德福閣

朋友介绍旺角有度好抵食嘅晚上自助餐，我一于订咗四位同家姐一齐庆祝生日。呢间餐厅其实系位于旺角嘅仕丹福酒店阁楼，一上到去，门口接待处职员有礼貌、亲切的招呼，之后就安排入坐。唔好睇少呢度地方细细，但系野食嘅种类都几多！首先，有新鲜即烧即切嘅牛排同火鸡肉，可以加黑椒汁或者烧汁一齐食，肉质都算唔错，几嫩同唔韧。肉类隔离就系焗芝士同鲜茄帆立贝，个芝士帆立贝要大赞，因为芝士味实在调较得非常好，好香浓，大家一定要试吓！第二个本人认为好食嘅就系府城虾卷，佢炸得非常香脆，外脆内软，入面粒粒虾肉，热辣辣，好正！第三个好味嘅就系盐烧猪腩肉伴胡麻酱汁，猪腩肉唔会好腻，食落口系会有融化嘅感觉，唔错！除咗呢啲肉食之外，海鲜同寿司都好食㗎，有大大只新鲜生蚝、大虾、大蚬，粒粒鲜甜；至于寿司就有大量三文鱼同油甘鱼刺身，都算肥美。到晚上八点左右，侍应姐姐告知会有法国田螺串烧，我哋准时去拎咗，由于太好食嘅关系，我唔记得影相就食咗。。。因为热辣辣，好好味！仲有无限量嘅中华沙律提供，肉类同蔬菜类嘅食物都好平均，系好嘅现象。食完主菜就到甜品，呢度嘅甜品种类都算几多，款款都好精致，非常吸引！呢度比到我一个大惊喜，就系汽水任饮之余，