德福閣

营业中

休息中

生日飯慶祝，去左仕德福酒店上面M層既閣樓度食自助餐，疫情關係我地一入到餐廳就有部儀器可以面部偵測甘幫我地量體温之後好快就安排我地入座了。食物選擇種類繁多，由於疫情關係好多食物都轉用落單紙落單，呢度仲有懷舊支裝汽水同啤酒俾客人飲，海鮮冷盤有美國同法國生蠔，生蠔好肥美同creamy,大大隻好有鮮味，長腳蟹，仲有熟蝦，紅蝦等等，落單之後職員就會好快送上，保證客人食到想食既海鮮同食物，牛扒係紐西蘭肉眼，好淋好好味，最正既係廚師即焗既梳乎厘熱辣辣，口感好鬆軟，仲有其他甜點自己整既pancake都好味。刺身我地叫左三文魚同吞拿魚都唔錯嫁。

好耐無同朋友聚腳，咁啱撞正德福閣任食自助晚餐做緊折扣優惠！最平65折$253就食到！抵到爆，但因為大家收工比較晏，成8點先去到，所以只係攞咗7折，每位$270入到去環境寧靜，氣氛唔錯！入位之後餐廳捉供咗口罩袋俾我哋，但為己為人，出去攞嘢食都係戴返口罩比較好😉不過出面嘅嘢食大部分都有蓋，所以都好放心❣️一出去已經俾個甜品櫃吸引住，但秉持住「用第二個胃食甜品」所以忍住咗🤣之後先攞咗份生蠔同松葉蟹腳，雖然有刺身，但生蠔同松葉蟹太吸引，所以殘酷地放棄咗刺身🤣不過生蝦非常甜美，加少少檸檬汁🍋清新！生蠔食咗四五隻差啲試唔到其他嘢！松葉蟹好易去殼，左右邊一剪，成條蟹肉起咗出嚟！正😋另外我哋仲叫咗多款熱食，吉列虎蝦、炒蜆、羊扒、牛腩、焗田螺、酥皮湯等等...值得讚賞嘅係餐廳專登將每份食物都做好細份，等大家有多啲quota 可以試唔同嘢食，非常貼心🥰而且好多野食都用即叫即出形式，唔會係出面放咗好耐，增加衛生程度！特別要讚酥皮湯非常好味，仲有蝦同貝係入面，濃湯充滿海鮮鮮味！到最後甜品放題，超滿足！鮮果班戟、芝士蛋糕、楊枝甘露、梳乎厘💕因為細細份嘅關係可以全部試晒！特別要點名讚係鬆餅同奶茶味雪糕，鬆餅自己撳個

見疫情舒緩，行經旺角豉油街118號仕德福酒店閣樓的宣傳版，推出無限任點自助晚餐，有美國及法國生蠔、松葉蟹腳、焗法式田螺、烤紐西蘭肉眼、鮮果班戟等....馬上訂位，我與好友慶生日🎂，酒店大堂寬敞，電梯上層，晚餐時間幾乎爆滿，一出電梯有服務員量體溫及噴搓手液。老友至愛食生蠔🦪、三文魚🍣刺身，肥美可口，腳蟹都十分新鮮美味，源源不絕供應，勁烤妞西蘭肉眼，牛味香、腍。焗法式田螺，很香。甜品都很精緻美味。西瓜🍉多汁又甜，新鮮波蘿很香甜，任點餐紙的紫蘇煎羊架、酥皮湯都不錯👍，玻璃樽支裝汽水夠吸引、雪糕味道不錯。今餐勁多美食老友很滿意。

