德國餐廳 (翠怡花園) (已搬遷) 新店位置

去大埔探完親戚已經六點左右, 當然要醫下嗰肚仔先! 啱啱好有好幾間有特色既餐廳係附近, 尤其係一間叫Das Bier既餐廳, 佢地提供西班牙同德國菜, 又有好多款beer提供, 我唔理咁多, 食左先講!佢其實分開咗兩間餐廳，一間西班牙餐廳，另一間德國餐廳，但兩邊都有晒所有餐單，所以食物同餐飲都有好多選擇！入面嘅環境都幾「骨子」，坐得幾舒服我哋一坐低左就叫左瓶酒，因為出面實在好熱，搞到出晒汗，當然要飲支酒涼透心！呢枝係蘋果啤酒，我女朋友幾鍾意呢支啤酒，因為唔會偏甜，酸味獨特，同7-11一般買到嘅蘋果啤酒相比好好多，酸甜嘅平衡啱啱好！出面唔易買到呢支蘋果啤酒，想試嘅真係可以去Das Bier 試下。食物方面，我哋等左10分鐘左右就已經到啦！好有效率。第一道菜係德國鹹豬手配酸菜及薯仔沙律。平時食阿媽煮嘅滷水豬手食得多，今次真係咁大個仔第一次食德國嘅豬手，冇諗到味道真係好正！豬手唔會太鹹，外皮炸到脆卜卜，肉質方面嫩滑，最重要嘅係份量好多，啖啖肉！豬手旁邊仲有酸蘿蔔同薯仔沙律作伴菜，伴菜嘅份量我覺得啱啱好。我同女朋友兩個都食唔晒，要打包返屋企慢慢享受！！！第二道菜就係西班牙黑毛豬風乾火腿野菌闊條

好耐之前已經聽過一個啤酒狂既朋友提起呢間餐廳，佢話呢度嘅啤酒選擇眾多，嘢食方面都唔錯，所以今日專程黎大埔一試可惜既係，同行既友人同我都不嗜酒，所以今日只嘗美食。德國鹹豬手配酸菜及薯仔沙律 $188豬手有兩個選擇，因為我朋友鍾意食啲香口啲嘅炸野，所以就冇揀到傳統白豬手。佢雖然叫鹹豬手，食落一啲都唔過鹹，鹹到調校得啱啱好 個皮亦炸得相當之脆，而且食多幾舊都唔會有油膩嘅感覺。再者，份量其實好大呢，所以都幾抵食(同朋友兩個人分，第二日就爆左暗瘡了)西班牙黑毛豬風乾火腿野菌闊條麵 $128好味忌廉味濃郁，個汁好稠，所以輕易就可以掛係闊條麵上，而且個麵既軟硬度好perfect。同樣地呢個份量都好大，如果男仔單叫應該都會夠飽呢！溫馨提示：呢到冷氣比較大，所以最好帶件外套，同埋可以叫左一樣先，食到咁上下再叫另一樣（上菜速度唔算慢），否則吹凍哂既話味道會失色唔少。

Das Bier was my first try of Germany cuisines. Locating a bit far away from the MTR station, it may take you a few steps to reach there.👣 The layout and decoration there was simple, yet rigorous, resembling the renowned perfectionism of the Germanic.Nicely barbecuted ribs. Meat around the ribs are moist and tender. Sauce on the top are gorgeous. It usually served with generous portion of fried chips that is golden brown and crispy.Ya know beer is the soulmate of meat and chips, huh?😏

家中有德國豬手狂熱人士，就黎試食呢間餐廳嘅豬手。無訂位，但因時間早有好多位。愈夜愈多人，下次去要訂位。最初好奇做咩waitress送菜要兩邊餐廳走來走去，原來係因為一間德國餐廳同西班牙餐廳夾埋一齊做，埋單時都要分開簽。德國豬手幾好食，幫你切埋肉，肉熟左少少，唔乾身，皮較厚。唯獨是酸菜味道有待改善，份量都可多一啲。但總括唔錯。海鮮西班牙飯比預期好，等待時間可接受。魚味道較重。不過食物價錢頗貴，德國豬手+海鮮西班牙飯+比利時朱古力野飲，接近$500埋單。

