御勝牛 (勝利道) (已結業)

御勝牛位置何文田地帶，搭到旺角附近行幾分鐘就到，餐廳招牌比想像中低調，要張大雙眼望真啲。店內面積沒有很大，座位以面向牆式的擺放，大約都有6-8個位，適合上班族去食，附近居民都會多個外賣選擇。另外除左價格十分親民，店鋪選用的材料都係來自日本，尤其係和牛。🔷勝牛和牛丼 💰88 💙70/100呢款丼飯有跟麵豉湯，和牛切到一粒粒的鋪滿左係碗面，熟度不會話全熟火喉控制不錯。聽店主介紹後，原來每次黎食和牛都不一定會食到和牛嘅同一個部位，因為佢地所提供嘅和牛係不同時期都會食到不同嘅部位，主要由頭部開始提供，而當日去則是已經去到腱子心。食落會帶點嚼勁卻是軟嫩，有脂肪分怖之餘又不會覺膩，加上每款飯都淋上店鋪嘅秘製醬汁，更添風味呢。🔷照燒鳥烏冬 💰58 💙70/100照燒雞同樣以粒狀呈上，雞肉滑嫩經炒過，配菜附上鳴門卷、粟米以及蟹柳。另外烏冬選用的亦是日式烏冬，咬落會有口感。湯底係豬骨濃湯，清清甜甜。

我和朋友經過此店，即管試下。一入到餐廳，店員已經很熱心地遞上消毒洗手液，然後介紹今天的主打牛肉部份是後腿肉，原來這間店直接由日本空運整頭牛來香港，再根據不同日期提供客人不同部份的和牛牛肉，聽落相當專業。我特別喜歡這間店有較為不同的餐單可以選擇，有貼地價的$50一個丼飯，到80幾蚊的和牛飯，任君選擇。每個餐也有面試湯，或者可以轉烏冬。雖然選擇不多，但已足夠。我點了黃牛烏冬，份量對女仔而言還好，但對男士應該不太夠。不過黃牛真的非常好味，近乎入口即溶，而且有些少油脂，煎完吃落非常香口！烏冬亦非常彈牙，湯底濃郁。加上五味粉加持，真係非常配合！總括而言：✔️食物質素高，值回票價。

今日出去旺角跟朋友相聚，就在朋友家附近的小店，見到有人在門口等外賣，就入去試。環境較小，只有吧台，配有消毒酒精，這是很多食店都不會有，但這間很貼心地提供。勝牛和牛丼😋😋😋😋珍珠米飯配上充滿牛肉香氣的和牛粒。店主說今日的和牛是取自後腿肉，少油脂和多牛肉味。和牛份量都算多，切成一口牛的尺寸，肉的熟度剛好，依然嫩口和充滿肉汁，不感到油膩！我覺得很出色的是汁，因為撈飯很香，所以吃得很快😂就吃完了！我覺得個汁可以再撈碗白飯！這個丼會送一個麵豉湯，湯很好喝，不會過鹹！整體份量如果是女士的話就剛好，男士顯然是不夠飽。

最近家中添隻貓，要周圍去買家中主子嘅貓用品，依一日就同朋友嚟到何文田呢條寵物街，原來有間食和牛嘅小店，一於嚟試吓。我叫咗勝牛和牛丼，朋友都係一樣，不過佢就轉烏冬。套餐係跟味增湯同埋汽水， $88，我覺得價錢係何文田呢一帶，都算定價合理。未食之前，餐枱上面有酒精搓手液，都幾衛生。有得食啦，和牛切粒上，配上醬汁，味道好啱我，一碗飯好快就食完啦餐廳面積雖小，但係都仲裝飾得幾有日係風情，牆上面仲掛住有貓嘅壁畫添

這一天經過胜利道時因為『御勝牛』呢間小店飄出的陣陣牛肉香味而駐足，睇吓個餐牌，大約10樣的選擇一目了然，而當中有我鍾意的和牛丼，由於座位唔多咁啱有人走，咁就注定今晚呢餐就係度啦。除咗最貴280蚊的A4日本黑毛和牛西冷/肉眼扒(200g)之外，其它價錢都好貼地喺42至88蚊之間，我嗌嘅第一個餐係『勝牛和牛丼』，第二個餐係『宫崎葡萄豚肉丼』，但師傅話因為日本『豬瘟』之故，故没有豚肉，而用雞肉替代，两個餐都有麵豉湯跟，而每個餐亦都有配有日本香住縣秘製黑蒜醬汁，和牛丼好味係必須嘅，細細粒嘅和牛鋪满晒係麵，yummy。而代替咗豚肉嘅雞肉丼亦沒有令人失望，同樣切粒铺满面，而且仲keep 住好juice，簡單又perfect嘅一餐。