今日黎到呢間位於旺角，地理位置非常好嘅地方！德福閣酒店，今次嚟食晚市自助餐！入酒店上一層就到啦！其實平日晚市都幾full！店員好細心地安排位置！我哋今次安排坐喺窗口邊！地方環境都算舒服！好啦出去睇吓有咩食先！去到海鮮區，有長腳蟹，海蝦，生蠔！仲有刺身區，甜品區林林總總嘅甜品！有傳統嘅芝士蛋糕，法式疏乎厘！ 即整Pancake！！飲品區有無限添加咖啡！傳統樽裝可口可樂！熟食區有我最鍾意食嘅法式焗田螺！呢個菜式其實好多地方都唔會做！但係竟然呢間有！實在太驚喜！我已經食咗四大碟每碟有兩隻！！熟食有好多款都講唔晒，有肉有炒菜有炒麵等等！另外酒店安排咗點餐紙，亦非常多款，有炒蜆肉，有焗生蠔，牛腩煲，雞翼，榴槤波波！吉列炸大蝦‼️‼️‼️其實冇諗過呢間酒店地方細細但裏面食物豐富！值得推介俾各位！如果係咁嘅價錢有咁嘅質素！都係一個唔錯嘅選擇！同屋企人或者朋友嚟食就最好不過！三個字平靚正🤤🤤👏🏻👏🏻👏🏻👏🏻👏🏻👏🏻👏🏻推介

辛苦咗成個禮拜，趁weekend去食buffet慰勞下自己旺角既德福閣酒店buffet出名高CP值，馬上決定黎呢間buffet試試因為疫症和衛生緣故，buffet食物大部分改用點菜紙，代替出去夾野食。放在大堂中央的食物大多是沙律🥗、甜品、湯；熱食、刺生、炸物、小食等則用點菜紙下單～用點菜紙下單，好快就上菜，職員超高效率話咁快就成枱都係野食魚生刺身大大件炸鯖魚好脆口、無骨吉列虎蝦口感鬆脆😊炸南瓜餅好煙韌🤣忌廉焗青口味道正正常常，好多忌廉source🤣薯蓉焗田螺，呢個真係必食廚師即焗，熱揦揦！勁香口冷盤玉子豆腐軟綿綿既雞粥海南雞🐔香蕉🍌pancakeCheesecake, chocolate cake~呢個疏乎厘係我成晚最鍾意嘅甜品，見住廚師即場焗起，好味呀！😋其實仲有好多其他野食，未能盡錄總括一句，德福閣buffet性價比確實唔錯

而家疫情影響好多地方已經冇生蠔食好多自助餐都採用放題模式或者係好事嚟嘅感覺新鮮啲呢間嘢食唔算話多但最緊要有我想食嘅生蠔BB😍仲要係兩款呀 係愛啊哈利件件大大隻 真係食得好開心平時嗰啲好多時都係細細粒所以食得好開心另外仲有樣嘢推介要食嘅平時刺身自助餐食又好放題食又好都係細細件 但佢呢度嘅三文魚刺身係好厚感覺好良好 好精神好好食 而家諗起都好想食同埋你食落去係新鮮（好重要）三百零蚊呢啲嘢來講其實係都合理佢個雪糕我都推介因為係玄米茶味同埋港式奶茶味食落去真係好似你平時飲緊嗰陣味👍👍咁樣食雪糕個心都會覺得健康啲

book位嘅時候唔記得咗睇價錢， 完全唔知道而家質素差成咁， 冇食評可言，三文魚室溫比人食都算，長腳蟹常溫，生蠔常溫，單單呢點就可以call食環， 出面嘅熟食只有幾款，臭黃西蘭花炒椰菜花，三文魚頭炒魚腩， 羊架未熟得曬但又好硬切唔開，漏單唔吹唔出， 唔知係冇人入廚房出餐定係入面個廚師出得慢， 可以話係buffet界中嘅害群之馬，劣食中嘅經典， 仲話咩支持醫護人員有半價，三拆都唔會嚟食，睇返其他人食評既相明明都唔係咁樣，非常非常失望

