影片
更多
2016-05-01
570 浏览
好多年前既一個聖誕，曾經book左尖東一間出名德國豬手既餐廳同老婆食。數年後既今日同老婆行經美麗華，竟然見到佢係呢度開分店，一於入去回味下。美麗華商場三樓經過重新裝修，感覺唔同左好多，現時有好多新餐廳進駐，其中一間就是King Ludwig。而家香港既餐廳好多都係細細間，始終香港地少人多，好少餐廳會落足本將規模大搞。估唔到King Ludwig 係美麗華就嚟個大搞，除左餐廳內可以容納百人以上，餐廳既室外範圍都租左，亦可以容納百人以上。所以數數手指，呢度真係搞下大形party都仲得。既然有左咁大個場，裡面既佈置當然唔會馬虎。先講室外，擺放左一嫁大型food car，我立即聯想到第時德國啤酒節一定好熱鬧。室外同時又擺有多張張木枱，坐係度一路飲酒一路傾計，嘻嘻哈哈就岩晒。餐廳室內係另一個味道，被紅磚包圍住，可以望到吧位，open kitchen，再加上本身已經好大地方，比人一種寬敞既感覺，同平時餐廳地方少，你眼望我眼既感覺好大對比。特別一提，餐廳有個表演區，每逢星期四到星期六都有live band表演，如果撞岩時間又可以多個節目。King Ludwig 賣點係德國既食物同酒類，好多為人熟悉既
美麗華商場三樓經過重新裝修，感覺唔同左好多，現時有好多新餐廳進駐，其中一間就是King Ludwig。而家香港既餐廳好多都係細細間，始終香港地少人多，好少餐廳會落足本將規模大搞。估唔到King Ludwig 係美麗華就嚟個大搞，除左餐廳內可以容納百人以上，餐廳既室外範圍都租左，亦可以容納百人以上。所以數數手指，呢度真係搞下大形party都仲得。
既然有左咁大個場，裡面既佈置當然唔會馬虎。先講室外，擺放左一嫁大型food car，我立即聯想到第時德國啤酒節一定好熱鬧。室外同時又擺有多張張木枱，坐係度一路飲酒一路傾計，嘻嘻哈哈就岩晒。
餐廳室內係另一個味道，被紅磚包圍住，可以望到吧位，open kitchen，再加上本身已經好大地方，比人一種寬敞既感覺，同平時餐廳地方少，你眼望我眼既感覺好大對比。特別一提，餐廳有個表演區，每逢星期四到星期六都有live band表演，如果撞岩時間又可以多個節目。King Ludwig 賣點係德國既食物同酒類，好多為人熟悉既美酒美食都有。
匈牙利牛尾湯湯都算幾濃味，而且材料豐富，有牛仔，薯仔，蕃茄等既材料。
煙三文魚德式風味脆烤餅放到枱上既時候新鮮熱辣，入口味道香濃，同時間烤餅非常香脆，略帶少少乾身。三文魚同烤餅兩者既配合都唔錯，但建議盡快食左烤餅先，因為其中一件食唔落之後食番已經覺得凍左無咁好食。
烤德國雞配新奧爾良焗飯呢個飯色彩豐富，不過估唔到上枱後考起我，因為雞都幾難切得完整，唔切又好難開心share。不過烤雞真係啖啖肉，而且少見有秋葵配焗飯。另外焗飯能夠做到軟綿綿，入口好舒服，仲要味道唔錯。
脆皮燒豬肘好巨型既豬手，比平時食既體型還要大。店員會先將完整既豬手上枱，當我地"過目"之後，佢會係我地旁邊親自切豬手，非常貼心既服務。作為男士既我，每次望住個豬手諗起要切，都搖搖頭，今日成個人鬆晒，因為終於唔駛我出手。
豬手作為餐廳主打，的確係好有水準，豬手皮薄，脂肪同肉既比例恰到好處。食落去外脆內軟，又容易咬。大多豬手既死症都係味道過咸或脆皮太硬，呢道既豬手就唔覺有呢個問題。
值得一提要試試餐廳兩種芥末，一種係平時食開既黃芥茉，連豬手食固然一流，另一種係平時少見既蜜糖芥末，酸酸辣辣，估到唔同豬手出奇地夾。
Sapphure Punch黃色既芒果沙冰，杯邊用上藍色既點綴，望落已經好吸收。入口芒果味未至於好濃，幾清新既感覺。
一路食都覺得餐廳比到我既氣氛好好，好少餐廳能夠帶比我呢種感覺，同時我都好期待下次有大型活動既時候，能夠置身其中。
张贴
