弁慶 御好燒 鐵板燒

营业中

休息中

🇯🇵大阪御好燒老字號-弁慶御好燒鐵板燒🍽️廚師都係日本人，超有風味，超有親切感。Lunch set CP 值高，絕對推介。我同朋友叫咗兩個set再加個小食。我點咗個和牛排set 🥩呢個價錢超有驚喜，真係即叫即正，喺你面前燒，5分熟啱啱好，鹿兒島牛排，肉質嫰滑，入口即溶，用鐵板上碟，肉質上枱保持溫度. 個set 包埋沙律同湯。絕對有下一次。我哋叫咗杯柚子梳打，熱辣辣超清新. 下次叫杯清酒更加夾。太耐冇去過大阪，突然間好掛住炒麵，就叫咗個炒麵定食配煎蛋，個麵質好煙韌，配豚肉好味，隻太陽蛋煎得勁靚。大滿足🫶🏻另外我哋叫咗個鰻魚炒蛋🍳 個蛋都係鐵板燒，裏面包住嘅鰻魚好有日本嘅味道。真心正。見到人哋食大阪燒🎌，燒牡蠣🦪免治雞肉燒,都好想食，下次要試吓先食物：😍😍😍😍😍服務：😍😍😍😍😍環境：😍😍😍😍回頭指數：😍😍😍😍😍

弁慶御好燒鐵板燒黎自日本大阪係1976年開業嘅老字號, 呢間係香港第一間分店, 主打大阪燒同御好燒. 裝修偏日式簡約風🎌, 有普通座位同近鐵板吧枱位. 一入去日本嘅店員招呼, 好彩坐到吧位. 望住日本師傅係面前嘅製作過程, 好似表演咁, 同埋一瞬間好似去左日本餐廳😍師傅即場將麵糊、蛋漿、高麗菜混合再煎大阪燒至底面金黃最後搽上醬汁同擠上pattern 嘅沙律醬. 除左大板燒, 仲見到佢哋炒麵, 玉子燒豪華大阪御好燒 $142大板燒菜比例較多, 有兩塊豚肉圈住, 食落外脆內軟而唔覺膩😋 夾起唔會散, 鐵板煎完帶份焦香. Sauce 酸甜, 可按喜好自由落海苔粉同鯛魚粉. 豪華版係regular 再加上煎香嘅蝦, octopus 同埋帶子, 全部煎得恰到好處好香嫩不過見住佢煮芝士又想試芝士版大板燒, 蠔大版燒又勁吸引, 兩款都想下次encore 試 鰻魚玉子卷 $58即時打蛋製作, 煎得好香滑入面包住惹味嘅鰻魚粒, 唔錯牛舌 $98厚身煎得熟度啱啱好, 有口感帶香濃牛香味, 配上特調既蔥醬油更夾關東煮 $19@試左大根, 仲有蛋 炸豆腐 獅子狗等. 個大根勁香腍入味帆立貝 $108超大粒,

正宗御好燒唔太常見，呢類餐廳買少見少。樓上鋪位置唔多，想去食一定要預早book位。餐廳格局靚仔，環境有特色。開放式廚房仲見到師傅手藝，仲設有bar枱位，加添左餐廳氣氛。餐廳距離車站需要7-10分鐘，算屬方便。食物上枱速度可以接受。今次試左個免治雞肉燒，芝士免治雞肉燒。雞肉熟成非常到位，鐵板燒口感味道一流。芝士免治雞肉燒，生雞蛋非常搶眼，味道非常配合👍🏻。雪見大福，口感獨特，食落有種幸福感。對餐廳整體感覺8/10，以食物質素而言，價錢抵食👍🏻。

今次終於一嚐中環位於史丹利街嘅弁慶，一直有不同朋友都向我推介呢間大阪燒係全港最好味！星期日晚上6點半，已坐無虛席～全是日藉師傅主理～Dried plum sour $58Coke $25 蠔大阪燒 $158大阪燒面上嘅煙肉煎得咸香，椰菜粒粒好融合醬汁亦非常惹味蠔肉肥嘟嘟很飽滿有6粒～ 雞肉免治燒 $88有月見係上面，雞肉免治有洋蔥粒、冬菇粒同肥肉增加層次感玉子燒$63 上碟蛋香味已非常濃郁，呈半流心狀態長芋明太子 $68 煎過生藥本人配上胡椒鹽 明太子海苔碎勁惹味炒麵 $80是日本傳統粗身油麵帶黑椒香氣嘅燒汁調味豚肉、椰菜做配料，惹味有鑊氣！

