平昌 Premium (已結業)

係樓下見到有人比張傳單我我地又覺得幾吸引就入左去LU 燒煆估唔到呢度咁多種海鮮之中我最鐘意既就一定係呢個燒蝦, 雖然個SIZE唔算大, 但係極鮮甜, 我地都叫左幾輪 辣豆腐湯又的確係幾辣, 但係好鬼惹味, 辣整都好想繼續飲, 豆腐就好嫩滑 爐邊蛋勁正, 可以無限任FILL!!!, 味道有D咸, 但係蛋味好濃郁, 仲可以加多3蚊要芝士, 撈埋一齊食真係HAPPY!! 韓燒重點就更係燒肉啦呢度既選擇都算多, 仲有D係再收費既OPTION我地就叫左有雞翼, 牛排骨, 午餐肉全部都好夠味, 最緊要係夠嫩滑!!! 食到我地停唔到口呢度亦都有海鮮選擇, 唔就另外加錢我叫有生蠔同魷魚 生蠔只要見到佢缩左水就已經食得!!魷魚就勁彈牙!! 超好味

好耐無食，好掛住，之後立即book位試呢間韓燒，因為未食過，一入到黎，原來係7080 d fd?😂😂環境舒服，好坐，服務生勤力，服務好一個價錢任食，另外有加錢既野食既，飲品都算多款，另外有飯後甜品雪條有海鮮，有蝦，另外好少地方有鰻魚，所以必點有蛋邊，另外有迷你蕃薯仔 好食有湯類，有冷面，有飯 不過本人淨係食肉都食到好飽😂😂😂😂。所以無試

跟基本韓式餐廳一樣，一入座即上前菜，兩人份量也足。每樣也新鮮爽口，入味卻不過濃，開胃卻不咸。美國霜降嫩肩色澤鮮明紅白相間，肉質煙韌富有彈性。燒熟後，肉質軟熟，油脂充足，肉味濃郁。但因自己燒烤，故要細心掌握火喉。醬燘鱈魚醬充分融入配菜蘿蔔薯仔，蘿蔔燘煮的時間足夠，因此入味而軟身。鱈魚扒份量不少，肉質嫩滑，口感油脂足而不膩海神湯: 海鮮用料成本高，蝦、鮑魚、大蜆、大元貝、雞、人參、八爪魚味道像人參雞湯卻帶有鮮味，海鮮新鮮彈牙，把滿滿的海鮮吃光也飽肚了。湯海鮮及雞味比較重，藥材味相對不大，適合大部分香港人。旁邊是芝士蛋及烤薯

今晚朋友請客，帶我來佐敦的平昌吃韓燒。坐下後我們發現這裡除了有任點任食，也有散點的，店員推介海鮮鍋，朋友喜歡吃海鮮，所以決定散點。海神湯材料非常豐富，除了有4大隻鮮鮑魚，還有花甲、大蝦、八爪魚、超大隻扇貝，配上人蔘及各類中藥湯料。雖然只點了半份，但湯料及湯足夠四至五人分享。奶白色的湯，味道清甜，容易入口。除了海鮮鍋，我們當然也點了一些原來的主角 - 燒肉。先來個美國霜降嫩肩，果然肉質鮮嫩無比，雖未至於但也接近霜降入口易溶的程度。再來一份烤牛舌，厚切的所以比一般薄切牛舌更有質感更加實在。最後來一個韓燒必吃的烤五花腩，夾著油脂的豚腩肉帶著相當的油香，烤熟剪開點上醬汁後用生菜包著吃確實滋味非常。鐵板燒圍邊的紫薯，細細粒，非常清甜，很適合燒肉後的甜點享用。最後埋單時我們才發現海神湯及美國霜降嫩肩牛肉有7折優惠，令這餐份外滿足呢。

韓燒的晚上來到平昌看到海報上的海神湯非常吸引有人蔘雞有八爪魚有鮑魚兩個人就點了半隻果然湯料堆得快溢出來湯汁完全吸收了雞肉的甜海產的鮮大口大口的喝過不停重點的韓國燒肉要來囉醃味牛肋骨緊接上場職員過來親手幫忙烤肉牛肋肉非常軟腍肉香味濃郁韓國烤肉怎少得五花腩呢五花腩烤至微焦沾上豆瓣醬用生菜包裹味道又香口又清新烤梅頭肉肥瘦適中連肥肉食其實更具風味熟食點了韓式燉牛肋骨燉過後味道更濃郁如果配上一碗白飯更滿足現在新菜單還有七折優惠呢和你一夜掏心掏肺於煙氣的氤氳間是友誼又是情義

