影片
更多
2019-01-12
149 浏览
是日爸爸生日，佢係個豬手發燒友，以前同朋友食過西班牙餐廳，味道非常之好，素聞係同一個老闆開，想食豬手一定係食德國正崇豬手啦。Book好檯就準時出現啦🤗一黎到，見餐廳裝修非常唔錯，好有氣派之餘又唔會太華麗，啲裝潢好別緻，有個靚景，食都食得高興啲，爸爸都好高興。黎到德國餐廳，本身都想叫豬手，但咁岩見到佢有個季節限定既芝士火鍋，有一個芝士鍋鍋，三種唔同既芝士，包括艾文達芝士，告魯耶芝士，同車打芝士，外加兩份主食，仲有個意粉，蔬菜果啲，真係完美滿足到大家需要，爸爸想食豬手，我就係一個不折不扣既芝士控，再加上我超鐘意食蔬菜，一次過滿足三個人既願望，就決定是你了！主菜一上，果然不得了，芝士火鍋芝士超濃厚😍，傳統芝士火鍋最重要就係三種芝士混合，一種作基調，另一種取其香味，第三種做軟軟質感。三種芝士各有作用，再加上餐廳加入大量白酒吊味，個鍋一上就聞到濃烈既酒同芝士味，未食都已經令人垂涎三尺🤤食物方面，首先想講講蔬菜，因為我好鐘意食蔬菜，係依一方面比較有心得😎蔬菜盤上有西蘭花，車厘茄同蘑菇。 蔬菜整體黎講都處理得好好，係好新鮮同靚既蔬果，完全睇得出係有揀過，車厘茄粒粒都又圓又靚，仲要夠晒甜同多汁，就咁食
是日爸爸生日，佢係個豬手發燒友，以前同朋友食過西班牙餐廳，味道非常之好，素聞係同一個老闆開，想食豬手一定係食德國正崇豬手啦。Book好檯就準時出現啦🤗
一黎到，見餐廳裝修非常唔錯，好有氣派之餘又唔會太華麗，啲裝潢好別緻，有個靚景，食都食得高興啲，爸爸都好高興。
黎到德國餐廳，本身都想叫豬手，但咁岩見到佢有個季節限定既芝士火鍋，有一個芝士鍋鍋，三種唔同既芝士，包括艾文達芝士，告魯耶芝士，同車打芝士，外加兩份主食，仲有個意粉，蔬菜果啲，真係完美滿足到大家需要，爸爸想食豬手，我就係一個不折不扣既芝士控，再加上我超鐘意食蔬菜，一次過滿足三個人既願望，就決定是你了！
主菜一上，果然不得了，芝士火鍋芝士超濃厚😍，傳統芝士火鍋最重要就係三種芝士混合，一種作基調，另一種取其香味，第三種做軟軟質感。三種芝士各有作用，再加上餐廳加入大量白酒吊味，個鍋一上就聞到濃烈既酒同芝士味，未食都已經令人垂涎三尺🤤
食物方面，首先想講講蔬菜，因為我好鐘意食蔬菜，係依一方面比較有心得😎蔬菜盤上有西蘭花，車厘茄同蘑菇。 蔬菜整體黎講都處理得好好，係好新鮮同靚既蔬果，完全睇得出係有揀過，車厘茄粒粒都又圓又靚，仲要夠晒甜同多汁，就咁食都好好食🤤蘑菇又係，好鮮甜，食落爽口無異味。最愛係西蘭花，平時食西蘭花最怕有草味，但依到用料真係唔錯，完全無異味，仲要爸爸唔食菜，成盤蔬果差不多由我一個人食晒🙈就咁食已經好好食，點小小芝士，享受下拉絲既感覺就更正🤗
肉類方面，德國豬手唔洗講啦，炸得非常出色，肉質鮮嫩又夠晒味，作為一間德國餐廳，合格有突呀，不過美中不足係芝士火鍋既豬手係去皮既，爸爸好遺憾，因為佢最鐘意食果層烤豬皮😞不過，佢話啲皮都好好味道，所以佢都食得好開心😃最抵死係，佢話又大個人第一次食芝士火鍋，佢覺得好有趣，不停拉絲拉絲同埋拉絲🤣腸方面更加係出色中既出色，佢有三種唔同既香腸，各有高下，我最鐘意芝士腸，肉味超濃，咬落去又有芝士汁，點埋芝士火鍋，四種芝士既享受，真係非筆墨所能形容😍爸爸就鐘意另一條德國大肉腸，貪佢啖啖肉汁，夠晒juicy🤤最後仲有條白肉腸，其實坊間好少見白肉腸，味道亦非常之好，不過我就比較鐘意芝士腸既爆汁感覺。
飲品方面，爸爸唔飲酒，係個好老豆，所以我就幫佢點咗芝士奶蓋綠茶，佢超鐘意飲，話奶蓋咸咸地好有趣，我依啲後生既就梗係要朱古力沙冰，夠晒涷又解渴，好飲到好感動😭
张贴