來自日本大阪「弁慶御好燒鐵板燒」係中環開左首間香港分店，於1976年開業，主打大阪燒同御好燒，亦都有定食、海鮮、和牛等食物供應蠔大阪燒師傅先將蠔多餘既水份印乾，再放上鐵板煎至外面焦香，而入面仲保持嫩滑，配以大阪燒食呢個組合都真係第一，再加埋醬料同蔥花，鮮味又濃郁豪華大阪御好燒都係以大阪燒做base，豪華版係有蝦、帶子同八爪魚，所有海鮮都煎得恰到好處，非常香口MIX大阪燒定食Mix 係加左蝦、豚肉同魷魚，豚肉煎至燶脆，椰菜比列比漿粉多，食落一d都唔覺得膩，反而食到椰菜既脆甜，再加埋醬汁，蛋黃醬，濃味又好食大阪御好燒加麵定食平時較常食到既廣島燒，中間加左炒麵又會係另一番風味大阪名物 牛肉湯定食配日本玉子燒將白飯放入牛肉湯一齊食，好似食緊湯飯咁，個湯清得黎牛肉味道濃郁玉子燒師傅係鐵板煎到岩岩好，入面軟綿綿既質感，蛋味又香又濃郁整體d大阪燒都好好食，多菜少漿粉，無平時d咁膩，加上係日藉師傅親自烹調，更加有種置身係日本既感覺☺️

中環餐廳同同事食午餐，呢間餐廳有日式燒餅咁，試下好唔好食，覺得幾款食物都係同一個味，同餅的麵太少，菜太多，好似無幾料，但個蠔燒都算多蠔，都有蠔味！但太多菜不太飽要食點飯先夠！餅都好香！！價錢又唔算太貴都ok既！#lunch #food #yummyfood #yummy #香港中環 #中環

之前睇影片分享網站有人介紹過呢間大阪燒，雖然位置中環，但價錢出奇地平民，所以決定帶男朋友一試!! 餐廳位置唔多，如果想左bar枱近距離見到大廚炮製大餐，就更加要提早預約啦! Bar枱位置就無得指定，所以都有少少靠運氣🤭今次點左：牛舌、鰻魚玉子卷、蝦大阪燒、蠔大阪燒、炒雜菜！全部都好出色，尤其見到日本大廚係你面前即煮，熱辣辣上枱，絕對會加分💯 鰻魚玉子卷係大推菜色！蛋皮嫩滑，鰻魚份量都多，但唔會漏，兩個人share剛剛好，仲有quota食其他～另一個必點菜色就係蠔大阪燒，網上已經好多人介紹，蠔好大隻肥美，又唔會鯹，每一啖都好滿足☺️不過因為得兩個廚師，建議大家第一round就叫多d，因為等候時間都幾耐，起碼15分鐘以上，記得留意👀

唔駛去大阪，喺香港都食到正宗大阪燒🤩呢間嚟自大阪道頓堀、主打御好燒同鐵板燒嘅餐廳，仲有席前位置，可以望住日本師傅喺鐵板上面整添～～▪️蠔大阪燒▪️MIX大阪燒定食▪️大阪御好燒加麵定食試咗三款大阪燒，只係餡料唔同，但味道其實都差唔多，可能因為都係同一款醬料，建議可以叫一款大阪燒，再加其他嘢食▪️和牛壽喜燒重定食壽喜燒飯比較普通，下次會想試鐵板燒料理弁慶 御好燒 鐵板燒📍中環士丹利街11號Stanley 11 6樓

