德國餐廳 (翠怡花園) (已搬遷) 新店位置

前幾日咁啱經過大埔，經過朋友介紹底下就去咗呢一間餐廳「 Das Bier 」，德國餐廳～其實之前已經有聽過好多人介紹話佢又平又抵食，所以今次就試吓！我同我朋友六點就去到，可能因為早嘅關係餐廳仲未有太多人，我個人就好鍾意餐廳入邊嘅環境，餐廳嘅裝修帶俾人嘅感覺好放鬆，好有特色！入到黎當然要睇下食咩啦，佢哋有好多張餐牌，真係令人花眼亂因為有好多選擇👍🏻我同我朋友就叫咗一個德國香腸拼盤（142$）佢一個拼盤入邊有好多款香腸！有豬肉腸，辣肉腸，仲有一款香腸係有芝士，再配埋炸薯，做前菜好正！辣蝦伴橄欖油意大利麵（128$）首先要講嘅係個意大利麵真係好香！同埋佢有好多隻蝦，啲蝦仲要好新鮮好爽脆！而且個意大利麵唔會太過辣！食唔到辣嘅朋友都可以食！芒果汁（40$）芒果汁都好好飲，唔會好似坊間啲芒果汁係好明顯好假嘅芒果味，呢度啲芒果汁唔會太甜！如果鍾意飲芒果汁嘅一定要試吓～另外佢餐廳仲有提供甜品可以點⋯由於我太飽啦！所以食唔落留返下次再食😍

一早個大埔人gp到聽過，一直都覺得好吸引好想試既，正宗德國豬手，難得今日提早收工，就帶左同事黎食。6點鐘黎到，餐廳仲係無乜人，但staff話我知原來依邊未準備好，原來隔離西班牙餐廳都係同一個老闆，叫我地去西班牙餐廳到坐。個人就比較鍾意，西班牙餐廳個環境，有個bar檯，最重要係依邊全班都係女waitress 仲係老闆好有taste 全部員工都超級靚女，女仕就去德國餐廳啦，全部都係靚仔員工。😏食物方面真係好高質，我同朋友分別叫左德國豬手同燒肋骨，豬手真係好正，烤得非常出色。豬手個皮最難烤得好，食過其他餐廳既豬手，個皮烤得太硬，完全咬唔落去。但依間餐廳完全唔一樣，個皮烤得勁脆勁好食，同埋老闆啲豬手應該揀過，帶小小脂肪，同又有好多肉，加上個皮真係唔得了！😍燒肋骨方面，我勁欣賞個醬汁，調和得非常之好，有小小蒜香味，但又不失燒汁既味道，食落有小小蒜香既餘甘，加上燒得岩岩好既肋骨，當刻有一剎那錯覺我眼前兩份餐係世界第一二美食😍😱

爸爸好鐘意食豬手，父親節果陣就聽講過大埔依間餐廳啲豬手好得，想帶佢黎試下，但係估唔到父親full booking，一直打錯遲啲補祝返，一拖就拖左半年🤦🏿‍♂今日提早黎到，見到餐廳無乜人，終於可以滿足下爸爸一嚐大埔第一豬手既心願😉爸爸話，豬手烤得非常好，脆得黎唔會太硬，啖啖咬落去都有卡卡聲，好似食緊薯片咁，但係味道就比薯片好上太多了🤤豬手脂肪夠晒，爸爸話：一隻好既豬手就係要夠肥😡食到佢lamlam脷😝食到一半，客人開始全面進場，未到7點餐廳已經好爆，想要黎試真係唔簡單，要早小小book位🙈另一方面，我自己就叫左個燒肋骨同氣酒薯條，燒肋骨味道都係好好，特別係隨餐附送既薯條，烤到超脆，用叉叉整都叉唔入，但一咬就碎，睇黎餐廳有個好好既烤爐👍連配菜都可以整到咁出色既餐廳真係好難用，一百分👍氣酒薯就勁特別，有菠蘿同荔枝味，但今日荔枝味無貨就叫左菠蘿頂住先🍻菠蘿雪糕味道好似菠蘿冰，淋上小小啤酒味道好獨特好似食得既菠蘿啤咁🍺而且菠蘿冰既口感好正，成件事個feel出晒黎，正！

