康年餐廳

营业中

休息中

真係..好似入左翠華咁,裝收一模一樣,賣既野都差唔多,宣傳手法都差唔多,咁味道呢??答案係:...都差唔多....不過我覺得佢好過翠華既係個羅宋湯,仲有個海南雞飯餐,d雞都幾滑!仲用左個籐盆嚟放,好食得嚟外觀贏埋!唔知你有無同感?

(12/4/07)終於可以食食這裡的蛋撻喇。還是暖暖的,蛋的部份好香滑,又唔甜!酥皮脆得黎,又無油益味!一點點的不足是,"燉蛋"太少,撻底較厚。

經過見到食評話好好味, 就買左個奶皇墨西哥飽食, 真係好軟熟,暖暖地, 幾好食~~ 下次試下個特大雞尾飽先得

(25/2/07)同奶奶&老公吃下午茶,佢地試沙嗲牛肉包,和我上次comment一樣,無沙嗲味,牛肉亦不見出色。熱華田&奶茶,因為趕時間,奶茶無細心dap,味道ok幾有茶味,好似唔夠滑o羅。鳳梨西多士,勁多鳳梨醬+菠蘿片,多士煎得脆脆,真係未食過脆西多啊。話說回來,欣賞佢特色,其實唔加野較好味。買走兩個墨西哥包,如大家所說,真係好油o羅!回家叮熱了,成手油;唔叮熱,奶油吉士又實左D,真係麻麻。p.s買走麵包兩次,出面阿姐都找少錢,留意留意。

又係拜飲食雜誌所賜...下畫慕名去試佢哋嘅出爐沙爹牛包，卻係大大失望而回...包大過你個頭，卻係大而無當。凍冰冰嘅，何謂出爐之有? 可能食唔啱出爐嗰批，但食落都可以想像得到就算新鮮都未必掂--- 洋葱落得唔夠，沙爹辣度温温吞吞...叫一杯奶茶，有澀味，飲咗兩口就擺低...再叫個所謂"北海道豬軟骨麵"。北海道? 真係百思不得其解。原來加個甜甜辣辣嘅汁就叫北海道，佩服..好彩份量夠多，豬軟骨夠淋亦幾有咬口，麵亦冇乜鹼，如果唔係真係反枱都似...唔會再嚟la..

呢間茶餐廳，勝在位置好，係金魚街附近，咁幾方便。和男友行開附近，知道佢好持名的新鮮出爐的麵包，蛋撻。一定要黎tea 一tea. 蛋撻新鮮出爐，熱辣辣，直情出晒煙，好好味。奶茶都好香濃。真係好。雖然坐位好逼，但係，食物好味，同埋環境企理，咁都無所謂。

今日買了奶油墨西哥包($4), 沙爹牛肉包($6)。奶油墨西哥包剛出爐, 一啖咬落去,嘩~好香軟!! 再咬多啖...嘩!d 奶油"必"出來的, 又滑又暖。不過食完成口都係油, 男朋友話d 奶油咁樣"漏"出來, 應該係用左好多豬油的。回家叮埋個沙爹牛肉包, 其實飽飽地, 所以要同媽咪share來食, 重牛肉味但冇沙爹味, 不過個包面都係又鬆又軟。

(25/1/07)知道呢度夜夜都出爐麵包,買左兩個剛出爐的沙嗲鮮牛肉包,第二朝早餐。入住紙袋膠袋都散出陣陣麵包香!勁呀!叮番熱,麵包質地雖然唔鬆,但好柔軟,好香麵包味,餡方面,洋蔥比鮮牛肉多,牛肉唔韌,沒有沙嗲味。另外一件,兩層厚脆,夾住一層蛋糕假象,其實是咸酥曲奇,的拿破崙。口感好唔同,很牛油曲奇,夾雜合桃,味道都幾得意,下次一定要入去食其他o野。p.s.這裡格局、食物poster十足翠華,唔知點解呢。