德福閣 依家推出左無限任點自助晚餐🤪🤪好抵食!🥳🥳💰原價 (已包括加一服務費)星期一至五: 每位港幣$371.80入座時間 8:00pm或以後:7折星期一至五: 每位港幣$270.4依家餐廳為左減低交叉感染既風險🦠加左任點形式 用紙點好食物😼😼侍應就會送到去你既位😼最推介既係美國同法國生蠔!😙😙依個價錢可以任嗌新鮮生蠔真係超🤪抵 個人鐘意食美國生蠔多d 因為比較濃味🤤另外仲有松葉蟹腳🦀雜錦刺身 都好鮮味!🥰蟹腳入面好多肉 好棒🤩🤩🤩熟食都有好多選擇😗特別推介 三巴汁炒蜆同日式照燒鯖魚柳🤪🤪炒得好惹味🥳甜品方面有自助甜品 德國芝士餅 蘋果批等等🤤仲有大廚現場即席炮製梳乎厘 同 自選配料鮮果🍌🍊🍎班戟🌮超級fatfat!👅推介玄米茶味雪糕杯🍦 超香玄米茶味🍵野飲有各式各樣 即磨咖啡 茶 汽水 果汁🍹🥤而且成人可以免費無限添飲啤酒🍻🍻好抵!!!🤑🤑🤑

今日同食肉獸男友大戰酒店自助餐😍雖然今日星期五，但係呢度都好多人，同事話上網見到有人講呢排呢度8:00後有七折，一於帶埋為食男朋友試試佢先🥳首先我地要大讚呢度嘅店員服務態度非常好，唔止有禮貌，你有任何問題問佢哋亦會細心解答👍🏻重點真係超抵食，嘢食質素好，而且仲有靚生蠔食，利到既生蠔質素高👍🏻勁大隻而且鮮甜，食自助餐就係為咗食生蠔😁呢度嘅生蠔絕對唔會令你失望💕另外三文魚勁厚切，超級肥美呀 正😍😍至於熟食方面大家一定要試吓佢嘅蒜香七味煎牛脷，煎得好香口，醬汁方面調配得好好，食落好夾，食完忍唔住叫多左份😂至於自助區嘅嘢食亦完全唔差，不過因為我係咁掛住食生蠔，自助區好多嘢我都無試到😭自助區嘅嘢食應有盡有，尤其係甜品區，選擇多到有困難症🤤下次黎會試埋今次自助區無試既野👍🏻❤️

今日去咗旺角食自助午餐，呢度嘅晚餐出名多嘢食，款式多，估唔到午餐都同晚餐差唔多！一入到去酒店大堂左邊就係食自助餐嘅位置，自助餐嘅座位分為兩邊，地方面積較大最估唔到嘅事午餐竟然都有生蠔，呢度嘅生蠔手板咁大，而且好新鮮好肥美，啱晒我呢啲食蠔一族不得不提嘅係呢度嘅甜品種類非常多，仲有朱古力噴泉，啱晒小朋友同大人！你睇我擺出嚟幾靚就知道甜品嘅賣相非常精美另外我最鍾意食嘅就係冷盤，呢度嘅日式茄子非常特別，而且仲有煙鴨胸同埋莎樂美腸伴鮮茄雪糕方面呢度嘅雪糕口味非常特別竟然有玄米茶同埋菠蘿椰子呢啲咁特別稀有嘅雪糕品種飲品方面仲有蘋果汁同埋維他命水

lunch buffet有生蠔刺身都係二百幾左右🤭 幾超值不過熟食甜品類就普通 生蠔都新鮮無殼碎 燒牛柳肉質有d韌😹 雖然粉紅色 甜品可以自製pancakes 加花生煉奶🥳-Yum：👅 👅 👅👅/5Revisit:💃🏼💃🏼/5Price: $400/head————————————————🌈德福閣———————————————— ....