呢間德意時德國餐廳, 同一條街共有兩間分店。分別係德意時同西班牙餐廳, 兩間食物、飲品可以互通。我剛剛上星期先同朋友仔撐完枱腳, 估唔到今次同其他朋友食飯, 佢地都不約而同咁想黎呢度。👭👫事先聲明, 雖然餐廳現正團購熱賣中, 但我地係無用任何優惠, 😋😋正價幫襯架~~~兩間餐廳加埋選擇都唔少, 因為太多頁恕我不能盡錄~德國咸🐷手係我大大力推介👍🏻👍🏻👍🏻👍🏻👍🏻$188而且竟然仲有生蠔供應，但質素只屬一般😕卡邦尼意粉好creamy佢兩間餐廳加埋選擇多好多, 酒類飲品亦唔少, 又有手工啤🍺🍺🍺, 鍾意飲酒既朋友應該好啱你地。入返正題, 雖然上星期先食完佢既脆皮豬手, 但我仍然忍唔住好想推介佢個燒豬手🐷🐷🐷!!!! 🙌🏻🙌🏻佢個燒豬手外層香脆得泥, 內裡肉汁依然, 豐而不油, 配埋德國傳統酸菜及沙律, 正!!😋😋我一個人都食左半隻, HAHA~~如果鍾意德國咸🐷手,又😍😍鍾意嘆返杯既朋友就唔好錯過喇~~~😽😽😽👍🏻👍🏻❤️❤️

今日幫媽媽去太和火車站拎完野，順便食埋個下午茶返屋企，因為太熱啦條街，我見到一間裝修幾舒服嘅餐廳，就入去食tea啦，其實都唔算係Tea嘅，因為我都未食午餐😂😂一入到餐廳，我覺得自己好似置身係外國，仲有少少渡假feel ，牆上掛上一幅幅外國嘅照片相，枱上全部用藍白間條嘅枱布，仲有沙灘櫈，好似好休閑，好舒服的感覺西班牙風乾火腿配凱撒沙律🥗初初我叫嘅時候以為份量唔多，點知勁大盤😅西班牙風乾火腿好香好濃味，有少少鹹鹹地，食落口感唔錯，凱撒沙律菜好新鮮，醬汁都調得唔錯，兩樣野加埋一齊真係好夾烤西班牙乳豬焗飯🐷呢個個份量都係勁多，我最後都係食唔晒，要打包返屋企，乳豬有脆又肥，但一d都唔so，因為我之前食嗰啲乳豬係好so，所以我覺得今次都唔錯，個焗飯真係值得一讚，有少少嘅配料，個味道濃味得黎又帶少少辣，啲米都好好味奇異果汁🥝夏天實在太熱啦，我平時都好少飲凍野，今次真係頂唔順，叫一杯奇異果汁，都幾甜，一啲都唔酸，解渴一流總括來講，間餐廳俾人嘅感覺都幾舒服，好休閑，食物味道都唔錯，又多選擇，有時一個人慢活又真係幾好嘅

今日我同我BB去完大埔鐵路博物館，就去咗大埔搵嘢食啦，我BB話想食西餐，又想食乳豬，真係好頭痛，好彩比我搵到一間食德國同西班牙菜嘅餐廳，太感動啦去到餐廳門口，已經好有外國feel ，門口裝修都好別緻，員工都好有禮貌咁樣歡迎我哋，同好好笑容，有求必應行到身水身汗，去到餐廳乜都唔理，就叫咗杯比利時朱古力沙冰，又夠冰凍又夠解渴，朱古力味好濃好香，份量都幾多下，我到最後飲完一杯，都有少少飽我BB我叫左個西班牙烤乳豬飯，份量都幾多下架，隻乳豬起碼都有四份一隻，仲要勁厚肉，外層嘅皮好脆好香，內層嘅肉鬆軟有彈性，再配埋西班牙飯，飯整得好入味我就叫左迷你漢堡配黑松露醬，雖然佢迷你漢堡，但係都有三件，仲要配埋厚切薯條，都幾飽下，漢堡肉質好淋，帶有黑松露味都唔錯，仲有我最喜愛吃嘅厚切薯條，都好鬆脆總括而言，間餐廳食物選擇性多，有德國同西班牙菜，員工服務好，下次我都會再去幫襯！

Happy Friday!!!又係放咗工要同朋友仔聚一聚嘅幾時候喇，今次揀咗喺太和呢一間德國菜餐廳，呢一間餐廳位置一啲都唔起眼，完全冇諗過喺太和呢度會食到德國菜，仲要估唔到都幾正宗！因為唔錯又幾好食，所以我決定要推介俾大家，呢晚我哋兩個女仔，竟然勁大食！睇完個menu...好多都想試，最後忍唔住嗌咗$188, 個豬手真係signature!!! 一上枱就香氣撲鼻！仲要勁大隻，勁多肉！個皮好香脆，完全唔停得口，d 肉仲以為會好鞋，但點知唔會，肉質仲好嫩入味！唔咸！極度推介比大家！跟住特色烤乳豬髀185, 見到個賣相就忍不住要大讚，相機一定要食先！乳豬真係好乳豬味肉質好juice....我地仲叫咗西班牙巴馬火腿凱撒沙律$128，大大碟！兩個女仔勁大食！我地仲叫咗特飲：比利時朱古力沙冰$48，奇異果汁，都唔錯！

