平昌 Premium (已結業)

我呢D食肉獸，食韓燒就梗係要搵間可以任食架啦，不過要搵間可以任食得黎又有質素既，都唔係一件容易既事。經朋友介紹，話呢間平昌PREMIUM幾有水準，所以搵日收工就約埋朋友仔一齊去試試啦。呢到有多款肉類比你揀，包括牛肋骨，牛仔骨，牛小排，五花腩，雞翼，雞肉呀等等，真係花多眼亂唔知試咩好。加少少錢仲可以有埋爐邊蛋TIM。到最後當然所有野都叫小小試下啦，總結呢到既肉類質素幾高，唔會好重雪味或者好梅，而且全部都腌得好入味，燒完就更加惹味，真係唔錯。特別推介五花腩，包埋生菜食，果D油脂既香真係令人好回味。某部份既海鮮，例如: 蠔，扇貝仔，中蝦都係任叫。大約$200一位仲有海鮮都真係幾抵食 。另外我地加錢叫左鮑魚同大蝦，鮑魚好新鮮又夠大隻又彈牙，另外大蝦一燒，成個頭啲膏流晒出泥，雖然好肥，不過唔理喇，食左先講啦。我地閒日夜晚上黎都好多人，大家如果多人去最好就BOOK定啦。另外任食餐廳一般都冇咩服務可言，但呢到出奇地好服務，店員行詔會幫你燒下，見熟又會夾埋比你，真係好有韓國FEEL。另外價錢已經包左自助飲品，唔似得出面局你買野飲，真係勁抵，推薦大家去試下。

又係懶人出動的時候，事隔2年又心思思寫番食評。喺佐敦上韓文堂突然想食韓燒，search到呢間平昌。友人更立即save openrice 的送premium 食物優惠。食物（1）2隻芝士鮑魚就係openrice 優惠送的（2）任食有生蠔、蝦、帶子嚟燒，已經回本（3）我地分別有叫唔同的牛、豬⋯⋯⋯其實就唔係好識分種類，不過大至上都好味（4）任食有鰻魚比你燒真係第一次見，係好食嘅，不過難控制火喉（5）熟食叫了炒粉絲，居然仲好食過出面就咁散叫果d, 起碼唔會成pat咁，所以我呢個encore咗（6）汔水任飲（7）雪條只可每人一支2小時，食得飽飽；食店乾淨企理；職員有禮貌；上食物上得快。可以再同朋友嚟食。

與朋友約左成個月既飯局當然要隆重其事一早已經上網做定功課得知呢間韓燒放題坐得舒服之餘仲有海鮮同爐邊蛋任食，啤酒任飲岩哂愛海鮮既我，酒鬼既佢😂一於即刻訂枱餐廳環境闊落，坐位是採用卡位形式唔會太過逼，私隱度十足一坐低，即刻上四碟韓式配菜俾我哋😊仲送左碟胡麻沙律俾我哋爐邊蛋第一轉唔使叫，佢會開爐嘅時候送埋俾你如果再想食既話，就要係order紙度剔肉類新鮮，最愛個牛脷，好好味呀海鮮有帶子，生蠔，蝦，鰻魚，魷魚都係任食架個鰻魚超級好食！唔似喺超級市場買嘅急凍貨，冇雪味好新鮮！淨係個鰻魚我哋都encore左五次仲有一啲韓式嘅熟食係任食，我哋叫咗泡菜海鮮湯，辣炒年糕，韓式炒粉絲。味道還好，不過不失雪櫃都幾多嘢飲選擇，連埋啤酒都係任飲架。食飽飽之後仲有雪糕韓式雪條任食🙆🏻好滿足呀侍應服務良好，經常主動過嚟幫我地換爐問嘢同落order都好好笑容好好禮貌，令客人好舒服餐廳坐得舒服，食物質素高，價錢合理下次朋友聚會會再選擇呢度

