影片
港铁尖沙咀/尖东站 B1 出口, 港铁尖沙咀/尖东站 N5 出口; Uniqlo楼上
继续阅读
营业时间
星期一至四
11:30 - 00:00
星期五至六
11:30 - 01:00
星期日
11:30 - 23:00
公众假期
11:30 - 23:00
公众假期前夕
11:30 - 00:00
以上资料只供参考，请与餐厅确认详情
食家推介
招牌菜
相关文章
同几个好耐冇见嘅朋友想食德国菜，㨂咗呢间就脚嘅德国餐厅，估唔到唔止一个待应服务态度咁差，食物质素亦相当麻麻，搞到我哋几个都唔系好开心咁走。1. 侍应非常勤奋未到7点已经行咗埋嚟讲不下十次八点前happy hour，系咁催我哋落单。有朋友坐低五分钟被佢哋催咗一次，倾一阵计唔够五分钟由同一个侍应再催多次。明明倾紧计，亦都有两位已经叫咗酒同食物，都仲系咁催，好似唔叫饮品唔可以继续倾计咁。头一两次问要饮咩都觉得仲ok，之后觉得实在太烦。2. 尴尬生日庆祝可能呢间餐厅好出名帮人庆祝生日我哋唔知啦，食食吓嘢突然有员工扭到音乐劲大声，播「恭祝你福寿与天齐」！声量系大到听唔到同枱讲咩。咁有一枱当然好high咁庆祝啦，仲有位女士挂住餐厅提供嘅大金牌写住「生日我大晒」以港姐式姿态绕场再上台影相，真系好邓佢哋高兴，但系唔知头唔知路实在投入唔到，亦觉得十分尴尬。（同时继续播紧「恭祝你福寿与天齐」）以为播完歌影晒相就完啦，原来未系！突然间音乐又扭到最大，播不知明语言版「煞科」（原唱郑秀文，但真系听唔明歌紧咩语言）。原来另一台又有人生日，又有人挂住个「生日我大晒」嘅大金牌绕场及上台。播完成首歌，继续系最大音量，播下一位前度前奏，以为咁正播林家谦啦，原！来！系播尹光AI版！哗！实在系太潮，好amazed一间德国餐厅咁创新。去到呢个时候已经因为倾计多次被打断好冇瘾。其实好多餐厅都会为客庆祝生日，有时隔离枱生日吹蜡烛或者唱吓歌仔𠮶啲都觉得好有气氛好开心，但播埋啲咁样嘅歌，声量咁大，仲要啲寿星挂住个牌绕场一周又上台影相，觉得有小小骑劫咗其他客人餐饭。3. 食物质素麻麻只猪手啲肉腥嘅喂。酸菜得个死酸，整体食得落肚但唔好味。4. 侍应好赶住做所有嘢除咗上面提到系咁催落饮品，员工亦都好积极要收碟同杯，嘢未食晒就收，讲咗想摆多一阵，碟嘢都未郁过又有人嚟收碟。而且唔止一位员工态度亦十分不友善，同佢哋讲觉得收得有啲急，会串返话「咁啲嘢饮晒丫嘛，饮晒就要收架啦！」但系未饮晒架㖞。总之，如果𠮶晚好赶时间要走，或者好想生日嘅时候令其他人尴尬，或者想试吓唔好食嘅德国菜，或者想被侍应串下，呢间餐都满足到所有要求架🫶🏻
继续阅读
今晚我哋一行七人去咗尖沙咀美丽华呢一间德国餐厅度食嘢。嚟呢度嘅交通都好方便。我哋就搭地铁喺尖沙咀站落，再喺B1出口出咗之后行8-10分钟就到了餐厅。我哋叫咗德国猪手 ，香肠拼盘，小食拼盘，四重芝士pizza，卡邦尼意粉，芒果乳酸汁，蜜桃乳酸汁，开心果雪糕蛋糕，同埋黑森林。德国猪手：侍应好好，会喺你隔篱帮你切埋先至上。猪手个皮好脆，味道唔会过咸，好重胶质。香肠拼盘：佢有埋薯角。香肠好似有4款。最好食系最深色𠮶条，辣辣地既。最唔好食系浅色粗粗哋𠮶条，太林。整体水准一般。