今日嚟到何文田附近探朋友隻貓，於是玩到咁上下就落下街醫肚，估你唔到原來而家勝利道開咗咁多食肆！朋友推薦呢一間食牛嘅小餐廳，睇睇個Menu的確好抵食入面座位唔多，所以晚飯時間都多人嚟買外賣👍🏻由於我最近比醫師勒令戒牛，所以我本人淨係食咗宮崎葡萄豚肉丼廚師係一位姨姨，我哋一order完之後佢就默默咁整啲飯出嚟，一腳踢😳呢個丼飯真係估你唔到咁好食！ ！嗰個豚肉簡直就係一鳴驚人，我諗大概係超級高質嘅日本豬肉先至會做到呢一種咁諗嘅口感再加上佢用咗秘製蒜汁，加上洋蔥芝麻等等配料，啱啱好可以送晒每一粒飯朋友嘅雞飯都唔錯， 10分Standard，醬汁同埋豚肉嘅一樣，雞肉幾滑溜另外朋友仲order左280g嘅超大A4日本和牛西冷扒，承惠$392肉質又係超級好，要咗三成熟，我試咗一舊都覺得好正另外個麵豉湯都好有誠意，並唔係吉野家之流等我食得牛之時一定要試吓佢個和牛丼飯！！

近年很多丼飯在香港出現，不過以和牛做主打的，不是很多。最近在網上發現旺角勝利道，有一間以和牛丼飯為主打的小店，今天下午便來到了。店內面積不是很大，大部份都是提供外賣的，不過店內有六、七個位，可供堂食。店內的食物價錢由$42至到$280。有飯、烏冬、蕎麥面和牛角包。有和牛、叉燒和葡萄豚肉。勝牛和牛丼$88，跟麵豉湯。勝牛和牛丼，和牛帶點嚼勁，脂肪味道甘味。日本米口質軟糯，配合七味粉和日本醬油，整個和牛丼飯，好味又抵食。麵豉湯，味道正宗，熱騰騰的湯， 喝入口中感覺暖和。勝牛和牛蕎麥麵$88，除了和牛粒，還有粟米、蟹柳和日式魚旦，而湯底是北海道豬骨湯底，味道清甜而不太濃郁，吃完不會覺得肥膩。如果蕎麥面硬一點會更好。

依家出街食得飯，都係揀小店去食， 貪嗰種人情味與細心， 係大集團無可比擬。 今次就揀咗喺何文田勝利道 的御勝牛。小店著實不大，連十個位都冇。 但係 所有和牛都產地直送 ， 所有咪都係嚟自日本 ，所有飯都即叫即做， 呢樣先至係最得人歡心。 叫咗一客勝牛和牛丼， 只見 一落完柯打之後店員就隨即喺 鐵板上煎和牛肉。 和牛粒切到一口一粒，絕對令人體驗到乜嘢叫做肉質金香， 油脂豐盈， 和牛簡單以黑椒及鹽調味 ， 配埋軟糯有米香嘅日本米， 肉味非常之出， 肉質軟淋細嫩的和牛 ，配日本米食果然一流。不得不提的是跟餐有 麵豉湯， 有麵豉味卻不會過咸，不錯。

貼地高質和牛@何文田我專誠想試試和牛，見到餐廳有展出證書，感覺食得安心。依個勝牛和牛丼嘅和牛粒份量充足，鋪得滿滿。跟餐有個麵豉湯，味道好飲，內有好幾塊昆布。和牛燒得剛剛好，唔會燒到太熟，咁樣肉質就 keep 到非常嫩滑，而且肉汁好豐富！和牛粒重拌咗啲芝麻同蔥粒，食起嚟香口又惹味得多。宮崎葡萄豚肉顧名思義係來自日本宮崎縣，依隻豬係食葡萄做飼料，所以有個咁可愛嘅名。我覺得葡萄豚無一般嘅豬臊味，肉質都柔軟嘅，但又比較普通豬肉有咬口啲，好好食喎。邊位嘅脂肪一啲都唔油膩，重好爽口𠻹呢。配菜有好多種，有鳴門卷、粟米同蟹柳。粟米好清甜，配烏冬好夾。蟹柳唔係嗰啲好粉嘅蟹柳，頗高質！烏冬好滑溜，口感好好。雖然依度裝修唔係走華麗風，但係食物質素好好，係 CP 值高嘅良心小店。餐牌簡約易明，學生更有送汽水優惠呢～下次想嚟食和牛包，好似幾得意！

朋友住喺旺角東，佢屋企附近新開左一間食和牛丼既餐廳，餐廳細細間，朋友平時多數都係叫外賣，今次我就同佢喺到堂食。呢度主打係食和牛，有好多唔同既選擇，另外仲有仲有豚肉同埋叉燒。見到店入面有張和牛既圖，老闆都有同我地講解一下，好nice!老闆推薦我地食呢度招牌既勝牛和牛丼同埋宮崎葡萄豚肉丼。和牛丼入面有勁多切粒既和牛，肉味香濃，肉質又嫩滑，而且仲好juicy,高質！豚肉丼飯亦都好唔錯，一片片既宮崎豚肉幾厚身，好香！

