德國餐廳 (翠怡花園) (已搬遷) 新店位置

老公OT，今日同囡囡兩個去大埔食野行街，有一排係太和以附近返工，所以都知道以附近有野食。今次我同囡囡食德國餐廳，因為囡囡非常鐘情卡邦尼意粉。8:00到達，已全場滿座，等一陣就有位啦。德國餐廳主打鹹豬手，德國香腸拼盤，，一個人怕食唔晒，所以今次只叫了香腸拼盤。德國香腸拼盤（$158）有四款不同香腸，有辣肉腸、芝士腸、豬肉腸，香腸外皮非常脆，芝士腸一切落去，爆汁，送埋啤酒真係一流。卡邦尼意粉（$128）意粉煮得剛剛好，口感煙韌，芝士味好香。

今日又再次係大埔出沒，前排都有去唔同既德國餐廳去食豬手，今次又癮起，再去搵地方食豬手。黎到Das Bier，原來餐廳係一左一右，我地係其中一邊入座。之後就望望餐牌喇，餐牌既設計好有趣，有種睇報紙既感覺，而且好多頁，可以簡既款式都好多。有德國出名既豬手同埋德國腸。另外仲有西餐常見既扒類、小食等等。我地首先叫左兩杯野飲，幾有特色，我叫既係芝士奶蓋綠茶，芝士奶蓋本身係鹹鹹地，配落綠茶既清新，將本來茶既味道加上一種層次。至於友人就叫左芝士奶蓋朱古力，同樣係芝士奶蓋，加入綠茶同朱古力既感覺好唔同，朱古力本身係甜既飲品，如果加上芝士，感覺唔會甜到好濟，反而有種平衡既感覺。講完野飲當然就講下我地既主菜喇，我地叫左德國香腸拼盤，有好多款唔同既德國腸，包括有蜜糖腸、芝士腸等等，全部個外皮都係脆卜卜好好食。不過最令我印象深刻既係，呢度有一款係芝士流心既腸，咬落去芝士同肉汁交融咁必出黎，個感覺超特別，而且超好味！之後就到我既ribs，值得一讚既係呢份ribs真係超厚肉。好多時ribs係係骨一行、肉一行，但佢既骨上面仲可以切到一大片肉出黎。而淋上燒烤汁之後，真係好好食，因為份量真係好大，大到食完就超級飽肚，建

之前sem break果陣好得閒，就約左係大埔既朋友食野，朋友就話想黎試下呢間德國餐廳das bier 野飲方面，我地叫左個芝士奶蓋，德國餐廳竟然有芝士奶蓋！抱住獵奇既心態，我同fd都一人叫左一杯試下一共有四款口味，我就叫左蜂蜜綠茶，朋友就叫左朱古力個芝士奶蓋都幾得！第一次係香港飲到比美某大陸著名茶飲既芝士奶蓋 但我就略厭個峰蜜綠茶甜左d 連芝士飲係ok的 但就咁用飲管入就好甜朋友杯朱古力唔錯，有朱古力味又唔會太甜主菜方面我地叫左個德國鹹豬手配酸菜及薯仔沙律 豬手出面係脆皮 望落好吸引 雖然叫鹹豬手 但唔會話好鹹之餘又唔會淡而無味 肉質幾鮮嫩 感覺比係德國食過既好食 可能岩香港人口味多d另外都叫左個斧頭一字牛肋骨 岩岩個豬手已經好大，估唔到個牛肋骨大咁多！之前食過一次牛肋骨冇咩味 本身朋友話想食果下我都有d反對 好彩佢有堅持要食 呢個牛味好香！我覺得唔配個汁就咁食都好出色 而佢個沙律比左d沙律醋 好開胃 極度推薦大家試下！

今次係第一次試德國菜🇩🇪感覺十分新鮮😜餐廳十分有格調⚜️入面牆壁用仿磚牆設計，牆上掛左鹿頭裝飾🦌同埋水龍頭款既特色掛勾🚰Menu有曬最出名既德國菜🤤有鹹豬手🐷德國香腸😍另外仲有廚師推介既牛肋骨🐂肉眼扒🥩同埋羊架等等😍飲品除左啤酒外🍻有依家最興既奶蓋飲品🥛我地叫左鹹豬手、牛肋骨同埋兩杯奶蓋飲品💕唔想自己切豬手同牛肋骨既話🍴可以叫餐廳切好左食物先🤓🐽鹹豬手鹹豬手個皮好脆😆d豬肉都夠乾身，有少少似金華火腿😝仲有芥末可以蘸👍🏻伴碟既酸菜🥬可以開胃同埋薯仔沙律都好高質🥔份量唔會過多一定食得完😚🐂牛肋骨牛肋骨好juicy🤩7成熟，d肉汁煩曬係d肉入面😋另外，份量真係好足💕好大塊肉🥩牛味好足🐮伴碟既黑醋沙律，落足黑醋，唔會齋食青菜🥗🍼奶蓋朱古力🍫&奶蓋蜂蜜綠茶🍵奶蓋既奶味好濃郁，鐘意飲奶蓋既一定要就咁成杯唔用飲管飲😍朱古力唔會太甜👍🏻蜂蜜綠茶既蜂蜜味有少少蓋過左綠茶味😝