幸好，香港愈來愈多韓食店能一解相思之苦每次想任食，首選一定是這間品嚐熟食前，先來點前菜(可任添)任食菜單選擇蠻多有豬腩肉，牛肋骨、牛肉、烤生蠔、烤帆立貝、烤蝦、等等更有不少熟食再來就是這裡各式烤肉！有皮花腩的肉質均頗爽口特別是帶皮的，邊位很彈牙醃製牛仔骨燒至半成熟，肉味濃而肉質軟腍醃製雞串嫩滑卻不失嚼勁有驚喜海鮮方面，燒尤魚及蝦也不錯吃鰻魚入口嫩而帶汁特愛以生菜包著豬肉來吃生菜可減輕肉類的膩感另加$98的烤大蝦大蝦開邊加了牛油大蝦夠爽口牛油亦能滲入蝦肉之中跟坊間韓烤店相比，這裡食物均令我留下深印象一解韓國當地美食相思之苦！店員面對繁忙，亦算有禮食材不錯，人均亦不過$200，Cp值頗高怪不得長期爆滿！

平昌開左一段時間 成日都好想試因為係BBQ7080 的放題版係Openrice評價一致好評所以都抱往期望期待去食又一次係Openrice 訂位 好方便一上到去 由🇰🇷男生帶位 形象係幾好可惜坐到枱後 由🇭🇰女生服務 沒有笑容 黑面的🌚 有點失望不關國藉事 應該係少數服務人員食物方面 熟食很喜歡年糕及炒粉絲份量少少的炸物是凍及不脆的 唔建議叫鰻魚很讚係燒肉放題店少有的選擇肉類真的好麻麻 係有點失望唯一幾好食就應該係烤牛肉朋友安慰 放題質素係咁上下的確 名氣越大 失望越大

.兩小時任食韓式燒烤 $198.今日同朋友諗左好耐都唔知食咩好，盲中中咁嚟左呢間韓燒，任食嘅永遠係懶人first choice，唔係話有好多款肉類揀，但係都夠食，而且仲有好多韓食可以叫，例如有韓式辣豆腐鍋同海鮮湯，仲有煎餅等等，當然啦，份量高會比較細份啲。除左肉類，仲有海產可以揀，推介嘅有鰻魚同鯖魚，但就唔建議揀生蠔啦。.平昌佐敦彌敦道219號莊士倫敦廣場5樓旺角西洋菜街1號兆萬中心13樓

難得來到佐敦，當然要到美食多羅羅的莊士敦廣場覓食一番最近清淡的我決定跟男朋友吃一餐韓式燒肉，補償一下自己個胃一踏進廣場，我已經決定要到5樓的平昌燒肉大吃一頓店員帶我們到一張二人餐桌坐下，好快的已經送上前菜，更為我們細心準備鍋邊蛋餐廳裏不但播放著KPOP，而且有韓國Oppa坐陣，感覺真的好幸福啊韓燒當然要有牛肉，我們首先點了一份烤LA牛排骨、一份光陽調味烤牛肉和一份烤牛肋骨肉牛肉的新鮮程度不用懷疑，烤牛肉醬汁非常入味牛肋骨在燒爐上，已經有陣陣牛香，入口更是啖啖肉 平昌最令人滿意的地方，就是他的牛肉切得不會太厚也不會太薄，入口更容易嚐出他的美味這是我最愛的烤生蠔，放在爐邊等他慢慢變熟的感覺，真的讓人十分期待生蠔一般的新鮮，但是size不會偷工減料，多叫幾隻已經回本海鮮部份終於出場了，有我喜歡的蝦王帆立貝蝦雖然不是十分大隻，但燒完又香又甜而且彈牙，感覺新鮮最後我們叫了一些小食，包括煎蔥油餅和冷麵兩款小食份量都剛剛好，不會令我們吃不下，冷麵的湯底更令我欣賞這間餐廳最抵讚的地方，是職員每隔差不多15到20分鐘，就會幫我們更換新的燒板，令食物不會沾上黑色的碳，服務貼心，抵讚

家人生日飯，有老有幼，平時成日都是去食日本放題或者酒店 buffet，今次想轉下口味，想食韓燒，但係食傳統韓燒店比較貴！係 Open rice 亂打亂撞搵到呢間，仲可以喺網上訂位，好方便，見食評都可以，最重要係任食，而且價錢非常合理！之前未吃過，第一次去感覺唔錯，連老人家都讚食材新鮮！店員服務態度良好，更換鐵板次數頻密，抽風系統很好，吃完後唔覺身上有太大油煙味，價錢真的非常抵吃，仲有鮑魚餸，一定會介紹給朋友，自己也會再去食！