返左一日工，收工緊係想放鬆下。約左朋友係太和等，諗住去飲杯野relax下。行下行下，就見到依間德國餐廳。餐廳的環境不算大，不過裏面裝修都幾特別，幾有格調。野食選擇都幾多，令到我選擇困難症發作，哈。我們先點了一個沙律。烤呑拿魚無花果沙律，沙律菜不過不失，配上無花果食感覺清新。呑拿魚有微微烤過，配上芝麻粒同埋用黑椒調味，鍾意黑椒的朋友，唔好放過。食德國野，又點少得豬手同啤酒呢！我地叫左Hoegaarden同甜度比較高既黑啤Das bier dunkel，啤酒就正正常常，唔多講。豬手呢，係正評。先講份量啦，大大份，完全足夠幾個人食。店員仲幫我地預先切好，方便我同朋友share黎食。豬手皮炸到好香脆，唔錯。肉質方面都唔會話太嚡或者太乾身，保留到應有既肉汁，讚！配菜方面仲有酸椰菜絲同薯仔沙律，可以中和油膩感。之後再叫左個美式燒排骨。其實依款野食，係唔同既餐廳都會點。燒排骨好juicy，而個人覺得分高下的地方係醬汁。依到的醬汁夠哂濃，真心好食。旁邊仲有新鮮炸起熱辣辣既薯條，絕對拍得住比咸豬手。最後叫多左個墨西哥香蔥芝士薄餅。其實係兩塊薄餅，中間挾住滿滿香軟的芝士，旁邊仲有芝士醬。可能我係芝士控，覺

今晚來到太和，經推介下便去了這間德國西班牙菜餐廳。餐廳內雖然不算大，但環境舒適，適合把酒談天🍻。說起德國菜當然要叫德國豬手😍，所以我們二人就叫了這道德國鹹豬手配酸菜及薯仔沙律($188)-豬手外皮烤至金黃色，脆皮和鮮嫩的肉，絕對令人食指大動。豬手份量十足，旁邊配上酸酸的椰菜絲和薯仔沙律，正啊👍🏻配以芥茉醬和酸菜，有助去油膩。店員還幫我們切好，方便進食。美式燒排骨($168)-Ribs煮得非常入味而且香軟，配以薯條，絕對不比鹹豬手遜色。至於頭盤和小食，我們分別叫了吞拿魚無花果沙律($152)-吞拿魚香烤至半熟配上新鮮無花果和芝麻粒，感覺清新，賣相十足。墨西哥香蔥芝士薄餅($88)芝士醬配上烤至香脆的薄餅邊，十分開胃。啤酒方面友人點了Hoegaarden ($62) ，而我則點了甜度較高的黑啤 Das bier dunkel ($62)， 爽！

我之前一直食開大角咀嗰間，今次因為入大埔咁岩又知道大埔有鹹豬手食，所以同埋男朋友同屋企人一齊去食。拎起個餐牌就已經知道點啲咩嘢，重點就係德國鹹豬手配薯仔沙律同埋德國香腸拼盤，之前食開都係同男朋友兩個去食，就會叫一個鹹豬手、細嘅香腸拼盤同埋一個沙律就飽，今次我哋四個人，就叫左一個德國香腸拼盤、德國鹹豬手、黑毛豬野菌闊條麵同埋蒜蓉雞翼伴檸檬汁。大埔分店嘅裝修同大角咀差唔多，一樣都好有情調，我男朋友平時都會約埋三五知己一齊落嚟飲嘢再叫少少小食，玩到夜返屋企都唔緊要。個德國鹹豬手佢上枱時已經拆肉，喊到適中，肉很嫩滑，皮很脆，另外很欣賞個配菜薯仔沙律，每次我都會將佢食得很乾淨，佢成個菜好適合送啤酒。另外，我哋叫咗個德國香腸拼盤，佢入面有四款唔同嘅香腸包括普通豬肉腸、芝士豬肉腸、辣肉腸，另外仲有薯角，佢呢個拼盤配有兩款唔同嘅醬汁，包括茄汁和芥辣，我個人唔係好食得辣，比較喜歡點茄汁食。之後嚟咗個黑毛豬野菌闊條麵，個闊條麵好多汁好重芝士味，以野菌都比較大粒，始得好似出邊食嗰啲得一兩粒野菌。之後就嚟咗個蒜蓉雞翼伴檸檬汁，佢啲雞翼都好大姐，望上去同食落去都似係燒嘅雞翼，不過食落去檸檬味唔係太重，反而蒜蓉味

