德國餐廳 (翠怡花園) (已搬遷) 新店位置

其實已經係幾個之前，一直未有時間寫食評…….好早之前買咗團購book位，去到餐廳話冇我book枱記錄，又話fullbook叫我再揀另一日黎。唔係麻…人影都冇隻…點fullbook呀…搞咗一輪終於到可以入座。一開始俾個menu我，話全部都可以order，到我落單時又唔可以叫海鮮炒飯，原因係我用團購喎! 跟住又話個menu係對面西班牙餐廳既….由我入座既時候已經同你哋講咗我用團購個喎! 算，叫過第二啲…<德國咸豬手配酸菜薯仔沙律>人人都話係名物，加上係德國名菜，點都一定要試吓啦! 豬手肉質尚可，算入味，但皮過硬，完全稱唔上香脆。薯仔沙律奶味略重，亦唔夠幼滑，整體係失望既。<法式蒜蓉包>法國麵包既size比其他店舖大，亦都有滿滿既蒜蓉，味道係唔錯既。可惜法包的質地唔香脆…<煙三文魚配凱撒沙律>正正常常的一個沙律，唔太特別。沙律菜感覺唔算太新鮮，比較淋身，dressing 多啲會更好。 <炸魚薯條>老實講，上菜賣相就麻麻哋，用上粗薯條，加返分啦! 個人認為炸漿過厚，唔太欣賞，不過魚柳好滑，煮得啱啱好! 不過另一件魚柳就唔新鮮﹐啲肉

簡簡單單兩個人的晚餐, 所以只係點左兩皮野食既然去得德國餐廳當然要點豬手啦我地揀左德國咸豬手配酸菜及薯仔沙律外皮爽脆, 肉質又唔太靭  雖然好大隻, 我地都食得哂 之後我地揀多一碟卡邦尼意粉冇諗到呢碟意粉都咁大碟兩個人食到好飽, 味道都好好

🍽🍹放工想同朋友同事放鬆下chill下，呢間餐廳就岩晒啦。唔止有野食仲有酒食。佢仲同隔離果間西班牙餐廳Tapas Brew合作，可以叫埋大家既食物飲品，所以可以試埋西班牙菜、手工啤同沙冰等飲品。🍖德國鹹豬手配酸菜及薯仔沙律鹹豬手塊皮好脆，肉質唔會老夠嫩，份量夠多，加埋酸菜同沙律，同黎餸酒一流。🍖德國香腸拼盤食肉獸大愛既野食，多種唔同既香腸可以俾你試下佢地既分別，但其實分別不太大，比較一般。🌮墨西哥香蔥芝士薄餅外表平平無奇，但食落有驚喜。外皮酥脆煙韌，裹面既芝士咸香得黎仲可以輕微拉絲，味道不錯，可以一試。📍德國餐廳 Das Bier(🤤7.5/10)📍大埔翠怡花園C座18A地鋪

雖然呢間係連鎖店 但望落去似大埔好出色嘅小店價錢合理 嘢食好大碟 最啱一大班人食 唔少得嘅當然食德國豬手啲皮好脆 肉好嫩 四個人食都有淨 好多配菜 仲有西班牙海鮮燴飯 不得了 又係好多 認真係大碟夾抵食 呢個他他吞拿都幾特別 配芒果幾fresh仲有好多款德國腸😆不過我就唔識欣賞 係覺得配返個芥末汁幾match太多了太多了 飽了 但豬肋骨係好味的 大家都要堅持要試下 四個女仔最後食晒所有食物之前埋單仲送左張coupon我地下次食 有下次

男友話搵到間，好計不錯既德國菜，又好似好耐無食過，就過黎試下啦，地點都就腳德國咸豬手，份量ok,味道ok 燒雞配薯條，味道ok ，面夠脆口芝屎焗薯條 ，份量夠，要襯熱，會拉絲，不錯花茶，雖然貴，但又幾好飲