同媽咪食韓燒 帶佢來佐敦既平昌 諗住價錢合理 又坐得舒服（$198+10%)一去到就有四個配菜仔比返 有泡菜芽菜白菜仔同蘿蔔 有免費嘅邊爐蛋任食野食就如上 後悔無加到芝士加$3咋 唔記得左🤦🏻‍♀️野飲方面就有韓國飲品同汽水~推介LA牛排骨 點完豉油 口感不錯 幾厚身不過記得唔好太熟 生蠔肥美大隻 算新鮮 帶子就略嫌唔夠大粒 另外推介烤簿切五花肉 點左豉油甜甜地 有係韓國食烤肉嘅味道豬頸肉有肥肉 爽口 蝦都幾新鮮 廚師腸就幾難燒 好易燒窿 不過我中意食所以都係有叫另外同得媽咪食飯梗係要多個特級牛肉拼盤($118)比佢嘆下 色澤係靚d既 肉汁會多d 牛味都相對濃D包埋生菜食 中和下淡淡肉 另外呢度點菜係可以按鈴都幾方便 同加分位喺呢度嘅吸油煙確實做得唔錯 唔會話食完成身都係油煙味本來仲有得拎韓國雪條 不過太飽了

IQ題：邊度最啱大食王M佬同肉食王A姐開餐呢？當然就係任食放題啦！但放題嘅質素真係好參差，要求高高嘅A姐又點會求求其其搵間就算，左搵右搵，呢間屬於BBQ7080旗下嘅平昌Premium應該唔錯。話晒叫Premium應該係高級野（係呀！我A姐就係咁膚淺，如果間餐廳叫超好味就一定係超好味啦，如果唔係，我實鬧佢㗎）！所以今日就去到佐敦平昌Premium食韓燒放題，咁就啱晒大食王M佬同食肉獸A姐啦！坐低先送上5款泡菜同1碗沙律，開吓胃先。晚餐燒烤，肉類選擇有18款、海鮮類6款、蔬菜類4款，仲有13種韓式料理。如果想再Premium啲，仲有6款Top up嘅食材。好喇，胃部開動啦！저기요（係呀，呢度又係一個好多韓國人工作嘅地方）！肉類：第一round就當然係肉、肉同肉啦！牛肋骨肉好香肉味，夠晒juicy。不過，唔好好似我哋咁，掛住影相就燒耐咗，咁就會好硬喇。牛脷厚切好有咬口，而我哋最愛嘅就係調味豬肉，因為真係醃得好入味呀。當然唔少得我最愛嘅雞翼啦，不過，各位Fans，有無方法教我哋燒雞翼呢？因為真係有啲難燒得熟呀！海鮮類：一次過叫生蠔、魷魚、帆立貝、蝦同鰻魚，真係食多兩轉都夠回本啦！生蠔同帆立貝

個人都頗愛韓燒, 所以久不久就會去吃。 這晚來到佐敦平昌premiun。 燈光較昏暗,裝修時尚,感覺不錯。 坐下前就已擺好前菜及醬料。 開爐後就有店員幫忙倒蛋漿,個人十分愛吃爐邊蛋,所以一般都會選擇任添爐邊蛋的地方,這裡的蛋煮出來也挺有蛋香。 這是牛仔骨, 雞翼🐔,及冬茹。 牛仔骨質素不錯,已經有調味,燒來吃很香,肉質又不韌。 雞翼很正常,生的時候看不出,燒熟後就看見原來是醬油雞翼。 我原以為真的是冬菇, 上菜後才發現和我想像有出入, 是小妹孤漏寡聞吧。 這是五花肉,豬頸肉及芝士腸。 五花肉是韓燒必點項目, 還要是厚切的那種,燒起來才夠香,吃起來才有口感及過癮。 豬頸肉肉質也很好,燒至微金黃最可口。 上面的五花肉是再點, 下面是帶子, 雖然不是很大顆,但質素也可以。 海帶湯是韓國常見菜式,愛好海帶的我當然要來一碗。 可以看到海帶份量蠻多的,配以豬肉熬湯,很美味。 這是韓式拉麵,小小的一碗,份量剛好,湯底微辣,適合香港人口味,麵身軟硬適中,也不錯。 這個是牛la 骨, 調味牛肉及之前提過的牛仔骨。 調味牛肉偏鹹,一燒就把本身的醬汁燒出來,所以很香。 這裏的服務很好,由於鐵板很易燒焦,所以

