弁慶 御好燒 鐵板燒

营业中

休息中

朋友生日梗係食好啲！鐵板燒都係一個唔錯嘅選擇 呢間嘢真係要一早book定位 位置有限仲要分時段食 一係6至8 一係8至10 座位好緊張一坐低就同餐廳經理夾好咗 朋友生日可唔可以俾啲驚喜佢經理梗係妥善幫我安排好啦就係喺大阪燒上面寫上生日快樂字樣😍前菜先叫咗韓式辣醃鱈魚內臟同水雲漬兩款都係日本嘅特色前菜 作為開胃小食絕對係不二之選 另外仲加咗個熟成和牛 加埋紫菜洋蔥等等放入口 味道極為濃烈 朋友再買埋啤酒 邊食小食邊飲酒簡直係一級享受！之後仲叫咗呢度最出名嘅鐵板燒 果然廚師功架非常深厚 任何食材都難唔到佢哋 地道嘅日本師傅果然與別不同 普通嘅蛋漿放在燒板上 佢哋對手都會將佢變成一件傑作最欣賞佢嘅牛舌 嚴格挑選左牛舌最靚嘅部份加上少少黑椒 輕輕炒一炒連同牛舌醬汁 當然唔少得檸檬角🤣真係又有咬口又夠牛味 值得一讚另外順帶一提 一定要食佢嘅芝士炸雞正到飛起 芝士加埋炸雞 仲有海量青蔥同埋蛋黃醬 雞件夠滑 入口極正 簡直係天衣無縫的絕配

午市都有鉄板燒食！先講餐廳環境，有普通餐枱同吧枱選擇，兩位師傅都係日本人，但可以用英文溝通或者搵店員落單食物方面，餐廳有午市套餐及散叫選擇，記得留意埋每日嘅special menu睇下有時令食材啊牡蠣$98/2 充滿真蠔鮮味，大粒飽滿帆立$98/2 大大粒極有咬口炒野菜$68 即係芽菜，爽、甜、清新，調味唔太多但有鑊氣日本玉子卷$58 滑不溜口熱熔芝士大阪燒$108 極邪惡，可以拉絲和牛蒜香炒飯$118 完美配搭 一食就停唔到口

中環嘅🌟弁慶 御好燒 鐵板燒🌟係🎌日式席前鐵板燒餐廳🔥，由🇯🇵日籍廚師主理，價錢唔貴，各式大板燒同埋名物免治雞肉燒係必點嘅item！👍🏻💛免治雞肉燒 $85免治雞肉上面舖滿蔥花，加埋生蛋黃，特別香郁，不愧為必點名物！👅牛舌 $98直接喺煮食嘅鐵板上，保持溫度！牛舌香煎至微焦，美味可口！🦐豪華炒麵 $118以海鮮作為炒麵嘅配料，仲有兩隻巨型大蝦，堅係豪華！加少少鰹魚粉同埋海苔粉同吃，鮮味爆錶！

年三十lunch time去咗食鐵板燒，晏晝嘢食性價比高，有lunch set同a la carte2個鐵板燒師傅都係日本人，好多人都叫大阪燒，基本上每枱都食，見佢哋不斷攪攪攪，仲有唔同配搭鐵板燒關係，全部食物都特別香口，好吸引🦪牡蠣💰$98/2好大粒好飽滿，調味好足夠好惹味，想再食🉐🥢帆立💰$98/2一樣好大粒，煮得啱啱好熟，質感柔軟鮮甜🉐🥚日本玉子卷💰$58呢款唔係玉子燒，但類似玉子燒嘅但煎得熟啲，但入面都少少滑身，另有加其他料嘅玉子卷🥦炒野菜💰$68簡單嘅炒芽菜都炒得好香好有鑊氣，襯熱食最好🧀熱熔芝士大阪燒💰$108人人必食大阪燒，要咗芝士款，入面有好多菜口感好食，另外仲有其他口味🍚和牛蒜香炒飯💰$118和牛切到好細，同蒜粒一樣size，炒得香口又有蒜香🚩弁慶 御好燒 鐵板燒 (中環) 📍中環士丹利街11號Stanley 11 6樓

