好優雅舒適。生蠔好大隻喔😯有驚喜！又大又鮮好creamy，仲有青口、蜆、海蝦一坐低每位送一客炸帆立貝燒牛肉都正肉味香濃法式田螺、薑汁鮮奶布甸、日式豆腐大蜆盅、即焗梳乎厘懷舊樽裝汽水、即製鮮果班戟、水晶和果子、桂花糕椒鹽紅衫魚、麻辣燙煮蜆、楓樹糖紅燒雞腿、雙重芝士焗蠔雪糕方面有五個選擇，朱古力、士多啤梨、雲呢拿、沖繩海鹽和玄米茶味。呢個品牌係香港製造嘅，我揀咗玄米茶味，超香玄米茶味好好味😋

經朋友介紹之下來到了酒店嘗試一下這下午茶，下午茶的種類有不少的主菜甜品等，此外價錢也十分之經濟，大家可以來試一試品嚐一下自助餐.這個碗仔翅的用了十足十分有香港的街頭風味.伊面就穫氣十足又不是咸水準之作.壽司大蝦等冷盤的選擇也很多魚生也十分之新鮮好味道.有小朋友至愛的朱古力噴泉，可讓小朋友開心一下、朱古力又不是很甜.廚師即叫即整的麻辣湯底麵十分之開胃， 雖然辣但也也十分之刺激.這個自助午餐的性價比十分之高，只不過是百多元就能夠享受酒店的質素.