鋪面有鐵版比廚師即場，而廚師响落單後即場煮食，而侍應响旁邊準備，煮好就攞去比客人我地叫左一個大阪燒，一個鰻魚蛋卷，同埋牛舌三樣都極好食牛舌岩岩煮好上枱，鮮嫩配上佢地既汁，連隔離枱見到都叫埋一份，啲配菜又靚又脆鰻魚蛋卷，蛋滑魚又滑，難怪咁多人推介而我本身唔太好生蠔，但是見到咁多人叫，我又叫埋一份。但是佢煮得啲蠔好易食，岩岩好熱得黎滑唔好似中式蠔咁鞋又苦我會記得呢間野，佢又响我pocket list另一間要再去，但是下次會訂枱

老公有個日本朋友嚟咗，今日請佢去食飯，日本朋友話日本鐵板燒好受歡迎嘅老字號在香港中環開咗分店，叫弁慶御好燒鐵板燒，想去試吓，我哋當然奉陪。餐廳裝修簡約，設有鐵板吧枱位置，整間店大部份是日本人，老闆係京都人，佢哋都係用日語交談，真係有去日本旅行的感覺。弁慶將日本大阪燒原汁原味帶到香港，唔洗飛日本都有得食，一定不會錯過。蠔大阪燒：鐵板上的御好燒非常足料，將高麗菜、肉類、蔥段等材料加入日式高湯製成的麵糊，然後廚師會在客人面前用鐵板烤成御好燒，加入秘製醬汁、蛋黃醬及紫魚片，製作出日式懷舊經典味道！餅皮香脆，咬落去外脆內Juice, 醬汁香甜好惹味。蠔肉飽滿鋪在鐵板上煎香，加入秘制醬汁、食落口感滑溜嫩身，蠔味濃郁，滋味滿滿！鰻魚玉子卷：即叫即燒的玉子，再放入粒粒鰻魚肉，肉質鮮甜味美，玉子食落蛋香濃郁，香甜嫩滑，口感味美。炒麵：鑊氣十足的炒麵，用鐵板上的炒麵，麵條彈牙，配料有豚肉和椰菜，加上特別調製的醬汁，十分惹味！

弁慶 御好燒 鐵板燒🇯🇵中環hidden gem日本人主理嘅席前鐵板燒 餐廳🍴好有日式氣氛 最正嘅有3位廚師喺即整大阪燒 熱辣辣上枱 啱晒同朋友傾計慢慢食 平日去都記住book位🥹好爆場﹎﹎﹎﹎﹎﹎﹎﹎﹎﹎﹎﹎﹎﹎/大阪御好燒 3配料 $104/ (4.4/5)日本廚師🧑‍🍳即整嘅大阪燒都只係$100性價比極高🤤麵糊撈埋好多椰菜絲🥬食落好fresh較輕盈 揀咗魷魚🦑豬肉🐖同蝦🦐3款餸 燒汁同蛋黃醬比例好平均 成啖食落味道啱啱好唔膩 大阪燒底面都煎到微焦好香口🇯🇵/免治雞肉燒🐣 $88/ (4.3/5)切開蛋黃超邪惡 免治雞肉🍗撈埋軟骨整成肉餅 面頭有滿滿嘅大阪燒汁同海量葱花 蛋汁中和濃味 類似平時食串燒嗰隻味但呢款啖啖肉更滿足🤩/鰻魚玉子卷🎣 $92/ (4/5)切開超治癒嘅玉子燒 包裹住鰻魚粒 甜甜哋嘅蒲燒汁好夾 熱辣辣食嗰陣蛋漿仲會有少少半熟流心 唔會過老🍳/牛筋煮 $58/ (4.1/5)燉煮嘅牛筋前菜好正宗 醬汁微辣好惹味 筋位同肉炆到好腍好入味 仲有大葱同蒟蒻/牛舌 $98/ (4/5)鐵板煎嘅厚切牛舌👅質感爽口而中間軟腍 最尾擠上檸檬汁🍋同岩鹽提鮮/關東煮🍢 $19@1/

