御鐵

营业中

休息中

好耐無食過鉄板，揾左好多間在緣份驅使下試食呢間，原本以為打風唔會開，打電話check左照常營業便出去食🚶‍♂️地點好近地鐵站，一出口行過對面馬路就到勁方便👍🏻我地食左二人set 最貴果款全海鮮仲有和牛..我食到好飽，先生就剛剛好😊全晚都食得開心，日式但食物decor 有少少法式都幾精緻，打咭正呀😍

🤍 銅鑼灣上樓隱藏版 優質鐵板燒 🤍...在銅鑼灣這個上樓隱藏版美食戰區，又被我挖到ㄧ家性價比 滿高的 美味鐵板燒餐廳😎✨『 御 鐵 』食材新鮮高檔，廚師對每道菜的細膩料理與擺盤這個價位很值得🙌🏻.它位於銅鑼灣Sogo 後面 的 駱克道上的駱克駅13樓（我要說這棟好多美味餐廳🤫） 餐廳環境是極簡的的日式風格，有兩個主廚吧檯， 每個座位都可以欣賞到廚師的料理美食過程。.這次選了兩款鐵板套餐 $788、$988 有季節沙拉、前菜 、主食、湯品、飯後甜品與飲品共7道菜➕飯後甜品.✴️季節沙律 Daily Salad 先以清新爽嫩的雜沙律菜做開場，有兩種醬汁可選芥末醋汁與柚子醋，沙拉加入清甜多汁車厘茄、蘆荀、青瓜等各款新鮮的蔬菜，還有一些鮮甜的松葉蟹肉和龍珠果，拌上醋汁，酸甜滋味最適合做開胃的第一道菜✨.✴️蟶子皇配香草牛油野菌使用蘇格蘭既蟶子，好大隻，食落好鮮甜，搭配的配菜有泰國蘆筍與牛油雜菇與食用花、日本海草.✴️香煎廣島蠔將相當肥美的蠔煎得外脆內嫩，伴着蔥花、櫻花蝦與炸蒜ㄧ起吃隔外的提鮮，而且蠔肉鮮嫩之餘亦富有蠔汁ㄧ點也不會被配菜搶走，反而隔外的融合✨.✴️香煎法國鴨肝配無花果意大利黑醋外皮煎到

空間不大，但座位很寬敞，只有20個位，十分舒適😍😍😍員工連大廚大約8人，完全有專人服侍的感覺，爽！季節沙律🥗沙律用料新鮮，加嘅柚子醬係我最鍾意。原隻日本象拔蚌見住廚師即劏，好新鮮，好鮮甜，又嫩又滑，好入味。西澳龍蝦配海膽汁龍蝦🦞新鮮燒得好嫩口，不過配襯海膽汁就少了一些香口的感覺。香煎野菜聽侍應介紹，啲嘢菜都來自不同國家，不過我都好少理，只知道個啡菇真係好多汁🤩三文魚子海膽炒飯份量係好少，所以特別入味，海膽新鮮，蛋炒飯好香，令到原本已經好飽嘅我都盡力食曬。西班牙黑唔豬+A5和牛厚燒厚切感覺好好，因為好有口感，但仍然滑，黃牛好味。連豬肉都可以煮到七成，就知道肉質有幾靚，最後還做了一個煙燻效果，好香好特別！吸物等於我哋嘅清湯，海鮮味甜，全餐鐵板燒。整餐飯食嘅除咗係新鮮同埋有專人服侍，仲有一種好難得的愉悅感覺，值得！

好耐冇食鐵板燒搵到呢間新開嘅 就同朋友試吓呢度有啲單人餐 亦都有二人套餐我哋想咩都試吓 所以決定叫兩個一人餐 $788 | $988蟶子王配野菌 特別調製嘅醬料帶出聖子鮮味飛魚子嘅配搭都係一個加分！南非鮑魚 師傅話冇加任何醬料食到嘅鹹味都係海水味！食落的確唔需要加任何野伴碟嘅海苔醬唔使點都得 鮑魚夠彈牙 我哋揀咗切片 但相信切粒一樣好食㗎鵝肝 冇諗過有咁大片！當然都係One of my fav如果有塊麵包吸油更佳我哋兩個餐都叫咗牛肉一個係A5和牛 另一個係普通和牛一齊食就知道個分別A5比較重油分 但入口即溶相反普通和牛 牛味比較重 油分比較balance不過自己都係鍾意啲肥膩嘢 A5 Win!可能因為新開 即日打去都有位但我深信一定係下一個hidden gem地方唔算好大 私隱度足夠慶祝節日都唔錯！咁樣食人頭大概$1000鐵板燒來講都算化算啦！

