平昌 Premium (已結業)

室外氣溫進一步下滑，冰冷的天氣總讓我想起那一年跟他好瀟灑的說走就走的去到首爾！係鐘路三街的大排擋路邊食韓燒的情景，那個地方夜晚十點超熱鬧，重點係全部都係韓國人！我們去左幾晚，我地真的是唯一的旅客！氣氛超好！講返呢間餐廳，位於莊士倫敦廣場，就係地鐵站上面，超方便啦！兩個人，點個二人餐剛剛好啦！先來個沙律，我都係第一次係韓式料理食沙律，又幾好喎，菜新鮮，加大大片芝士，好夾喎！烤牛肉拼盤，烤肉應該先烤淡味的，脂肪較少的開始烤起，我地先烤牛舌，然後牛五花腩，接著係有味牛肋骨，最後是中間脂肪最多的牛柳。牛肉鮮嫩味佳，用料超班！海鮮燒餅用料豐富，份量剛剛好！呢個人蔘雞湯真係超正。首先，如果你無食過首爾的土俗村雞湯，係難明白咩叫好味的人蔘雞湯。當然，十個去過首爾的香港人十個都食過啦呢個雞湯可以搵返土俗村的氣味。呢個餐真係食極都食唔曬！抵食，仲要價錢好ok!

醬油蟹在韓國吃過後一直念念不忘，友人告知佐敦有一家韓國菜有Oppa坐陣，立即約齊人去回味韓國美食，尋回當時在韓國的快樂時光店員先奉上麥茶，再送上八款醃製過的前菜, 牛旁/ 薯仔/ 泡菜/ 大蔥/ 腸仔/ 蘿白/ 魚糕及芽菜，款式多更可以無限追加打開餐牌，有中文/英文及韓文菜單前來主要目的是醬油系列，貪心的我們點了海鮮三寶，當中有一隻醬油蟹/4隻醬油蝦及3隻醬油鮑魚，如果不點海鮮三寶，各款是可以散點醬油海鮮三寶會跟上一碗紫菜飯，OPPA會幫忙將紫菜飯攪拌，其後釀入蟹蓋醬油蟹 - 蟹膏雖然未去到爆滿但份量都好多，將蟹膏與紫菜飯一起伴食，完全感受到它是(偷飯賊)，醬油蟹入口即融，沒有腥味，醬油味道不會太咸醬油蝦 - 蝦身殼已經幫忙除去，相當細心，部分蝦頭更有蝦膏又是伴飯之選，醃製後蝦肉依然爽身醬油鮑魚 - 本身都怕鮑魚會硬難消化，相反口感軟腍入味有彈性還問了OPPA鮑魚是熟還是生除了醬油系列，我們還多點一份燒烤套餐，有二人或四人可選，有沙律/烤肉/湯麵及韓國料理等等前菜沙律可以在餐牌中選擇，我們點了韓式辣拌章魚片，酸酸辣辣好開胃，章魚片煙靭，加入洋蔥/青瓜絲及甘荀絲，整體有口感烤豬肉拼盤(

我主要係被朋友早前Post 係 Facebook 個窩海神湯毒到而來的, 所以決定今晚黎拜訪下先~~上到黎同一般韓燒餐廳佈局差不多, 但比較上優勝既係呢度既油煙味無甘重, 好怕走時一身韓燒味~~食物選擇都唔少, 有套餐同可以散叫, 未食睇到餐牌d相都留晒口水呀~~餐前同樣擺放左有好多好多好唔同既韓式醃制食物比我地食, 當中包括有泡菜, 蘿蔔, 魚仔, 茄子等...燒牛肉併盤 (450g)                  HK$298呢份燒牛肉併盤都唔野少, 開頭都唔覺得好大份, 但好似食極唔完甘, 哈哈!!! 併盤包括有牛肋骨肉, LA牛排骨, 光陽牛肉, 薄切牛花肉同牛舌, 每樣牛味都好濃, 而且又唔肥膩, 當中我最喜歡既就係牛舌, 好爽口好正, 其次既牛肋骨肉同光陽牛肉都好好食同好嫩~~海神湯 (雞半隻)               HK$288呢窩海神湯聽個名未必知係乜東東, 但其實係人蔘雞湯, 係超級足料個隻!!! 除左有半隻新鮮雞外, 仲有鮑魚, 八爪魚, 蝦同蜆, 每樣都係份量級Size, 當然仲有人蔘同其他藥材所製成的!! 亮點係仲有Oppa 黎幫我地剪八爪魚同分湯ti

