康年餐廳

营业中

休息中

7.18(二)今日lunch實在太肚餓,所以走左黎食飯叫左lunch set~唔知咩咩豬扒飯+羅宋湯+凍奶茶~個豬扒飯幾好食~有好多配菜~羅宋湯hey林林~但味道都ok食物普通~但地方光猛,幾好坐~

買了拿破崙孝敬母親大人。這兒的拿破崙比坊間的大和厚，且中間有一如蛋糕層- 吃下才知那是仿曲奇的夾層。上、下兩層的合桃頗多，可惜偏甜，不對口胃- 再加上拿破崙的最頂和最低均弄了如杏仁蛋白餅般的外層，更是甜上加甜。不過，創新之下的拿破崙合正中母親大人下懷。

近期愛上流沙奶皇包，連帶對含奶皇食品都有莫名好感。某天行經旺角見有奶皇墨西哥包，墨西哥包食得多，不知有奶皇餡又會如何?就買一個試試~　我是即買即食的，只僅3分鐘時間包裝紙袋已經被油浸濕，增磅指數爆燈。之不過，新鮮出爐的墨西哥包夠熱又夠香軟，的確又幾好味；相比之下，奶皇餡似淡味吉士多於奶皇，反而不及麵包本身吸引。　$4大大個包真係幾平，又這間蛋撻都幾出名（雖然賣相不太好），再遇新鮮出爐貨都會返炒及試食~

呢間茶餐廳, 最正係乜? 就係酥皮蛋撻, 好多地方啲蛋撻已經唔係酥皮, 而其次, 雞批就不錯, 檸茶普通。另外, 買了一些麵包走, 雞尾飽好大個, 無乜餡, 得啲麵包多, 但幾軟熟, 買回家後, 可以自己加工, 加片餐肉、或加條腸仔、或加塊煎蛋, 則美味得多。波蘿包算ok.

行過見間野幾旺就入去試一試, 都唔錯>奶皇墨西哥包-新鮮出爐, 熱辣辣, 好正!-面包好軟, 入面奶油夠多夠滑, 又唔會太甜, 唔錯-個人覺得唔算太油>下午茶餐D (炸雞翼公仔面+牛油雞仔包)-公仔面, 麵包都係一般貨式-炸雞翼幾香, 但油左d>下午茶餐E (朱扒公仔面+雞蛋三文治)-普普通通>瑞士雞翼炒公仔面-雞翼入味, 瑞士汁都幾香甜>服務今日去果時店內full晒, 都要等左5min到先有得坐。waiters雖然都勁忙, 但見到我地揮手都即刻過黎落單/幫我地囉碗仔果d, 唔會扮睇唔到, 抵讚

6/5/2006是日午餐A: 鮑汁翠肉瓜黑豚肉飯。餐湯要了羅宋湯﹐餐茶要熱奶茶。($29)雖然自問無飯不歡﹐不過飯的份量實在太多﹐反而0既份量就一般﹐多少許會更好。食物夠晒熱﹐豬肉滑得來有少許韌﹐但尚可接受。個鮑汁普通,鹹淡適中﹐用來送飯都OK。杯熱奶茶令我頗失望﹐完全無茶香。值得一讚0既係侍應們的服務態度﹐雖然午飯時間個個忙到飛起﹐不過服務態度幾慇懃﹐又有效率。(附近的花園餐廳真係要學0下)雖然唔算好好食﹐但係感覺好實際。比起一街之隔0既"帝君"﹐明明0係一般茶餐廳質數﹐某些食物比快餐店還要差﹐但係又要扮高檔﹐所以康年餐廳會係一個實際0既選擇。 食完出到門口見到有蛋撻新鮮出爐﹐於是買0左一個。試過後覺得一般﹐食唔到個皮有酥香味﹐下次都係比多5毫子去番泰昌買.Remark: 這餐廳0既餐牌菜式同埋設計跟某連鎖茶餐廳的有8/9成相似﹐以為係同集團但係唔同名。但經向職員查詢後﹐原來康年餐廳跟某連鎖茶餐廳完全沒有關係﹐大家千萬唔好誤會。

昨日放早由機場搭巴士到旺角. 林小B路經此店見有奶皇墨西哥就買個試下, 佢食左一啖就話勁油唔想再食,食完後我成咀都係油, 我都唔明點解個包可以咁油? 莫非佢做包時用生油同豬油做? 但係用豬油做包除左會較油外仲應該有陣香味, 但我又唔覺? 不過包都幾好食,同埋面層墨西哥油幾鬆, 唔會死實實。

今日放工去食Brunch, 叫左早餐A羅宋湯螺絲粉，個羅宋湯很多料，而且夠大碗好好味．腿蛋治同凍奶茶普通啦環境：我最怕茶餐\廳的煙味，幸好呢度無人食煙，唔知係咪已禁煙，全場見唔到有煙灰缸，食得好舒服．

