彪哥海鮮菜館

营业中

休息中

上年曾經受過某雜誌之專訪，地點在觀塘宜安街的彪哥海鮮菜館。主要，是品評其糯米飯。說起上來真巧合，早前有幸成為美食大賞的評審，在不知情之下試彪哥的糯米飯，同桌的評審一致讚好，最後，拿下銀獎榮譽。這晚在附近出席活動，完場後，一行數人便拉隊過來晚飯。彪哥的身世不用多談，看看菜館上的剪報，已經認識了這位主理人的一切，以前出口成文的彪哥，隨著年紀漸長，如今收火了。其實在早年來過兩次，留下不錯的印象，菜膽豬肺湯是該店名物之一，湯身清甜鮮潤，豬肺滑得彈破，沾些醬汁更具鮮味。男人的浪漫，是不是一定要豆腐火腩飯？豬大腸一樣浪漫到底，可惜的是，此豬大腸非常之硬。彪哥的蛇羹出色，椒鹽菜式也不賴，椒鹽鮮魷外層脆而酥化，鹹香惹味，魷魚彈牙，絕對是水準以上。至於豉椒炒蜆，只是普通不過的貨色，與外邊的水準相若，蜆肉欠缺爆滿，略嫌瘦小。麻甩佬眾多，不如叫隻雞，霸王雞肉質還可以，嫩滑而不老，雞味不大突出。聽說過彪哥是香港首批引入蘇格蘭聖子的菜館，以蒜蓉蒸最簡單，更勝豉椒炒，完全突顯其鮮味。每次到佐敦金山，總會來個砵酒焗蠔，彪哥的焗蠔，相比金山，蠔肉明顯略遜一籌。最期待的糯米飯，結果令人大失所望，沒見只是數月，竟然判若兩

豬肺湯有兩個好拍檔，一是杏汁，另一是菜乾！這裡已經不只悲出名了，出色的小菜亦不勝枚舉．叫了這個白肺湯，份量大而湯渣豬肺亦非常的多，真材實料．菜乾乾淨無沙，而豬肺亦沒有豬燥味，湯底鮮甜，而火侯亦足，喝下去非常順侯！

見佢哋近排有少少劣評！不過都試一下，book咗餐生日飯送俾媽媽！我唔寫嗰d咕嚕肉呀!嗰d炒菜呀!淨係寫下d特別d嘅菜！頭盤先黎個凍嘅拼盤，唔記得叫乜，不過有八爪魚，海蜇呀咁，ok正!跟住黎一隻童年白切雞！無錯，有兩隻脾嘅！點解我咁講？因為我見到其他食客話無雞脾，我覺得奇怪啫！唔通我阿媽生日所以留番兩隻脾俾我哋？叫半隻雞有一隻脾，一隻雞有兩隻脾，咁你哋叫例牌，可能係上半部，無脾架喎！Anyway, 個薑蓉無得彈！味道剛剛好！到湯，當然係豬肺湯啦! 超清超甜！正！砵酒蠔，明明以前好似係$35隻，而家$198一桶，我問店小二“做乜好似貴咗？"佢話供應商d蠔一桶裏面有大有細，有時一桶入面有一兩隻超大，有六隻細!既然俾人投訴，不如改做一桶一桶咁賣！哦…原來如此！佢重好禮貌咁話其實無貴到，好啦!兩桶！蒸蟶子, 同出面差唔多啫！如果可以少d油就perfect喇！Wasabi 牛柳，係好食，不過真係細碟咗少少！我心諗---可惡的通漲! 唉…可能係閒日又十點半，無乜人，我見個阿姐坐喺度搣杏仁！個阿姐重話養顏，唔駛講嘢啦!一人一杯！熱嘅唔該！戲肉黎啦! 個搣杏仁阿姐攞住個生日蛋糕出黎重唱埋生日歌！攞命！我