週日瞓醒天氣甚好決定去食個美味午餐去咗銅鑼灣『御鐵』食鐵板燒哩度嘅環境好乾淨舒服！可以靜靜地享受美食午餐由新鮮開胃嘅沙律開始鮮嫩的蘇格蘭蟶子西澳活龍蝦🦞晌鐵板上依然好生猛大隻肉厚超鮮甜、佐香濃龍蝦蝦膏，超好味！配牛油美國啡菇一齊食澳洲牛柳厚切彈牙 肉味濃郁伊比利亞豬以櫻桃木煙薰過 香味十足 點竹炭鹽、蒜片來吃 好惹味呀！☺️最後三文魚子海鮮炒飯咸鮮味十足 粒粒分明 好食！正餐完畢後 還有北寄貝昆布清湯甜品揀咗黑糖、柚子雪糕黑糖十分香👍🏻再配一杯咖啡 完美。🔸季節沙律🔸蘇格蘭蟶子皇配香草牛油野菌🔸澳洲龍蝦配龍蝦蝦膏🔸澳洲牛柳 日本南瓜 意大利青瓜🔸西班牙伊比利亞厚切豬 🔸三文魚子海鮮炒飯🔸北寄貝昆布湯🔸雪糕（柚子、紫薯、黑糖）🔸飲品🏷$1588/2人

今次慶祝朋友生日，因為佢鍾意食鐵板燒，所以上網搵左呢間日式鐵板燒，可以坐吧枱邊食邊望住師傅燒野食，慢慢傾計，同知己朋友/情侶黎食最岩！煙三文魚野菜沙律沙律好新鮮，可以揀醬料，我揀左蘋果蒜汁，食落健康又開胃，更加期待之後嘅主菜！北海道鮮帶子配魚子醬帶子火喉控制得好好，兩面香脆，但入面嘅帶子仲好軟稔易咬，仲配左意大利黃瓜係底一齊食。南非活鮑魚配海苔醬鮑魚未煎之前仲好生猛不斷識郁，食材夠哂新鮮！而且冇加調味都夠，因為海水嘅鮮味已經夠鹹。加埋個海苔醬食好creamy。西澳龍蝦配海膽汁半隻龍蝦起左肉去煎，啲龍蝦啖啖肉，食落去好彈牙。配埋海膽汁去食更加鮮甜！香煎法國鴨肝鴨肝表層煎得香脆，底下配左一塊青蘋果黎食，可以減輕油膩感，食落去無哂變肥嘅負擔。配埋無花果醋汁，酸酸甜甜好開胃！熊本縣A5和王牛厚燒本身和牛已經夠晒味，唔夠嘅可以自己點側邊嘅鹽。蒜片炸到好脆，配埋舊和牛一齊食充滿蒜蓉香，好夾！北寄貝海帶湯食完燒物飲番啖湯。三文魚籽海膽炒飯未食炒飯之前已經飽飽地，好彩呢個份量預得啱啱好。炒飯上面鋪滿左海膽同三文魚籽，食落好鮮甜，夾埋煙煙韌韌嘅飯粒，好好食。薑味雪糕第一次食薑味雪糕，喜出望外地真係幾好食

