康年餐廳

营业中

休息中

跟男友行完先達，記得康年o既蛋撻差唔多出爐，於是便去順便吃埋飯。一坐低即刻見到師傅搬緊一盤新鮮出爐o既蛋撻出來，二話不說同伙計講要一個。跟著要了晚餐o既椒鹽豬扒斑塊跟天使麵和咖喱牛飯，蛋撻真係好正，最喜歡見到數唔到有幾多層o既酥皮。晚餐o既羅宋湯也不錯，足料兼不是狂落味精o個種，天使麵來到時是乾爭爭的，於是問下伙計可唔可以俾汁，他說蒜蓉汁行嗎？當然沒問題，估唔到個汁都唔差，蒜蓉味勁香，椒鹽就鹹o左少少，不過鑊氣好夠，未食都知認真熱氣，飲涼茶都解唔番。好，論到咖喱牛，個人覺得某程度上比九龍出色，牛夠腍又入味，咖喱香辣，最正是個白飯，飯粒分明唔硬，米香又夠，好少茶餐廳會有咁高水準，一向不好飯的我都吃了成碟。最後晚餐仲有椰汁西米露，但我冇食。 總括來說，質素實屬中上，若在旺角諗唔到食乜時，這兒多數是我的首選。味道4分是俾白飯的^0^