德國餐廳 (翠怡花園) (已搬遷) 新店位置

訂位9點，但等左半小時先安排到位，成條街得我地幾個傻仔係度等位，最後仲要係坐左係轉彎間西班牙餐廳內。叫左德國豬手，芝士焗薯條，10oz牛扒，乳雞(春雞)烤紅飯，85折後$743。先講食物：豬手皮夠脆，過得去。芝士焗薯條，完全係薯條上鋪一pat芝士焗溶就上檯，但佢可以完美到薯條同芝士係完全地分開，每條薯條都沾唔到芝士，而且面頭pat芝士上到檯係變左一塊一舊芝士，伏到爆。烤紅飯，落單時問店員A辣唔辣，佢話唔辣，係蕃茄炒的，ok，就叫呢個飯，因為同行有個3歲幾既小朋友，飯係for佢食既，點知上到檯，隻雞有椰汁味，個飯無蕃茄味仲唔止，仲越食越辣添，3歲小朋友完全食唔到，問店員B，佢話個飯係辣既，仲叫我地應該問左先，我話落單時已刻意問左店員A，佢話唔辣的！之後店員B只回應唔好意思！再問返店員A，佢仍然堅持係唔辣，係蕃茄炒的，我話你了解清楚先答人啦，如果我一早知個飯辣既我可以選擇叫另一款，唔洗辣到小朋友完全食唔到，搞到佢成10點幾都未食到晚飯，仲要趕返屋企煮野食俾小朋友，跟住店員A回應，唔好意思！伏伏伏！一定無下次！

尼間餐廳好似係由兩間唔同餐廳一齊，所以入到去有兩間唔同名既餐牌。覺得會令人無乜心機睇😂食物味道都唔錯 時間無限制食幾耐 適合朋友傾計聚會 但凳就唔係話好舒服😂坐得耐都攰 *D花茶好伏！

難得4個朋友一齊約到食飯，我地就去食德國餐廳，因為呢度既野每一樣都大大碟，冇返咁多個人一齊食，係唔知點點餐，同埋食唔晒。我地叫左4樣野，結果都係食唔晒，真係要提提各位，叫野食要手下留情😅德國腸拼盤呢個拼盤其實有兩個size，我地都叫左個細份，裡面都有唔同種類既腸同埋炸薯角。德國脆豬手呢個豬手真係好大份，而且個皮整得好脆，裡面既肉唔會套乾，仲有酸椰絲伴碟。鍾意食脆脆既朋友，一定要叫呢樣。炸蟹餅呢個一碟有8個，每人可以食2件炸得好脆，裡面個料實在好食，因為真係會食到裡面有一絲絲蟹肉，而且又同沙律醬既味噌好夾。三文魚卡邦尼呢個卡邦尼好creamy，意粉裡面又有洋蔥、煙肉，上面又有好大塊既三文魚。真係又睇得又食得總結，呢間餐廳既野食份量大之餘都係好食😊

剛從  回來不久，有點想念豬手🤤 雖然前陣子的  吃到最好吃的豬手都不在德國（而是捷克呢！），但豬手也是我在德國的回憶😂.然後這日和朋友約會，很自然會想回味德國食物，所以找了間隱世 ，想不到出奇地高質！最欣賞這 ，選用了30日的乳豬，所以超級嫰滑和好吃！雖然小小一隻要 HKD 168，比歐洲的貴很多，但還是值得一試🤤.味道：8/10價錢：HKD 168

住喺大埔嘅我，成日都聽朋友講呢間德國餐廳幾好食，好想黎試今日最終的起心肝去食，用eatigo訂位仲有折添由於以前喺歐洲exchange過半年，成日都好懷掛住個邊嘅野食所以第一樣就當然叫番個parma ham先啦果然有驚喜😋鹹度適中，油香味亦好唔錯，肥而不膩另外叫左個豬手，皮脆肉滑，椰菜同薯蓉都好正，好好食，有以前喺德國食嘅味道個醬都好味😋😋😋羊架就不過不失，而價錢黎講，還是不錯的，只係其中一個真係煎到黑左少少整體黎講，服務幾好，環境舒適，上菜算快，食物比唔少九龍區差唔多價錢嘅德國餐廳好食，值得番call😋😋😋

呢間幾難來，最好渣車來，環境幾有mood, 好外國feel, 但覺得隊band太大聲，傾唔到計，細聲啲好啲。叫左德國腸同rib，幾好味，最好味係相中的菠菜雲吞，個汁同菠菜好夾菜味，creamy, 啲菜又冇青味。最後食件黑森林cake估唔到大成咁😂兩個人食完全食唔曬，我覺得要六個人食😂😂😂可以睇樓下張相佢大過隻杯！整體係好味嘅高級餐廳👍🏻