番工咁辛苦，收工緊係要同同事去食餐豐富晚餐cheer up下大家！想燒烤又要有專人服侍，揀韓燒就最岩喇！呢間餐廳係佐敦地鐵站出口行一分鐘，好易就搵到啦！一坐低侍應就送來七碟韓式伴菜，真係好吸引啊，當中辣味魚干最出色！呢到除左有最常食到嘅爐邊蛋，竟然有得係爐邊燒紫薯！紫薯超香甜啊！一口氣食左五粒！（驚喜^^）我地點左烤五花腩($158, 180g)，肉質鮮嫩，烤完都唔乾，而且好入味！另外我地叫左烤海鮮拼盤($328)，有鮑魚、生蠔、帶子、蝦、鰻魚。生蠔大大隻，好肥美。份量都幾多，性價比好高啊！每樣都好新鮮，一d都唔腥，都冇雪藏味呀！絕對滿足到我呢d海鮮控。韓式牛肉炒粉絲 ($88) 都好足料架！好香麻油味，麵質Q彈，味道正宗！最後梗係要點個甜品拼盤 ($58)，為晚餐劃上完美句號啦！一碟有齊四款唔同蛋糕仔，好精緻！兩個人開心「些牙」就岩曬啦！值得一讚嘅係呢到嘅侍應好細心，全程都會主動行埋黎幫我地燒野食，又會介紹一下邊種食法最好！仲會好勤力咁換底板，唔會燒到黑曬

好耐無食過韓燒啦！今晚終於搵到人同我去食一坐底就有8小碟，小魚乾、蒜芯及八爪魚都好好味仲有埋日本蕃薯仔添泡菜湯泡菜湯好足料，後徑既辣味令我更想食濟洲梅頭肉肉質好鮮嫩，一啲都唔韌而且一啲都唔肥烤薄切五花肉薄切五花肉是最正的特別的香口，油份出哂黎，所以唔會好油膩而且都有成8塊的烤辣醬雞肉雞肉很嫩滑，不過辣醬味唔重烤鰻魚呢塊鰻魚好抵食呀$88ja，仲要好大條，好肥美，燒完之後特別好味仲有movenpick雪糕食添而且服務超週到，全程會有人協助燒烤，所以可以專心傾計

提起韓國菜，唔少人第一時間都會諗起韓燒。但其實韓燒之外，都有好多唔同選擇。就好似呢度推烈推介嘅海神湯，用料已經夠晒豐富，有鮮蝦雞、鮑魚、元貝、魷魚、人參等等，滾出嚟嘅湯真係夠濃郁鮮甜，冬天想補身就一定要靠佢!飲完個湯，係時候食下韓燒，呢份頂級牛肩肉，紋理夠晒分明，係明火上快燒大約30秒，5成熟嘅感覺，肉汁豐盈，入口軟熟。接著係豬肉拼盤: 豬手醇香爽口，有豐富嘅骨膠原，肉質絕之柔嫩。而排骨五花肉，以秘製醬汁燘煮，夠晒入味，肉質柔滑。如果想香口啲，可以放上爐火上燒，就更加好味!

