平成 (已結業)

呢間日本餐廳係新開,裡面設計好日本居酒屋咁，小店門面係日式木設計，溫馨舒服!三重芝士火山鰻魚丼第一次芝士配鰻魚，原來味道都幾特別啊，鰻魚味道依然出眾，芝士令口感更豐富。蟹肉忌廉薯餅外皮很薄很脆，挺裡頭餡料足，很香軟。明太子雞翼雞翼係兩隻一碟，脆香的外表，明太子釀入雞翼內，十分足料，明太子沒有腥味，整得不錯。这里的菜式多样款式多，口感纯正喇。服務：服務態度好，店員臉上常有笑容。 環境ok，消費有比較親民

放工約左朋友係附近食飯，去到棉登徑見到呢間新開既日本居酒屋 決定試下紫薯沙律黎到見到第一條問題就係：沙律呢？🤔原來係由蘿蔔粒同菜粒加埋醋搓成既紫薯泥，所以食落都幾爽口，唔會有食左好多澱粉質既罪惡感😂 係一道開胃既前菜，四個人分每人半粒份量岩岩好雞肝，燒得幾香口，而且大大粒唔會偷工減料！配埋檸檬汁食減低油膩感芝士雞肉丼，芝士迷最愛半流心撈飯食無得輸！每次食串燒都必點既雞翼火喉剛好仲保留到肉汁，唔會過乾，個皮又脆口海量葱豚肉丼，真係無改錯名，係海量咁多葱！撈埋雞蛋同豉油原汁原味，一個人食哂一碗無難度 雞肉串，有啲似日本個隻雞肉串關東煮，雞肉同軟骨一齊打碎拎去烤，不過我無點到雞蛋食就咁食味道都唔錯呢個甲羅燒係單點，但佢係白飯神偷，強烈建議點碗飯配黎食！ 蟹糕超香，溝埋蛋漿一齊送飯，簡直欲罷不能如果單點就咁食就重口味左啲，一個人食唔哂一個。最後叫左四杯唔同既梳打，怕甜既我竟然唔記得叫少甜，但又ok喎而且無藥水味！食物唔錯！不過間鋪較細同得好少位，想試既朋友book定位會穩陣啲呀

非常隱蔽的日式居酒屋，正正位於一欄旁邊，門面不大，座位不多，表面上非常不起眼，但原來係禾干蓋珍珠，原來係私隱度極高又有人情味的小店！芝士蔥蛋餅超濃厚芝士，蛋又煎得好滑！牛肉大阪燒面粉比例調校得剛剛好！三重芝士火山燒咖喱牛肉丼日式咖哩好香甜一啲都唔辣！三重芝士火山鰻魚丼好美味，燒到熱辣辣香噴噴的鰻魚飯！明太子雞翼無骨架！燒得恰到好處！黑松露鹿兒島和牛丼香濃黑松露味道！和牛啖啖肉！加埋四款忌廉梳打！真係好嘆！

喺棉登徑一個角落新開左間小店門口已經極具日本特色入到去餐廳細細 得幾張枱正正因為咁更加有居酒屋嘅feel居酒屋最啱同幾個朋友一齊傾下計一邊分享美食每樣野細細份 咁就可以試多幾樣一開始黎啲輕食先紫薯沙律 - 軟腍紫薯就咁食會好膩 夾埋彈牙嘅三文魚籽 口感就豐富好多芥辣八爪魚 - 粒粒八爪魚清脆爽口 加上芥辣 非常開胃然後就到燒物燒免治雞肉棒 - 平成嘅燒物都幾高質素 雞肉夾埋雞蛋一齊食 口感更滑嫩燒阿波酢橘雞皮 - 雞皮燒得好香 味道十分濃郁芝士蔥蛋餅 - 芝士味同蛋味都好香濃蟹肉忌廉薯餅都好吸引估唔到丼飯先最驚喜有多款丼飯 而且都幾有特色黑松露海量蔥月見牛肉丼 - 流心蛋撈埋豚肉 蔥同黑松露 啖啖滋味三重芝士火山燒咖喱牛肉丼 - 芝士十分之多 加埋咖喱 刺激味蕾三重芝士火山燒牛舌丼 - 牛舌份量都幾多 而且好軟腍 又燒得好香 加埋芝士個配搭好正飲品方面 淨係乳酸梳打都好多選擇既然我地有4個人 就試哂4種味啦百香果乳酸梳打巨峰提子乳酸梳打草莓乳酸梳打荔枝乳酸梳打總括而言平成係一間可以俾你同朋友吹下水又可以一齊分享好多美食嘅好地方但係佢枱唔多記得要訂定位啦

