康年餐廳

营业中

休息中

上次幫襯過，麵包及豬軟骨麵都毫無過人之處。今次再俾多次機會，要件拿破崙試吓...酥皮硬過石頭，厚過棉胎，再加埋D合桃，硬上加硬，離晒譜....已經完全冇期望，以後大可ignore呢間舖....

昨天早上想食點清既...叫了一個鮮奶麥皮, $26, 無話好唔好食, 不過, 好大碗, 好熱! 然後再叫了個提子麥包, $4, 軟熟! 食完個餐仲飽過平時....!

今朝又再黎食包包! 今次叫走茶走少甜+ 沙爹牛肉包, $18! 奶茶同金華差唔多...茶味濃, 我比較鍾意食齋包....今次食沙爹牛係為試而試...包芯都幾軟熟, 餡就有碎洋蔥夾住牛肉粒粒...特別既地方係真係有粒粒既牛肉...唔係免治, 沙爹味淡淡...但做早餐都唔錯! 我發現只有一個樓面亞姐係多謝前多謝後又有笑容, 其他既....要學下啦!

昨天早上比較得閒, 請老公車我到此處吃個早餐, 初初都有d 猶豫, 因為門口只有些蛋糕及沙爹牛肉包, 於是想走之際有菠羅包出, 我入去坐低叫了杏霜+ 菠羅包, $16, 平金華五毫, 杏霜唔太濃, 菠羅包既size 同金華一樣, 仲熱, 面既皮軟薄但都好脆, 包心就軟軟熟, 無金華咁Full, 但呢度既招呼絕對好過金華, 下次可以再試其他麵包, 因為出既時候會講咩麵包出爐, 同金華既一樣!

菠蘿包好大個，但美中不足塊牛油細了小小點常餐義粉，義粉唔會太淋，鮑汁黑豚肉都幾好味見隔離點明蝦撈面，買相唔錯，最後係友人地吃了一啖鹿兒島豬軟骨撈面，面質不錯，夠爽口，但醎水味不濃，豬軟骨夠軟，味道適中不過這裏的湯加了味精，要扣分

响門口賣啲凍奶茶好淡，唔夠茶味。上次堂食一忙起上嚟杯熱奶茶漏咗1/4杯响在杯碟到。服務一般。。。

(22/11/07)買左個吞拿魚包作明日早餐。麵包很多,吞拿魚餡少,所以吃完,只有個飽字....for 個包,要比個「喊樣」。

吃了金華既菠蘿包...好似仲想食多少少包...! 細心望了一下...選了個無咁肥既- 芝麻軟豬仔, $3, 芝麻好多, 但唔夠軟熟, 早知就忍下口啦!

同友人去金魚街看寵物,行行下見到依間茶餐廳..覺得環境都幾乾淨.裝修得幾骨子.所以就諗住入去填飽個肚lunch時間好多人,所以要搭檯叫左1碗鮮蝦菠菜餃米線.食落去真係唔錯! 隻隻餃都好足料! 好有鮮味!! 值得1讚!米線好滑好味! 見到搭檯既人要既鴛鴦個杯好靚.所以心郁郁咁叫左杯熱奶茶,哇真係1流! 冇得彈..係我飲過既奶茶最好既1杯.好有奶味又不乏茶味.齒頰留香..依家我都好掛住個隻味道.有機會1定要再飲多次!22蚊1碗米線.加7蚊有杯奶茶.咁好味..抵返晒<3

好耐都無試過舊式茶餐廳Feel的食肆，昨晚七時半放工，約了同事在都會駅吃晚飯，她推介此餐聽的海南雞飯，惜我後不吃此菜，原因是一般的飯太多油，還是animal fat，雞淡中間又血紅，一邊吃，一遵流血水，但她說這餐廳的海南雞飯不會有血紅，又滑又不肥膩，還起了骨呢！我們最後吃了海南雞飯、咖喱牛腩飯和瑞士雞翼，我含給三款菜皆得80分，感覺很好，但一邊吃，一邊聽見出爐奶皇墨西哥、熱喇喇出爐蛋撻，一盤一盤出爐麪包，從厨房托出來，我們已飽得吃不下麪包了，只好買幾個留待今天早餐吃，想不到我同事托着熱燙燙的包包，回家後已按奈不住與家人一氣吃光了！哈哈！她說最正奶皇墨西哥，奶皇不太甜超正，菠蘿已勁好味，那屠菠蘿還不會一咬便碎了，好好Feel，而我則買了一個沙爹牛肉包，今早做早餐，只好把它叮熱好了，哇！好味喲！只是六蚊咋！（堂食七蚊）

下午茶時段, 外賣自取菠蘿包一個$3在包温櫃內拿出來的包仍是燙手的, 令人喜出望外. 而且用紙袋而不是膠袋, 既環保又隔熱不燙手.菠蘿皮是脆皮, 而且一整片穩固地連在麵包上, 不會像其他普通菠蘿包, 一咬就菠蘿皮四散或掉下來, 食到成身都是碎.繼中環蛇竇的菠蘿味菠蘿包後, 暫時是食過最出色的菠蘿包.

這間康年,同蔡康年絕無關係.有人說此店為街口的老牌冰室- 金華冰廳的分店,是否屬實就不得而知,前者仍舊地Old Fashion,後者就採用電腦化,食物選擇包羅萬有.不過個菠蘿油,就有幾分相似.四時一刻來下午茶,菠蘿油的皮,同金華的一樣鬆脆,個飽身就沒有那麼鬆軟,牛油亦不及其香滑.奶茶同金華掉轉,茶味多過奶味,飲到最後一啖,才漸漸釋放出淡奶味,耐人尋味.

佢嘅沙爹牛肉公仔麵，真是超好味，牛肉唔會好似橡根，沙爹又正，連餐包都好食，再加一杯熱奶茶，食完一定有精神做我好份工。其實佢嘅下午茶都好正，散叫的嘢食我覺得略貴，但總括叫早餐、下午茶是抵食的^V^。

我又黎呢間食野喇~~本來同同事去金寶小食店食既誰不知，太多人了於是即刻轉場係....係...係...迫於無奈又黎呢間呀同Kathy 2人叫了海南雞餐及凍奶茶and 凍咖啡凍奶茶--- Kathy話沒有茶味,太多奶了凍咖啡--- 太多植脂奶了，這可是濃縮的呀，雖然會比 較滑，但蓋沒了咖啡味。不太好飲。海南雞--- 係沒有骨的呀...不過兩位小姐都覺得雞的 份量太小，係小得可憐呀。一致認為雞既色 水好似好靚，反光的雞皮，但可惜雞太肥了 ，咬掉了雞皮及雞肥膏呀，便沒有肉吃，搵 笨呀~~~海南雞飯就不俗呢..?醬油方面太過 甜了，不好掂。油菜--- 太過可憐了，小小的幾條菜配大大的碟子上。唔講唔覺~~ 真係好似翠華呀~~~係一模一樣的啦，價錢比真的平小小及送埋餐飲呢....比咁既價錢還是返翠華食好了。

得得0地播....唔差播....同朋友叫左好普通既小菜但唔差囉....幾好味呀....份量足夠又唔會浪費招呼又幾好呀...有D驚喜係呢條街仲有D唔差既餐廳