Saw this new snack shop opened near Mong Kok serving Wagyu beef don and light eats like sandwiches 🥪; we decided to give it a try without any expectation. The owner of the shop was super friendly, explaining us what ingredients they used and what they recommend. We picked a Wagyu beef don and croissant to share. The don came with a miso soup. It was affordable! They quality of the Wagyu beef was so good! It actually melted in our mouth and the portion was prefect for a dinner meal. On the other

旺角勝利道最新的食店，以由日本直接入口的和牛做主角，麻雀雖小，五臟俱全，食物質素很是驚喜。今日下午茶時段，我和仔仔來了這裏吃tea，點選了他的勝牛和牛牛角包和勝牛和牛三文治。勝牛和牛牛角包，和牛質素極高，入口即溶，牛角包又香又 crispy，簡直驚為天人。勝牛和牛三文治，和牛固之然入口即溶，三文治配菜都好新鮮，麵包軟熟。雖然冇飲品配搭，以和牛食材及質素來計，價錢非常相宜。下次我會試佢哋嘅丼飯，相信性價比極高。

喺香港食和牛簡直係天價呢日我帶隻貓去勝利道覆診見到呢間專賣和牛嘅餐廳 價錢居然好平☺️佢好簡單只有幾樣嘢食90蚊都唔洗就可以食一碗如果改食安格斯牛40頭就可以食到 仲平過吉x家😌入到去老闆好熱情咁招待佢同我講點解佢哋可以做到咁平係因為佢哋成隻牛買返嚟😉每一個部位佢哋都會煮畀客人食但佢叫我哋放心因為佢用咗三個月嘅時間去日本專登去學點樣處理更有熱誠嘅係佢會根據季節同時間 去轉換入貨嘅和牛.💟勝牛和牛丼 $88我而家食嘅係熊本和牛今日咁啱係食肩部上到嚟嚇咗一大跳 成碗都係和牛 牛肉咬落去 入口即溶牛香味極重 日本小黃瓜超爽同牛肉好match 醬汁係由日本香住縣一位婆婆調製嘅同和牛好match👍加上日本香米 真心冇得彈！！...💟和牛牛角包 $42平時去百佳 食過朱古力牛角包已經要成三十蚊成個牛角包都佈滿和牛咬落去好juicy值得讚既係個牛角包好脆 但係完全感覺唔到油膩.極推薦性價比極高！！！講真而家嗰間 xx家閒閒地都成四十幾蚊一個同呢間完全冇得比較與其幫襯大集團冇良心 不如試下撐下小店😁😁.🎀御勝牛🎀何文田勝利道地下12 號舖

平價和牛飯帶寵物去勝利道覆診，要等下，同男朋友就係附近填包個肚。呢間新開既小店好似幾吸引，poster貼最平$48，價枱貼地，係食牛肉飯，xx家啲fd，仲有和牛飯。小店裝修簡單光猛，有7個坐位。我地叫左一個和牛飯，一個豚肉烏冬。宮崎葡萄豚肉烏冬面頭俾料遮晒，7-8舊豚肉，洋蔥，粟米等料，底下烏冬，湯底係豬骨湯。烏冬好粗條又彈牙，個豚肉份量算多同厚肉，葡萄豚肉仲多汁d，好味。勝牛和牛丼而男朋友就叫左呢個丼，呢個係招牌菜，跟麵豉湯。和牛係粒粒狀，店員話足80g，仲有兩位酸蘿蔔。米飯係秋田珍珠米，珍珠米好咬口d，果然小店既質勝於其他大店，細節野足。麵豉湯麵豉湯跟埋餐都好飲，飲落非溝水作品。

一向和牛給人很奢侈的感覺，每次到日本旅行都會喪食。L 陪朋友買寵物用品時無意中找到一間小店，更絕對是 Affortable Luxury !　這家小店本身是由日本和牛進口商開設，自設牧場飼養多次獲獎黑毛和牛。他們選用A4級和牛。L 選了一客勝牛和牛丼跟麵豉湯，據店員說他們會採用不同部份去預備牛用丼，今次輪到牛後腿部份，有嚼口之餘牛肉味道較濃。這種玩法很有新鮮感，配上日本香村縣秘製的黑蒜汁，提升和牛的肉香。秋田縣令人想到皮膚白皙的秋田美女，在日本享負盛名，而小店丼飯選的就是來自秋田縣的小町米。這種米帶黏性和甜味，是做丼飯的靈魂。每日吃的和牛丼所用的和牛部位都不同，每個部位都各有特色，是否跟自己口感夾很講緣份。至於友人選的宮崎葡萄豚肉丼根麵豉湯，豬吃葡萄渣長大，故此無需做到全熟都可吃，亦能夠保持肉質的鮮嫩。加上洋蔥及蔥花份外惹味。