琴日爸爸生日，所以我哋一家人出街食飯。我哋諗左好耐食咩好，到最後都係決定去食德國菜。其實其實呢間餐廳已經食過一次，爸爸嘅評語都覺得好好，所以我哋再嚟多一次食。佢鋪頭唔係好大，大概可以容納到六張枱，可能我哋太早到嘅關係，六點左右已經去到餐廳，淨係見到一張枱食緊，所以我哋都嗱嗱臨決定食啲咩快啲落單。佢呢度最出名嘅就係德國鹹豬手配薯仔沙律，今次見到佢出咗個傳統德國白豬手，本身都諗住試吓，但爸爸話想食返原本果個鹹豬手配薯菜沙律，所以到最後都係冇叫到。之後我哋仲叫咗個香腸拼盤、蒜蓉雞翼伴檸檬汁同埋黑毛豬豬火腿野菌闊條麵。唔駛等好耐啲嘢食就到，先來個闊條麵，佢個闊條麵好creamy好濃味，同埋好香芝士味，如果鍾意食芝士嘅人就啱晒，另外佢個面嘅質地好有咬口，唔似得出邊嗰啲闊條麵，有啲整到"林"晒咁。之後就嚟咗個德國香腸，德國香腸有分大盤同細盤，如果你系三至四個人食的話，叫三個餸加多個細嘅德國香腸都已經足夠，佢呢個細嘅德國香腸同樣配有配菜，佢而佢入邊有四款唔同嘅香腸，四款都好好食。之後個主菜嚟啦，就係德國鹹豬手配薯仔沙律，佢個豬手嘅份量比我想像中大，上菜之前佢會幫你預先切好同埋啲骨一齊上，等你方便食，

平時我好少入大埔食嘢，因為路途遙遠，但今日朋友揸車，就同佢嚟食德國菜。比利時朱古力沙冰$58枝飲管應該粗身啲，因為唔係好飲到。德國鹹豬手配酸菜及薯仔沙律（$188）幾欣賞佢架薯仔沙律，酸酸地，幾開胃。豬手都香，唔錯。西班牙海鮮焗飯（$178 for 2）呢碟係隔離西班牙餐廳搬過嚟，原來一間鋪頭可以點晒兩邊嘅嘢食，呢個安排幾特別。特色番茄粒香脆多士/沙甸魚香脆多士（$68）一上桌就聞到香噴噴，唔錯嘅小食。價錢唔算好貴，如果黎開大埔可以來一試！

大埔其實好多好嘢食，今日放工後就同朋友黎覓食。位於翠怡街有間德國菜餐廳，就是今晚用膳的地點。德國鹹豬手配酸菜及薯仔沙律（$188）份量非常多，豬皮香脆，肉質略乾硬，建議配芥末醬或蜜糖芥末醬享用。特色番茄粒香脆多士/沙甸魚香脆多士（$68）我同朋友都比較喜歡沙甸魚口味，因為番茄味果件食到有啤酒味😂西班牙海鮮焗飯（$178 for 2 / $278 for 4)此為二人份量，為全晚我最欣賞的菜式。焗飯味道香濃，飯粒質感煙韌，而且配料豐富，有青口、蜆、魷魚、鮮魚等，不錯。朱古力心太軟配雲尼拿雪糕球（$48）甜品本來想最後才享用的，但因為忘記了講「後上」，服務員一早就端來了心太軟...... 於是佢地幫我雪入雪櫃，最後雪到硬掘掘，變左「心太硬」😂

第一次黎太和，原來呢頭有甘多好西。行到一個唔太起眼既巷仔，發現左一間幾吸引既德國餐廳。俾佢既裝修吸引左入去。入面都幾適合影相呃like。鋪頭細細，可以同fd靜靜地啤一啤，食下野。d酒都幾吸引，仲有玫瑰啤！！可惜今日唔飲得，下次黎做酒鬼！唔飲得酒，唯有好養生甘飲花茶🤦呢壺茶都幾襟飲，兩個人，飲成餐，可以無限加水。呢款茶入口好清爽，入面有玫瑰花、菊花。。。唔記得仲有咩，總之有驚喜。西班牙風乾火腿（好似系），擺得好靚，呃like一流。可惜我好少食呢d，食唔慣，覺得好鹹。但fd子話好味。去德國餐廳唔食豬手簡直系去廁所唔屙屎！揀左呢個烤豬手，做得唔錯。外皮烤得好脆，入面d肉嫩滑得黎夠入味。重點系，好大隻！加埋d配菜，兩個人share都覺得飽。特別想讚佢個醬，有兩種，芥末醬同蜜糖醬。我好中意蜜糖醬，配鹹鹹地既豬手幾夾，平時比較少甘樣食（可能系我孤陋寡聞？）見到個甜品幾抵，買一送一，追加左兩個。揀左乳酪桑莓同班蘭椰子蛋糕。本身對佢期望唔高，點知又幾好食。雪得夠凍，所以食落好硬身，似系雪糕蛋糕既口感。