同好朋友行足一日街，為左用盡每分每秒shopping，真係可以咩都唔食，由得個肚不停埋怨~由天光行到天黑，終於買嗮要買既野，係時候哄反個肚~既然咁餓，朋友提議食韓燒放題，一於餵飽個肚~呢度大部份食物任點，部份貴價食材需另外加錢先食得，飲品自取任飲，另外每人送一支韓國雪條~四小碟前菜也是可以添加的~泡菜入味又夠辣，很不錯，朋友好喜歡食唔停~除左生肉，亦有熟食可以點~雖然是任點任食，但一點都不馬虎，韓式炒粉絲，很香麻油味，甜甜的，麵條好Q，味道好正宗~辣味豬肉，甜甜辣辣的醬汁，味道十分討好~牛肋肉，肉質靚，肥瘦均勻，牛味夠，絕對不像放題貨色，瘋狂encore ~海鮮選擇也不少，竟然有生蠔呢~而且大大隻又厚肉，好吸引~上菜速度快，每碟肉都擺位幾靚，整齊清潔~真心覺得不像在吃放題，值得一讚~海蝦鮮美彈牙~丫~爐邊蛋也是可添加的呀~呢個醬汁牛仔骨都係必點~肉質軟嫩，醬汁惹味帶點甜~店員超勤換底板，所以經常都好乾淨唔會燒到黑蚊蚊飲品選擇不算多~太飽了，拎左一支草莓味同朋友分享~酸酸甜甜，解喝又解膩~非常滿足既一餐

食物不錯，價錢抵食，服務很好員工很有禮貌，可以再次回顧的自助韓燒。用coupon更抵食。贈送的大蝦絕對美味。三人coupon$504、另加一收現金三位是60元。

一出就係門口，企係門口等人帶位，在短短10分鐘內分別有4，5個侍應在我面前來回經過(當中應包括店長級)，有1，2個行過時會望我一眼，但都係無表情的拎轉頭繼續行(手上是沒有拎住食物，果啲侍應應不是急著去客服)，最終是我自己叫左3，4次，終於叫停一個小妹妹，同佢講留枱4位，佢問收銀位果四眼肥仔，個肥仔講左個枱號出黎叫個小妹妹帶位，但佢帶左我去坐3人枱(因為埋邊梳化位旁有個木柱，故只能坐一人)，我重覆問多次我地係4個人，再加上週圍有好多好多吉枱，唔知點解佢要我同朋友食得咁close啦，服務態度從以上短短嘅時間內所受到嘅對待，可想而知啦，各位!(都無辦法啦，全鋪店員年輕化，愛理不理嘅工作態度實是在所難免。。。至於嘢食方面選擇少，生蠔燒熟後變成一毫子般大小，其中一碟出菜，竟然將熟嘅鰻魚同生嘅牛脷放在同一個碟上，這可是能 交叉感染的，這樣普通的常識竟能在食店中遇到，，，唯一可取之處是會多次幫你更換燒烤板。應該經過今次唔會再去及一不建議其他人試。

家姐每年都會自製窩心月餅. 今晚約出嚟交收. 當然做妹妹嘅我, 唔會攞完就走. 知道家姐鐘意食韓燒. 當然先上網SEARCH吓有邊間好又近地鐡. 最後揀咗佐敦平昌. 因為家姐話之前食過LUNCH都唔錯. 餐廳座位寬闊. 職員非常友善. 又主動換煎PAN. 仲有就係有好幾個都係Opp嚟架!!平昌係任飲任食放題. 每位$198加一. 一坐低就有沙律及前菜, 仲有爐邊單及蕃薯仔食物種類都算多. 而且質素非常好. 尤其是烤薄切五花肉. 肉質非常嫩. 烤牛肉味道剛好. 還有海鮮好新鮮. 烤生豪值得讚. 因為鮮味濃又大隻. 烤鰻魚. 第一次食放題係有烤鰻魚的. 好美味. 烤帆立貝就細咗少少. 烤蝦大隻鮮味. 最不喜歡烤青魚. 因為太多骨. 雞翼大大隻. 仲有唔少熟食可揀. 煎海鮮蔥餅就麻麻地. 海鮮純豆腐辣湯, 好多料夠鮮味. 辣炒年糕. 年糕好軟好滑, 不過我覺得再辣少少就更好. 甜品係韓國雪條.. . 因為個雪條柜係大堂. 所以就以為係任食. 點知係每人一支問職員點樣衡量客人是否只取一支. 他說只是盡量睇, 睇唔到都冇辦法. 原本好想去靜雞雞攞多支. 但又過唔到自己. 最後都係食咗一支. 雖然

