御鐵

营业中

休息中

今晚朋友帶路黎左呢間鐵板燒，一打開𨋢門已經聞到好香既燒物味，即刻食慾大增~我地要左龍蝦和牛set，首先黎既係松葉蟹肉沙律–蟹肉新鮮，加上柚子汁好清新開胃。之後既季節魚係鱸魚 – 師傅將魚皮燒得非常香脆，連平時唔食魚皮既我都覺得好食~ 最特別係呢道菜配上橙汁底，檸檬泡沫同食用乾花，無論視覺同味覺都好豐富!到重頭戲龍蝦–師傅將隻生猛又大隻既龍蝦拎出黎，三扒兩撥已經開邊起肉，煎出黎既肉肉質彈牙，龍蝦膏加忌廉煮成既醬汁又令龍蝦肉味道更濃郁! 另外師傅亦都好貼心加左雞冠草做配菜俾我地清潔味蕾，享受下一道菜。然後到我最期待既和牛厚燒–脂肪同肉既比例平均，配上香脆蒜片同竹炭鹽一齊食，唔會蓋過和牛濃厚味道之餘，仲增加左口感同滋味，非常滿足。食完濃味既肉之後，就黎一碗昆布帶子魚清湯–鮮甜又暖胃。三文魚籽海鮮炒飯–三文魚籽同海鮮既份量都幾多，炒得好乾身，粒粒分明，香氣四溢。最後當然唔少得甜品–我要左芝麻味雪糕，雪糕底下有紅豆，好味唔太甜。除左食物質素高，侍應服務亦都好好，朋友果然冇介紹錯!

講明先，我媽加些即係 Omakase 😂冇咩特別意思，都唔係講緊粗口！只係因為太耐冇食過好嘢，難得搵到一間高質嘅鐵板燒，有鐵板燒師傅，親自喺你面前幫你燒埋，仲唔係正宗我媽加些！黎過呢幢大廈食嘢嘅朋友，就會知道呢度嘅餐廳其實唔算好大，但係就五臟俱全，例如呢一間鐵板燒，雖然地方唔大，但係足夠大約10幾個人一齊食，而鐵板燒嘅位置主要分開兩邊，兩邊都會由師傅親自為你鐵板燒食物，喺你面前燒完，就直接俾你食，都可以講係一大享受，睇住師傅為你烹調每一道菜，除咗安心，同時都可以講係一門藝術頭盤會有呢個沙律，沙律當然唔係有鐵板燒師傅製造，但係呢個沙律都幾好食，可以揀柚子，芥末，及芝麻醬，我想特別啲，所以就揀咗芥末醬汁，原來都幾好食，辣辣地，作為頭款前菜，都真係幾開胃第一個先黎既菜式有呢個 日本帆立貝配青檸菠菜泡沫，由呢個菜式開始，我就知道每道菜都有擺盤，而且重要經過精心設計，泡沫好堅挺咁企左係碟邊，有著強勁青檸味既佢，會係最後用黎清口腔味道及形成一個極清新既對比之用日本帆立貝果然係唔同d，鐵板燒完都重係大大粒，重要爽口彈牙，入面既肉感好實在，而且好有層次，食起黎好滿足，加埋上面新鮮三文魚籽及菠菜汁做點綴