朋友相約見面食飯，佢介紹一間來自日本大阪的弁慶御好燒鐵板燒，餐廳位於中環，是在香港開設首間分店，餐廳設有鐵板吧枱，可以近距離睇到師傅烹製食物，令外亦有卡座，客人可能邊傾邊食。食物主打御好燒、大阪燒、和牛牛排等各種鐵板燒美食。芝士免治雞肉燒，見師傅在鐵板上放上免治雞肉，煎至金黃色，加上大量香蔥和蛋黃，再加上沙律醬和大阪燒汁，賣相好靚，雞肉口感扎實，中間夾雜少許軟骨，口感鬆脆，再搗開蛋黃，連埋蛋黃汁一同品嚐，有埋蛋黃嘅味道令整體食感更富層次。芝士還可以拉絲。令味道更提升。炒烏冬加蝦仁，烏冬炒得入味不油，而且仲夠鑊氣，軟硬度適中，內有鮮嫩的豚肉和爽脆的蔬菜，加埋日式醬油調味，非常惹味，想再豐富一點可加多些材料炒，加咗爽口的蝦仁，無論口感和味道都好豐富！

📍中環 𝙲𝚎𝚗𝚝𝚛𝚊𝚕❝正宗大阪燒🔥日本人主理 性價比高 又有驚喜!🇯🇵🫶🏻❞呢間日本過江龍大阪燒店高質wor🥳有驚喜呢～😳🔥味道同氛圍都令我諗起之前係日本既席前大板燒小店!🇯🇵呢度仲要由日本人廚師主理 坐喺鐵板前望住3位靚仔廚師整🤪好有風味!🙆🏻‍♀️當晚dinner係滿晒座😱都有人walkin但就要等好耐位 建議先訂位呀!🫶🏻✨🔥大阪御好燒 $104 (4.5/5)可以自選3款配料 揀左蝦, 豚肉, 魷魚🐷🦐🦑有大量椰菜 厚身 外層微脆 配上大阪燒醬汁同海苔粉 惹味又滿足!🥰🐔免治雞肉燒 $88 (4/5)軟腍雞肉餅混入雞軟骨碎 配上蛋黃同大量香蔥 類似平時常見既雞軟骨串點蛋黃 但呢個用鐵板上更加熱辣辣!😋🍳鰻魚玉子卷 $92 (4/5)香甜玉子包入肥美鰻魚粒 份量都幾多 好食!🤤🐮牛舌 $98 (4/5)厚切牛舌爽口 燒得外脆內鮮嫩😛🍢關東煮 $19 each (3.5/5)<蘿蔔 /蛋 /蒟蒻 / 炸豆腐 / 獅子狗>揀左以上5款 每款都好大舊! 煮得好入味 我推介蘿蔔, 蒟蒻,豆腐同蛋 而獅子狗過腍🫣overall湯底對我而言有點偏鹹呢~ 🐮牛筋煮 $58 (4

依間鐵板燒每次去到都full house，仲有好多日本人幫襯，坐吧枱睇住師傅料理特別吸引。今次朋友生日就突登帶佢嚟感受下啦！鰻魚玉子燒好嫩滑蛋香十足，仲有鰻魚粒係中間無咁單調啊！一路睇住師傅整雞排，滋滋作響好吸引，雞皮位煎到好香脆，將脂肪逼出食落唔油膩可伴以柚子胡椒或蘿蔔蓉汁一齊食，超推柚子胡椒醬，辣辣地幾刺激味蕾！豪華大阪燒可以一次過品嚐大蝦、帆立貝及八爪魚，面頭仲有好多蔥花，夾埋大阪燒一齊食好香口又好鮮味。最後當然要叫個主食-炒麵，同樣用咗大阪燒醬汁去炒，十分有風味！仲加入咗豚肉同椰菜絲一齊炒，麵質有咬口。食住大阪燒飲住生啤真係讓人好想念日本啊！

弁慶 御好燒 鐵板燒中環士丹利街11號Stanley 11 6樓/由日本師傅主理，除咗好似置身日本食嘢咁樣，仲可以確保到大阪燒嘅質素，而且價錢仲好相宜，好推介大家嚟食/免治雞肉燒 $88將免治雞肉煎香，上面加蛋同埋大量嘅蔥花，雞肉充滿雞油香，而且入邊有啲軟骨，所以口感又軟又有口感，非常特別，加咗蛋，味道更加昇華，大量蔥花亦都令佢更加惹味/大阪御好燒加麵 $94識食一定係加多個炒麵，另加泡菜、蝦，各加$15，爽脆嘅椰菜，加上煙靭嘅炒麵，口感非常豐富，但係一啲都唔Heavy，估唔到同泡菜咁夾，酸酸辣辣更加吊到味