在尖沙咀的棉登徑有不少美食，見到新開了一間"平成"的日式料理店，門面好似唔錯，就吸引了我們。星期六都有lunch set，好多丼飯選擇!裝修日式居酒屋環境。這裡有丼飯、串燒、小食。午市套餐包飲品，百香果乳酸、荔枝乳酸大大杯，消暑解渴。芥辣八爪魚 ($50)作為前菜不錯，芥辣味好醒胃。海量蔥月見牛肉丼 ($60)，牛丼也可以有不同變化，月見即温泉蛋和特色醬汁，撈埋肉味香濃的牛肉食，十分美味，丼飯用上日本国產珍珠米，粒粒甘香飽滿。燒阿波酢橘雞皮 ($50/2串)燒得香脆。燒免治雞肉棒 ($50/2串)蘸新鮮雞蛋食，雞肉厚實富彈性。三重芝士火山燒鮮蕃茄牛肉丼 ($70)，半溶芝士新鮮燒熱辣辣，香味四溢，口感層次豐富，份量也不少，飽足感滿分！

這間平成屬於在登龍街較小的日本店，在一蘭旁邊，專吃日式丼飯，所以整體價錢不會太貴雖地方小，但牆有不少排勾給人排袋或衣服用挺貼心。只是我習慣性抱袋而已，其他人都掛起了。這間有5款乳酸飲料，我們各點了杯，我喝的是檸檬乳酸，還不錯乳酸中和了檸檬的酸味，但又很清涼解渴很適合夏天。$38杯都挺大一杯又不會稀。點了款小食叫蟹肉忌廉薯餅$40，外皮很薄很脆，挺裡頭餡料足，很香軟。三重芝士火山燒牛舌丼$100，牛舌是薄切燒得很爽很彈口。芝士還不少，因加了芝士比想像飽肚。另外點了個三重芝士火山燒咖哩牛肉丼$90，芝士下邊是滿滿的咖哩與薄切牛肉，牛肉分量不少，混了日式咖哩的飯不會太辣但很惹味。

今日去尖沙咀覓食， 揾到一間新開嘅小店，立即要試試先~ 小店正正喺一蘭隔離，日式嘅風格，裡面環境乾淨舒服，啱哂三五知己聚聚~紫薯沙律 - 刷新對紫薯嘅味蕾，微酸加上凍凍地，十分開胃，驚喜推介！浦燒鰻魚井 - 分量十足，燒得恰到好處， 香濃入味，必點之選蟹肉忌廉薯餅 - 層次分明，滿滿忌廉依然食到蟹肉嘅味道，值得一試呀~三五知己相聚一定唔少得飲品啦，呢度主打梳打系列，大家可以跟自己鍾意嘅口味選擇難得揾到間心機小店，有機會要再試下其他菜式

靜靜地在鮮紅色大招牌旁邊營業的是這家叫「平成」的小店——是只有不足10張枱的那種「小」。是夜，幾個女人相見，竟有點恍如隔世之感。兩個多月的光陰著實過去了，然而那些經歷卻如影隨形，雖死猶生，和店名互相呼應。四杯乳酸梳打紅紅綠綠，叫人看了高興，巨峰提子微酸，百香果一陣甜香，草莓和荔枝偏甜，和食物都很配。先來小食:芥辣八爪魚、蟹肉忌廉薯餅、芝士蔥蛋餅、燒免治雞肉棒、燒阿波酢橘雞皮及紫薯沙律。八爪魚賣相精緻，調味不俗，薯餅忌廉味略略蓋過蟹肉，質感流心，有點失望。芝士蔥蛋餅上枱時還是滾的，很治癒，蔥的份量很足。兩個串燒最驚喜，月見雞肉棒不難做，但要口感豐富，肉嫩有嚼口，脆脆軟骨比例好並不容易呢，讚！至於日本德島的阿波尾雞就久仰大名，想不到連雞皮也如此味道濃郁，配上酸酸甜甜的醬汁，連從不吃雞皮的我也放開懷抱。之後是「飽肚嘢」：黑松露海量蔥月見豚肉丼、三重芝士火山燒咖喱牛肉丼、三重芝士火山燒牛舌丼。店家太慷慨，黑松露不需如此重手，會更突出流心蛋和豚肉的味道，兩個芝士飯好濃芝士味，但不功高蓋主，飯粒仍舊展現米香，靚米一食就知。牛舌、牛肉份量好多，超大方，4個人每人都分到好多件。飲飽食醉，繼續加油。再提