尋晚同老婆, 阿仔黎食晚飯。因為之前聽過這間D招牌菜, 叫咗 1. 砵酒焗生蠔 $198 2. 豬肺湯 $68 3. 童年雞 $80 4. 介辣牛肉 $88. 個女侍應拿了一瓶桶蠔出來, 見到大隻有一两隻, 小的都有六七隻, 便點了砵酒焗生蠔。 伙紀擺上茶及熟花生, 發覺碟花生好怪, 有D只有一半, 有D明顯已經變壞, 心想: 不妙 ...童年雞先到, 很細碟, 連雞脾都冇, 大都是胸骨, 味道一般。好了, 主角焗生蠔出場, 打開鍚紙一看, 呆了... 除咗一件大少少的蠔在中央, 只有三隻很少的蠔, 其餘全是洋葱, 真正偷工減料 介辣牛肉也是超小的一碟。這時令一枱也正在考慮叫生蠔, 那個女侍應sell話大的有三四隻, 又假意問我們係唔係有三四隻好大的, 我即時面黑, 叫埋單。其實我地坐低見咁少人, 應該即走, 但見老婆話試下呢間先唔走。建議大家想開心食一餐, 唔好幫趁這間謀人寺三四人枱全set得很怪, 那些甚麼甚麼威水相全都很殘, 相信巳被遺忘。今晚老婆買了同樣的桶蠔 $85, 煮出來足足七隻中型, 二隻大型, 非常好味

2個人在觀塘食飯, 經openrice search到這餐廳叫了碟茱, 正常, 無咩特別每人一隻扉背, 唔錯, 但細隻左d年x腩肉....erer.....係食唔好食, 完全唔香, 唔夠味豆腐... 賣相好得, ok滑啦, 但又係汁唔夠味焗豪2隻, 幾好食, 但豪都係好細隻, 唔抵食, 個汁好食x古米線, 出晒poster, 以為有咩特別, 點知無味, 仲衰過普通湯米線 , 最後我地加反d焗豪的汁去食lor加了一枝啤酒...埋單成400蚊, 唔好食又貴下次唔會再來

一年前朋友帶過去彪哥食飯, 之後一直都好超懷念佢既砵酒焗生蠔, 成日心思思想再去食。 今次終於有機會同媽媽爸爸一行四人諗住去食餐好, 點知超級失望。首先講個杏汁,佢就話生磨, 其實一飲就飲得出係開粉既。再黎,第一道餸: 鹿筋拼海蜇，鹿筋係有「縮味」既(媽媽話有可能天氣熱存放得唔好,攪到縮左)...真係超難頂, 食到大家都忍唔住要叫待應搵老闆問下係咩事, 追左幾次終於有個男待應走唻, 剩係講左句「咁同您減番」就收走, 冇解釋亦冇唔好意思。其後D餸陸續上枱, 包括: 豬肺湯﹑ 椒鹽鮮魷...到個砵酒焗生蠔, 一開石紙, 見到隻蠔都幾大隻喎, 拿拿臨食隻先啦, 食完自己果隻諗住幫屋企人撩開d蔥啦, 點知撩開D蔥一睇, 一隻就正常size, 另外兩隻細得離譜!! (睇相好難感受到我撩開d蔥果下既震撼) 作為家庭主婦既媽媽反應最大。咁我地又即刻搵待應投訴啦, 首先幫我地落單果個阿姐既答覆係:「哦,係咁嫁,因為唔定嫁,有大有細嫁」, 我話「下? 隻大既30蚊/隻, 細到咁又30蚊/隻?」 最後又係個男待應走唻「咁果兩隻細既每隻減10蚊啦」(如果佢收一條例牌既價錢, 我真係冇聲出~ )經過以上情況,

剛好好友生日，大家一班人到這間好有霸氣的彪哥為好友慶生。一行12人點了九菜兩湯。先來兩湯，分別是大白菜燉豬肺湯和竹笙響螺燉雞腳湯。呢個燉湯算幾甜，另一個竹笙響螺燉雞腳湯都可以，不過飲唔到有響螺味，成個湯就有少少藥材味！蜆的size有份咁大隻，炒得幾辣，不喜歡太重豉椒呢個唔錯。童年白切雞，肉質滑，不過雞味就不足。椒鹽鮮魷，香口，鮮魷不會太韌，好食！香港炒飯，不知道是否今天對炒飯沒有好感，個人感覺味道不太夠，雖然有薑味，不過我覺得味道有點淡，和不夠火喉。蠔大大隻，配埋汁味道不俗。賣相幾好，豆腐入口都滑，中間的菜料少少辣，淡加辣的口感不錯。家鄉煎藕餅，可以一試。另外，還叫了生炒骨，ok。魚香茄子煲，魚香唔算好多，茄子就夠淋，ok。整體來說都算不錯，海鮮類好味，不過有些食物火喉不太足夠，味道較淡。另外份量不會太多，食完份量剛剛好，每人135價錢適中，一定要多人分享才抵食。