食物質素有待改善。唯一接受到牛肋骨，不錯。其他都普普通通，飲品都係一般大眾有的選擇，甜品係雪條，都有4款味道，蜜瓜，香蕉，熱情果，椰子味。朋友想飲熱水，叫左三杯都浮油，肥膩到飲唔落。

有咩吸引得過折扣，5人同行1人免費，所以吸引咗我黎食吓平昌，睇吓有咩好食地點：莊士倫敦 5樓平日電話訂位唔駛等直入有得食食韓燒飲品是必須品，佢有韓國牌子嘅蘆薈果汁，一般汽水，凍烏龍茶，晚市有啤酒俾大家啤一啤留意！佢有幾個飲品雪櫃，記得睇晒，如果唔係就少咗選擇。有任食泡菜，味道正常，夾肉加生菜味道更佳我食嗰日有菇，蘿蔔，大白菜，菜仔然後就係點餐，一張紙，底面2頁紙走天涯牛，雞，豬，海鮮，飽肚嘢，例如：麵、年糕、白飯本人推介:晚市牛肋骨肉，烤牛舌，牛肉腌漬叉肉厚五花腩，豬頸肉至於海鮮品質還可以，如果要排喜歡次序:蝦＞魷魚＞蠔而本人本身是喜歡食蠔的，可能因為燒嘅關係，蝦最香口蠔烤好耐等食好辛苦不過辛盡甘來是好味的韓燒依家最出名就係「爐邊蛋」，簡單味美另加芝士$3一碟，同泡菜碟一樣大，建議加3蚊成件事升級，蛋都係無限refill 的甜品方面有雪條櫃，都係不同口味melona雪條，例如：椰子味，芒果味，蜜瓜味等等服務方面，店員密密換燒盆，上菜齊，都算唔錯。價錢因為折扣，唔駛200蚊一位，有齊韓燒基本肉品，味道，服務都唔錯。總括而言，佐敦依間平昌食得過

今日朋友話想食韓燒我哋就去佐敦平昌，位置幾方便環境舒服地方夠大前菜有四款 望望點菜紙，有豬牛雞海鮮樣樣有，仲可以加錢點Premium食材先來一碟生蠔、帶子生蠔頗大隻， 放上爐都要燒一段時間望住都覺得好肥美，味道鮮生又嫩口我地控制火腔都唔算差， 食落仲係好juicy 帶子size一般， 易熟 又甜 特級牛肉併盤 (118元)加錢要了這個Premium 牛肉拼盤又靚又新鮮 放上爐上煎，立即香噴噴，味道夠嫩又多汁餐紙上任點的豬肉類賣相亦很好沒有雪味，感覺乾淨，厚薄得宜夾一塊豬肉，點上少少醬汁，已經很惹味雞翼雞棒都好新鮮睇得出那些雞翼是餐廳自己切割有大有細 ... 有骨位都夠多肉雞棒味道濃濃，還可以~最後我點了一碗海鮮豆腐泡菜湯非常足料 泡菜味十足，豆腐夠嫩滑，湯底辣度很微但因為非常熱所以亦都很燙口 飲完整個人都很暖~吃得愉快！ 

每個月總有幾日特別想食韓國野今晚同韓國迷妹食飯 緊係走唔甩韓燒啦呢間平昌premium旺角都有分店佐敦呢間好似坐得舒服啲啲至愛佢地嘅帶子同鰻魚 堅係好好味帶子肉質鮮甜 鰻魚夠醬汁 燒完焦焦的叫左個豆腐泡菜湯 紅紅的厄到下人牛仔骨無理由唔叫丫 夠晒入味 燒落好惹味爐邊蛋完全係姐妹嘅至愛 encore左幾轉重有肥牛 生蠔同牛舌 都係不能不叫嘅野食牛舌薄薄的 入口好彈牙重有尤魚 的確彈牙 不過個人對尤魚一般值得一提嘅係員工嘅熱情 完全抵讚