朋友專登入黎大埔食飯，我都想搵間有格調嘅餐廳，而且又可以傾吓計！就推薦黎德國餐廳喇！我地3個人叫左隻不過鹹豬手都已經好夠食喇！好脆又唔油膩！推介！再加埋d蠔又新鮮！一路飲白酒一路傾吓計真係好嘆！

一直都聽講大埔有間德國餐好好食，所以今日特登揸車同老婆入去試吓，入去先發現原來呢間德國餐廳係好多唔同嘅地方都有分店，既然係連鎖式經營應該質素都唔錯。今晚嚟食飯人唔算太多，好快就已經有位坐，呢間餐廳係同一條街道租左幾間舖，啲店員要走來走去，不過招呼都好好。識得個餐冇得唔識嘅就係佢個豬手啦，呢度個豬手都做得好好，做到外脆內院嗰種感覺，兩個人食一份豬手都覺得有啲飽，當然我哋唔係淨係叫咗豬手啦我哋仲叫咗一份 Beef Rips ，呢個就真係好好食，牛味非常之豐富之餘，又唔會太過油膩，又有少少筋位，一次過滿足晒你所有嘅願望，當然食完豬手同埋呢一份 Beef Rips 之後，係非常非常咁飽我哋再叫埋杯嘢飲埋單都係$600左右非常抵食

以前成日跟老公入鹿頸遊車河 之後都會出黎呢頭附近覓食 最近發現原來呢度都有間德國餐廳 基於我地都好中意食豬手 所以今次就食呢間啦👇🏻餐廳好易搵 見到DasBier 就係啦 對面仲有一間 視乎店員安排坐邊一邊👇🏻大家可以睇到 德國餐廳有好多分店 我同老公先發現 原來幾間分店我地之前都食過 例如Mikiki 奧運店 食物水準都係保持住非常好👇🏻德國鹹豬手配酸菜及薯仔沙律 今次目標清晰就係要食豬手 真係超級脆卜卜 薯蓉都好好食👇🏻烤斧頭一字牛肋骨 $298 非常抵食 店員都會幫你切好一片片 牛味好重 肥膏唔會太多👇🏻芝士奶蓋蘋果酒特飲 基於我超愛奶蓋 決定一嘗 好特別 出奇地夾 下次我都會再飲👇🏻另外青口都有優惠 見其他客人都有食 不過今次已經好飽 下次再試呢個

今日同朋友係大埔搵野食，由於我同朋友都想飲住酒吹下水，於是就黎到呢間德國菜餐廳到dinner。咁大家都知德國菜最出名就係豬手、香腸同啤酒。呢間餐廳除左有德國菜外，仲有好多西餐揀，好似西冷扒、意粉同pizza。我同朋友都係叫左法式燒春雞。呢到既燒春雞非常大份，仲分好埋，唔洗自己用手食。呢份燒春雞唔係太油膩，怕肥既人都會岩食。呢份燒春雞配上茄汁同沙律醬，令到燒春雞既味唔會太寡。燒春雞仲配上薯條，令到我地可以有其他野食下。正如我一開始講，其實我地想一路飲啤酒一路吹下水。我地仲分別嗌左兩杯啤酒。整體黎講價錢都唔太貴，每人250左右就食到非常之飽，如果唔嗌啤酒既話仲可以平d tim。呢間餐廳係其他地區都有分店，值得一試。

眾所周知，大埔多酒吧甚至比7仔還要更多吧😂閒來無事，三五知己相聚相信德國餐廳das bier是不錯的選擇😙das bier原來都開左好多分店大埔依間店面積相對較小好多時都full，小杯品嘗閒聊既不會介意🍺近年附近開左西班牙餐廳(應該係附屬連鎖？)而且附近再租多一鋪位，變相有3間店的座位最近還有做這個推廣！三四人閒聊吹水都好抵試晚飯聚餐真的一流，坐又坐得舒服佈置又簡單舒適，隨心隨意放鬆交談這杯桃味綠茶奶蓋，超級清新好飲！才3x$一杯，超推薦，特別食完豬手這些會膩的食物，飲番啖又可以繼續食！講番食物先，來德國餐廳，當然要點德國豬手😌依度有兩種煮法，今次我揀左炸的！德國咸豬手酸菜配薯仔沙津，$2百左右一如以往，4個字形容得曬:「外脆肉嫩」，而且外皮無多餘油份！唔會有油膩既感覺要知道豬手唔係度度整得好味喜歡配啤酒既又有多種口味選擇！另外還點了香草醬煙三文魚意粉，香草醬煮到意粉有點乾身，配上煙三文魚🍝不會太膩，不易濟，但個人喜歡有點汁更易入口大埔依間勝在和西班牙餐廳相鄰可以在同1間店order兩間食物所以唔只可以吃德國炸物小吃西班牙飯粉,薄餅等也可以個人覺得2個人食既話豬手+飯/意+啤酒都夠3個

