德國餐廳 (翠怡花園) (已搬遷) 新店位置

朋友話大埔有間德國餐廳好似好好食，就唸住約ma我一起去試下，起初擔心好遠好唔方便，因為自己住九龍區，但其實係太和火車站行大約十分鐘就到👍🏻👍🏻好方便牆上掛滿好多不同類型既畫，超有氣氛和情調門外有個小型酒吧位，超有外國感覺，幾個人坐外面飲下酒傾下計，正餐牌種類選擇好多，起初唸住叫個二人套餐，但有個朋友唔想食鹹豬手，就決定散叫風乾火腿配凱撒沙律，大大塊風乾火腿鋪上沙律菜，再加上脆卜卜既麵包粒和酸青瓜，味道一流傳統醃八爪魚配香檳醋甜椒，大量既三色椒，洋蔥和粒粒八爪魚，味道酸酸甜甜帶點香檳酒味，開胃菜之選傳統白豬手，份量大，除左豬手仲有一條德國腸，酸菜和薯仔沙律，酸菜可以將豬手的肥膩度大大減低，雖然好高膽固醇，但真係忍唔住不停食，太好味了迷你漢堡配黑松露醬（3件），每個漢堡大約兩三口就食完，熱辣辣既薯條加茄汁，無得頂入面既肉雖然細細塊，但超有肉汁和肉味，再加上黑松露醬和生菜，正甜品38蚊買一送一，有四款甜品比你簡，好抵！但由於我地太飽既關係，食唔落啦，下次一定要食總括而言，樣樣食物都大大份，三個女仔食到好飽，埋單三百蚊有找，真係好抵，餐廳又有情調，下次帶男朋友試下

作為新界人，緊係成日睇下新界地區有咩好食上網見大埔有間德國菜幾好食，就決定約班姊妹食返餐我地就book左9:30，好彩有book位，眼見餐廳已滿座大量德國菜同西班牙菜，仲有二人套餐比你簡，不過我地最後決定散叫西班牙風乾火腿配凱撒沙律，份量十足，沙律菜好新鮮，加上酸瓜，芝士和脆包粒傳統德國白豬手必食之選侍應會問你原隻上/切開上，我地為左方便就切開上，超大隻豬手，肉質嫩滑，啖啖肉，再加上德國酸菜，超好味迷你漢堡配黑松露醬，有三個迷你漢堡剛剛好一人一個超香既黑松露醬加上juice既漢堡，好夾好好味飲品方面，有好多不同種類既德國酒和比利時酒但我地最後選擇左水果味酒，枝酒飲落完全唔似啤酒，好似飲緊果汁，超易入口總括而言，份量十足，食物質素高，服務員態度好有禮貌，價錢合理，三個人一人二百幾，下次再約屋企人食

平時好少黎太和今日黎探一個中學同學 佢就帶左我去呢間德國餐廳食飯 地方就比較細 枱唔係好多裝修唔算係好靚 不過呢條街附近人流唔算多 好靜 坐得都幾舒服 好悠閒首先叫左個豬手 其實係食唔哂既好大隻下 d皮脆卜卜 我就唔係好夠牙力 有d咬唔入 不過d肉係幾好食既而佢既蜜糖芥末醬就值得一讚 好好味的酸菜既份量我嫌少左d 然後係巴拿馬火腿份量唔多 可能原料貴吧比起我係超級市場買既巴拿馬風乾火腿呢度既火腿明顯係無咁咸 而且易入口好多最後就叫左個芝士薄餅係比較薄既 不過佢隻芝士好香 同埋都幾飽肚的 但佢果隻醬我就唔太鐘意叫左一杯熱朱古力 d棉花好好吃總括而言 兩個人食三樣野 係超級飽既同埋都幾好吃 環境都舒服

1年前食過ok，今次又有團購，所以今日再嚟試...豬手皮夠脆，肉又嫩口，仲付上兩種芥未，蜜糖芥末甜甜地，普通芥未夠攻鼻驚喜之作，香蔥加芝士已經被燒到好香，仲會拉絲，加埋低下放了有香料的薯條，芝士的香味加埋少少辣既香脆薯條，好好味呀！有啲失準，食落有過多既油分出，食完好膩西班牙辣腸同沙樂美腸既味道差不多，不太有驚喜，風乾火腿夾埋芝士一齊食就好好味，因為芝士淋上蜜糖，味道平均返好似藍莓梳打，完全無藥水味，好飲