book 左星期六8點, 叫左都67碟野食, 講真都唔係好突出,唔知點解d食評可以咁好攞.WASABI牛肉60蚊碟得個幾舊, 個碟野賣60蚊, 會唔會過份左霸王雞, 叫左半隻，但係竟然係冇雞比的，我地話佢地用左45％刀工斬半，另外d雞都唔係好有雞味砵酒蠔, 叫左4隻, 10蚊,1隻, 唔多新鮮之餘, 仲要當中有2隻已經縮哂水, 仲要唔係BOWL上, 包左張鍚紙就算, 廘骨bowl，唔好提，30蚊得舊骨，2粒冬菇點菜個d圖片都係唔真實, 問題都同老闆娘講左, 佢話會反映Wo總結係野食唔大碟，又唔係特別好食，去舊區食野都係想大件又抵食姐，4個人食左900蚊，＄銀都算，但係真係好冇誠意個隻, 失望

天氣冷, 繼續去吃蛇. 聽朋友說這裡的蛇羹不錯, 某晚到這邊找朋友便叫她過來先吃這個蛇羹料很足, 蛇肉有很多, 不過整碗味道都偏向淡味, 陳皮味也很淡不過真的很足料, 但可能我比較愛吃濃味的蛇羹吧生炒糯米飯沒有臘味, 反而有蠻多的蝦米炒得蠻香的, 花生好吃, 一向不吃花生的我也覺得很配這個糯米飯

與"蛇王彪" 結下的緣, 始於七, 八年前雜誌的一個感動的專訪, 細說沙士後生意如何慘淡再逐漸轉型(詳細故事有興趣可以到訪彪哥的網頁)其實也有兩年多沒有再來, 原因是感覺食物水準有所下降, 價值就不斷飆升, 慢慢就跟彪哥疏遠了這夜運動過後想飽嚐羊腩煲, 經加人多次極力推介下, 終於重臨舊地門面依舊是掛滿種種招牌得獎菜式令人期待的羊腩煲果然沒有令人失望雖然只得十數塊份量少了點, 但貴精不貴多, 每一塊都是真真正正的連著皮羊腩而不是普通羊肉, 入口充滿油香, 肉質嫩而不羶, 味道頂級, 絕對是近幾年試過最好的羊腩汁亦有濃厚的羊味, 光是這汁已經足夠用來伴飯作一餐, 滿足多年沒試的日式芥辣牛柳, 水準又回升了, 刺鼻的芥辣配上可口的洋蔥味道已是一絕, 牛柳反而淪為配角再以蛇羹孖寶作結蛇羹用料頗足, 味道不錯, 但未見太突出糯米飯雖非我所好, 但也炒得很爽口食物是絕對滿意, 但三人行不是吃了很多份量, 埋單也要三百八十大洋, 以平民菜館來說其實一點也不便宜, 不過羊腩煲確是極品, 冬天再臨時一定再來

於星期日晚收工後(到達時已是深夜十一時半)拉隊去觀塘宜安街，彪哥海鮮菜館試菜，之前已致電商量好菜單，老闆棠哥頻頻提我，份量不需點太多，免得深夜吃過飽，十分細心，為我們設計的菜亦恰到好處，食完再三回味。由於到達時已差不多＋ニ時，當然唔駛等枱，棠哥很殷勤地招呼打點，好！開始上菜，先上一窩蛇羹暖吓個胃，上菜的節奏有功夫，蛇剛放下碗。第ニ道百花彩卷就上桌，棠哥在旁講解彩卷饀料，該如何品嘗。第三道鹿筋薑醋，鹿筋煮到有膠質，醋是晶瑩，這道菜是凍食的，十分有創意，放在一小杯上，慢慢吃，鹿筋有頭，不靱，薑不太辣，要細心品嘗。一邊吃大家就一邊講Ｄ食物，剛才大家收工時一副倦容已換上一張張笑臉，這是食物同現場氣氛帶出的化學反應。第四道菜黃金翠玉瓜，是用脆漿包住翠玉瓜炸，再燴入乾身啲，已炒香的牛油咸旦粒，這味菜十分香口，一試難忘。第五道菜砵酒焗蠔又是一絕，巨蠔足有五寸六寸，配合砵酒食味獨特甘香，試過包你笑呵呵，還有第五道狗仔鴨，第六道清湯鹿腩，這鹿腩選料獨特，不要以為湯是清湯飲落味道濃馥，鹿腩肉味夠，不會附在牙齒上，這個真喺要試！第七道糯米飯，棠哥話要做到冇油，虾米要一粒粒，臘味唔靱，吃的時候要不得談話，