中環「弁慶御好燒鐵板燒」主打大阪燒、鐵板燒，由日本人主理👨🏻‍🍳有午市套餐又可以散叫，最平的大阪燒定食套餐只係$98！坐吧枱嘅好處就係睇住師傅喺面前整😚 食物好有水準，好有日本風味🇯🇵絕對會encore🥰🔸鰻魚玉子卷$88雞蛋仲好嫩滑，切開仲有蛋汁，包住粒粒鰻魚😋🔸牛舌$98切粒煎香，爽口彈牙，配搭秘製醬汁，好好味😋🔸蠔大阪燒$148飽滿的蠔煎到金黃，有成6隻咁多。大阪燒混合好多椰菜絲，口感都好鬆軟，充滿蛋香。🔸奄列炒麵$98麵質好有嚼頭🥰個醬甜甜地食唔停😚📍#弁慶御好燒鐵板燒 (#中環美食)中環士丹利街11號Stanley 11 6樓➡️𝗙𝗼𝗹𝗹𝗼𝘄左我未啊😚跟住我去飲飲食食😎吃是真愛❤️ @eatistruelove.hk 🌟🔖#吃是真愛_中環

弁慶 御好燒 鐵板燒係中環嘅日式席前鐵板燒料理店，餐廳由日籍師傅主理，單點餐牌由幾十蚊起，午市亦有定食，啤酒仲要買一送一，超級抵玩！和牛壽喜燒重定食 $198定食包括漬物、麵豉湯、沙律、同埋主食壽喜燒都係由席前師傅處理，極具誠意！師傅先將蔬菜類煎香，再將和牛輕輕煎熟，和牛油脂含量夠高，一落鐵板已經勁香！所有材料準備好後，再係我面前組裝！和牛甜美可口，入口油香滿溢！米飯吸收晒醬汁同埋和牛嘅精華，啖啖都咁滋味！關東煮 $17/each巨型嘅獅子狗，Size真係唔講得笑！蘿白腍甜，水準之作！Sapporo Draft Beer $48午市生啤係買一送一，主場都飲啤酒，勁好Feel！

【中環。弁慶 御好燒 鐵板燒 】日本人親自主理的御板燒😍性價比超高👅🔥✨牡蠣大板燒 $148✨鰻魚玉子燒 $88✨牛舌 $98✨雪見大福 $58———————————————————————✨牡蠣大板燒🦪肥美飽滿既日本蠔鋪滿大板燒之上，日本蠔鮮味十足，大阪燒椰菜分量比較多，感覺上都幾健康😂😂✨鰻魚玉子燒師傅煎得岩岩好呈現流心狀態😍😍代表師傅功夫非常勁👍🏻香滑既蛋卷包住鰻魚，食落非常juice蛋味非常香濃✨牛舌牛舌煎得十分香口，食落爽口✨雪見大福 雖然賣相普通但微煙韌既雪米滋皮包住冰凍雲尼拿雪糕加上黃豆粉，味道香甜不錯😋

日本人親自主理的御板燒😍性價比超高🤭不過唔識日文都落到單 放心🤣✨牡蠣大阪燒🦪6粒大大隻又肥美飽滿既日本蠔鋪滿係大阪燒上面，鮮味十足，大阪燒椰菜分量比較多，食落無咁滯🫢✨免治雞肉燒免治雞肉串既大阪燒版本，好有趣既口感😂幾好食，多蔥惹味😁✨鰻魚玉子燒香滑香濃既蛋卷包住鰻魚，食落幾juicy😆 依兩樣加埋好夾，滿足✨雪見大福煙韌雪米滋皮包住雲尼拿雪糕加上黃豆粉，賣相吸引味道香甜，有驚喜🤓

醬汁出色 鰻魚沒有骨沒有魚腥味，蛋香味很出，多汁，滑，似玉子燒免治雞肉燒有口感不會一patpat，有馬蹄粒很爽口，令到口感更有層次嘅最出色是魚，很滑。其次是蠔， 很鮮甜炒麵很有鑊氣，愈食愈香口，但略嫌都有鐵板燒一貫的偏鹹，醬油太多燒蠔大阪燒必叫！最好吃的！燒蠔燒得剛剛好，外表燒得金黃，香口，但內裡仍然有海鮮既鮮甜，完全不會乾。加上大阪燒相對偏鹹既醬汁，非常配合。而下面大阪燒不會一patpat！甜品很好吃！雪糕包着糯米皮，上邊有焦糖醬，完美的句號