好耐未食鐵板燒，早幾日同朋友一齊係銅鑼灣駱克駅樓上新開的一間日式鐵板燒用餐🍴餐廳環境簡潔寬闊又舒適，好有日式特色，吧台可以望著師傅製作美食，視覺上同味覺一起享受😍我同朋友就揀咗二人鐵板套餐$988-$788包括季節沙律，吸物，和牛厚燒 ，湯 ，炒飯 ，飲品及甜品.無花果雜菜沙律 無花果好香甜，雜菜爽脆可口，再加柚子醋，酸甜又開胃😋蟶子皇配香草🌿牛油野菌蟶子燒的岩岩好，香草味好香，我就好鍾意食各種蘑菇呢道菜我幾鍾意❤️香煎法國🇫🇷鴨肝同香煎蠔🦪香煎野菜鴨肝口感好嫩口，蠔好大隻，配上蒜皮食好正😋日本野菜都好新鮮，用黎鐵板燒又幾好食😋南非🇿🇦活鮑魚鮑魚都幾大隻，肉質鮮美，搭配特製嘅醬汁，口感幾特別😋熊本完A5和牛油脂分布平均，入口即溶加啲竹炭鹽食，好豐富嘅味蕾感受！三文魚籽海膽炒飯 第一次見到炒飯係一個酒杯裝住，都幾有情調🤣上層勁多嘅三文魚籽，炒飯用料豐富，有瑤柱同蜆肉，飯粒蛋香味香濃！呢個用來打卡一流🤣最後再飲一碗昆布湯野菌湯同食一個柚子雪糕結束晚餐，真系好滿足😋

剪完頭髪，和朋友去咗食鐵板燒，唔想咁 Heavy，我選咗Dinner Set A $788， 唔想食鴨肝，改咗虎蝦先來沙律，可以自己選醬汁，有柚子醋、芥末醬、蕃茄。我就選咗芥末醬，賣相好吸引，仲有好多款食材﹐除咗生菜之外，仲有羽衣甘藍、蘆筍、蝦、青瓜、蕃茄，最特別係有蓮芋，即係蓮花莖，好清甜蟶子皇配香草牛油野菌來自蘇格蘭嘅蟶子，已經切成小件，上面有泰國蘆筍同牛油雜菇，香煎法國鴨肝配無花果意大利黑醋汁唔想食鴨肝，改咗虎蝦，個汁用咗蝦膏煮，原汁原味和牛薄燒/西班牙伊比利亞厚切豬選擇咗西班牙豬，配上香煎野菜，上碟時再用櫻桃木香薰，肉好淋，仲有淡淡嘅煙薰香三文魚籽海鮮炒飯賣相好特別，用酒杯上，打咭一流，個飯仲炒得好乾身鰹魚清湯好清甜，好多菇， 好多紫菜，仲有北寄貝最後食埋個雪糕，飲埋杯檸茶，大滿足。

Dinner Set B ($988)沙律有幾款醬汁可以選擇，我揀咗柚子醋，配料唔係齋菜咁boring，有蘆筍、蝦及蓮花莖，夠晒特別南非孔雀活鮑魚新鮮鮑魚口感煙韌，有幾款食法，可以先食原味、又可以加紫蘇花、又可以加海苔忌廉汁，3款食法我都好鍾意，尤其是紫蘇花，鐵板燒鮑魚加紫蘇花比較少試過熊本縣厚切A5和牛大廚提議煮到5成熟，外脆入口即溶，如果嫌唔夠味道，仲可以加啲竹炭鹽，可以加炸蒜食，又可以用紫蘇葉包住食，感覺上真係冇咁膩㗎喎！三文魚子海膽炒飯最尾點少得炒飯，不過呢個好特別，係用酒杯食炒飯！再加埋三文魚子及海膽，太滿足啦~鰹魚清湯超級鮮甜又多料，仲有一大片北寄貝甜品最尾仲有雪糕及餐飲，正！估唔到有紫薯雪糕~食物唔止有單一味道，大廚有預備及介紹各種食法，同一碟食物都有不同驚喜。服務好好，坐得又舒服，啲裝飾品又夠靚，值得一試

