彪哥海鮮菜館

营业中

休息中

第一次食 #彪哥BB乳鴿👍 外面啲皮好似紙咁薄，內裡又暖又多汁❤ 最緊要唔係乾淨淨😌加埋個醬汁，真係食唔停口😋炸鮮奶🌟 同我細細個喺酒樓食嘅一樣😍 食過你就知同出面嘅不一樣。食落去係食得出材料嘅味道同層次💗豆腐💎脆卜卜，外面有啲黑芝麻仔，裡面滑溜溜。香口得嚟唔會漏!食得多都唔會覺得滯住個肚 😏薑蔥炒蟹🦀 本人係 😍薑蔥炒蟹迷👑。同我喺出面一向食開有分別。 師傅用炒雞蛋做底，雞蛋將啲汁吸收哂，好香。細心嘅係蟹幹整得好好，唔用鉗都食到👍食落蟹肉清甜入味! ! 重點係食唔到一舊舊炸粉☺酥炸茶樹菇🍄💚 炸魷魚鬚我食得多，呢個真係第一次食。食落去啲菇好爽口，keep番個原味。一口咬落去，有齊兩種口感同味道。配一杯冰涼啤酒🍺 讚💖😌仲有個杏仁茶💛暖暖的，口感好豐富。完全冇溝水💡✨好耐未試過一間用料誠實，對食材味道用心， 顧及食客嘅感受食肆👍👍👍

以前很喜歡來這裏吃飯，很喜歡他的芥茉牛柳。但是搬屋後，已經很久沒有來了。今天特別來這裏尋回老味道。這裏的例湯不錯，但可惜今天是星期六沒有例湯。每次午飯時段來這裏，我也會叫牛腩炒麵，菜單裏沒有的，但店員都願意為我煮，可惜的是店員說今天沒有牛腩，所以只好改叫牛肉炒麵，也是餐牌沒有的，真的謝謝他們其實這裏很多小菜也很有名，但因為今天是午飯時段，所以叫啲客飯便算了，同事希望吃百花卷，所以也點了3客，但忘了拍照。下次經過會再來吃

自從觀塘牛頭角重建，啲大排擋執曬之後，都無咩邊幾間食到有鑊氣又好食既點小菜。得翻宜安街兩間，一間彪哥，一間新樂園。打電話book 枱嗰陣，個阿姨問有無興趣訂隻八寶鴨，我見未試過，我地六個人應該食得曬就叫左隻，提提大家要早兩日訂。星期五晚食飯都唔係好多人，我地被安排去一個好細既鋪位，入面得三張大枱，兩張細枱。呢度啲侍應都應該係做左好多年，啲阿叔阿姐好nice ，一路落單又同我地吹下水。有八寶鴨，魚香茄子煲，黑金磚豆腐，豆豉鯪魚炒芥蘭，炸鮮奶。雖然全部都係大排檔食開嘅普通小菜，但係炒得幾有鑊氣，雖然普通茶餐廳都有小菜食，但係就冇得飲啤酒，最正嘅係我地邊食邊啤啤佢吹水傾計，食到最後我哋好似包左場咁， 侍應久唔久就入嚟望吓我哋洗唔洗加水。又唔會係咁收我地野想趕我地走。隻八寶鴨好足料，有蓮子百合冬菇等等配料釀入隻鴨度，鴨肉都燘得好稔，六個人食岩岩好。炸鮮奶同埋炸豆腐都值得食，外脆內滑。呢度有大排檔嘅風味更加有小店嘅人情味，雖然唔係啲咩高級餐廳，但係充滿着回憶。

Traditional healthy food by Biu GorrrrExotic cantonese food 🤗🤗We ordered a bowl of authentic snake soup, almost every table order this. Spring some lemon grass and chips on it, it creates layers of taste!! Good to have this is winter, by just having some, it keeps you warm for all night!!Since we ordered some deep fried food like deep fried tofo, deep fried milk, deep fried squid, we need some cool food to balance. Many people will do this by having beers, a more healthy choice is available in B