曾經去德國旅行嘅時候試過德國脆皮豬手一直難以忘懷，今次無意中係太和站附近搵到一間德國餐廳，決定搵返當年係德國的味道.DAS BIER有兩個舖面對望住，感覺平時一定好多客幫襯.德國脆皮豬手一定係必點，一上來已經貼心幫你將豬手切好方面客人享用，皮脆肉嫩，咬下次脆到好似薯片咁，d肉烤的岩岩好，鎖住肉汁且食到膠原蛋白，配菜有咖哩薯蓉，薯蓉裡面有不規則嘅薯仔顆粒食落去好滿足.接下來就是必食配菜：酸菜！酸菜可以解膩又可以清口，如果酸菜可以再酸d咁就完美啦～～～今次係兩個人用餐，保守點左一份燒春雞，肉質嫩滑！配上兩種醬料，搭配薯角 ，驚喜嘅係都配有酸菜真係讓人欲罷不能！份量足夠3-4個人享用 地方寬敞坐得舒服，廁所係德國國旗後面，別有心思...下次想試下西班牙海鮮飯 同RIB

今晚係大埔開完會 同班舊同學一齊聚首一堂 想搵間又近又環境好又可以慢慢坐 最重要緊係好食既餐廳啦 我同朋友除左鍾意德國足球之外亦都好欣賞德國既飲食文化 見到有呢間Das Bier德國餐廳 就入去試下啦首先叫左個必食烤鹹豬手 呢道菜係德國菜既代表 亦都係靈魂 呢間餐廳亦都對得住大家 因為皮烤得香脆不特止 仲有鹹香味 肉質好嫩滑亦都宙油香 一次過滿足哂食肉慾之後就叫左個牛肋骨排 呢個真係驚喜 因為小弟見識淺薄 好少係出面食到 呢個排既肉非常似平時食到既牛仔骨 但係異常鮮嫩 牛肉味極重 油香滿溢 比得上和牛既味道呀之後叫多杯芝士奶蓋朱古力 雖然朱古力味道較淡 但芝士層口感非常豐富 而且有香濃芝士味 十分一流    

是日爸爸生日，佢係個豬手發燒友，以前同朋友食過西班牙餐廳，味道非常之好，素聞係同一個老闆開，想食豬手一定係食德國正崇豬手啦。Book好檯就準時出現啦🤗一黎到，見餐廳裝修非常唔錯，好有氣派之餘又唔會太華麗，啲裝潢好別緻，有個靚景，食都食得高興啲，爸爸都好高興。黎到德國餐廳，本身都想叫豬手，但咁岩見到佢有個季節限定既芝士火鍋，有一個芝士鍋鍋，三種唔同既芝士，包括艾文達芝士，告魯耶芝士，同車打芝士，外加兩份主食，仲有個意粉，蔬菜果啲，真係完美滿足到大家需要，爸爸想食豬手，我就係一個不折不扣既芝士控，再加上我超鐘意食蔬菜，一次過滿足三個人既願望，就決定是你了！主菜一上，果然不得了，芝士火鍋芝士超濃厚😍，傳統芝士火鍋最重要就係三種芝士混合，一種作基調，另一種取其香味，第三種做軟軟質感。三種芝士各有作用，再加上餐廳加入大量白酒吊味，個鍋一上就聞到濃烈既酒同芝士味，未食都已經令人垂涎三尺🤤食物方面，首先想講講蔬菜，因為我好鐘意食蔬菜，係依一方面比較有心得😎蔬菜盤上有西蘭花，車厘茄同蘑菇。 蔬菜整體黎講都處理得好好，係好新鮮同靚既蔬果，完全睇得出係有揀過，車厘茄粒粒都又圓又靚，仲要夠晒甜同多汁，就咁食