今天我第90次成功捐血，要鼓勵和獎賞自己，最開心和實際是享受美味佳餚，鐵板燒絶對是視覺與美味最佳之選，楝在「御鐵」享用鐵板燒套餐也是明智選擇，因為食物選材、服務和環境都滿意。B套餐款式很合我心意，我享用季節沙律的同時，廚師也開始為我烹調香煎鱸魚。季節沙律有三款醬汁選擇：柚子汁、芥末和蕃茄，我喜歡清新柚子汁味道，配合多款有機新鮮蔬菜與鮮蝦，為我展開美味的第一篇章。香煎鱸魚配橙醬汁，觀看著廚師細心為我香煎鱸魚， 鱸魚略煎香，鱸魚肉與皮小心翼翼分開，廚師耐心地將鱸魚皮兩面煎香成色香味俱佳的薄脆，鱸魚肉配與橙醬汁、菊花瓣和檸檬泡沫感受很新穎味道層次！南非活鮑魚配忌廉海苔醬汁，配菜有三文魚籽、紫蘇、雞冠草，廚師將鮑魚去殼並用牛油和胡椒鹽將鮑魚煎至剛熟，先嘗第一口鮮鮑魚片，肉質鮮嫩香滑，第二口鮑魚片蘸少許忌廉海苔醬汁，醬汁味道沒有喧賓奪主，配合得宜，鮑魚可供食用的部份廚師巧手煎香，香酥脆口令我回味無窮。和牛薄燒，肉味香濃不油膩，中間捲入蔥花，原本不愛蔥花的我也對蔥花改觀，因為蔥花口感很清爽。三款配菜來自三個歐洲地方，大啡菇、青瓜和南瓜，清甜又清爽。日式湯，昆布、北寄貝、菇及蔬菜，很清香微甜的昆布與

老公咁悉心照顧我同小朋友，適逢父親節當然要慰勞佢。老公最愛食日本菜，今次就放低小朋友，拍拖去食鐵板燒慶祝一番。 餐廳位於銅鑼灣駱克駅13樓，餐廳以日式裝潢，簡約明亮。主要有二張鐵板燒枱，面積不大但座位寬闊，十分舒適。餐牌有不同價錢的套餐可選，老公發板選了＄2688的Set D。 季節沙律沙律有三款醬汁可選，我選了芥末沙律汁，沙律新鮮爽脆序餘，芥末汁完全有畫龍點睛的效果，芥末微辣中帶一點甜，好特別的配搭，十分醒胃。 日本原隻象拔蚌象拔蚌打邊爐就試過，鐵板燒還是首次。象拔蚌肉身好鮮甜，爽脆，我吃完後再吃象拔蚌的膽，嘩～完全感動到笑出來，象拔蚌的膽棉軟軟入口已經化開，鮮甜度遠超肉身。原味我已經十分滿足，沾上芥末忌廉醬吃會有另一番味道。 西澳龍蝦配海膽汁八成熟的西澳龍蝦口感剛好非常爽脆，鮮甜的龍蝦配上龍蝦膏＋海膽＋牛油調配而成的醬汁，更特顯龍蝦的鮮味，蝦膏的餘韻一直在口腔內迴盪，若喜歡紫蘇葉的香味可以配上紫蘇葉的花瓣同吃。 西班牙伊比利亞厚切豬配香煎野菜七成熟的伊比利亞豬以櫻桃木煙燻，粉紅色的嫩肉入口多汁爽嫩，煙燻的味道像吃煙肉般，配上竹炭海鹽和脆脆蒜片同吃份外惹味。香煎野菜有日本南瓜＋大啡菇