話說都好耐無食韓燒，又咁岩係佐敦拍拖，咁就上左黎呢間韓燒度試試佢，重點係平啊麻！首先黎既就係五花腩肉，呢份五花腩唔洗講都見到勁厚身，雖然只有４件，但份量十分之多，燒到仆仆脆勁好味。之後就到呢一個頂級牛肉，唔好睇佢好似好多肥肉咁，其實呢一份牛肉既特點係佢既油份被迫出黎後，係極之咁香，令到成個肉質升華左。記住五花腩一定要燒到仆仆脆先好食，同埋職員哥哥仲好好人咁提我地，唔洗反咁多次，見到佢一面金黃色先至反另外一面，黎食既朋友仔記得留意，唔好係咁反佢啦，好易痴底的！有４款醬油，不過我地都係最鐘意右１果隻，酸酸甜甜好開胃。黎到主菜海神湯啦，呢一個海神湯可以話係冬天既寶物，飲完之後有暖胃既感覺。可能係因為佢本身係一個人參雞湯做底，再加上極豐富既海鮮，包括大大隻既鮑魚，八爪魚，以及好多蜆仔。都令到個湯好鮮味，唔單只有人參既甘甜味，仲有海鮮同雞湯既鮮味。唔記得講，呢一個湯只係叫左半份，都已經夠我地２個人食，所以大家可以就番個份量叫。

朋友約食飯話想食韓燒，之前去過平昌覺得唔錯，於是就提議去嗰度食一齊食個晚餐先餐廳面積佔地頗廣，佔地全層，坐得勁舒服朋友話唔想食任食，皆因次次食任食都食到頂住哂個肚勁辛苦，今次我哋一於試下散叫先餐牌選擇都幾多，除咗唔同嘅燒肉之外，仲有好多熟食，人蔘雞湯連醬油蟹都有添烤牛仔骨牛仔骨調味得宜，肉質鬆軟，外面燒到燶燶地，但入面仍然juicy可口。燒豬五花腩黎得食韓燒點可以冇五花腩，五花腩燒得焦脆可口，加埋泡菜夾生菜食，真係人間美食海神湯呢個海神湯係人參雞既進階版，除左本來既人參雞外，仲加左大量海鮮！味道比平時既人參雞更鮮甜！海鮮全部係king size,而且全都新鮮彈牙，簡直無可挑剔最貼心既係佢比你影左相之後，會有侍應過黎幫你剪好哂所有海鮮，連隻蝦都唔使剝，岩哂我呢個懶人，服務十分貼心食韓式野點可以冇石頭拌飯啊最後雖然冇食到任食，但係我哋都食到捧住個肚走😂

之前朋友介紹佐敦莊士敦廣場有一間韓國燒烤，任飲任食價錢仲好抵，所以決定試吓。搭電梯上5樓電梯一開，見到環境好闊落，座位好寬敞，而且環境整潔乾淨。一坐低已經見到爐邊有蛋漿同蕃薯仔。仲有前菜。店員表示為迎合香港人口味，熟食經過改良，十分細心。除咗任叫任食之外，仲可以選擇單點食物，款式仲好多，仲有熟食，因為比海參湯嘅相吸引左，所以決定單點。海神湯材料非常豐富，有八爪魚，帶子，蝦，大量嘅蜆，仲有兩隻好大嘅鮑魚，雞可以選擇半隻或一隻，因為得兩個人所以點左半隻，上枱之後店員好細心咁幫我地將所有海鮮剪開，海鮮好有鮮味之餘，雞肉亦非常嫩滑，人參嘅蔘好之重，連湯都鮮味十足。四隻咁大隻嘅蝦都只係＄38。蝦大隻之餘而且爽口彈牙，中間夾咗一片牛油，因此有牛油嘅香味，係呢個時候啲蛋同番薯仔都開始熟，啲蛋漿已經加有調味所以食落好夠味，番薯仔好甜。帆立貝大大隻，分量十足，而且都係$38四隻，面頭加咗牛油芝士，燒好之後除咗有牛油嘅香味，仲有軟滑嘅芝士，加埋鮮甜嘅帆立貝，味道層次分明。鰻魚本身已經熟，因此只需放喺爐上返熱即可食用，醬汁味濃，肉質結實。調味豬肉，非常入味，肉質好林，燒好後包生菜食，味道一流。菇同茄子片，新