一般人嘅印象鐵板燒都係好重油煙嘅地方，今日黎開銅鑼灣見到有間新開嘅餐廳一於試一試，環境舒適同埋完全冇油煙味超讚！ 1）頭盤沙律沙律菜非常新鮮我哋叫咗蕃茄蒜味汁，配搭唔錯，好適合做開胃小食 2.）帶子配菠菜汁同意大利黃瓜帶子兩邊煎得焦香，仲有菠菜汁同埋旁邊伴咗菠菜青檸泡沫，感覺新鮮同優雅！ 3）澳洲龍蝦配龍蝦膏醬我哋係二人餐，所以每人有半邊龍蝦肉，龍蝦新鮮喺魚缸捉出嚟，肉質爽甜，配埋creamy嘅龍蝦膏醬，簡直就係海鮮盛宴，好想再食多半邊！ 4）美國牛肉薄燒配大啡菇、蕃茄、意大利黃瓜、日本小青椒牛肉薄燒入面捲咗少少炸蒜同埋蔥，非常惹味，唔會煎得乾身，肉質保持鮮嫩，點少少竹炭鹽，令牛味即刻出曬黎！ 5）西班牙黑毛豬柳呢一度嘅黑毛豬柳係可以用一個豬肉仲係保持住少少先鮮嫩粉紅色咁樣上碟！上碟前再用櫻桃木煙燻一下，別有一番風味，豬柳亦都非常厚身，有咬口得嚟又唔會難以咀嚼，非常正嘅享受！ 最後有油揚昆布湯同埋甜品，為整個鐵板燒旅程畫上圓滿句號，真係一間唔錯嘅鐵板燒！

約朋友食飯,食我地都好一段日子無食嘅鐵板燒!! 位置銅鑼灣嘅御鐵, 地點夠晒方便, 食物質素都好好, 環境又舒服食鐵板燒最吸引之處當然係望住師傅嘅整個食物製作過程,每道菜都好似睇表演咁, 一顆滿滿期待嘅雙眼, 睇到係咁吞口水我揀左 premium set, 其實部份野食都會同朋友share食, 店員亦都會貼心安排share dish.前菜係芥末汁無花果野菜沙律 (另外有蒜汁及柚子醋汁落單時揀選).  無花果沙律罕有 ; 沙律菜好新鮮爽口,輕輕調味帶動胃口同時師傅已經開始煮珍寶虎蝦及勁大隻鮑魚於眼前扭呀扭扭呀扭咁樣, 新鮮度滿分珍寶虎蝦真心大隻, 飲肉質好爽又彈!用以蝦膏去調配醬汁, 惹味之作接著係之前扭扭下嘅南非孔雀鮑魚, 賣相精美與藝術品睇齊, 鮑魚口感一流, 煮得剛剛好, 配上三文魚籽及金箔加強美感, 及自家調製嘅海苔忌廉汁, 除了出色還是出色!和牛厚燒, 好JUICY嘅A5和牛, 因為本來和牛的油脂好豐富, 加蒜片一齊食味道更出襯碟嘅雜菜有翠玉瓜, 大啡菇等等食完三道亮眼嘅主菜, 步入尾聲嘅有粒粒分明嘅魚籽海鮮炒飯及暖乎乎嘅野菌雜菇湯最後揀左黑芝麻雪粒糕配熱咖啡做閉幕。大滿足

鐵板燒和鮨店一樣, 在香港人不能去日本”回鄉”的情況下, 開到成行成市, 這家的銅鑼灣的御鐵是這個戰場上的新戰士. 不說和三昧這經典, 銅鑼灣是鐵板燒戰場中最殘酷的地段, 花盃, 鉄人旨花, 虎鐵, 雪舟等等, 一個如此細小的地段, 卻有著超過十間的鐵板燒餐廳. 這個新戰士倚靠的, 除了是主廚Simon 十多年的鐵板燒經驗, 性價比也是它突圍的方法. 午市五百元的套餐, 早鳥優惠八五折, 就能吃到鮑魚, 鱸魚以及和牛薄切, 也是給人我初次品嚐的原因.這裏烹調風格偏向新穎而複雜, 不只將食材放進鐵板上煮熟, 而是在汁醬及配料上也有花心思. 鮑魚新鮮, 看起來應該有三至四頭, 師傅以最基本的鹽和黑椒處理, 上碟時再伴以金箔和三文魚籽, 就算不用加上菠菜忌廉醬, 鮮味也夠. 鐵板燒鮮鮑魚吃的是爽口彈牙, 而非溏心的口感, 再加上三文魚籽的卜卜脆, 表現算是可喜.另一道主菜鯛魚魚皮和魚肉分開處理, 我還以為是立鱗燒呢. 魚皮去鱗完整, 燒起來外觀看起來十分脆口, 但吃起來口感還是有點煙韌和濕潤. 魚肉鮮度OK但肉質有點死實. 魚皮和魚肉吃起來和我預期的口感有差, 幸好橙汁醬和檸檬Mousse提