食完uno,走去花園街街市買餸,順便行過對面街買麵包。包包係暖櫃入面保溫,係咪新鮮出爐就唔知,但拎上手都仲熱既,一路坐車都聞到麵包味,但味道就無金華咁香喇。返到屋企一睇,每個紙袋已經變為透明,可想而知d包包的確幾油,幸好有個紙袋索一索,心理上就食少左d油。墨西哥包:由細佬試味,細佬意見為:包好軟但油、奶黃饀好滑唔太甜,味道唔錯。菠蘿包:媽媽意見為味道不過不失,唔食都唔係損失,比以為油左好多。今次食評由媽媽n細佬友情客串一次。

見幾個食評, 點解都無人試過呢間餐廳o既海南雞飯呢, 你試過佢地個飯, 就會返轉頭再食, 無得頂, 好正宗, 我次次都係外賣, 每次都走胸(因為個雞胸煮得麻麻唔夠滑, 但係其他部位就好嫩滑), 佢地個飯係正宗雞油飯, 因為我自己本身係最鍾意食海南雞飯同埋識得整, 試過香港好多間賣晒雜誌話正既海南雞飯都不多如是, 大部份都係糯米黎煮或者加啲椰汁或者雞湯黎煮就算, 正宗海南雞飯一定係用白飯+雞油+蒜頭+紅蔥頭黎炒再加雞湯去煮, 呢間餐廳就做得到正宗雞油飯, 不過附送啲醬汁o既選擇就比較少!佢地個咖喱, 味道同翠華一樣, 但係夜晚無餐跟就唔抵食, $43, 翠華都係賣$40, 但係好大兜, 啲咖喱汁勁多, 仲有雞亦揀, 但係康年就好細兜, 仲無雞亦揀, 不過味道好!另一推介, 佢地個奶茶唔錯, 同埋沙翁一定要試, 不過要早, 因為好快賣晒!

奶皇墨西哥飽新鮮出爐好香但食落有少少苦味而且奶皇餡不如雜誌所講咁多幸好唔太甜行過買都可以但專誠去就唔值喇

奶皇墨西哥飽新鮮出爐好香但食落有少少苦味而且奶皇餡不如雜誌所講咁多幸好唔太甜行過買都可以但專誠去就唔值喇

看見這裏的食評，一心帶個朋友黎試下，諗住夜媽媽又未醫肚，不如食個小棻。一看餐牌，看見有久遺了的生炒骨，心想，一間好的餐廳小棻合格與否必然要食生炒骨，再點了個海鮮帶子炒旦，我兩比是識食之人，故意點這兩個棻來一試此餐廳之功架。等了15分鐘，一看生少骨上台已經想埋單唔食走人，衰乜?1. 量少，大佬40蚊個生炒骨你得果10幾舊骨?酒樓小棻28蚊都多過你2. 質差，一看便知用雪藏排骨，肉少骨多，毫無鮮美，口感極差，似足食湯渣最後同朋友都勉強食埋，沖沖走人，入黑名單，永世被Ban，食了88蚊兩個小棻，不過過隔離北京拉麵食!又平又靚又正，真的有點對不起辛苦賺來的血汗!!一勸各食友，呢度只可以食門面野:什麼蝦球撈面等等，其他勿試，免dum心。唉.......

跟男友行完先達，記得康年o既蛋撻差唔多出爐，於是便去順便吃埋飯。一坐低即刻見到師傅搬緊一盤新鮮出爐o既蛋撻出來，二話不說同伙計講要一個。跟著要了晚餐o既椒鹽豬扒斑塊跟天使麵和咖喱牛飯，蛋撻真係好正，最喜歡見到數唔到有幾多層o既酥皮。晚餐o既羅宋湯也不錯，足料兼不是狂落味精o個種，天使麵來到時是乾爭爭的，於是問下伙計可唔可以俾汁，他說蒜蓉汁行嗎？當然沒問題，估唔到個汁都唔差，蒜蓉味勁香，椒鹽就鹹o左少少，不過鑊氣好夠，未食都知認真熱氣，飲涼茶都解唔番。好，論到咖喱牛，個人覺得某程度上比九龍出色，牛夠腍又入味，咖喱香辣，最正是個白飯，飯粒分明唔硬，米香又夠，好少茶餐廳會有咁高水準，一向不好飯的我都吃了成碟。最後晚餐仲有椰汁西米露，但我冇食。 總括來說，質素實屬中上，若在旺角諗唔到食乜時，這兒多數是我的首選。味道4分是俾白飯的^0^

今日同同學黎食我地入左去見d 野唔太岩食想嗌小小野食就去第度食點知佢話每人最低消費12 蚊我地咪每人嗌12 蚊野囉之後個個伙計都係度啤我地d 野食又勁耐先到個收銀女人其實一早啤左我地好耐走果陣比$比完佢竟然登到對眼大一大趕我地走呢間野既服務態度真係超級差囉!!