之前在網上討論區看到食稱讚平昌的服務態度及應變能力，與朋友談起此事。好奇地上OPENRICE看看平昌的資料，大家都有興趣，就相約一聚。 坐下在看餐牌時，侍應先送上泡菜芽菜等四小碟前菜，還有胡麻沙牛律，另有生菜備用跟燒肉一起吃。 海神湯(半隻) $288簡單點來說就是人蔘海鮮雞湯。材料豐富而且份量多，雞點了半隻，海鮮份量很多，有鮑魚，大蝦，大蜆及魷魚，都是大大隻的，人蔘也是一大條的，還有藥材。湯味濃郁而不油膩，雞味及海鮮鮮甜完全溶入湯汁中，還聞到陣陣人蔘香，十分滋補。雞肉嫩滑入味，海鮮鮮甜，邊飲湯邊吃湯料，感到好溫飽。 烤牛肋骨肉 $118份量都幾多，無呃稱。而且每件切得大細恰好及平均，方便燒亦方便食。燒一陣就可以吃了，燒到外層聞到肉香，內裡燒出肉汁，肉質軟腍，沾上少許醬汁令味更香濃。吃過幾口牛後，旁邊的蛋及迷你蕃薯仔亦夠火喉吃了，蛋香滑，迷你蕃薯仔甜潤。 石鍋什錦飯 $58石鍋飯配料有豬肉，蛋，紅蘿蔔，芽菜及紫菜。配料先整齊排列在飯上，然後有位OPPA服務員前來處理，加入醬汁，將配料跟飯橯勻。飯跟配料及醬汁都十分均勻，經過熱騰騰的石鍋燙香後，更惹味!

之前已經喺平昌度食過放題，食物質素好高。 可惜今日唔想食咁多肉，所以就嚟咗呢間平昌到散叫呢間鋪係莊士敦廣場好容易搵，地鐵一出，直行就到打開個menu最吸引我嘅就係醬油蟹， 醬油蝦同埋醬油鮑魚。 而呢度嘅醬油系列都會跟埋一碗紫菜飯。 首先店員會好細心咁樣將隻蟹剪開， 將蝦膏撈埋入個飯到，見到都流口水。雖然個名叫做醬油蟹， 但係其實佢唔係好鹹架咋。 而我個人認為食醬油蟹，醬油先係主角反而海鮮只係配角。 呢間既醬油蟹一啲都唔腥， 可能係因為加左檸檬，麻油等等既香料醃整而成。加上蟹預先用醋洗過一次殺菌， 所以就可以放心食啦! 鮑魚彈牙， 而蝦嘅就好細心幫你莫埋穀，抵讚燒五花腩， 油脂好香，夾住生菜食好味醃味牛肋骨， 牛肋骨有成四塊咁多。 牛肋骨肉質非常軟， 味道香濃海鮮方面我哋嗌左蝦，蠔， 扇貝。 每碟都只係38蚊咋! 雖然呢個價錢, 但係蝦係有海中蝦， 生蠔有成5隻， 而扇貝上面都加左好多芝士， 一啲都唔馬虎呢間醬油蟹真係好好食，下次黎食過

放工想約家人食晚餐，老公決定去食韓燒。我哋揀咗位於佐敦莊士倫敦廣場嘅平昌，之前同事們食過任飲任食嘅餐，真係好抵食。不過今日因為想食比較靚啲嘅牛肉，所以決定唔會食任飲任食嘅韓國燒烤。我哋決定睇餐牌點菜！見到佢做緊新宣傳嘅海神湯，用好多海鮮同藥材煲成！見天氣涼涼地，叫一客黎幫阿囝同老公補下身都好！嘩！嘩！嘩！材料非常豐富，有大大條的八爪魚、好多蜆、帶子、蝦及半隻雞，仲有d藥材！分咗三大碗後仲有剩！我哋掛住食湯裏面嘅餸，搞到飲湯嘅時候啲湯唔夠熱，有啲可惜！建議下次湯黎咗，應該立即飲用。侍應好細心同我地分好晒啲餸同湯。跟住我哋就食韓燒烤，最好食係嗰醬汁烤牛肋骨，分量好大、肉汁好濃郁！個花花腩同個烤鰻魚都好肥美同好好味！不過個魷魚圈就一般，燒完比較硬。可以唔叫！雖然有啲奇怪，但叫咗一個芝士腸，因為阿囝鐘意食！其餘仲叫咗啲蘑菇！都OK嘅！臨走時黑仔見到人哋任飲任食有好多雪糕雪條，佢就怪我哋唔食呢啲任食套餐！🤣🤣🤣