近日發現原來棉登徑都有好多好西食😋喺一蘭隔離開左間新既日本餐廳，環境唔算好大，門口用上日式木既設計，幾特別！主打特色丼、燒物及輕食~ 餐廳名字“平成”，令人不禁懷念日本上一個封號既年代…-☆ 月見咖哩廣島吉列蠔丼 HKD$70咖哩丼飯上面有5隻漲卜卜酥炸廣島蠔🐚 炸得非常香口鬆脆👍 咬落熱辣辣噴煙，蠔味亦很突出，好吃！而咖哩係偏向日式口味，味道較港式的甜，正宗日式風味，個人很喜歡😋-☆ 三重芝士火山燒鮮蕃茄牛肉丼 HKD$70丼飯面頭係滿滿炙燒過既芝士🧀 份量係多到完全遮蓋牛肉，加上芝士係超級拉絲，芝士控表示為之瘋狂🤤🤗 芝士底下係甜甜既蕃茄及薄身既牛肉，芝士蕃茄牛肉哩個配搭，用嚟做丼飯都幾新鮮。如果唯一要彈既，牛肉就咁煮熟無經過炙燒，無咁香口味道較淡，幸好芝士同蕃茄夠濃郁搭救返👏 整體不錯的~-惠顧任何丼飯皆贈送乳酸一杯🍹🍇巨峰提子乳酸👍-另外仲叫左2個輕食，明太子雞翼同蟹肉忌廉薯餅。前者炸得香脆，雞翼醃得夠味👍 後者既薯蓉整得十分幼滑，忌廉味亦很濃郁😋

今日同成班朋友去食飯選擇咗尖沙咀嘅平成我哋就叫咗三個飯三重芝士火山燒牛肉丼因為太好食唔記得影相個芝士令到成個飯好好食 而啲牛肉都好高質黑松露月見牛肉丼黑松露估唔到同牛肉會咁夾而且配埋個蛋 令到成個飯好滑之後就到蒲燒鰻魚丼有三串鰻魚咁多 而且都燒得好香啲小食方面我哋叫咗個蟹肉忌廉薯餅蟹肉好香而且忌廉都好滑一咬落去層次好豐富明太子雞翼 燒得好香脆芝士蔥蛋餅 又係煎得好香而且好重蛋味大家都非常鍾意我哋每人亦都叫咗一杯梳打去完結一餐晚飯

今日同朋友係尖沙咀行完街 朋友提議話想食日本菜 但又吾想食刺身 上openrice 睇到不如食平成 見佢都多丼飯揀又有燒物食夜晚八點去到 人吾算好多 我地四個人係角落安排張小圓枱俾我地 舖頭坐位吾算好多 夜晚食訂定枱會好啲 裝修有小小似日本居酒屋既感覺 簡單以木色為主 而牆身都貼左啲 menu朋方話吾算好肚餓 我地四個人叫左三個丼飯share 再加三個小食 三個丼飯都好出色 鰻魚丼份量好足 有三串鰻魚 飯量十足 我覺得芝士咖喱牛肉丼最好食 咖哩香而不辣 又吾似咖哩磚味道 同芝士都好match 朋友話黑松露牛肉丼都吾錯 有淡淡既黑松露味👍就算吾太喜愛黑松露既我 都覺得ok另外我地仲叫左芝士蛋餅 明太子雞翼同蟹餅 芝士蛋餅既芝士味好rich 連埋蔥食都不錯 蔥味吾算好強烈😋四個人share 岩岩好 蟹餅剛剛炸好 外脆內軟 裡面有小小薯蓉 味道較淡舖頭提供既飲品選擇吾算好多 不過我覺得可以一試百香果乳酸梳打 佢有四種乳酸梳打 士多啤梨 巨峰提子同荔枝見外面少有提供百香果乳酸梳打 味道幾好吾算好甜 可以一試