彪哥海鮮菜館雖然是幾十年的舊菜館，但一直都無緣品嚐，這次因朋友提議去這間便相約前往，在食評內看見有很多不好評論還很擔心，店舖沒有新装修有懷舊感覺，因店舖員工不是太多但很有人情味，後來和老闆娘傾談原來現在己由兒子接手主理，再開始品嚐每樣菜式才發覺有驚喜及用心去做每道菜式

前兩天朋友介紹彪哥海鮮菜館，是他多年一直光顧的地方，而我一直無嘗試過，未去前照常看食評如何，發覺有不少差的評論，但朋友介紹就不防一試，店舖因多年沒装修，仍保持懷舊味道，與老闆娘傾談近幾年已放手給兒子主理，品嚐菜式發覺味道有驚喜，原來她兒子開始創新及改良某些菜式及用心去構思味道(有心)，但他爸爸的原有招牌菜便保留原來味道，希望下次再來陸續會有新驚喜

今晚，原本一家人，約埋朋友，浩浩盪盪去食日本料理，誰知……因負責訂枱的人，溝通不足，七時15分去到，已關舖。唯有，在附近揾間,見到這間老舖，人多的是！我們等了一個小時有多，終於等到。上菜……勁慢，好彩……好味，仲係叫咗十款，由蛇、白切鷄、炸大腸、豬肺湯、鷄蛋焗魚腸……等，款款都好味。。

呢間小菜館以前都有幫襯過, 雖然炸鮮奶同乳鴿好吸引, 但越做就越差. 都知道呢D時候難訂位, 已經早幾日前去訂好晒位, 本來諗住開開心心食餐冬至飯, 點知就俾班未瞓醒既員工破壞晒, 人就一早坐定定同點好晒餸, 都只係五碟餸, 但竟然坐到八點連一碟餸都未上到黎, 要走去另一邊企係門口追問, 先至有第一碟炸鮮奶黎到, 個傳菜阿姐仲話因為遲咗入單, 仲要態度惡劣咁話要時間做, 咁你遲入單關食客咩事先, 諗住之後會陸續上菜啦, 誰不知係一碟食完後就無啦, 又要去追要有, 成餐飯食咗一個幾鐘頭, 但大半時間都係齋坐係度等, 簡直係不知所謂, 以後都唔會再黎呢D垃圾菜館食飯, 就算請我都唔會去, 費事好事都變壞事

好耐冇黎過， 叫極都唔幫人落單。 個阿姐落單又係咁話叫我地order 蝦啊， 蟶子啊， 象撥蚌之類， 話左唔使， 都係不停推。我地兩公婆， 叫左5樣嘢， 佢仲係度推。 最後好堅決話唔要， 佢就黑面走左。 過左半個鐘， 佢返黎白切雞要等半個鐘問我地等唔等，唉～ 啲嘢又慢， 啲阿姐又成日挂住傾計， 周圍都係 烏蠅

星期日又有點冷,沒有什麼比吃蛇更好了,既滋味又養生,一樂也。 去年已來吃過的彪哥菜館,出品挺好的,今次又再回來光顧。 原來想訂鹿筋,但老闆娘說只有做姜醋的,沒有小菜,所以也只好作罷。 一行只有四個人,戰鬥力很有限,只能集中點冬季才吃的主打菜。 這當然離不開太史五蛇羹,羊肉鍋及臘味糯米飯。 坐的環境有些擁擠,桌子也正對著門口,不算舒適,但卻阻擋不來我們覓食的動力。 先來的反而是羊肉鍋,用gas爐熱著,馬上就燒滾起來了。 羊肉已經燉得很lum,但羊皮依然很有嚼勁,沾上腐乳醬,味道相當好。 加上我們自攜的陳年黃酒,邊吃邊覺得全身暖洋洋,非常受用。 當冒著煙的一大鍋蛇羹上桌後,我們的焦點馬上轉移;這好東西可要趁熱吃哦,一刻都不能等。 加了薄脆及香草,火速品嘗這主打菜。 蛇絲跟肉絲的料十分足料,味道也沒有讓大家失望,一鍋能端出九碗蛇羹,每人都吃的非常滿足。 還有賣相很好的臘味糯米飯,圓形的鋪碟非常誘人;味道調得剛剛好,所以連醬油都不用下,臘味,蝦米等配料有著很好的平衡,值得一贊。 其實大家已經吃飽的,但還是想回味那個現磨杏仁汁;不料這個卻是敗筆,杏仁味太淡又稀,這個真的要檢討,希望能回到以前的水