2018.03.25 ☺️【大埔必食脆爆鹹豬手】食在大埔大埔真是個美食天堂小小的一個社區卻五臟俱全🤗這一次小妹就來到德國菜餐廳享用晚餐小店裝潢簡潔卻不失特色圍繞著食客的國旗、地圖、擺設等都富有德國色彩😎因應店面面積不算太大 餐廳亦在附近開了兩間小分店德國香腸拼盆 $142吃德國菜的前菜想必香腸就是排行第一位的選擇🥨拼盆中有香草腸、辣肉腸、德國芝士腸各2條 當然有內涵的芝士腸最討我們歡心另外亦配上香脆的薯角讓食客過過口癮香蔥芝士焗薯條 $88雖然芝士薯條談不上是德國菜的代表作可是每次看到餐牌上出現這道有魅力的料理總是忍不住芝士薯條的重點芝士份量都算剛好🧀淋在新鮮香口的薯條上香氣撲鼻惟芝士的質感較為厚實未能貫徹始終流進薯條堆當中口感煙韌如口香糖 有改善空間德國鹹豬手配酸菜及薯仔沙律 $208來到最期待的主角鹹豬手🐖由於都是即製需要的時間較長吃上一口薯仔沙律 口感幼滑奶味略重細心的店員在上桌時已經把豬手斬件皇牌豬手外皮烤得脆卜卜😋豬手肉略帶鹹十分入味 可以再試 Das bier 德國餐廳 💌大埔翠怡花園C座18A地舖Mon-Sun: 1700-0100

這天到大埔找朋友，我們通常都在附近吃韓國菜或是泰國菜，今晚想來點新意，吃德國菜！順便「啤一啤」黑紅黃，是德國國旗餐廳播著歐洲歌曲，有氣氛在德國餐廳，Menu當然少不了德國名菜－豬手有白豬手和鹹豬手可選德國香腸也是Signature dish, 而Menu亦有香腸拼盤可選。還有其他多國菜，例如英國炸魚薯條、法式燒春雞、美國燒排骨、西班牙辣肉腸拼風乾火腿、意大利巴馬風乾火腿、燒紐西蘭羊架等等。全隻燒春雞外皮燒得香脆，啖啖肉，肉質豐厚！撒上濃濃芝士粉，香草醬的味道也很濃郁來德國餐廳就喝杯啤酒吧餐廳的啤酒選擇也挺多的。氣酒雪條，有趣其實在德國餐廳也不一定要喝啤酒的冷冷的天氣，喝杯熱飲也不錯。啤一啤悠閒的晚餐

平時好少行經呢頭，咁岩星期五行經呢間野就試一試佢！舖頭細細，坐就唔會話好舒服，但環境裝飾都唔錯。黎到呢啲餐廳唔飲番兩杯對唔住自己。首先有杯熱情果麒麟啤，第一啖飲落口只係得啲泡泡，酒有少少熱情果香味，愈飲就愈淡；仲叫左一杯梨味白酒，無乜特別。跟住黎個頭盤，酸酸甜甜既八爪魚，好開胃！個汁又唔會太酸，岩岩好，推介！再黎就呢個濃芝士菠菜蝦配薄餅，如果鐘意食芝士同菠菜既人呢個真係好岩食！超好味！濃濃既芝士味，配搭菠菜同蝦，再加上薄餅咁食，讚不過個汁略嫌少左啲最後就係呢個芝士薯條。初頭上枱係會比佢吸引，第一叉拮落去再卷起係好強勁既拉絲，不過好睇唔好食，內𥚃既薯條焗到好乾身又無乜汁，外層啲芝士都焗到乾哂。呢個係今晚餐飯最失色！下次會再黎試埋佢啲德國腸同豬手！