今日同朋友入大埔踩單車，踩完單車緊係食埋飯先走，見open rice 好多人推介呢間德國餐廳，決定揀呢一間食！餐廳店面不算好大，大約有六張枱左右，餐桌都比較簡單，不過餐牌有好多選擇，有德國腸、德國豬手等等... 除咗德國食物仲有西班牙食物，有西班牙小吃、Parma ham 等西班牙火腿沙律西班牙火腿鋪晒喺面，份量多到遮住啲沙律，西班牙火腿好濃味，鹹鹹地，加埋落沙律度，未到啱啱好，沙律菜好爽好清新，食到索索聲，沙律味道主要來自火腿，夾得好出色辣椒蒜香橄欖油煎蝦非常香蒜蓉味，而且蝦非常爽甜，最鍾意都係蒜香加辣椒嘅味道，同蝦嘅味道非常之夾！燒春雞燒春雞非常之滑，雞肉非常之有口感，而且個召燒得好香脆，非常好味！薯塊都非常香脆，全部都熱辣辣，即叫即整！呢一間德國菜非常之有特色，食物質素味道都非常之出色，所以就算平日都坐滿晒人，建議要預約先好去，否則就要等位！

由於朋友想食德國野，咁我就上網搜尋一下有咩好食，於是近近地去附近試下啦。老友話佢曾經去過德國，所以果陣已經鍾意左德國食物。佢話唔想次次食豬手，今次要試西班牙乳豬飯，用鍋碟上既西班牙飯，有著那種外軟但咬落有口感既特性，加上乳豬汁滲透落飯度，確實甚惹味。至於乳豬豬皮薄而脆，肉質嫩滑質感好比雞脾肉，肉裡仲留有肉汁添，這種乳豬比中式乳豬還吸引。跟住有西班牙火腿沙律，沙律菜用上羅馬生菜，配上凱薩沙律汁尤其醒胃，加上麵包糠令口感加強。而西班牙火腿擁有比金華火腿更香的油香，切成薄薄的一片，口感勁滑。最後食埋份卡邦尼意粉，芝士粒與忌廉汁天生的匹配溶合左係意粉裡面。意粉夠滑而彈牙，仲滲有淡淡蛋香，仲有伴碟既火腿，夠晒軟而滑溜，令口感更豐富。

老友生日當然要賀賀佢，年年都食中餐，今年一於改食西餐啦。西餐有咁多選擇，今年決定選擇一個佢從未食過既德國餐廳俾佢試下。先叫一份燒春雞全隻先，一睇就知外皮燒成金黃色，而且散發著陣陣雞香，咬落仲要皮脆肉嫩，皮夠薄而肉汁充滿係肉裡面。嫩肉夠晒多，點埋Honey Mustard醬汁就更加夾，仲令人越食越開胃添。至於隨碟既炸薯條都頗有水準，炸到相當脆口。跟住食埋份西班牙乳豬炒飯，由於用鍋仔上，令炒飯溫度得以保持。炒飯炒成金黃色賣相相當吸引，而且食落仲好軟身添。主角既乳豬先至正，絕對唔同平時我地酒樓食既乳豬。乳豬皮薄仲無乜脂肪，唔似中式乳豬成口油，肉質嫩滑比雞肉仲要滑，相信隻豬仔真係奶都未介，所以脂肪比例相當低。最後仲叫埋甜品，一種係咖啡朱古力蛋糕，食落超濃可可味再加咖啡香，咬落口感香滑。另一種同款既蛋糕口感都夠滑，味道係紅莓味，散發種種水果香，食落相當清新。

一大班朋友相聚，有人提議食豬手飲啤酒，咁先夠麻甩，咁先食得夠放飲得夠放。既然佢地係大埔果頭住，就係返附近食。呢度地點有點隱蔽，但跟返google map就唔難去搵，餐廳主要食德國野，當然叫返隻炸豬手先啦。廚師好細心幫我地切好晒，豬手肉質嫩滑彈牙，加上那脆口的豬皮，一咬口感超正又脆又啖啖肉。醬料仲有mustard，點埋先入口真係正到不可開交。伴碟既酸菜沙律就好醒胃，令人越食越想食呀。除左炸豬手，當然要食埋德國腸併盤啦。豬肉腸肉味夠濃厚，與豬手有過之而無不及。辣肉腸就黑椒味夠突出，又香又脆皮，點埋茄醬就更令人食到個胃更大啦。伴碟既炸薯就薯香味重，仲炸到皮超脆添。食得豬手同腸之外，梗係要試埋杯啤酒啦。呢杯德國啤麥味超濃，比一般啤酒更重味，岩我呢個食得重口味既人呀。