老朋友生日，決定去食好啲，今次到了御鐵。位置便利，店內環境舒適！我地揀左Otetsu Special Set，有龍蝦、和牛作為主打，好有驚喜！首先黎既係松葉蟹肉沙律–蟹肉鮮甜，配合龍珠果同冰凍的沙律菜加上柚子汁好清新開胃。師傅會響我地面前製作食材，非常新鮮，原汁原味！食完沙律後，師傅介紹下一道菜—鱸魚，香脆魚皮配上橙汁底，檸檬泡沫同食用乾花，味覺上有好多不同的衝擊！值得推介！主食龍蝦—師傅原隻，生猛既西澳龍蝦從魚缸拎出黎，開邊起肉過程利落，煎好的龍蝦肉肉質彈牙，龍蝦膏煮成的醬汁又令龍蝦肉更濃郁！今次呢個龍蝦真係會食完會好有印象！碟上配有雞冠草做配菜俾以作清潔味蕾用途。和牛厚燒亦都係高水準之作–脂肪同肉既例好平均，香脆蒜片同竹炭鹽可以帶出肉的鮮味但又不會蓋過和牛的肉味，非常滿足。昆布帶子魚清湯–鮮甜，清淡，中和番兩個主食濃的味道。三文魚籽海鮮炒飯–份量適中，用料十足，飯粒炒得好乾身配上三文魚籽味道一絕！甜品–抹茶雪糕，雪糕底下有紅豆，不會甜，完美！總結，食物質素甚高，侍應服務殷勤，物有所值！

銅鑼灣新開左一間風評不俗嘅日式鐵板燒～今日同好耐無見嘅友人相約左黎食個lunch!叫左premium set d $1388/2人餐！季節沙律 每人一碗可選蕃茄蒜/柚子/芥末醬汁我就選左最普通柚子醋汁，友人就選左芥末醋汁，味道有芥末嘅嗆，而無芥末嘅辣，幾特別！呢度嘅座位同好多鐵板燒一樣，都可望住師傅料理食材，真係視覺同味覺嘅雙重享受！日式帆立貝配青檸泡沫浸有菠菜忌廉汁及意大利黃瓜嘅帆立貝燒到剛好有一絲絲口感，鮮甜美味，on top 三文魚子增咸鮮味，再添食用銀箔作點綴增添貴氣！最後沾上碟旁青檸泡沫清新又解膩！澳洲龍蝦配龍蝦膏醬以浪漫玫瑰花同清新菊花瓣作點綴！龍蝦用番本身的龍蝦膏作醬汁包裹鮮甜爽彈嘅龍蝦肉，無特別調味，沾上碟旁灑上胡椒可提鮮！主菜總共有3款，每人可各選1款～美國牛肉薄燒包裹住大量嘅蔥蒜，同樣主打食牛肉嘅肉味及軟滑口感並無加調味，可沾碟上附上的竹炭鹽令肉味更突出！西班牙伊比利亞厚切豬 上碟前用上櫻桃木煙燻過！豬鞍扒嘅火候控制好好剛好夠又唔會過熟，入口充滿肉汁！食完主菜 遞上油揚昆布麵豉湯 炒飯 超多脹卜卜嘅蝦仁，爽彈足料奉上餐茶後，就到甜點時間選了抹茶味及薑味雪糕！