這晚約了舊同事Y聚舊,揀了彪哥海鮮菜館,因為菜式多選擇,這裡雖然沒有裝修但格局平實親切,老闆娘及太子仔雖然非常忙碌但也盡力招呼每位顧客,就是這點努力令我繼續來這家庭式酒家食飯的原因之一 當然除了感覺親切之外,這裡的菜式選擇亦頗多,不論是得奬菜式、生猛海鮮或家常小菜都一應俱全 蒜茸蒸大蟶子 ~ 新鮮爽甜火候掌握得好好 豉椒炒蜆 ~ 原本叫豉椒炒小蟶子的,可惜這晚已經沽清了所以點了炒蜆,炒蜆香辣惹味一樣咁新鮮 彩蛋百花卷 ~ 每次必叫ga,一片酸薑加一嚿皮蛋再加蝦膠,一啖咬落去溶合ga味道好正 蒜香骨 ~ 整得夠味道亦夠乾生,但咬落一啲都唔un依然好軟熟,廚師功力真係好得 豉汁蒸倉魚 ~ 新鮮好味道 沙薑雞腳 ~ 今次ga沙薑雞腳唔夠入味 生磨杏汁~ 我好鍾意杏仁味道所以每次必叫

上星期受到某飲食雜誌的記者之邀，來到觀塘"彪哥"作個生炒糯米飯之專訪，有點受寵若驚，但受到外間重視，心裡還是感到高興。期間彪媽見我們久候，問我有否興趣，試試其自家製的龜苓膏？這個龜苓膏，感覺甘涼，但不是太苦，比較user-friendly，吃下去挺舒服的，久不久來一盅，功效比排毒美顏寶大。至於主題的生炒糯米飯，在今年美食大賞飯組勇奪銀獎，當然實力非凡，在此不再詳述，下個月，組團來吃一頓，才是最實際！

九月上旬‧陰天在一個要付款的試吃會上，遇到席上食友慨贈的這個杏汁。濃郁，味道香甜，杏仁的味道非常濃郁。只要喜歡杏仁香味的朋友，必喜歡。買回家，座熱佢打個蛋白就是蛋白杏仁茶了。

唔係老作，以下既評語有大量事實支持，唔係空口講白話!依家我就直接係openrice寫出你間菜館既真實評語!呢間彪哥海鮮菜館真係人多既，好多人等位排隊係事實，所以亦都俾左一個假象俾我地，以為呢家菜館會帶俾我地一個開心既飯局。點知完全相反，我同朋友仔完全不開心，而且覺得呢間菜館既評語係"完全劣評"!第一，完全不合理及嚇怕你的不合理叫菜制度。我同朋友仔一入座肥佬伙記及女的伙記巳向我們說: 要什麼菜，點菜後加單(即加菜)會好耐架! 我心想:這其實不合理，我食到中途唔夠食，或覺得你地炒既菜好好食想再叫咁點算呀!彪哥，請你回答我!我叫多左好多，好多食唔完咁會唔會太浪費呀!我唔知菜既份量，我地一人一個菜，唔夠食再叫，有什麼問題? 彪哥，你問心個句，如果你係我，面對你咁既規矩，我地點叫菜?第二，彪哥海鮮菜館個肥佬伙記態度惡劣。一入到去我想點菜，我叫"炒(小)聖子，唔該! (呢個係第一個菜)(炒(小)聖子就係其中一個好像識彪哥的openrice食家franktschan推介的"另一款到這裏一定要吃的菜式就是炒蟶子。")，肥佬伙記:冇喎!(當時約7點鐘，咁快冇?其實有冇都唔係重點，當時我想可能真的賣完或什