平成 (已結業)

尖沙咀新開左一間新餐廳，主打日式丼飯，餐廳環境小小，座位非常有限，但係人流非常多。我同女朋友兩個人唔算好肚餓，叫左一個丼飯，兩個小食。月見吉列海陸丼，吉列廣島蠔非常吸引，蠔肉爽嫩鮮甜，完全無腥味，外層吉列粉超薄，入口香口完全唔會有油溢味。飯粒用上日本米，入口米香重而且夠咬口，大大碗飯好足料。我地叫左牛肉大阪燒，麵粉漿薄唔會好膩，醬汁香濃，牛肉份量非常多。明太子雞翼即叫即炸好香口，明太子夠咸香好滋味。