老闆今日請食中午飯，揀了間靚靚嘅鐵板燒餐廳。餐廳內有魚缸用來養海鮮用的，餐廳的食材新鮮。座位是對著可以觀賞大廚的廚藝，油煙感不大，抽風系統好😎前菜有沙律，沙律菜爽脆鮮甜，最特別是龍珠果，果肉酸酸甜甜很開胃。 帆立貝刺身級帆立貝用意大利黃瓜墊底再配菠菜汁及食用金箔，賣相相當吸引。大廚把帆立貝煮到五成熟，肉質爽口。西澳龍蝦龍蝦肉質彈牙，龍蝦味十足。大廚加上龍蝦膏造的醬汁，令龍蝦味大爆發，鮮甜😊美國牛肉薄燒牛肉味甚濃，肉脂比例剛剛好，牛肉薄燒卷滿蔥蒜蓉，牛脂配蔥蒜蓉吃起來非常香口。 西班牙豬柳第一次煙熏西班牙豬柳，一打開玻璃罩時，是滿滿的木香味🤓 尤其是西班牙豬，喜歡它的肉味夠濃，成熟度剛剛好，咬下時有肉汁👍🏼若想再濃味一點，可以沾上竹炭鹽，令味道更有層次。 三文魚子海鮮炒飯炒飯材料有蝦，蜆，帶子，蔥花，甘筍，最後炒飯加上三文魚子。海鮮食材新鮮（蝦，帶子）彈牙，蜆鮮甜。好吃😋沖繩黑糖雪糕🍦第一次吃黑糖雪糕，有啖啖甘蔗甜味👍🏼😗

日式鐵板燒算是我個人最喜愛料理菜式之一，地氈式搜尋人氣食店，搜索到開業兩個多月的「御鐵」，環境乾淨俐落、裝潢日系大氣、中價位價錢OL小資亦能負擔。龍蝦套餐Otetsu Special Set兩人行本打算選擇兩款一人餐，卻被缸內活蹦亂跳的龍蝦吸引，最後經過心理爭扎後選擇了龍蝦套餐。季節沙律可選擇柚子醋、芥末醋或蕃茄蒜汁作醬汁。沙律菜款式種類繁多、食材新鮮、菜均水潤爽脆鮮甜，配上清爽微辛芥末醋，爽甜開胃。季節魚- 香煎鱸魚師傅魚皮分開鐵板燒，魚皮不焦卜卜脆、魚肉香滑柔嫩，以鮮橙汁墊底，再配上紫蘇花及檸檬泡沫，精緻手藝配上悉心料理。龍蝦店家用上著名的西澳龍蝦，即撈即切開邊即燒，雞骨草墊底，再以蝦膏煮汁淋面，醬汁濃稠鮮香。龍蝦肉質爽彈有勁帶脆感，味道鮮甜配上清香食用花，口感更具層次。和牛薄燒熊本A5和牛大片薄切，降霜紋路清晰、雪花般散佈，下鐵板後快速變熟、油脂滲出、灑上蔥花、肉香油潤。配菜包括美國蕃茄、啡菇，菇汁水份足，咬下富爆汁感。師傅細心把半份薄燒及半份厚燒一起擺盤，再以獨子蒜蒜片及竹炭鹽再調味用，口感更多樣。帆立貝湯物清新鮮甜的湯品。炒飯鐵板炒飯，飯粒分別粒粒煙韌香口，洋蔥粒、蝦粒、帶子