身為一個大埔友而且有對各國美食情有獨鐘嘅我 今日就嚟到呢間德國餐廳度試下佢哋嘅德國菜首先叫咗 德國咸豬手 呢隻鹹豬手真係一個好大嘅驚喜 因為好多其他餐廳嘅咸豬手 一係就太鹹 一係就唔夠脆口 而呢隻鹹豬手嘅鹹味同皮嘅脆度都拿捏得非常之完美 堪稱驚艷 而且炸完隻豬手食落唔覺得肥膩 罪惡感亦都少啲燒春雞配薯條 顧名思義 唔好期望呢隻雞好大隻 但係春雞嘅好處 唔係在於大隻 而係鮮嫩嘅肉質同埋香脆嘅外皮 配上炸薯角 點埋醬汁食 非常之襯托到雞嘅鮮味同埋嫩滑香草醬煙三文魚意粉 三文魚食落好鮮味而且煙過嘅三文魚有一種木嘅清香 而意粉煮得剛剛好 唔會太淋 有咬口得黎親托埋芝士粉 令到成道菜式飽肚之餘又有鮮味

今日去咗大埔道行山 亂打亂撞之間發現原來得太和有條食街 入面超多嘢食 今日就食呢間德國菜 鋪仔細細好迫 但係坐得舒舒服 有小酒吧嘅感覺 叫左個春雞薯條 燒春雞炸得脆卜卜 夠大隻 肉質鮮嫩雞皮有香草味 薯條同樣地乾身 而且份量多 德國咸豬手 炸得好夠乾 隻豬手份量超大 而且細心咁起咗骨而同埋切開咗 好細心 個豬皮夠乾身 好似薯片咁脆卜卜而且唔油膩 配上下面嘅豬手肉 好多肉汁 味道適中 一齊食唔油膩 而且口感有層次 薯蓉係用咗甜番薯去做 配上特製嘅調味料 味道特別 加上酸洋蔥絲 配落咸豬手更加唔油膩 而且感覺正宗 香草醬煙三文魚意粉 上面有好多巴馬臣芝士碎同埋大大塊嘅煙三文魚 三文魚好鮮味 香草醬夠曬香口 而且味道豐富層次感重 配埋意粉一齊食好夾 兩個人食得咁豐富都係五百幾蚊 而且當中嘅鹹豬手整得超級出色 可以話係我喺香港食過最正宗嘅德國咸豬手

朋友推介之下，就去到太和食炸豬手為名嘅德國餐廳。餐廳枱布用藍白色為主，座位枱椅設計以木為主，仲有一張藍色嘅沙發仔坐，舒適而簡潔。餐牌上嘅食物圖片非常吸引，每一款食物都圖文並茂。當然要先叫餐廳嘅招牌菜德國鹹豬手配酸菜及薯仔沙律。豬手有我隻手板咁大隻，用木板上，賣相非常吸引，切落去外皮好香脆，而且豬肉肉質滑嫩，兩者夾埋一齊食好滋味。除此之外，豬手仲有另外一款選擇，就係傳統德國白豬手，呢個就冇咁熱氣。仲叫多咗一個沙律菜就係西班牙風乾火腿凱撒沙律，份量好多，而且非常新鮮。飲品方面都比較多選擇，除咗有啤酒之外，仲有養生花茶、熱嘅特飲，由於我睡眠質素普通，所以叫咗花茶中嘅好睡覺，入面有薰衣草、香蜂草同埋薄荷成份。朋友就叫咗一杯1664啤酒同埋好特別嘅熱棉花糖朱古力。最後埋單係$600有找，德國菜來說價錢合理，而且食物質素高，在大埔區很難得有一間有質素嘅德國菜。

今次去到大埔中心附近一間德國餐廳，餐廳位置好易搵到，位於地舖，而且喺大埔鬧市中。餐廳裝修環境好有特色，門口有一個開揚嘅酒吧空間，座位更有開放式選擇，裝修設計以德國國旗嘅三種顏色為主。首先不得不叫一杯冰凍1664 Blanc 啤酒，飲一啖心曠神怡，而啤酒種類繁多，任君選擇。繼而叫咗一份沙律前菜同埋炸豬手。西班牙風乾火腿凱撒沙律🥗賣相非常吸引，有好多風乾火腿鋪滿沙律面頭，仲有好多芝士粉、麵包糠同埋青瓜片等，蔬菜沙律非常新鮮，咬落去好爽口，味道鮮甜。最後朋友叫咗一杯棉花糖朱古力潤潤喉嚨。總括而言，食物好有德國菜嘅特色，而且係即叫即整，非常新鮮。