公司同事一個一個離開～最近FAREWELL比慶祝生日還多⋯⋯雖然這間餐廳在公司附近，我們卻一直未試過～今天便決定試一試這道豉椒炒蜆＋星麵底無論賣相味道都滿分！豉椒炒蜆非常惹味足料！星麵脆卜卜～撈汁食一定會清碟！黑金磚豆腐外脆內軟～表層仲帶黑芝麻～香口嫩滑！不過個人屬重口味～如果可以畀埋泰式辣醬我就Perfect啦！大大隻熱辣辣炸雞翼＋香辣惹味避風塘蒜粒其實這個配搭是一定無得輸！窩貼小棠菜是我們公司同事小菜打冷常點的一道菜～但這邊的擺盤很出色，顏色和形狀都有花心思鬆脆的炸粉漿皮包住炸過變爽口的小棠菜～正！狗仔鴨煲裡面當然不會有狗肉～只是鴨肉的風味跟狗肉相似味道其實與羊腩煲相似～不過鴨的骨與肉比例相約，所以對食肉獸的我來說吃得不夠過癮蒜香牛柳粒除了牛柳粒外還有菇粒～吸收了蒜粒的香味後整碟都蒜香滿溢而且牛柳粒大大件數量多～我們8個人吃也吃得滿足！作為結尾的甜點，我們點了每人一件炸奶奶（＄6/件）點菜後過了大概10秒侍應便端上一碟炸鮮奶～嚇了我們一大跳！難道放了很久？嘗了一口發現外面脆脆的裡面的鮮奶仍然是暖暖～十分驚訝！離開時發現原來門外有一個暖櫃一直放著炸好的「奶奶」難怪可以快到這個地步不得

之前黎過彪哥海鮮菜館食晚飯, 已經覺得小菜好味道又有鑊氣, 今日再黎食lunch,發現原來午市客飯係好抵食~ 呢度既午市客飯有好多款選擇, 大約都係$40一個餸加白飯任裝, 真係好抵~ Vi同朋友叫左3個餸share, 分別係牛肉炒白菜, 叉燒炒蛋同咕嚕班球~呢個叉燒炒蛋炒得好好食, 炒蛋好滑, 而叉燒亦大大件, 肥瘦適中, 好正~而咕嚕班球亦唔錯, 個汁酸酸甜甜,  班球熱辣辣係岩岩炸起, 不過就小左d~而牛肉炒白菜就份量幾多, 3個人share都夠食, 不過呢個菜略嫌太多油~呢幾樣小菜都係屋企成日會整既家常菜, 而呢度亦係家庭式經營既菜館, 食住呢度既小菜, 比人一種家既感覺, 而且$40真係好抵食!!