秋冬絕對是屬於燒物的季節，而熱騰騰的鐵板燒料理與師傅的近距離表演，每次都教人期待。這次來到這家位於銅鑼灣的「御鐵」，犒賞一下自己。直接點了龍蝦二人餐，內容物豐富，魚蝦和牛都不差。先來頭盤沙律，爽嫩的沙律菜加上柚子醋和蕃茄酸汁，酸甜開胃。鱸魚以半煎炸的方法炮製，極考功夫，鮮甜細滑的魚醮一點自家製鮮橙汁，旁邊紫蘇花和檸檬則負責清新。來自西澳的龍蝦個頭喜人，以自身蝦膏燒成醬汁調味，盡可能呈現龍蝦本身的鮮甜味，而適度的火侯亦使肉質爽彈有緻，加上點綴的食用花瓣和海草，整體富高級感。A5熊本和牛厚燒/簿燒 脆蒜片 竹炭鹽 啡菇 蕃茄 蘆筍師傅貼心地將厚燒和簿燒的A5熊本和牛分於各碟，伴碟的還有蕃茄、啡菇及脆蒜片等配料，極足料。燒得半熟的和牛片牛香味濃郁，油脂平均地溶化於肉片上，每一口都充滿肉汁，帶來極柔軟嫩滑的質感。清湯由帆立貝、本菇及野菜滾成，成色透明，入口清甜順喉，溫燙暖胃。三文魚籽鐵板炒飯鑊氣十足的米飯炒得香軟乾爽，保持良好顆粒空氣感，加上三文魚籽帶來的天然咸味，惹味飽肚。甜品紅豆雪糕 及 餐飲冷檸檬茶

多謝老友成日搵食都預埋我，今次去咗間新開嘅鐵板燒餐廳，可以係兩大個都係吧枱位渡睇住師傅表演真係好正，視覺味覺享受，今次就好簡單，叫咗個龍蝦lunch set .你明唔明鐵板燒首先最重要係食材新鮮，第二加埋師傅嘅技巧，咁就完美啦。首先有個好大碗的沙律，好清甜仲有個龍珠果，幾得意，味道都好fresh.跟著就有個帆立貝，好嫩滑好多汁，肉質新鮮。龍蝦彈牙好惹味，鮮味係口渡湧出嚟。仲有個豬真係好有驚喜，係粉嫩，唔係未熟。

真係好懷念在日本時去食鐵板燒時，可看住廚師在鐵板上煎食物嘅感覺！朋友今晚就同我去了這裡尋回這種感覺！這裡是全層的，一出升降機就係餐廳，直望就係師傅為客人煮食嘅鐵板位置，餐廳分了兩邊，今晚就係座另一邊，座位舒適，店員服務細心，座下店員就將餐牌奉上，內有不同套餐組合，今晚我同朋友就選了這款有龍蝦嘅組合！有六道菜加埋餐飲，當中和牛食法還有選擇！落單後就係個季節沙律配上蕃茄蒜汁入口十分醒神開胃，再加上上面放了鮮甜嘅松葉蟹肉，真係一個好嘅開始！接住就係香煎爐魚肉，師傅兩三下手勢就將魚皮同魚肉分開，再煎得魚皮香脆，加埋個檸檬汁泡泡，出來賣相精緻，本身爐魚肉嘅肉質結實香滑，加埋香脆魚皮，個種感覺就似在日本師傅嘅感覺！接住就係用上澳洲龍蝦，呢個質素絕對係刺身級，超大隻，師傅用純熟嘅技巧，將龍蝦肉同蝦殼分開，再將龍蝦肉放在鐵板上煎，將大大件嘅龍蝦肉切件，再加埋個龍蝦膏汁上枱，本身師傅唔會將龍蝦肉煮得太熟，所以入口時仍保持住個種彈牙爽口嘅感覺，而配埋個濃郁龍蝦汁更加美味！當食緊龍蝦時，師傅就為我準備下一道和牛厚燒，用上了熊本和牛，厚燒就係原塊在鐵板上燒，師傅好快將牛扒不同嘅面在鐵板上返，鎖緊肉汁，再加埋配