天氣凍就想食韓國菜，除左熱氣嘅韓燒，其實仲有健康d嘅選擇，所以同朋友揀左去平昌試下個海神湯。到底依個湯有乜咁吸引？請睇相。我地兩個人點左半隻雞嘅份量，湯入面有人蔘、鮑魚、扇貝、八爪魚、蝦同好多隻大蜆！雞肉唔滑但重點係海鮮好新鮮同好多，食極都有！Oppa侍應幫我地剪雞剪八爪魚同裝湯，裝到靚靚，最啱影相。個湯一定要趁熱飲，凍左d海鮮都無咁好味。人蔘味唔重，啱我口味。除左湯，推介豆腐果仁沙律，豆腐粒炸得好脆。麻醬份量剛好，每一啖都有醬，蔬菜都新鮮。我地仲叫左豬腩肉。通常韓燒爐邊都有蛋，依度仲特別，有一粒粒迷你蕃薯，甜甜地，我食左一粒，其他俾我朋友食曬。蛋我鍾意係佢七成熟嘅時候食，蛋面脆，入面滑。海鮮煎餅賣相靚，煎到金黃色。平時喺其他餐廳食通常唔係好覺有海鮮，但依度就有大粒蝦肉，好足料。依度有卡位坐，舒服過其他坐住個罐嘅韓燒店。燒爐上嘅吸油煙機都吸得夠快，可以減少油煙味，慢慢食，慢慢坐都唔怕成身韓燒味。

見openrice訂位有七折menu，就決定試吓啦。一出lift就勁大陣韓燒的煙味，係有少少扣分既，不過staff服務唔錯，帶咗我地去最邊邊位，煙味就無咁勁了。七折menu相對係比較貴既菜式，平均每樣百幾到二百幾咁，有炆牛肋骨、海神湯等等，以為就係得呢個menu，無其他，就叫左呢兩樣同蝦芝士沙律。叫完問佢有無跟飯，staff先拎個有普通拌飯、炒粉絲、韓底炒年糕等等平啲，平均每樣只需幾十蚊既menu畀我。其實果吓係有啲覺得畀人fake咗既。不過兩樣主菜上桌之後就心情好返啲啦，因為兩樣都好大份！炆牛肋骨入味、肉質軟腍，係個汁比較稀，但係性價比其實唔低啵。海神湯好足料，海鮮好巨型，仲有半隻雞，個湯好清好鮮甜，staff仲會幫你剪開海鮮同分湯，服務貼心。不過個湯入面既海鮮唔夠新鮮，蝦夠大隻但唔夠爽。值得一讚既係呢度既配菜可以追加，服務唔錯。但係環境就真係麻麻，張檯有啲油，同埋好大煙，有改善空間哦。

放工同一班朋友聚舊, 訂左枱食呢一間一黎就已經送左有韓式前菜比我地，款式都好多，我最鐘意就係個泡菜，辣得黎又幾惹味飲品選擇種類好多，有我自己喜愛嘅忌廉溝鮮奶可以任飲 肉類可以選擇款式都不少，自己點左有D熟食 炸雞，黎到枱仲好熱，雞肉好嫩滑，可以再點  烤五花腩，肥瘦均勻，唔太鹹一份已經足夠兩人食  烤特級豬頸肉，食羊最緊要唔太羶，味道一流鰻魚，本身已經係熟，只要輕輕加一加熱就已經可以食得魚質滑，鰻魚味重，呢個真係誠意推薦，我加埋飯之後一齊食勁似食緊鰻魚飯！而佢D飯都幾好味，真係食到一粒一粒咁唔會太痴，口感唔錯