今日係女朋友生日，由於女朋友鍾意食德國菜。身為男朋友嘅我，就聽咗朋友介紹去咗呢間德國餐廳同女朋友慶祝生日！一間餐廳位於大埔太和站嘅附近 大概行5分鐘左右就會到 十分方便！餐廳唔算太大但係俾人嘅感覺好簡約 好舒服！店員亦都好細心，俾咗個盤我地放手袋。由於我六點半去，可能因為接近食晚飯嘅時候 都開始比較多客人 我建議如果黎食嘅話預約一定冇死！食物都好多選擇！餐牌上面有雪條，生蠔，甜品，前菜，啤酒其他等等⋯⋯我哋就因為聞到隔離枱隻乳豬好香所以我哋都跟住叫左一隻特色烤乳豬「178$」乳豬個皮十分香脆。肉質都好嫩 唔會乾爭爭！好juice…由於因為要揸車嘅關係，所以我哋就冇啤酒飲。就叫左一個比利時朱古力沙冰「58$」佢嘅買相十分之靚，好重朱古力味，唔會太甜，好啱我口味！

​ 翻完工咁攰，想同朋友chill下食下野， 推薦大家可以去哩間位於大埔嘅西班牙餐廳！ 無論係環境，野食定啤酒都唔錯！ 我同朋友揸車黎到哩間餐廳，好有情調， 有埋吧枱俾客人可以係度吹水relax下，wow正！ 我地兩個人試咗佢嘅豬手，份量好多，足夠兩至三人食用，好入味！ 皮係燒到膽扑扑，一咬落好似硬版嘅薯片，用黎餸啤酒一流！ 講起啤酒，我叫咗杯櫻花味嘅手工啤，好香濃嘅啤酒味，帶有櫻花嘅清香，好易入口！ 另外我仲試咗佢嘅parma ham toast and cheese toast， 好香脆，尤其愛佢配上parma ham，好夾！一啖多士一啖啤酒係人生一大享受！ 見到佢嘅甜品buy one get one free，梗係唔汁輸！ 我地要咗一個朱古力橙味，一個希臘乳酪紅莓蛋糕。朱古力橙個味好濃郁，係會漿住個口個種！ 另外嘅希臘乳酪配紅莓係好fresh好清新！兩隻蛋糕加埋只要38蚊！好扺食！ 哩間野真係唔錯，睇黎以後放工有好去處喇~

同姐妹談心講八掛野，梗係要搵間靚餐廳慢慢傾。大埔哩間餐廳就啱曬各位姐妹喇！幾有情調㗎！餐廳裝潢得好有外國風情，燈光亦較優暗偏黃，幾有feel㗎。我估佢嘅手工啤應該係幾唔錯嘅，我試咗佢嘅櫻花啤，好香，偏甜，適合女仔飲，而且係粉紅色㗎，好靚。其實一杯兩個share都夠，因為都好大杯㗎！另外我地試咗海鮮炒飯同埋多士。海鮮炒飯好岀色，材料好豐富，有蝦有魷魚青口等等，每一啖都會食到海鮮！炒飯都粒粒分明，一啲都唔油，good! 而多士一份有四件，兩件係芝士味，兩件係parma ham，兩個味都好中意呀！芝士好香，同多士好夾！parma ham食得岀好新鮮，肥瘦適中！女孩子有兩個胃大家都知，甜品梗係唔少得！乳酪紅莓蛋糕好推薦大家試！佢哩個係用希臘乳酪製成，好好味！夾埋紅莓酸酸甜甜，好清新。而朱古力橙味蛋糕味道比較濃郁，朱古力味好岀，配有少少橙香，正呀！我地坐坐下好快又幾個鐘，真係幾好feel㗎！推薦大家try try佢！