又到十二月預早同朋友去食聖誕大餐、今年來到只開業一個月的御鐵。二人set首先送來沙律、賣相討好、多款時令蔬菜、自選的蕃茄蒜汁清新開胃、特別加上龍珠果、口感爽脆。澳洲鱸魚 — 師傅細心起了魚皮煎香、魚肉嫩滑、伴上香橙汁和檸檬mousse酸甜開胃。澳洲來的龍蝦好新鮮、放上鐵板還在微微抖動、七成熟爽口彈牙、用了蝦膏熬成醬汁、好正啊！套餐可選和牛厚燒/ 薄燒和西班牙豬柳。熊本A5和牛厚燒 肉質超級軟嫩、伴上竹炭鹽 和獨子蒜 牛味更濃郁、有入口溶化感覺！燒蘆筍和大啡菇都好好食！鰹魚清湯加入水菜、本菇、帶子、味道清清地倍感溫暖。海鮮炒飯係鐵板燒的靈魂、飯粒炒得香口、有蔥粒、蝦、帶子、蜆肉、材料豐富、三文魚籽晶瑩通透、卜卜脆口感更佳。另外附送餐飲、好完滿的一餐！

銅鑼灣新開鐵板燒，一向喜歡吃日本菜的我，實在太想念鐵板新鮮燒起香噴噴的味道，今天和舊同事一聚，就選御鐵吧♥️季節沙律好豐富，有新鮮蕃茄仔、沙律菜、第一次吃龍珠果，味道鮮甜。可以選不同醬汁，有蜜糖芥末醋汁同蕃茄醋汁等等，同沙律菜好match 😋美國牛肉薄燒 牛肉超juicy ! 很香濃的牛味💓配上蕃茄、蘆筍，感覺更健康。試試配上蒜片，就更加惹味😌有紫蘇花的擺盤精美，爽脆的意大利黃瓜上有帆立貝，切下一小口帆立貝點上菠菜汁後更清新。青檸泡泡好特別，青檸味不算濃，襯托上帆立貝就剛剛好。西澳龍蝦有一整隻的西澳龍蝦，令整份海鮮套餐更划算🥰用濃濃的蝦膏做醬汁，將整份龍蝦肉提升鮮味。龍蝦底有紅綠雞冠海草，充滿豐富的骨膠原，當然，配上龍蝦汁就更鮮味。炒飯材料有三文魚籽、貝柱、蛋、蔥、甘筍粒，一小碗剛剛好，炒飯最重要是材料新鮮，有鑊氣，飯粒粒粒分明，有咬口👍🏼薑味雪糕薑味濃郁，有啖啖奶香味💓

放大假日子食鐵板燒，來到新開張不久的御鐵。餐廳佈置了聖誕裝飾，整體感覺温暖舒適。晚市套餐分為一人前和二人前，我們點的是龍蝦和牛二人前。季節沙律以羽衣甘籃、露筍、龍珠果、紫椰菜和蕃茄仔入饌，伴以柚子醋汁，清新討好。澳洲龍蝦初放在爐上時，腳還在動，生猛新鮮。鐵板燒師傅首先正背面燒過龍蝦，再以蓋焗煮至六、七成熟，龍蝦爽口彈牙，而且不會覺得未熟透。以龍蝦膏煮成的汁好creamy,蘸些同吃更香濃師傅將澳洲鱸魚去皮，把魚皮煎至如薯片般；魚肉則煎至金黃侍應建議先食脆度十足的魚皮。金黃色的魚肉保持了嫩滑度；配自家製香橙汁、檸檬慕絲，添加了甜香味。和牛任擇厚切或薄燒，是日用上熊本A5和牛，捲著蔥花和蒜粒的和牛薄切又腍又有肉味。嘗過原味後，再蘸些竹炭鹽，有助減輕和牛的油膩度。日式湯以水菜、本菇、海苔熬成，綴以刺身級帆立貝，湯底清澈無油，平衡了燒物的厚重感。炒飯材料豐富，以蜆肉、帶子、蝦、紅蘿蔔、洋蔥、雞蛋炒成，香氣撲鼻，三文魚籽添上了鹹鮮。套餐包括了飲品，簡簡單單喝杯檸水，是晚大滿足。