之前聽朋友介紹銅鑼灣開左間叫御鐵嘅席前鐵板燒店質素唔錯，今晚約左老婆放工係銅鑼灣等，直接上去嘆返餐久違左好耐嘅鐵板燒。😋御鐵位於駱克駅13樓，一出升降機門就係餐廳，雖然餐廳佔了全層，但只設了10多個座位，店員服務非常到位。晚市的鐵板燒套餐有5款選擇，我地揀選左$2,688兩位的套餐D，套餐包括左鐵板燒日本象拔蚌、龍蝦同A5和牛。😍OTETSU Dinner Set D季節沙律沙律有幾款醬汁選擇，我揀左柚子汁，沙律菜新鮮爽脆，配上大蝦，非常清新醒胃。👍🏻原隻日本象拔蚌師傅先把象拔蚌的膽和蚌肉分開，蚌肉燒至半熟，口感鮮嫩爽滑，配上芥末忌廉醬，非常惹味，蚌膽亦十分鮮甜。😍西澳龍蝦配海膽汁龍蝦由水缸取出，師傅先將龍蝦起肉燒香，即劏即燒，龍蝦肉非常鮮甜，配上以龍蝦膏、海膽同牛油炮製的醬汁，味道層次十分豐富。👍🏻熊本縣A5和牛王 配 香煎野菜套餐的肉可揀A5和牛或伊比利亞豬，我當然係揀A5和牛啦，作為熊本縣最頂級嘅和牛，油花非常靚肉汁飽滿，入口充滿牛油香味，配上帶有微甜的芥末，超級好食。😍吸物是日吸物係昆布鰹魚湯配北寄貝，味道鹹鮮。三文魚籽海膽炒飯炒飯乾身用酒杯裝住，上面舖滿海膽同三文魚籽，賣相十

聽同事介紹呢間高質鐵板燒，地點仲好方便，一出銅鑼灣地鐵站過對面馬路幢大廈就係，餐廳全部都係bar檯位，可以一邊食一邊睇住廚師烹調，鐵板燒既好處就係師傅會按你既進食速度而調節每一道菜既時間，食完一道先上另一道，咁樣每道菜都可以保持新鮮滾熱辣。OTETSU Dinner A $788季節沙律沙律有沙律菜、蕃茄仔、露荀、同埋蝦，醬汁仲有三種選擇，我揀左芥末醋，芥末好香，又唔會嗆鼻，酸酸辣辣咁好惹味。蟶子皇配香草牛油野菌蘇格蘭既蟶子，好大隻，食落好鮮甜，配菜有露旬同埋食用花。香煎法國鴨肝配無花果意大利黑醋法國鴨肝，好厚身，外皮煎到微燶，咬落質感軟熟，下面仲墊左塊青蘋果，可以吸左鴨肝既油膩感，醬汁係無花果意大利黑醋汁，澳洲牛柳粒配香煎野菜牛柳粒牛味香濃，食落有口感，肉汁豐富。昆布鰹魚清湯個湯飲落真係好清甜，配料有北寄貝，什菇。三文魚籽海鮮炒飯炒飯粒粒分明，有好多三文魚籽鋪係D飯上面。黑糖雪糕雪糕有好多款味揀，黑糖好特別，好香。

今晚同朋友聚一聚, 黎到銅鑼灣食鐵板燒. 全木設計, 上雲石枱面, 環境雅緻, 感覺好舒服, 優質禮貌既服務, 令人精神放鬆.柚子醋沙律柚子醋清新, 配沙律永遠都一流, 加上新鮮既蔬菜露筍, 蝦爽口彈牙, 呢個前菜為今晚晚餐帶來好既開始.香煎廣島蠔師傅細心煎到金黃既廣島蠔, 最尾配上煎香既蔥，蒜蓉同櫻花蝦, 入口香濃流心!南非孔雀活鮑魚鮑魚大隻, 成隻手掌咁大, 活生即煎. 師傅建議先試原味, 之後再配上紫蘇花(食用花), 海苔醬一齊食, 肉質鮮甜, 軟硬適中, 食落真係有鮮花既香味. 鮑魚肝臟同樣鮮美, 入口軟綿綿既口感, 與系鵝肝有D相似.熊本A5和牛師傅精湛既技術, 和牛煎到啱啱好, 外表香味濃郁, 裡面仲係粉紅色, 配上竹炭鹽, 山葵, 脆脆既蒜片, 真正入口即溶, 和牛既香味充滿口腔, 絕品! 就連煎完既蔬菜菇類都保留到原有既多汁!昆布鰹魚清湯清澈既湯色, 以為係平凡既湯, 點知原來超級濃味, 估佢唔到! 清甜既鰹魚味, 絕對唔係平時街見到既鰹魚粉, 配上北寄貝, 雜菇. 清新!三文魚籽海膽炒飯飯炒到粒粒分明, 粒粒彈起, 最後配上海膽同魚籽, 美味可口! 要多一個丫唔該 (