先有德國心形脆餅、花生、提子幹等餐前小食，餐廳唔同角度，幾邊墻身都各有特色， 設計有心思，行入啲仲好似穿過入咗山洞，感覺仲更加私隱。啤酒2杯$98，方便同朋友分享，可以揀唔同麥味濃度，配合唔同慨食物，店員仲會推介不同口味。

今晚踩著單車去搵食 歡迎黎到德國🇧🇪餐廳😍😍 但佢令一間係西班牙🇪🇸餐廳 唔好覺得其怪 係德國🇩🇪餐廳的西班牙🇪🇸餐廳 一定食我的至愛 睇下係咩🤩🤩🤤🤤🤤

今次黎左大埔既一巷食德國🇩🇪菜間餐廳附近仲有2間同一老闆開既餐廳所以可以叫埋佢既西班牙🇪🇸菜食德國菜最常點既德國豬手走唔甩今次都唔例外德國豬手比預期好，份量唔係話好多皮好脆切埋上，薯仔沙律都西班牙菜唔少得西班牙海鮮焗飯好多時食西班牙菜都會叫既海鮮材料很充足，有鑊氣味叫依個份糧係for 2但我地3個食，所以唔係好夠就要叫多樣，我揀左黑毛豬風乾火腿野菌闊條麵，聽個名幾吸引咁。味道似卡邦尼意粉，意粉既配料唔多無咩驚喜，不過不失咁啦

週末在嘉道里農場參與了「連繫自然 秋季豐盛節」的節慶活動，活動完畢返回太和享用晚膳。 是晚到訪的「德國餐廳」同時主打德國及西班牙菜，在翠怡花園擁有數個舖面。先來兩客西班牙小碟「傳統醃八爪魚配香檳醋甜椒」及「西班牙燴蜆伴檸檬橄欖油」。前者味道微酸帶辣，間中夾雜甜椒的甜香，八爪魚口感軟彈，評分 OK！後者蜆肉飽滿頂殼，鮮甜滋味。唯一建議改進的地方，是進一步煎香蒜片才燴煮海蜆。 德國菜除了啤酒鹹豬手外，香腸也是另一名物。這碟德國香腸拼盤內含三款口味。芝士腸芝士含量甚豐，放刀一切甚至有芝士爆出。辣肉腸鹹香微辣，屬重口味之選。香草豬肉腸味道最為平實，較適合小朋友。 墨西哥香蔥芝士薄餅都是為小朋友而設的菜餚，薄餅製作熱辣，餅皮薄，芝士餡料半溶拉得起絲，最後要 encore 一碟，足證其吸引力。 德國鹹豬手配酸菜及薯仔沙律是每間德國菜館的必試餚。相比坊間同款菜式，這碟豬手相對細隻。豬皮雖厚，帶點實，但仍感香脆。豬肉醃煮入味的同時未有過鹹的情況。 重投西班牙菜的懷抱，這碟西班牙海鮮焗飯飯面放上青口、海蜆、海蝦、魷魚及炸魚等海鮮。雙貝選材不及之前的燴蜆飽滿美味，其餘海鮮評分普通，不算突出。將注

因為朋友住附近佢話你依度最有特色係食呢間德國野所以就黎試吓。個Menu都有好多選擇因為兩個人諗住傾吓計食少少野所以叫咗個tapas,地道蒜片辣椒橄欖油蝦配包。呢個真係好正，先講個下個蝦好新鮮，又夠大隻，浸住啲橄欖油好香。啲麵包烤得啱啱好，唔會太硬，浸落啲辣椒油度食，吸晒啲蝦嘅鮮味，非常之正，真係值得推薦ar！另外仲叫左個海鮮焗飯，呢個焗飯都好足料，海鮮好新鮮。下次可能會試吓呢度嘅烤豬，好似都幾吸引！