前幾晚同男友黎食, 男友果個瑞士雞翼唔錯, 個油飯都幾好.我就叫左個晚餐A, 係銀鱈魚炸帶子配薯菜.個蒜茸汁幾好味. 塊"銀鱈魚", 我食左幾啖, 覺得同平時果d有d唔同, 係冇咁油同埋質感唔同, 總之好似唔係銀鱈魚咁. 但我當時完全唔記得百佳賣油魚事件, 就覺得間餐廳竟然可以煮到塊銀鱈魚唔似銀鱈魚. 照食可也. d所謂的炸帶子, 係假帶子, 咁都算喇, 仲要得果兩舊, 仲要炸得唔好食. 係跟餐個中湯幾好飲.薯菜果d薯仔唔係薯條, 係一舊舊炸薯仔, 幾有heart, 但冇乜味囉. 又冇醬俾我一齊食.食完之後, 我同男友都話下次可以再黎試其他野, 特別係d麵包.但事隔一日, 我個肚好唔舒服, 又屙油, 跟住先醒起百佳油魚事件... 我即刻想嘔, 因為果條死油魚係勁樣衰! 呢間所謂出名的茶餐廳咪又係用d低裝既手法去呃d食客, 用食客健康黎教飛! 到而家, 我個肚仲係唔舒服, 我以後都唔會再去呢間野, 我發誓!

旺角比較出名的茶餐廳大概是這家了,但試過了實左名過其實之感。一坐下便點了個新鮮出爐的蛋撻,實在差勁差勁,酥皮入口不鬆化,沒有層次感,蛋醬也偏淡,就是新鮮出爐也不覺得好吃,比之灣仔金鳳實在有天壤之別。另外點了海南雞飯餐和豬軟骨撈麵,海南雞飯餐質素一般,並無什麼特別之處,只是飯很小碗,一個成年男性大概未必足夠飽肚。那馳名的鹿兒島豬軟骨撈麵更令人失望,那些豬軟骨雖然大大件,卻不軟也不腍,口感只像煲湯的豬骨。那個汁更可怕,又濃又甜又酸又辣,味道卻不敢恭維。早知便去吃雲吞成好了,$ 70 已可吃得很豐富了。

今日返學經過, 見有好多選擇, 亦記得有食評講過佢既拿破崙, $4, 於是試下先! 佢比一般西餅鋪大, 中間有蛋糕做夾心, 然後仲夾住層合桃, 幾多下, 亦有忌廉夾住, 我整走哂忌廉, 齋食合桃, 唔錯, 亦唔會好甜, 不過, 面同底既酥皮層就唔脆, 我唔知係咩黎, 唔係太好食!

補完習又係旺角區搵好野食係openrice做左功課，揀左呢間貪佢得1個劣評叫左豬軟骨撈麵，一大碟食唔哂，味道可以可能之前叫左個蛋撻食，好好味！個皮好脆！新鮮十足咁岩墨西哥包新鮮出爐，叫左個咬落口個下，太熱，但好好味！叫左出黎！外層好脆，甜甜地，入面有奶黃滲出黎，口感好豐富！最緊要係個包好軟熟，好新鮮！飲左杯凍檸茶，食左咁多野都唔過40！服務態度好勤快，唔似一般茶餐廳既侍應咁

康年係我係旺角常食既地方之一..成日幫襯..試過好多食物..無人令我失望..今日同男友LUNCH..叫左最愛豬軟骨撈麵..好正好正好正...超好味..軟骨唔會太淋..仲有咬口..個汁好香好濃..配埋生麵既淡淡簡水味..一絕..仲有食左第二最愛菠菜餃米線..個餃好大隻好肥美..好多菜..一隻餃有兩隻蝦..又係超好味.....會繼續幫襯!

禽日去3追究不遂，搞到好晏。餓到都無咩mood想食喇。老老食佢個扒餐，話好味，但我覺得我個常餐：瑞士雞翼天使麵一般，最倒胃係雞翼的毛，幾好味都假。老老的餐都幾好，有湯同甜品送。羅宋湯好豐富，好好飲。收費偏貴，但服務算幾快幾醒目啦。

吃完毓民私房牛肉麵，飽雖飽，味蕾卻不算滿足；適達經過康年夜晚還有出爐蛋撻，就買兩個與男友分享!　看紙袋的濕度較低，就知蛋撻沒有墨西哥奶黃包油，不過同時甜度也不足，健康了風味卻差了，不知是向來如此還是偶然失手？　其實不計味道的話，蛋芯是非常的滑溜，酥皮也做得好富層次感，$3一個都算抵的!