又黎到一星期之中最可怕嘅blue Monday,決定要狂食黎發泄一下！朋友想食韓燒，而我就想食韓國料理，見到呢間平昌premium，$198就可以任食正宗韓燒同韓國料理，我地兩個想食嘅野都有齊！就試你啦！一坐低就有4小碟前菜、芝麻醬沙律同一盤生菜比你包肉食第一round就叫左咁多野：由上至下，由左至右：汁燒鰻魚、烤蝦、加錢$98 4條烤大蝦（大蝦條條都手掌咁大！最貼心係外邊清左腸之餘，仲要夾埋牛油，燒落香好多呀）牛舌、薄切豬腩肉、豬腩肉（呢個豬腩肉不得了！夠厚肉，油脂分佈平均，我之後再點多幾次！）牛仔骨、LA牛排骨（呢個牛魔王必食！牛肉好嫩滑呀！）當然仲有我想食嘅韓國料理：海鮮蔥餅、海帶湯（麻油味好香呀！韓燒咁熱氣飲呢個又好岩！我飲左兩碗！）、韓式什錦飯（全蔬菜，我自己燒左LA牛排肉再撈落去食）海鮮仲叫左帶子同扇貝仲有汽水任飲、雪條任食！呢個價錢食到咁高質嘅韓燒真係超值！侍應都好細心！我地一路燒，佢地都自動波幫我地換烤盤！

價格跟同類韓燒比較相對便宜飲品款式頗多 惟韓式小食的款式可再提多更多款式燒爐有點舊 經需換爐各類的肉類也有多款 但每塊較為薄身 有時候份量較難預計驚喜的是晚間提供蒲燒鰻魚 甜品是韓國雪條很好座位的寬闊度剛剛好 店員的服務也可以 跟朋友聚會雖然超時了但店員仍讓我們繼續用膳

行夜咗，行過見到派傳單價，價錢都ok（198/位+1），款式都ok（有鮑魚，鰻魚甘）點知上到去有好多嘢都係要另外加錢好似：鮑魚甘98/4隻，烤蝦甘等，有d比人揾笨嘅feel同買變相小咗好多嘢食（講真如果呢個價錢甘不如去打邊爐or放題仲多嘢食）至於食物方面都尚算新鮮，但係某d貴價嘅食材就出得好少（例如：鰻魚寫咗两客就出一份甘；相返五花肉寫1份就比好多）都明白有d食物價格係比較貴但如果出唔灑or要額外收費嘅不如寫清楚😡😡仲有間舖嘅抽煙好差，食完之後成陣味

燒任食，不是傳統的韓燒餐廳，最怕吃一盤盤已調味好的肉燒烤，雖然款式不算太多選擇，牛肉不錯，也有點海鮮，味道也相當不錯！最喜歡食爐邊蛋丶傳統韓式前菜和韓式冷麵，上網訂位，仲有贈送生牛肉撈蛋小吃，超級好味道和新鮮！店員還非常細心叫我們先吃生牛肉撈蛋，因為新鮮肉不能放太久，本人不愛吃生肉蛋是了一口也覺得非常新鮮好味。店員服務良好有禮，非常勤力更換燒烤鐵板！常客，因為價錢比一般任食放題餐廳便宜，低食！每逢朋友約會食飯，家人慶祝活動，必然優先考慮這間餐廳！

第一次幫襯已經係一年前啦，之前未做放題人均消費都要$300以上，都比較貴，今次係第二次幫襯平昌，不過已經做咗放題啦(因為係放題，所以冇影相)，入坐後問價錢，一聽到又真係有驚喜，真係冇諗過放題嘅質素咁高，除蝦同元貝仔唔係咁得外，其他肉類都幾高質，尤其係牛脷，呢個係叫咗幾次，價錢亦冇諗過咁平就可以食到韓燒，重要任飲包括啤酒，又有韓式雪糕(每人一份，之後要加錢，雖然好似冇人理😬)，以$198加一嘅價錢，真係抵食嘅，唯一係冷氣唔夠囉！

簡直係垃圾之中的垃圾，一行八人去食，餐廳抽風壞，服務態度極差（用韓文問個韓國人，這是服務態度嗎？佢答是的，我們是沒有服務的），唔明白那為何可收我1%的服務費呢？食品差，到結賬時，只把單放下就走開，想比錢都沒有人收，（我還以為不用付款），要叫多次才在不願意下取走，總括來說，要食韓烤，係香港有好多好食過佢，服務好佢好多的選擇，唔一完要去呢一間，以後絕對一定唔會再去，（就算你親身去到韓國都唔會有這樣差的態度，唔明點解係香港會有這樣的韓國人）