今年聖誕大餐食鐵板燒，朋友推介呢間鐵板燒性價比極高於是試吓，一早book咗枱，可惜坐唔到上去睇師傅即燒即食嘅位。燒帶子、燒蠔帶子夠大粒、新鮮，好好味😋燒蠔勁有驚喜，非常之肥美，燒到啱啱好，食落勁有肉汁👍🏻必試。燒和牛扒最初以為會好細份，點知上嚟有好大份喎。配左兩個醬汁，但係個人覺得原味最好食，非常之嫩，入口即溶，呢個牛油脂啱啱好，唔會好油膩，係今晚最好食嘅一道菜， 必試🎉燒牛舌牛舌屬於厚切，燒到外脆內嫩，一啲都唔會韌，可以一試豪華鐵板燒超好味鐵板燒，粉漿啱啱好，唔會一咬落去成口都係粉漿，成功食晒成個都唔會覺得膩！而且有兩大隻蝦，仲有帶子同章魚，價錢超值，叫呢個就可以試埋蝦唔使單點！但係最後發現最抵嘅應該係叫生蠔大阪燒，會有六隻生蠔。大阪燒係必試菜式之一。燒雜菜主要係芽菜為主，帶有一啲韭菜椰菜。最初驚好油，但係又好清爽一啲都唔油，好味😋燒白子第一次是白紙，食落去好creamy ，重點係一啲都唔鯹，未食過可以試吓，非常之美味總括而言，性價比超高，全部菜式水準之上，非常新鮮，比喺出面食大阪燒嘅set，可以散叫非常之自由，會再試嘅一間大阪燒！

日本人師傅主理的弁慶 御好燒 鐵板燒， 顧名思義，主打就是御好燒 和鐵板燒。 在香港供應御好燒的日式食肆不多，同時又有鐵板燒更少，這裡一次過可以滿足兩個願望。鰻魚玉子卷$88 ~鰻魚外面以厚厚的玉子捲著，蛋香濃郁，鬆軟的蛋卷帶點流心夾著軟滑多汁的鰻魚，絕配!.鐵板燒牛舌 $98~牛舌十分爽彈，每塊切成剛好一口大小，加了黑胡椒粒更辛香惹味。牛排定食 $258 ~定食配有前菜，包括沙律、漬物和味噌湯。牛排色澤粉紅，肉質軟嫩，入口融化，油脂分佈均匀，油香豐富卻不膩，熟度恰到好處，超美味。 配高麗菜和銀牙，份外清爽，夾著蒜片吃香脆可口。蘸點蘿白、山葵加醬油及蔥油， 又有另一種滋味。蠔大阪燒 $148 ~選了 "期間限定" 的牡蠣，即是蠔大阪燒。御好燒上面鋪了五隻漲卜卜的日本蠔，非常吸引。師傅以熟練勤快的手法，不久就將食材混合並燒成厚厚的御好燒。以高麗菜、雞蛋、高湯、低筋麵粉， 口感豐富。加上火候恰到好處的燒蠔，咬開嫩滑又多汁，蠔味十足，非常肥美。備有海苔粉和鰹魚粉，顧客可以加入。弁慶 御好燒 鐵板燒中環士丹利街11號Stanley 11 6樓+852 28902800

我哋大約六點尾七點左右到埗，一入門口已經坐滿六七成嘅客人，再過多十五分鐘就全店爆滿座，席上大部分嘅食客都係日本人，喺呢一個日語嘅氛圍之下望住日本嘅師傅，呢一餐席前料理真係好有日本feel。啤一啤，爽一爽。牛筋煮，牛筋煮燜得勁腍勁入味，係一個好開胃嘅前菜。免治雞肉燒，免治雞肉燒賣相好靚，上面動L蛋黃相當誘人 ，加上面頭海量嘅香蔥、沙律醬同埋大阪燒汁，先試一啖原味，雞肉口感扎實，中間夾雜少許軟骨，口感鬆脆，再搗開蛋黃，連埋蛋黃汁一同品嚐，有埋蛋黃嘅味道令整體食感更富層次。蠔大阪燒，蠔大阪燒上面足足有五隻脹卜卜又飽滿嘅日本蠔，廚師將蠔嘅熟度掌握得相當好，咬開內裏仲係非常之水潤 Juicy，而邊位亦都無起渣，係一個相當高質嘅大阪蠔燒。鰻魚玉子燒，原本對呢個玉子燒有少少保留，因為見到其他食友嘅相望落個蛋好似好乾咁，點知一啖入口完全顛覆咗我嘅想像，佢雖然望落好似有少少乾，但係裏面勁 Juicy，香濃嘅蛋味夾住鰻魚，呢間餐廳真係無一樣嘢有得輸。