香港要食德國菜都好似唔係好多選擇，上一次食已經係好耐之前。今日朋友說佢屋企附近有呢間特色嘅德國餐廳，所以就黎試吓啦！呢度店舖細細，但係入面環境十分特色。呢度個餐牌有好多選擇，樣樣都好似好好味。不過我諗德國咸豬手應該係呢度嘅招牌菜，同埋來德國餐廳冇理由唔試鹹豬手，所以就叫左個德國鹹豬手。店員仲好好可以比我將啲薯仔沙律轉做炸薯條，超正！啲豬手皮超級脆，肉質鮮嫩，薯條亦炸得剛剛好！配合埋杯可樂就最正！份量也好大，足夠2-3人吃！下次再來想試烤雞和german sausages....好似都好吸引！

我搬左番太和之後，只覺得太和係美食沙漠，下下都要行到去大埔中心先搵到野食。你知啦，我呢種神級懶人，行十分鐘去搵野食隨時會餓死今日約左個中同食飯，佢就帶左我去呢間我搬左番黎咁耐都唔知佢存在既餐廳佢其實好似轉彎仲有間西班牙餐廳，兩間係一齊既，所以都係呢兩個國家為主。而且仲有好多德國啤酒飲。不過我個人麻麻地黑啤好難得餐廳有Hoegaarden rosee架，真心鍾意飲呢隻味唔飲酒既朋友叫左蘋果汁意大利巴馬風乾火腿咸度適中，中間夾酸瓜我都係第一次。但竟然係非常絕配，酸瓜再中和左風乾火腿既咸度，令你口分泌更多口水，等你食風乾火腿時不會太dry德國超級香腸拼盤我最鍾意食既牛仔腸。非常香口。德國感豬手配酸菜及薯仔沙律超脆皮！咬落“卡滋卡滋“咁既聲，肉都好juicy，但有少少肥，不過食埋酸菜解膩就剛好環境因為係巷仔既關係，就算無門都無乜人係出面嘈，舒適，有酒飲仲有咁好食既野，下次約人摸杯底都黎呢度先

見今日得閑，就入大埔探下個朋友同佢個BB，順便同佢食個飯慶祝佢終於坐完月出監啦😂朋友作為大埔地膽，佢話有間西餐廳佢食過唔錯，於是今日我就跟住呢個地膽去試吓佢話唔錯嘅西餐廳啦餐廳裝修風格係傳統德國式風格，令人有種錯覺覺得置身於德國一樣餐牌款式應有盡有，眼花撩亂。仲有生蠔食添，不過朋友啱啱生完BB ,唔敢食咁生冷嘅嘢，唯有留返下一次先試啦。既然食得德國菜，點可以唔飲番杯酒呀？我點左杯Hoegaarden rosse朋友就慘啲，因為為人奶嘅關係，佢冇得飲酒，叫咗杯蘋果汁(其實飲凍野都好過份囉😂)德國咸豬手配酸菜及薯仔沙律豬手腳燒特卜卜脆，但入面既肉竟然好淋，超級juicy,.而且豬手有淡淡的煙熏味，配上佢嘅酸菜，送酒真係一流德國超級香腸拼盤有三種唔同嘅腸仔，最欣賞係白色嗰隻香草腸，香草味龍，肉質軟硬度適中，又夠咸，一啖腸一啖酒，人生最高境界意大利巴馬風乾火腿巴拿馬風乾火腿超香煙熏味，肉質比較淋身，而且好夠鹹香味，中間包住酸瓜，中和左佢本身嘅鹹味之餘，亦都更帶出咗肉汁嘅鮮味。簡簡單單一餐飯，食物好食，送酒一流，同朋友談天說地，完全令我放鬆左心情。

