康年餐廳

真系激气到一定要打下评论，本身常客，今日照旧食一个餐，加一杯冻柠茶，加一个包再加一个细罗宋汤。之前一路细罗宋汤都系收我$13。今日睇个单收佐我$21。侍应讲电脑单系呢样计，我咩讲落单前都有再问加多一个细罗宋汤几钱，知道13先再落，点解收我21。再问经理，经理系度大大声讲餐跟了一杯野饮，所以再加罗宋汤，冻柠茶变返正价。1我食佐好多次，收费一路都系13细罗宋汤2就算你宜家今日新制度都好，客人落单前问了价钱，假钱有变化系咩应该知会或者通知客人先，而唔系一句跟电脑单就推卸晒所有责任3客人一肚气，你仲大大声闹返个客本身都算了，个经理仲大大声话返我，真系激到我一定要评论下。原来个餐厅之前都有好多负评讲态度问题，心想，宜家食肆生意都唔好，但都唔使闹客赶客，唉😞…查看更多

太子金鱼街人人都识，咁你又知唔知你都有一间好出名嘅康年餐厅？ 呢间餐厅可以话系我嘅饭堂，由于佢全天候二十四小时营业，所以当我谂唔到食咩嘅时候佢，当你宵夜时段揾唔到嘢食嘅时候，佢都一定会为你打开大门😆今日我拣咗佢晚市推介嘅鸳鸯杂扒餐，一块猪扒再加一块牛扒，配一个餐汤，另外再跟一个白饭或者意粉，加多一杯冻柠茶，成个套餐都只系80几蚊，真系超级抵食！！ 瑞士鸡翼捞出前一丁，每次嚟到都一定要食，佢𠮶只鸡翼真系超级入味，肉质仲要好嫩滑，食过一定会想再encore。亦都好推荐佢嘅蛋挞同埋菠萝油，一样系全天候供应，即使唔系下午茶时段都一样可以享受到😊😊…查看更多

入到呢间茶记，装修唔花巧，带点旧香港味道。今次试咗「中式牛柳饭」加「菠萝包」，简单得嚟最见真章。 中式牛柳饭👍一上枱色泽诱人，牛柳煎到外层带焦香，肉质唔算嫩滑细腻，但胜在厚实有咬口。配料调得好平衡，白饭一沾酱汁即刻变得开胃；加埋青椒洋葱炒香，令味道更立体。份量够大，食落有实在感。 之后咬落菠萝包👍，焦脆嘅金黄外皮散发牛油香，裂纹薄脆，入面面包松软微甜，唔会过干。趁热食，烟韧同松化交错，单食已经好满足，如果中间再加牛油就更加邪恶。 成餐最大感觉系亲切——冇矫饰，够直接，平价但带住熟悉嘅香港味道，系会想嚟返再嚟嘅comfort food。…查看更多

上星期六练完歌过嚟食晏，叫咗个西冷扒意跟红汤配意粉，餐茶配冻啡加蛋挞。食物质素一般般，罗宋汤偏喊，啤水西冷虽淋但冇肉味。蛋挞偏硬且冻不见得如网络吹嘘咁出色，只比地铁站X心饼店质素略高。本来冇谂过为75蚊晏仔走上嚟爬文，但跟住经历实在令我不吐不快。我埋单时我用手机八达通畀钱，我记得佢入面仲有百几蚊，应该系够畀的。我今个月洗凸咗仲未出粮，我八达通会自动增值，我呢段时间我尽量唔想扣凸而自动增值。每次都咬我500都几溶。我畀钱时我部手机有反应应该嘟到的。但姐姐话佢未出到单屈我过唔到数。我果时真系以为扣唔到畀佢再嚟多次，今次就出到单。但当我出门口时我再 check check 真系餐厅连扣我两次数，仲 trigger 到自动增值。我再揾姐姐理论，姐姐要我留低电话要揾八达通。check check 。check 到扣多就会退返钱。我等到星期二都仲未有钱退返我，但八达通就追我钱。原因系我当时自动增值唔成功，八达通帮我畀住钱。我打返餐厅问个姐姐，个姐姐讲咗另一个银码又讲错我个名，原来我唔系唯一收多咗钱，我估计呢啲事情时有发生，我唔 check 单又侧侧膊。最后姐姐有退返钱，多谢康年畀我美好的一周。…查看更多

平时好少帮衬，但今日经过谂住外卖一个火腿通粉＇咁我问吓佢有冇常餐或者散嗌，这个收银阿姐不仅态度傲慢，仲叫我揾其他人帮忙并不乐意协助，语气非常恶劣咁话你自己喺出边个牌睇，其实如果个牌有我唔使劳烦你啰～当我俾钱嘅时候，佢系咁叫我拍八达通＇我即时同佢讲我系要比Alipay ＇并对佢表示没有八达通，佢劲不耐烦咁话你有咩咪俾咩啰～咁嘅服务态度真系令人则目，之后一定唔会再帮衬服务业讲求沟通，此店的职员没有跟跟顾客好好沟通，令服务质素下降＇真系得不偿失:(…查看更多