影片
更多
2005-03-17
54 浏览
其實呢間茶餐廳都開左好一段日子. 好多時候經過, 都見到佢有好多新鮮出爐麵包擺o係門口, 賣相都好吸引,不遜於附近o既金華, 但係都的唔起心肝去試. 不過上兩期飲食男女的士大佬專欄話佢地o既出爐麵包掂, 尤其係奶黃墨西哥包. 佢話呢間茶餐廳o既老闆o係旺角已經經營左茶餐廳幾十年, 今次開康年, 聘請左一個做左麵包幾十年o既老師傅, 所出品o既麵包甜度比坊間少三分一.講到咁掂, 有日行過見奶黃墨西哥包新鮮出爐就用$4買左個試下. 個包o既外皮o既味道同雞尾包o個兩條淡黃色o既條條一樣,鹹味多過甜味, 好似食緊鹹o既crumble咁. 麵包同金華一樣都係較重身,較濕較軟o既. 內餡o既奶黃好足料, 亦真係唔係好甜, 食完無膩口感覺. 呢個包要趁新鮮出爐食, 因為攤凍左個包就會凹陷, 淨係賣相都扣晒分! 另外, 見到佢o既菠蘿包都好吸引, 個外觀極似金華o既出品, 真係令我有d懷疑呢兩間餐廳係同一個老闆!
講到咁掂, 有日行過見奶黃墨西哥包新鮮出爐就用$4買左個試下. 個包o既外皮o既味道同雞尾包o個兩條淡黃色o既條條一樣,鹹味多過甜味, 好似食緊鹹o既crumble咁. 麵包同金華一樣都係較重身,較濕較軟o既. 內餡o既奶黃好足料, 亦真係唔係好甜, 食完無膩口感覺. 呢個包要趁新鮮出爐食, 因為攤凍左個包就會凹陷, 淨係賣相都扣晒分!
另外, 見到佢o既菠蘿包都好吸引, 個外觀極似金華o既出品, 真係令我有d懷疑呢兩間餐廳係同一個老闆!
张贴