九點左右黎到 唔洗等就入左去了叫左個二人餐有豬手德國腸同埋粟米片加埋兩杯啤豬手幫你切埋仲擺得幾有心思豬皮起面肉起底 隔離有啲酸菜同薯仔沙律豬皮脆口。啲肉同根 都唔難咬。腸仲有薯角伴碟有三款腸各有特色個人覺得最好食係有芝士個條。粟米片本身無乜特別。但佢有個酸酸地既汁。加埋就如虎添翼咁。又開胃 啤酒跟餐送兩杯指定德國生啤一杯清清地 岩晒唔太飲酒既女仕一杯重少少麥味。不錯不錯係冷氣大左少少。啲野食容易吹凍賣單400有找。性價比高推薦大家試一試

閒日嘅晚飯時間走到嚟大埔呢邊,發現呢間德國餐廳嘅人氣好似唔錯,等左一陣,大概去到八點半終於開始少人啲,可以入坐喇!餐廳嘅環境幾唔錯,感覺好似坐左係室外環境咁,地方雖然唔算好大,不過就係好適合邊飲酒邊傾計嘅地方不過由於剛剛病好,所以今次同呢到嘅啤酒無緣,惟有食多啲野補返數!先黎個黑松露漢堡包淺嚐下先,細細個入口岩岩好,旁邊配上薯條,新鮮熱辣辣,而餐廳仲已經好貼心係下面放左茄汁了黎食德國餐當然一定要食豬手啦!對比起燒豬手,建議大家可以試下呢種白灼嘅煮法,無咁熱氣之餘,佢嘅肉質亦比較滑而且非常入味呢到有樣值得讚嘅係餐廳會幫你切埋啲肉出黎,之前試過自己慢慢据真係据到隻手好攰,係呢到就可以慢慢enjoy食物喇!最後推介呢到嘅Ribs,醬嘅味道係偏咸嘅,可能自己中意食甜野嘅關係,所以我覺得如果個醬嘅味道可以調甜啲就會更好食了!不過呢份Ribs嘅份量都幾多,今次2個人share好似太多了,3個人share應該就岩岩好了!

距離上次去徳國食ribs已經好耐了，就好想搵返一間徳國野食，經朋友推介後，就黎左呢間食。我就叫左一個ribs 食，另外再叫個mini漢堡同朋友share食。首先，mini漢堡就黎左先，係黑松露mini漢堡，塊漢堡就好多肉汁，而個包亦都好軟身，好啱我食。而配菜嘅薯條炸得好熱，食得出係新鮮炸嘅薯條黎！亦都唔錯。之後，就黎左個ribs，ribs上面嘅汁甜甜地，好好味。每次食ribs都好驚啲肉好韌，會食到好麻煩。但呢一個ribs嘅肉係好軟好林，好好味！而食徳國菜就梗係要配返一杯啤酒架啦，如果唔係點叫食徳國菜。我就叫左呢間舖頭嘅自家製啤酒，感覺都幾清爽，配左ribs同mini漢堡食就真係非常chill！

友人想飲酒，就搵下有手工啤嘅餐廳。見到呢間近近地，又有豬手食，就二話不說黎呢度食喇！位置算幽靜，都搵左一陣先見到間鋪。星期五嘅晚上，好幸運地，咁啱有張二人枱。我地叫左兩杯Mc Chouffe, 西班牙海鮮焗飯同烤乳豬。Mc Chouffe好香啤酒花味，幾易入口。海鮮焗飯都幾足料，兩個人食剛剛好，唔會好膩，不過青口唔係幾好味，反而鮮魷好滑好嫩。烤乳豬個皮好脆，幾驚喜，肉質魯嫩，唔鞋。食完慢慢飲住酒傾計，好悠閒，又唔會趕你走，適合三五知己把酒聊天。