一向都唔係咁鍾意食德國菜，因為覺得比較肥膩同鹹，比較重口味，所以每次都係一大班朋友㨂既時候先去食，不過今次去過呢間德國餐廳之後，對德國菜完全改觀！餐廳位於大埔太和站附近，太和站行大約十分鐘左右到達，店舖唔算好大，裝㶇比較簡約，不過充滿德國特色，由於今日係平日，一開始客人不算好多，但大約七點後，就坐滿客人，下次黎預約定比較隱陣！餐牌上的食物同一般德國餐廳差唔多，必有德國豬手、德國腸、德國生啤等等，第一次黎，當然要試下德國豬手同啤酒啦！蒜片辣椒橄欖油蝦一上菜，店內充滿香氣，橄欖油加上蒜片同辣椒炒香，所以橄欖油帶有少少辣椒同蒜香味，再配上又爽口又甜既大德國炸豬手豬手有兩款可供選擇，德國炸豬手/德國白豬手，因為朋友們大多喜歡香脆囗味，所以今次點左個德國炸豬手，下次先點白豬手。通常係原隻豬手上，要自己慢慢切，但餐廳非常細心，預先幫我地將豬手切好，容易分黎食。豬皮好香脆，豬味好濃，而且又唔係好鹹司肥膩，食左3件都唔覺膩，點埋芥末醬更能突出豬手既味道。德國黑啤黑啤麥味好香，好易入口，食德國菜必備以後想食德國菜，第一間一定會諗起呢間Das Bier!

Many of the dishes and drinks were unavailable when we went there, meaning we had to change our order several times. The food itself was also mediocre and the portion of sauerkraut is appallingly little! The whole meal cost over 400 just for two relatively small dishes and two drinks (juices, not alcohol, by the way)!

After my recent trip to Germany I had a craving for pork knuckles and sausages, this was satisfied after visiting Das Bier! The decor was with a nice friendly atmosphere. We were given the menu and recommended the crispy pork knuckle, we order this along with the sausage platter, nachos, bbq ribs and parma ham.The natchos and ham were served very quickly. Ham had the right amount of chewiness and the flavour was very authentic, very similar to the ham served in Europe! Can't fault the nachos, di

大埔不嬲都多嘢食就係人都知㗎喇 ，不過食德國野都係第一次。 難得星期五咁就同同事一齊去happy hour， 又唔想去咁遠，大家都係新界人， 咁就喺大埔附近， 見到呢間都幾多人食，就入去試下啦。咁食德國菜，一定就要嗌豬手啦。 呢個豬手外脆得你就好有膠質嘅感覺，完全滿足到味覺嘅享受又補充補骨膠原 一邊食著手一邊飲啤酒真係人生享受 佢哋杯Rose都好好飲 咁另外我哋又嗌咗個德國腸拼盤，條條腸都唔同味，都幾好食。 另外個肋骨都好juicy好惹味 下次經過會再幫襯。

今日老公話要同我去德國餐廳，附近有間叫西巴牙餐廳，原來都係同一間老闆，所以食德國嘢可以叫埋佢西巴牙菜色佢個招牌豬手，真係好味，外皮夠脆唔會太硬，另外仲要夠熱㗎，出面好多德國豬手都係又咸又硬乾爭爭，但伴碟的薯容真係凍冰冰，有熱有凍，感覺奇奇怪怪，但整體係good ga迷你漢堡伴薯條個漢堡真係太迷你，原本諗住2個人食個豬手+個漢堡都夠食，點知係超級迷你，食2口就食完，只能當前敬菜.迷你漢堡雖然細，但做到好 juices如吸引但個薯條真係咸到飛超個底仲要加左好多茄汁，又咸又濕，完全唔知想點叫左兩個唔夠食，就叫左個濶條麵，賣相完全唔同，太多汁，與同卡邦尼係無分別，見到就已經感覺一般心太軟外皮唔夠軟，裏面的朱古力仲要係無流心的效果

平時德國炸豬手酒食得多。今日第一次食德國傳統白豬手。原來德國豬手有唔係炸既。唔知白豬手點整，好特別。豬皮軟而且彈牙，正常如果殺熟豬手，豬皮會好硬，但呢個整得好軟，口感香滑。豬手冇炸豬手咁重口味，但都食到香料既味道，整個豬手整得好鮮甜，今日終於食到唔同風味既豬手。一整塊豬手，份量大，兩個人share啱啱好。見到餐廳有個招牌黑啤，貓貓冇猶豫即刻叫一杯啤啤。第一啖已經覺得好香，飲完仲有陣甜味係口腔度，貓貓醉了，好過癮呀！貓貓今日要做醉貓，好快飲完500ml既啤酒，因為呢個黑啤真係好易入口，真甘甜味好難忘。食食下豬手再飲一啖啤酒，個感覺真係好放鬆。貓貓好滿足！

扺食德國菜由於慶祝朋友完成會計專業考試既關係，預約訂了三位食一晚德國菜啤一啤。一坐低即刻叫一渣(jar)啤酒，waitress做野速度又幾快。試了普通啤和德國黑啤，啤酒味幾重，可能德國貨落足料，但酒精較多，所以走時有幾分醉意。試了德國咸豬手拼薯仔沙律、德國腸拼盤和西班牙海鮮飯。德國咸豬手幾入味，肉質新鮮整得不太咸和燶，但薯仔沙律味道較咸。德國腸拼盤不過不失，最好食係竟然係拼盤入面D薯條，西班牙海鮮飯質素普通，多飯但少海鮮。埋單六百六十元，平均每位只是二百二十，大埔扺食德國菜。