聽朋友說尖沙咀棉登徑開了新日本餐廳，以日本上個年號「平成」命名，聽着就覺得霸氣。既然還未適應令和，一於去重溫平成舊夢！是日是平日weekday，11點半就來到，周遭非常安靜。一如香港，歷了多大風浪，還是能夠迅速回復，甚至越來越強。餐廳在樓盤地下的轉角位，典雅的日本和風裝潢更顯與眾不同。肚仔餓二人組來到，發現菜單上飯類頗多，中午開餐正適合不過。首先來的是三重芝士火山燒鮮蕃茄牛肉丼 ($70)，飯面狠狠鋪上厚芝士，擺明是衝着芝士控而來的！以為會很漏嗎？又不是喎，芝士下面是充足的蕃茄汁，讓飯和牛肉都保持濕潤。整個飯都經過細心的平衡，足見老闆的用心。朋友則是葱蛋牛控，這裏正好對他胃口。黑松露海量葱月見牛肉丼 ($75) 絕對是升級版的葱蛋牛丼，鋪得滿滿的青葱是提升整個飯的關鍵。我嘗了一口也覺得餐廳的牛肉質素很不錯，兩個飯雖然配料不同，但肉質也能保持嫩滑。除了主餐廳，餐廳的牆上也有不少手寫的小食item，我們點了明太子手羽先 ($50)，之前沒想過明太子可以配燒雞翼，但事實上效果真的令我們驚歎。雞翼燒得香而不乾，明太子的微辣滲入雞肉變得更惹味，若果是晚市來，一定會忍不住點清酒對酌！飲品這裏也

次次去親尖東啲朋友都話要去韓國街食韓國嘢, 今次終於都輪到我揸主意, 可以食下日本嘢啦。見到呢一間新開冇耐嘅日本居酒屋, 因為個門面全木! 我覺得好靚所以我哋就入咗去😊 老闆超親切, 我哋一入到去就即刻好快有凍飲, 可以喺咁大熱天時一路飲住野, 一路揀食咩真好。 唔好以為鋪仔細細, 但係無論係喺裝修牆身上面貼嘅紙, 牆身上面有嘅日本小鎮介紹, 去到飯同埋碗都係好有日本風味, 好講究。 我就叫咗個燒汁玉子豚肉丼, 我朋友就叫咗咖哩豚肉丼, 我哋都好想試多啲唔同嘅小食, 不過個玉子芝士蔥花煎餅非常之夠分量👍。我哋食完呢一個玉子, 再食埋個明太子手羽就已經好飽。 下次一定要食佢個大阪燒同埋其他串燒, 因為居酒屋真係食燒物先至夠滋味!❤😊

尖沙咀新開左一間新餐廳，主打日式丼飯，餐廳環境小小，座位非常有限，但係人流非常多。我同女朋友兩個人唔算好肚餓，叫左一個丼飯，兩個小食。月見吉列海陸丼，吉列廣島蠔非常吸引，蠔肉爽嫩鮮甜，完全無腥味，外層吉列粉超薄，入口香口完全唔會有油溢味。飯粒用上日本米，入口米香重而且夠咬口，大大碗飯好足料。我地叫左牛肉大阪燒，麵粉漿薄唔會好膩，醬汁香濃，牛肉份量非常多。明太子雞翼即叫即炸好香口，明太子夠咸香好滋味。

次次去親尖東啲朋友都話要去韓國街食韓國嘢, 今次終於都輪到我揸主意, 可以食下日本嘢啦。見到呢一間新開冇耐嘅日本居酒屋, 因為個門面全木! 我覺得好靚所以我哋就入咗去😊老闆超親切, 我哋一入到去就即刻好快有凍飲, 可以喺咁大熱天時一路飲住野, 一路揀食咩真好。唔好以為鋪仔細細, 但係無論係喺裝修牆身上面貼嘅紙, 牆身上面有嘅日本小鎮介紹, 去到飯同埋碗都係好有日本風味, 好講究。我就叫咗個燒汁玉子豚肉丼, 我朋友就叫咗咖哩豚肉丼, 我哋都好想試多啲唔同嘅小食, 不過個玉子芝士蔥花煎餅非常之夠分量👍。我哋食完呢一個玉子, 再食埋個明太子手羽就已經好飽。下次一定要食佢個大阪燒同埋其他串燒, 因為居酒屋真係食燒物先至夠滋味!❤😊