上星期中旬，下班後與同事坐了幾個站火車到太和站附近商場購物。到了傍晚二人決定在太和站附近的DasBier用膳，老實說DasBier的位置比較隔涉，但令人驚訝的是在一個私人屋苑下竟然有一家質素如此高的德國餐廳。DasBier的裝潢設計帶少許歐陸風，仿磚牆紙及牆上鹿頭掛飾呈現簡單的歐式風格。當天與同事二人點了一個德式芝士火鍋，單單一個火鍋便有3種不同的芝士，包括艾文達芝士、告魯耶芝士及車打芝士，還包括其他配料及一份傳統德國豬手及德國腸併盤，非常地道的德國菜能一次嘗盡。德國豬手肉質幼滑，多肉汁，肉質帶麥風，非常惹味。但是喜歡吃煱豬手皮的你可能要失望了，因為這道菜似乎並不是以焗作主要烹調方式所以外面的豬手皮並沒有特別的脆，卻仍然保留滑嫩的口感。德國腸拼盤裏其有3款不同的口味，應該是慕尼黑白腸、德國芝士腸及圖林根香腸，味道濃，有股淡淡的烤肉香、鹹、辣味在肉汁中揮發，簡直是人生一大樂事。芝士火鍋最重要的芝士湯底非常濃烈的芝士香，白酒味較濃烈，熱愛酒精的二人因為白酒與芝士互相配合的香氣忍不住舉起姆指。但老實說，附帶的配料就較普通，小番茄和西蘭花味道較淡，感覺浪費了沾在上面的高級芝士啊。意大利麵的口感

今日因為工作關係心情麻麻 約咗個死黨大呻一番 決定要飲番兩杯 去咗大埔嘅呢間das bier 係德國餐廳嚟嘅尋日夜晚嚟到 人數都幾多 要訂位先食到 好在早有準備 分咗兩間舖 燈光有情調得黎唔會太黑 而且檯凳相當闊落 有私人空間我叫咗杯生啤 冇乜特別 但朋友就叫咗杯芝士奶蓋朱古力 奶蓋好濃厚 仲有濃濃嘅芝士味 反而朱古力就唔太甜 唔會喧賓奪主 建議先飲奶蓋 之後先混合一齊飲烤斧頭一字牛肋骨 睇相好吸引 店員仲好細心問幾成熟同使唔使幫手切開 切開咗都好靚油花十足 入面仲係五成熟嘅粉紅色 入口即溶一啲都唔韌 而且都牛味濃郁 勁大份兩個 女仔食完已經好飽仲有沙律菜做配襯 沙律汁用咗油醋 非常清新 而且有半隻烤蒜頭 雖然食完會口臭 但配埋牛肋骨係完美嘅配搭

今晚夜收工, 唔想煮就揸車去大埔搵食, 見到呢間DAS BIER 德國菜又未試過咁就入去了, 車泊旁邊條路都幾方便。入到去見到MENU, 除左德國野原來仲SERVE埋西班牙菜, 不同款式的西餐都有。我諗住咁唔專注的西餐廳，都係揀食牛扒穩陣，朋友選了CARBONARA亦係穩陣之選，另外仲有得飲近期大熱芝士奶蓋茶，我揀左桃味。好啦, 坐左唔夠5分鐘, 野飲黎先，奶蓋好香濃牛奶味，真係飲得出用新鮮鮮奶打成豐厚泡沫，桃味綠茶亦不會太甜，整體黎講係非常OK! 朋友碟Carbornara 亦上桌, 份量十足, 目測比起一般餐廳應該多出50%份量, 我當然唔執輸試一啖, 一試竟然覺得個芝士味極有力度, 好足夠的芝士, 仲有蛋香!! 意粉還算AL DENTE, 實在係驚喜!! 我份牛扒亦都來了, 叫的是GRILL RIB-EYE, MEDIUM, 10OZ, serve board 上, 一眼見到就知OK啦, GRILL紋呈斜格狀, 剛剛好, 再切開睇下係呼MEDIUM, 見到亦無令我失望! 另外牛扒配菜是大量有連皮炸的薯條，飽到我呢! 甚是驚喜, 這絕對不是在普通屋苑樓下可以食到的質素!而且價錢亦算