和小伙伴的團年聚餐簡直是有停不了之勢，是晚我們再次到來了觀塘的宜安街，這街選擇多的是，但好友執意到“彪哥菜館”，說完全是衝着她家的炸鮮奶而去，行！大伙兒便同去一探究竟。<<炸奶奶>>這家取名炸奶奶的炸物，其實就是炸鮮奶。這道名菜出自大良順德，相信無人不曉吧！眼前這炸奶奶有我半只手掌般大，外形有如一個個金黃色的小枕頭，我一向喜歡香口食品，馬上一試，果真是好推介！外層金黃色的炸漿做到薄而香脆，一口咬下，金香酥化。內裡的鮮奶糊依然保持軟棉幼滑，而且散發着濃濃的奶香味，此時芬芳濃郁的奶香味在口腔四處遊走，再配上一絲絲砂糖帶出之甜味，感覺外脆內嫩，為舌頭帶來快慰之感！這應該算是我嚐過最出色的甜點之一，牛奶真是一神奇之物，咸食甜食一樣出色，不但可以燉、炒、焗、煮，還可以炸得如此精彩。是晚我們還點了六個小菜，水準不過不失，沒有太大驚喜，便不一一作推介了。

宜安街食店林立, 其中最多的就是小菜館, 每逢食飯時間,街上各小菜館的伙計都會走出來招生意, 定力不好的應該已經進入了街頭幾間菜館用膳了。而Vi在朋友的介紹下, 決定多走幾步, 試一試這間比較有名的彪哥海鮮菜館! 到小菜館吃飯最重要是夠多人, 才可以多嘗幾款小菜,這裡的小菜選擇非常多, 光看餐牌都令人眼花撩亂。 小菜館的特色是款式齊全, 說得出口的素材都可以煮成幾款小菜!只要用心去看餐牌, 一定可以找到適合自己口味的食。菜館應該是家庭式經營, 店主看見我們心大心細, 便友善地走過來作介紹。他告訴我們今天什麼新鮮什麼不新鮮,還介紹了幾款招牌菜, 最後我們點了好幾樣餸菜 光是他那份熱誠已經值回票價  這個金沙茶樹菇($68)是店主推介之一, 煮法十分特別, 類似黃金蝦的做法,卻以茶樹菇為主角,是頗新穎的餸菜 茶樹菇咬落很多汁, 而外皮香脆, 咸咸的帶一點蛋黃香 雖然是經油炸, 但因為始終是茶樹菇的關係而令人感覺較健康。但Vi略嫌蛋黃味不足, 食落啖了一點  砵酒焗桶蠔($198)是看openrice其他食評推介的, 所以點了一份試試。一份大約有4-6隻, 價錢其實蠻貴的, 焗蠔

好小寫食評，可況好耐冇黎呢間野食，昨晚同朋友睇完戲去食，因為好耐冇去，又諗唔到食咩！食小菜可以吓水幾好，差唔多8點去到，冇乜人，好吉，心諗唔通……，唔埋一行四人照入，入到去掉你去角落頭，冇所謂，坐都未坐底，位又未擺，櫈又掙一張，大大聲喝你要咩茶，唉！好啦！坐底睇緊餐排，諗緊，相討緊，肥伯伯就走過黎:食咩？龍蝦食唔食，依面底啦！我地話唔好，咁。乳鴿食唔食，40蚊隻，我地都no,飲唔飲湯呀？我地飲酒大佬，唔飲啦！跟住我地叫咗，椒鹽鮮魷，椒鹽骨，餸酒好D(心諗)，跟住又sell食唔食蒸帶子40蚊隻，咁我地話好啦！跟住又話食唔食乳鴿40蚊隻，我地都話唔駛咯，我地睇吓餐排先，吓佢話，唔駛睇，食咩講得，嘩火火地，咪話，得啦，叫住先，諗到再嗌你，痴線，我食餐飯好似打仗咁衝鋒陷陣?係咁吹，講野又冇尾音，想點，唉！都覺得呢次中伏。跟手我個朋友想食羊腩㷛，咁嗌佢落啦！可能聽到我地講唔鍾意佢咁吹我地落單法，佢好嗅擋咁話，得啦！激死，都算。繼續吹水食野啦！唉！點知：所有野炸到過晒籠，蒸帶子，手指尾都大過佢，40蚊隻喎，最勁羊腩煲，268蚊冇所謂，數埋唔夠10舊，因為有一舊係唔知雞頸定鵝頸，大佬呀！268蚊你重