小食拼盘：有香肠，炸蚝仔，炸鸡翼，炸鱼同埋炸薯条。当中炸蚝仔同炸鱼都干咗啲。其他发挥正常。四重芝士pizza ：估唔到好好味。个皮厚薄适中。个边做到脆脆地嘅效果。好多芝士。份量亦都好够，有成12旧。卡邦尼意粉：味道唔错。有只半熟蛋可以捞埋啲意粉。但略嫌份量争啲。芒果乳酸汁，蜜桃乳酸汁：开胃解腻，消暑一流。黑森林蛋糕：蛋糕做到好有水份，浓味。钟意食传统黑森林蛋糕嘅朋友就啱喇。开心果雪糕蛋糕：冇谂过咁好食。有开心果粒喺入边！埋单大概$1900 （会员85折后）
继续阅读
见到尖沙咀帝乐-德国餐厅有半自助午餐，而且价钱一啲都唔贵，所以今日同闺蜜去享受一下🩷Lunch Menu 包自助沙律吧同一款主菜沙律吧嘅种类非常多，有各式各样唔同嘅蔬菜、沙律、肉类，仲有粟米汤德国肠、蛋饼、炸鸡、火腿、串烧鸡髀菇、pizza我系一个肉食爱好者，头盘当然全部都系肉类😆德国肠非常juicy，一口咬落去爆汁，推介芝士司华力肠，香浓嘅芝士呈溶化嘅状态，非常邪恶🤭蛋饼内加入蘑菇及洋葱，入口软绵，充满蛋香炸鸡新鲜热辣辣，外皮仲系脆卜卜，真系食唔停口鸡髀菇爽口内里软稔，加上烧烤酱调味，大大提升咗菇类原有嘅鲜味烤安格斯西冷牛扒配薯角及时菜5成熟，牛肉味浓，口感软稔亦冇筋，以呢一个价钱能够食到呢个质素嘅牛扒，抵👍🏻朱古力蛋糕配芒果布丁朱古力蛋糕加入大量鲜忌廉同樱桃，味道带点酸，亦减低左蛋糕嘅甜度，两者味道配合得刚刚好芒果布甸滑溜，加上芒果酱同芒果粒，一致认为非常好食📍帝乐 - 德国餐厅 (美丽华广场) (尖沙咀)尖沙咀弥敦道132号美丽华广场一期3楼302号舖人均消费：$200-250食物：⭐️⭐️⭐️⭐️环境：⭐️⭐️⭐️⭐️回头率：⭐️⭐️⭐️⭐️
继续阅读
可能系星期一嘅缘故，放工19:15嚟到果时冇乜人。嚟到唔驶等可以即刻入座，而且成晚都坐唔满，唔算太多人，所以都比较清静好适合边饮边倾计。环境都几干净舒服，好阔落空间感十足。Happy hour特价饮住啤酒倾计都几好🍺侍应服务态度都好nice有礼貌👍🏻我哋4个人点咗3个菜。先叫左个什锦肠仔拼盘，肠唔会太咸，味道啱啱好，食到好香肉味又惹味😋再叫咗个意大利螺丝粉，味道比较清淡。最后当然要试埋个德国猪手啦😎皮好够脆，一开始食都觉得好香好食嘅～但越食就开始越觉得咸，要不停饮啤酒😅整体嚟讲中规中矩，都叫ok唔错嘅。如果几个人想饮杯野倾吓计依度都唔错。
继续阅读
很久没和家人吃饭，刚好这个周末有时间，就和家人在帝乐吃午餐。食物非常丰富。首先，当然是吃沙律吧。菜，非常新鲜和爽脆，是非常健康的选择，它的口感清爽，色彩丰富。作为前菜，令你食欲大开。德国咸猪手，是一道非常出名和有特色的菜品，它的外皮烤得很脆，内里肉质鲜嫩多汁，口感非常好。炸鸡也是经典，这道菜的炸制技巧非常重要，炸得恰到好处的炸鸡外皮酥脆，内里肉质鲜嫩，非常美味。盘龙肠和德国香肠都是德国传统的香肠类菜品，它们的口感丰富，味道浓郁，非常适合搭配啤酒享用。不只炸鸡先配啤酒。Churro是一种西班牙甜点，它的外皮炸得金黄酥脆，内里柔软，甜度适中，非常适合作为午餐后的甜点。食物美味，家人共渡。这也真是一个美好的午餐回忆。
继续阅读