德國餐廳 (翠怡花園) (已搬遷) 新店位置

夜晚放工嚟到德國餐廳食嘢，我哋喺依區返工，但係都係第一次嚟呢間餐廳。餐廳位置喺條小巷子嗰度，有少少難搵。店舖唔大，但係木枱木凳同埋長身上面嘅裝飾也有種溫暖嘅感覺。入店時見到門口位置坐咗一台外國人，見到佢哋嘅感覺係令我哋都會覺得可能間餐廳德國野都味道正宗，haha我地點左一個德國豬手拼沙律酸菜，同埋一杯奶蓋朱古力。飲品等左一陣就送到。我鍾意奶蓋嘅鹹香味道，而我都係第一次飲依個朱古力奶蓋。等左一段時間之後，終於等待主角出場啦。豬手燒得外皮好香脆，肉都好林，唔會太過鹹。薯仔沙律味道都好好，感覺好新鮮。個芥末點燒肉，可以減低燒肉嘅肥膩感覺。另外，依間店嘅酸菜都好好味，味道唔會太果酸，食落口仲係好配合。下次值得再到，鹹豬手好好味。😊

今晚與舊朋友聚一聚，又心血才來潮想食徳國菜，便找到了這間隱世廳餐。大埔都沒有開太多徳國餐廳，所以本來對這間餐都沒有太多期望，後來試了這裏的招牌菜，令我十分喜出望外。我們點了Carbonara, 鹹豬手和廚師推介的香蔥芝士焗薯條。首先來的是Carbonara，醬汁和芝士的味道都適中很夾，而且這裏的ham竟然不是平時食已熟透的那種，很驚喜！可惜就是乾身了一點。之後鹹豬手上來，份量很足，豬手肉肥瘦比例剛好，豬皮煎炸得很脆不乾身。雖然份量多，但醬汁酸酸甜甜，使人很開胃！最後來的芝士薯條，芝士比想像中多，可以做到拉芝效果😍餐廳放置了很多酒筒，椅子桌子的風格很傳統，佈置很有徳國味道😊另外值得一讚的是，我們一坐下，發現有個很精緻的籃給客人放隨身物品，覺得很少餐廳能做到這麼貼心！

第一次試德國菜揀左呢間餐廳見價錢適中合理一於試下地點都約易搵，太和站出大約15mins左右裝修都幾特別枱面地方都幾闊落，加埋音樂同有啤酒，幾適合幾個朋友食下野傾下計菜單設計得幾有心機，圖文並茂加上大大本，好似報紙咁，幾得意睇左一論之後我地一行兩人叫左佢地個signature dish 德國咸豬手配酸菜及薯仔沙津，另外仲叫左個香蔥芝士焗薯條上菜時就聞到勁香芝士味分量比我想像中大好多而且同菜單上嘅圖片基本上一模一樣啲芝士多到薯條下面都係，薯條上面仲有嘅辣粉做調味個主菜就再加令我地驚喜一上菜就已經切好晒仲要切得起乾淨肉嘅分量好多而豬皮亦都烘得十分香脆可口肉嘅質地烘烤得好霖加埋個芥茉醬就更加好食個皮亦都非常之脆皮加埋肉一齊食嘅口感十分之好

今日同朋友係大學上完堂之後，一齊黎到大埔搵好野食。記得之前黎到Das Bier 覺得幾有水準，於是今日就再黎一次。呢到除左有德國菜必有既豬手同香腸外，仲有扒類同意粉等等可選擇。我就因為岩岩考完試，決定食好小小，叫左個美國頂級黑安格斯肉眼扒。齋睇相已經流哂口水。塊肉眼扒唔會太老，配上五成熟可謂perfect match。雖然貴左少少但都物有所值。而我朋友就嗌左份法式燒春雞。呢到既燒雞最特別之處係冇乜油，唔會靠油黎吊味，即使係燒雞都係靠雞味黎取勝，配上醬汁之後就更加美味。更重要係雞既份量超夠，包保食到個肚脹哂先走！黎到德國餐廳又點可以唔飲啤酒？我同朋友分別嗌左一杯1664同埋Das Bier，可以話食得非常盡興。