位於中環嘅呢一間御好燒，鐵板燒《Benkei Okonomiyaki Teppanyaki》， 經常都坐滿客人， 尤其係晚飯嘅時間， 更吸引咗唔少日本人嚟幫襯， 成個氣氛氛圍就好似去咗一趟日本咁樣， 相當之熱鬧。呢一間日式御好燒鐵板燒，由經驗豐富嘅日籍主廚主理， 主打關西峰嘅御好燒。「Okonomi」在日文是喜好的意思，意即可以隨你自己的喜好添加任何東西。大阪燒嘅用料雖然簡單， 當中雖然只包括低筋麵粉、椰菜、雞蛋、 高湯等材料，但食起來卻滋味無比。大阪燒裡面椰菜爽脆，充滿蛋香， 青蔥嘅香氣配合埋各款醬汁， 非常滋味。今次點咗一個加強版《蠔大阪燒》， 大廚將大阪燒嘅用料煎得香脆可口之後，再鋪滿大量青蔥， 而且淋上大量 bb沙律醬以及鐵板燒醬， 最後加上火侯控制得相當好嘅日本蠔。呢幾粒肥美飽滿嘅蠔肉質肥美， 而且蠔味十足，味道同大阪燒互相輝映。 另外亦要咗幾款非常有住家味道嘅《關東煮》， 蘿蔔非常入味， 非常嫩口， 索滿咗鰹魚汁同海帶湯嘅味道。 另外嘅獅子狗彈牙， 炸豆腐亦同樣出色， 點埋一抹芥辣，帶出絲絲刺激感覺， 非常暖笠笠。另外呢一款小食《薯仔沙律》絕對令人有驚喜。 薯仔沙律同平時食

久違日本旅行，朋友專登book大板燒，回味下日本旅行。由waitress 到廚師都係日本人，聽到日式英文「旅行感覺」返晒黎店內日式居酒屋，有bar枱有table 枱，黎到一定坐bar枱欣賞下廚師表現下整大板燒，原來大板燒慢煎先做到成寸厚而且熱透日式居酒屋飲返杯梅酒梳好冶癒 牡蠣大板燒 $148大板燒一啲都唔hea，師傅慢慢煎，再加埋腩肉煎香大板燒，最後加埋日本牡蠣有大板燒又有鮮甜牡蠣，好正鐵板燒牛舌 $98牛舌厚切入口軟屬，煎得香口，最適飲返杯

由日本人親自主理而且超有日本氣氛既居酒屋!!店內除左主打大阪燒外亦有各款價錢相當親民既鐵板燒選擇.蠔大阪燒 超肥美既蠔肉!!蠔肉飽滿脹卜卜得黎入口好鮮甜又juicy.大阪燒即叫即製,椰菜比例多所以食完都唔會過膩.大阪燒香甜濕潤而且充滿陣陣麵粉香,配上大阪燒汁味道惹味唔過鹹膩.豪華炒麵配上2隻特大豪華海蝦既日式炒麵.炒麵麵質爽彈而且充份地吸入燒汁香氣.除左大蝦做配料外亦有八爪魚粒,椰菜,洋蔥等等,層加炒麵既口感.炒麵汁同樣鹹香帶微甜,相當入味.免治雞肉燒大大隻生蛋黃同海量青蔥鋪係免治雞肉燒上,見到已經流晒口水.免治雞肉彈牙香軟,配上青蔥增加一陣甜味及爽脆感.沾上生蛋黃既免治雞肉燒加埋一齊令味道更濃稠香滑.日本玉子卷即席係鐵板位上望住師傅製作,師傅兩三下已經完成呢道充滿蛋汁而且質感又fluffy既玉子燒!玉子燒中間仲流住半熟既蛋汁,入口軟熟而且充滿蛋香.雪見大福份量好滿足既大福,雪糕外層軟糯又充滿嚼口既糯米外層煙煙韌韌.中間夾住香滑既雪糕,雪糕上加添少少蜜糖,整體唔會過甜膩,作為餐後甜品冰涼降溫.Highball 去到日式既餐廳當然要點返杯highball爽一爽!