一坐低當然就叫杯啤酒啤啤佢，啤酒夠凍，好爽。呢個超級德國腸拼盤係招牌，果然唔錯。強烈推介比d放工想happy hour食d小食飲啤酒既朋友！幾款腸賣相唔錯，都好好味，完全值回票價。分量夠足。個人最鐘意呢款mini腸，多汁同埋有少少辣。幾特別，係出面未食過呢只腸。黎到德國餐廳當然要叫招牌中既招牌德國豬手啦。分量超大...皮脆肉嫩，仲有配薯蓉，一級棒。份量真係非一般既足，睇下我只手同碟豬手比較，就可以感受到佢既巨大。呢碟豬手我估3個女仔都夠食啦，好抵那個蒜味檸檬蜆作為頭盤都唔錯，蒜味夠，蜆肉都幾大幾甜。仲帶有少少酒味。呢個蝦我都係超級鐘意，蝦夠大隻，又有少少辣，味道好有層次。跟左一碟麵包我覺得係有d意外，睇得出比左好多心機！麵包用黎點汁都好好味。正。我覺得下次會返工過黎happy hour，氣氛亦都唔錯。

今日經過呢度，見到豬手已經忍唔到。吸引之處：1. 幾鍾意呢間餐廳既環境，餐廳比人輕鬆既感覺。裝修簡單但有氣氛。播住英文歌，更加有外國慢活既氣氛。2. 黎到德國餐廳一定會諗起啤酒。但今日想飲其他野。原來呢度除左啤酒，仲有芝士奶蓋綠茶。好適合唔想飲酒既人，飲呢杯都可以好放鬆。芝士奶蓋濃。蜂蜜綠茶清甜。茶味香，芝士鹹香味混合埋綠茶既清甜。味道過癮。口感又滑。3. 德國餐廳唔可以少左豬手。德國鹹豬手。好大份。豬手整得好貼心。已經去骨幫你切好曬。去骨去得乾淨。4. 食豬手首先要食皮。皮超級脆口。仲有少少乳豬既感覺，但唔會濟。豬皮比乳豬皮更脆，豬油香味好特出，豬皮脆口同豬油味混合一齊真係好好味。5. 豬手肉好有水份。因為之前食過其他地方豬手比較乾，所以比較之下，呢個豬手係整得非常好。豬手唔會太肥，但水份真係多。點芥末黎食，香味同甜味又提高到另一個層次。6. 酸菜好正宗，德國豬手既酸菜就係同呢間一模一樣。食左一口，之前去過既慕尼黑畫面出曬黎。整得真係好正宗同埋好好味。7. 成個氣氛好慢活，慢慢食慢慢享受個味道。整體黎講係高質素既德國餐廳。

唔同分店既質素都差好遠，大埔呢間das bier係我食過最滿意的。大埔既das bier係有2個舖位的，另外好似仲同一間西班牙餐廳一齊營辦/合作的。我見店員會將西班牙菜由西班牙餐廳拎過來，同時又會由das bier拎德國菜去西班牙餐廳。可能就係因為咁，食物水準都特別高。我地叫左我最鍾意食既豬手。另外叫左個西班牙飯試下。先講豬手，佢個皮係超脆，外脆內嫩，好好食。就算係佢既薯蓉都好食，同出面既唔同，幾有特色！西班牙飯都幾滿意啊，味道同配菜都好足。野飲方面，我地叫左個$150/3杯draught beer既推廣，都好抵飲啊。尤其食德國野，點可以冇德啤！我地叫左香港友，das bier lager，erdinger weissbier，三杯都各有各特色。其實今次係我地第2次黎食，上次就揸車，今次就醒目冇揸車，飲多d都唔怕。兩次都非常滿意啊真係。今次仲可以真係飲飽食醉先走！btw其實翠怡行翻出市中心超級城都唔遠，其實下次再黎食，都可以唔洗揸車。

有車真係非常方便，可以成日周圍去食好野。今日朋友就車左我入大埔翠怡食德國菜。佢話呢間野評價好高，味道都好好，值得一試！主菜我地叫左個德國豬手同西班牙飯。另外我地都有叫杯野飲，但由於朋友要揸車，所以佢就冇得叫德啤，有d可惜。不過唔緊要，我都照叫一杯erdinger，話晒食德國野嘛，最多比佢偷飲1啖。個豬手響上菜前已經起好晒肉，仲要切好晒，食既時候好方便，唔洗再用把刀慢慢切，就咁叉起就得。而且d肉都好入味，外皮亦都脆。朋友真係冇介紹錯。西班牙飯都幾足料架，有唔同既海鮮，米飯都幾入味，而且份量都唔少。由於2份野食都好大份，我地都食得好飽先至走。雖然最後埋單$500左右，但間唔中一餐，仲要係高質素既，都唔過份吖！