聽朋友講大埔有一間食德國鹹豬手幾好味今日就特登去試吓其實翠怡街一帶不嬲都好多嘢食有日本野，韓國嘢，台灣野原來連德國鹹豬手都有呢間餐廳原來特別在有兩邊而兩邊嘅裝修風格都好唔同我哋揀咗其中一邊黎坐入邊嘅裝修亦都幾有氣氛同style呢度嘅 signature 當然係鹹豬手啦我哋就叫咗嗰個得個鹹豬手配酸菜及薯仔沙律Drink menu呢杯芝士奶蓋蜂蜜綠茶超超超超超好飲質素仲好過好多台式嘅飲品鋪頭佢嘅芝士好香好滑好creamy~主菜我哋嗌咗煙三文魚田螺香草意粉呢個又係好好味 好香香草味 又一啲都唔油仲好足料添登登登登招牌鹹豬手黎啦呢味菜之所以做得出色就係因為隻豬手一啲都唔油D肉瘦得來又唔硬皮又超脆十分推薦大家嚟試吓

門口貼滿餐牌,令人一目了然,更吸引客人去食,季節限定的芝士火鍋有兩款,分別是德式及海鮮盤,2-3人套餐$498,3款芝士,法國麵包粒,蔬菜,意粉,還有任選兩款的德國豬手/雜錦海鮮拼盤/德國腸拼盤,冷切肉拼盤,真系好吸引!Carbonara spaghetti $128 ,估唔到有4-5片Parma ham咁多,薄身有咬口又夠咸香!!平時食意粉都覺得唔夠芝士,呢個carbonara超多芝士,勁creamy~沾滿每條意粉~~十分幼滑香口,芝士迷最愛了!!Ginger Honey $35 ,飲杯熱飲暖一暖個人,鮮薑粒加上蜜糖,唔辣口又有蜜糖的甜,非常正Orange & Chocolate Crunch Cake ，朱古力味濃厚,帶點香橙味,又有脆脆的口感,我總是覺得朱古力跟香橙是絕配的!!Pandan Pina Colada Cake ，斑蘭同菠蘿的味道平均,底層蛋糕同樣做得好!!很喜歡斑蘭的味道~但平日很少食,十分清新!!

聖誕節黎啦，又係時候慶祝下，又係俾個藉口自己去食好野。今次想食特別啲嘅野，唔想黎黎去去都係壽司西餐，所以去Das Bier食徳國餐。由於係平安夜去，所以8點幾去到已經好多人排隊了。記得幾年前黎過，當時得一個鋪位，依家多左兩間小分店係附近，等位都快啲!!!野食同飲品都有好多唔同嘅選擇~~食徳國野緊係要叫豬手啦，德國鹹豬手配酸菜及薯仔沙律($208)。鹹豬手即叫即整，所以需要等一啲時間。豬手嘅皮非常脆，肉夠嫩，份量非常多!! 配埋酸菜同沙律一齊食，一啲都唔肥膩!!另外，仲叫左個德國超級香腸拼盤($188)，一共有4款腸，每款有2條，同朋友一人一條唔使爭。配埋薯條，薯條炸得好脆!! 今餐真係非常滿足呀!!

🇩🇪真係十年都唔食一次既德國菜久唔久食下都幾開心啖啖肉岩哂我😌😌-🍖德國咸豬手配酸菜及薯仔沙律（$188）食德國野一定要叫豬手😂係地盤佬既份量呀 超大份個外皮真係好脆 啖啖肉唔會太咸 點芥末好正🤤薯仔沙律都加左d芥末 好match但酸菜我真係唔識欣賞😂bye不過食食下會口乾 要飲多杯野解渴-🥓西班牙風乾火腿配凱薩沙律🥗（$128）叫豬手一定要配個沙律食下咸又食下清新既野中和番凱薩沙律醬係冇得輸☺️如果ham多d就好喇-🧀芝士奶蓋蘋果酒🍸（$82）呢個世界真係乜都可以加芝士奶蓋😂😂好奇佢係咩味所以嗌黎試下估唔到又幾match奶蓋既咸香再加apple cider真係幾特別

環境不錯，裝潢舒適、氣氛很好，是一個不錯的用餐地點。而食物質素不過不失，不過價錢略貴，兩個人用餐叫了三道菜，賣單$400，人均消費$200左右。第一道菜為乳豬，賣相不俗，皮燒得很脆，不過味道偏咸，份量亦偏少，大概比一隻雞腿大少許，但價錢大概$200，性價比不高。如果兩個大胃口的人，吃這道菜鐵定不夠飽。第二道菜為焗墨西哥粟米脆片，份量尚可，不過味道較單調，只配沾醬。如加上牛油果醬、酸忌廉或溶化芝士等配料在表面烤，這道菜定能更出色。第三道菜為三文魚磨菇意粉，賣相尚可，亦足夠兩人份量。三文魚、磨菇的份量很多，配合意粉的醬汁，個人認為是三道菜中味道最出色的，值得一讚！