放假要食好啲大食既我食自助餐最開心🤤環境企理 好整齊亦都唔逼熱食選擇都多三文魚腩好香 大大件 京都肉排入味唔乾雙重芝士焗蠔大大隻 香濃芝士好正呀仲有盅頭臘腸排骨飯 盅頭飯份量岩岩好 唔會食到飽一飽雙花雲耳炒臘肉同梅菜扣肉都好正 雙花吸哂臘肉咸香而扣肉都好香 以為好肥膩 食落又唔係喎轉埋去凍盤果邊 都多選擇涼伴大荳芽 莎樂美腸伴蕃茄好開胃仲有豬手 大蝦小碟都唔錯隔離仲有刺生 壽司 冷麵刺生有三文魚 八爪魚 鯛魚重點係有大大大大大隻生蠔呀唔係隻碟細 係啲蠔真係大隻😂生蠔好肥美 好新鮮 食左8隻好滿足另外仲有粥檔 用落單紙剔材料 再交比廚師整好後 會送到枱上我要左魚腩，皮蛋同蜆肉材料比得大方 粥底亦都綿滑 唔錯！燒牛肉都好嫩！甜品選擇一樣夠多！有朱古力噴泉 生果拼盤黑豆豆腐花 桂花糕 朱古力蛋糕 又有兩款糖水等等隔離仲有多個蛋糕櫃架另外仲有廚師即場整班戟香蕉班戟好好食 塊皮充滿蛋香～熱辣辣好正呀飲品有維他命水 蘋果汁 熱茶同提供咖啡機仲有雪糕！今餐好滿足 選擇多 價錢親民 環境舒適職員收碟速度快同有禮貌 抵讚！

今日約左朋友去旺角諗住食飽先慢慢行街行過呢間仕德福酒店見到有午市自助餐主題係”烤肉蠔情”價錢仲好抵 加埋一都只係$163入到去見到食物種類都唔少有齊沙律 壽司 冷盤 熱盤同甜品當然最受歡迎嘅就係生蠔見到d生蠔好大隻肥美仲keep住不停refill 岩晒鐘意食生蠔嘅朋友熱盤有十幾款 有雙重芝士焗蠔個人覺得炒腸粉勁好食而呢度嘅甜品選擇都唔少而且全部都係細細件可以試多幾件 唔驚會太飽超推薦芝士蛋糕 芝士味好重 又綿密 口感好好仲有即叫即煮嘅生滾粥可以自選配料好新鮮 粥底好綿自助午餐質素唔錯幾抵食

今晚我地去咗酒店食自助餐，呢間酒店開係旺角，由旺角東站落行一陣就到，地點咁就腳，好適合成班朋友收工約食飯。自助餐食物主要分為5大類：特色食物、海鮮、刺身壽司、肉類同埋甜品。特色食物。餐廳每晚8點都有唔同嘅表演，今晚就係即場火焰燒田螺串，估唔到餐廳都有呢種嘅表演😂🤣 田螺燒得岩岩好，無苦味👍🏼 另一樣就係糯米蟹蓋，糯米吸收哂蟹蓋嘅鮮味，食到好濃郁嘅蟹味，再配上蟹膏同肉，必須一試😍👍🏼海鮮主要有生蠔同長腳蟹。生蠔質素都唔錯，無咩海鮮腥味，大大啖食都無問題。長腳蟹都係新鮮爽口！而且仲有芝士焗生壕同埋薯蓉焗扇貝。刺身壽司一啲都唔馬虎，特別大大啖嘅厚刺三文魚刺身令人非常滿足。肉類都分別有牛扒、鴨胸肉、咖哩牛腩等等。甜品重有即整嘅梳乎厘，熱辣辣，好正！好有懷舊特色嘅支裝汽水！

呢間酒店下午茶星期六都只係12x一位，試試佢冷盤比較少，有少量款式嘅魚生同壽司，凍蝦同青口。不過熱盤有好多，而且賣相都好似唔錯！首先食咗個杞子蛋撻，係新鮮出爐的，個焗爐就喺隔離，聞到好香所以即刻食返個熱辣辣嘅蛋撻竟然有關東煮🍢煮得好入味，雞蛋大大隻，必食！碗仔翅不錯！滷水雞翼、滷鵝、蘇炸魚柳都可以一試有自製迷你pancake機，可以望住個pancake嘅製作過程，只需1分鐘就有熱辣辣嘅pancake食！有即製班戟，但未等到夠鐘已經食飽咗，唯有下次有機會再食啦！唔夠飽仲可以食碗大排檔粉麵，可以揀肥牛、墨魚丸、魚蛋、大蝦等等雪糕方面有CocoBerry的雪糕，海鹽味非常特別，有點似焦糖，好啱我口味🥳還有其他甜品和朱古力噴泉