今日同朋友約左去大埔，大埔火車站一出行無幾耐就到左條小巷，見到呢間德國餐廳就決定試下。選擇左德國餐廳，梗係要試下德國名菜咸豬手，咸豬手都有兩款選擇，我地就簡左傳統烤既咸豬手。然後，揀多個小食，決定要個沙律中和下，唔想食太多肉😂咁就決定要左個沙律。巴馬火腿凱薩沙律巴馬火腿份量足夠，帶有咸香味，配埋新鮮生菜食就岩岩好，唔會太咸又唔會太寡，成碟沙律都幾大份。咸豬手主菜黎啦！咸豬手個皮炸得超脆好有油香味，d肉又唔會太乾太柴，而且唔會太肥太膩，配埋少少酸椰菜都幾正，仲有個芥末薯仔沙律都幾好食。呢個份量，兩個人食完就都飽飽地。當然唔少得叫多杯酒飲下，簡直係配豬手必備呀！啤酒都有好多選擇下！仲有優惠做緊添！抵飲啦！最遺憾係試唔到個奶蓋蘋果酒，因為當晚賣晒啦，希望有機會試到啦，唔知會唔會好似harry porter 個butter beer咁呢😂

上次食完泰國菜，今晚黎到Das Bier食德國菜。呢間德國餐廳唔簡單，因為八年開足八分店由地鐵站太和步行6分鐘到了餐廳，入到去見環境唔錯，設計見心思牆身並非真的磚頭呢度主打德國🐷✋和德國腸，以前老闆曾經跟隨德國大廚工作，店裡主打的德國腸和鹹豬手都是由這位德國大廚親自傳授，味道絕對正宗。用料和比例都是按大廚研製的配方烹調。我同朋友點咗德國香腸拼盤和西班牙海鮮飯。香氣四溢的腸率先到，一咬鮮嫩多汁，肉腸搭配茄汁或芥末醬讓人吃過後想要encore。兩種香腸都係用🐷肉整既。白色的有芝士味。當切開腸時，汁緩慢流出，juicy juicy ~~另我唸起流沙包賣相幾好多料的西班牙海鮮飯aella,平底鑊煮係西班牙海鮮飯特色。個人覺得炸鱈魚幾好味。餐廳的煮法有別於傳統的煮法，傳統係用湯煮。今次無食到🐷✋可惜，下次來食翻~~最後係度分享下餐廳成功故事:用心專心炮製一兩樣食物也可以成功，最初餐廳就是靠🐷✋和德國腸。

陰晴不定的天，下著大雨！肚子又同時餓著，見依間餐廳開著門，又有美食就走了進去。正！全身都濕透了，冷得要命，雖說去德國餐廳飲啤酒是常識吧。。。但我最後選擇左叫杯熱薑蜜喝熱騰騰的，當堂無咁凍杯薑茶加入左大量薑，超級發輝到驅寒的作用店員窩心的送上暖暖的法式蒜蓉包，每一塊都很有溫度，熱哄哄的，脆得黎又香，真有如到了歐州之地，外面冷冷的下雪時我就坐在咖啡店內的樣子。我開始留意一下店內的裝潢，很有心思，開放式酒吧格調，真想像外國人般喝支德國啤酒！還有一對巨型刀叉掛在壁上，仲唔系暗示我要叫個西湯，切番隻德國豬手黎食～無錯！待應問過我要原照上還是切開上，比較懶惰的我當然是切開上原隻豬手連骨連切開了的肉，香香地上碟！餐肉腸也是粗粗的口感十足配著伴菜及芥茉一口口放進口，那種好吃程度就是每吃一件都好像不夠，要再多吃幾件的樣子特別的地方在於！它雖然很有肉感，但吃下去一點也不肥膩，到最後整隻完整吃完餐廳的menu也大大本的，圖片精美那杯大大的芝士奶蓋好像很好喝的說，下次就算無不下雨也會再來一試！拿過雨傘，再次暖暖的德國餐廳，再次步出去與冷雨同路。

呢間大埔的徳國餐廳🍴係兩座building之間的行之間，所以真係唔係咁易揾，但真心好高質。.咁佢做得徳國菜，就一定有啤酒🍻。做緊3杯150蚊，抵到！就咁飲下酒chill下都抵！我叫左Erdinger Fischer’s Helles好飲，唔太苦，岩女仔飲，麥味叫做適中，都full既。.德國豬手配酸菜及薯仔沙律🇧🇪🐷💪🏼🥔🥗(推薦指數:😋😋😋😋😋)上菜果陣已經切好曬，好細心。燒得個皮好脆，又食到，小朋友會好鍾意，一d都唔肥，無油膩感，感覺好好，根腱都好多骨膠原，好易咬，個芥末算係唔辣果隻，點埋d肉好食。.西班牙🇪🇸海鮮🦞🦐🦀🦑🐙飯(推薦指數:😋😋😋😋😋)有兩隻大蝦🍤、魚柳、青口、蜆，都算好豐富，啲珍珠米都好有咬口，好有西班牙飯嘅感覺。.芝士焗薯條🍟🧀 (推薦指數:😋😋😋😋😋)呢個真係超超超超超超超多芝士，如果你係芝士控的話，真係唔可以錯過！有圖有真相，自己睇！

五一勞動節🥳難得放假緊係食餐好，好鍾意德國菜🤤🇩🇪聽講呢間同當地嘅食物水準差唔多🙈早幾日就bk定18:15嚟食鋪頭唔算大，今日6點幾已經full house🤔真係要提早bk重量級推薦:德國鹹豬手配酸菜及薯仔沙律🥗🐽🐷唔好以為佢好肥，其實經過餐廳特別風乾，多餘嘅油份同水份都會被抽走，外皮十分脆，好似乳豬皮咁，入面嘅肉唔算肥，就算少少肥都係骨膠原多💯十分juicy惹味，可點上黃色芥茉醬🍗😍酸菜及薯仔沙律比較開胃，食完唔會覺得太濟🤘🏻二人份量西班牙海鮮飯，又唔覺得特別大碟，兩個人應該可以KO的，海鮮十分足料，意大利飯唔會太濕，岩岩好乾身👍🏼十分邪惡嘅香蔥芝士焗薯條🍟芝士份量可以見到係十分多🤩冇諗過佢咁大碟，最後食剩咗少少，幾個人share不錯選擇😼個人唔太鍾意苦味重嘅啤酒🍻今次試呢隻入口唔錯erdinger Fischer’s helles，少少甜味

黎過呢間酒吧都好幾次了，依然係我最愛既酒吧，第一次黎仲要係同（仲未係）男朋友過聖誕，所以每一次有紀念日既時候都會考慮黎番德國餐廳慶祝🙈呢間酒吧淨係係大埔都已經有3個舖位，基本上平日都唔需要等位，但如果係平安夜、聖誕節既話就等好耐啦😂德國餐廳最出名既係德國咸豬手同啤酒！所以我地4人都叫左唔少啤酒飲，仲叫埋德國腸拼盤，芝士薯條等⋯⋯德國咸豬手個皮係炸既，配埋好滑既豬肉，同芥末醬，十分開胃，真係會食極唔停！所以多數都會叫個又平又好味又飽肚既芝士薯條，大約80幾蚊就可以填飽肚！德國腸拼盤都唔差，不過4個人分，好快又無曬啦！

朋友話自從食過德國豬手，每隔一排都好想食一次豬手， 得知大埔有一間德國餐廳之後，就話想一齊去食了。德國豬手配酸菜及薯仔沙律-德國鹹豬手最重要係皮要夠脆，肉要夠爽口彈牙。 呢度既鹹豬手喺以上兩項都係屬於高水平而朋友同我都認為最出色之處，係脆皮並唔會隨時時間而變淋， 邊食邊傾計，大約都過了兩個鐘，烤過既豬皮依然仲係好脆口。德國餐廳除了鹹豬手，亦唔少得德國腸。 呢間餐廳有兩種德國香腸可以揀， 其中一款德國香腸拼盤有超長嘅德國腸，令到擺盤更為精美， 亦順理成章選擇咗呢一款。除了香腸嘅外貌之外，各款香腸嘅內容物都好唔一樣。有流心芝士的，亦有肉汁豐富的，即使一盤嘅香腸眾多，但都不會食厭，呢一方面的確值得一讚。至於燒排骨，雖然唔係德國最出名嘅菜式，不過係朋友食西餐時幾乎必點嘅食物嚟。 今次第一次見識到，原來豬肋骨嘅肉都可以好多。 由上菜嘅一刻，已經有種比起以前見過嘅豬肋骨都要更大，的確非常抵食。加上兩杯芝士奶蓋特飲 - 朱古力芝士奶蓋及蜂蜜綠茶芝士奶蓋，邊飲邊食，大快朵頤！

平時食普通西餐食得多，不過主打食德國菜嘅餐廳就真係第一次食講起德國菜，我第一時間都係諗到豬手同埋德國香腸除左以上兩款， 仲有豬、牛肉等等嘅菜式小食仲有墨西哥薄餅同埋焗薯條等等可以揀除咗食物，德國嘅啤酒都係好出名所以呢度都唔少得有德國啤酒同飲品呢度嘅裝修好有懷舊feel講明係德國菜就一定要試下啲豬手呢度嘅豬手分量十足，而且D皮焗得好香脆喺旁邊配咗啲酸菜、沙律，仲有芥末醬可以配啲肉食雖然表面香脆，但係啲肉一啲都唔鞋墨西哥脆片通常呢啲香口小食都係越食越想食，所以好快就畀我哋食曬香草醬煙肉三文魚意粉可能係用咗香草醬，再加上煙肉嘅油香，個意粉嘅味道幾突出食落少少濕潤，幾好味西班牙海鮮飯冇諗過呢度會有呢款菜式可以揀，屋企人話食得到落咗少少蕃紅花，絕對算係足料選擇

成日聽到大埔嘅街坊話， 翠怡花園附近有好多食肆， 呢日就走去睇下有咩好食， 見到有間德國餐廳， 睇完餐牌幾啱食， 所以入去試下。餐廳裝修有啲似酒吧餐廳， 環境都算乾淨。餐牌有兩款豬手可以揀， 個人喜歡比較香口嘅脆皮。蒜蓉包蒜蓉包用咗法式長包嚟整， 搽上蒜蓉牛油， 好香蒜味 ，啱曬我呢個蒜魔。香草醬煙肉三文魚意粉意粉好香香草(pesto)和芝士味, 再加咗小小忌廉去調味， 個意粉食落香同埋好creamy， 煙三文魚嘅分量都幾多。西班牙海鮮飯個海鮮飯都算幾足料， 有魚柳，魷魚圈，蝦，青口和蜆， 個飯底有用到番紅花去煮， 食到有番紅花嘅味道， 個飯嘅濕潤度適中。德國咸豬手配酸菜和薯仔沙律豬手皮幾香口夠脆， 豬手幾入味， 但唔會太鹹， 份量都幾多， 配芥辣醬幾香口惹味。Erdinger Dunkel去德國餐廳梗係要整返杯德國啤啦， 叫咗杯德國嘅黑啤， 黑啤幾易入口。

呢間德國餐廳我知道已經好耐不過食晚餐真係第一次叫左好多野最出名既豬手啦外脆內軟斧頭扒好大舊味道不錯芝士薯條一定要熱食芝士味都好夠雞翼就一般但雖然佢地幾間舖周圍走但服務都係好好值得一去

朋友話自從食過德國豬手，每隔一排都好想食一次豬手，得知大埔有一間德國餐廳之後，就話想一齊去食了。德國鹹豬手最重要係皮要夠脆，肉要夠爽口彈牙。呢度既鹹豬手喺以上兩項都係屬於高水平而朋友同我都認為最出色之處，係脆皮並唔會隨時時間而變淋，邊食邊傾計，大約都過了兩個鐘，烤過既豬皮依然仲係好脆口。德國餐廳除了鹹豬手，亦唔少得德國腸。呢間餐廳有兩種德國香腸可以揀，其中一款有超長嘅德國腸，令到擺盤更為精美，亦順理成章選擇咗呢一款。除了香腸嘅外貌之外，各款香腸嘅內容物都好唔一樣。有流心芝士的，亦有肉汁豐富的，即使一盤嘅香腸眾多，但都不會食厭，呢一方面的確值得一讚。至於豬肋骨，雖然唔係德國最出名嘅菜式，不過係朋友食西餐時幾乎必點嘅食物嚟。今次第一次見識到，原來豬肋骨嘅肉都可以好多。由上菜嘅一刻，已經有種比起以前見過嘅豬肋骨都要更大，的確非常抵食。加上兩杯芝士奶蓋特飲，邊飲邊食，大快朵頤！