布萊恩·L食堂 (已結業)

今日同男朋友去開長沙灣，lunch time時間就揾下附近嘅餐廳，我地見到依個餐廳個名，覺得好得意，所以就睇下門口嘅餐牌，見到好吸引嘅鰻魚石鍋丼，我地就入去試下！我地叫左燒鰻魚石鍋丼餐，同埋大隻佬漢堡餐，餐飲就一杯忌廉紅豆冰，一杯凍奶茶。”燒原條鰻魚石鍋丼” $119 / $132 (加芝士)依條燒鰻魚約30cm❗️❗️又大又厚，非常肥美，口感軟腍，芝士有濃厚嘅鹹香，仲可以拉絲㗎。飯內有栗米，撈埋滿滿嘅芝士，再配上甜甜嘅燒鰻魚汁，真係無得頂，好想再encore呀！🤩“大隻佬漢堡” 單點$58 套餐$72 (轉菠蘿包 +$6)入面材料有: 新鮮牛肉漢堡扒，芝士，午餐肉，紅菜頭，煙肉，生菜，煎蛋，Bryan秘製醬汁依間餐廳出名手打牛肉漢堡扒，大隻佬漢堡包配剛炸起嘅薯條。漢堡包份量大，薯條熱辣辣，好脆又唔油，好好食！七成熟的漢堡扒，一咬落去，肉汁湧現口中，配搭住秘製醒胃嘅醬汁，欲罷不能！另外，豐富嘅材料能滿足到食慾，實在不能不試！依杯港式奶茶，充滿香港本土原始風味，茶味香濃，甜度適中，尤勝其他餐廳一籌！最後，我要推介依杯忌廉紅豆冰，底層佈滿大大粒嘅紅豆，最值得一提嘅係佢嘅奶香，一入口，奶香

平時返工都間唔中去呢間餐廳食lunch, 次次叫親嘅野食都好好味！一次伏都冇中過！價錢又唔貴，係一間好難得keep到水準嘅餐廳！之前多數食漢堡扒，今次我同同事每人叫咗個石頭窩飯！1. 三文魚腩石頭鍋飯三文魚上嘅時候係生嘅，食嘅時候用石窩嘅熱力煮熟啱啱好，唔會過老！而且佢嘅三文魚油分充足，食落成個飯都有好香嘅三文魚味。2. 熊本一口牛石鍋飯牛肉味濃，而且鬆化，配埋佢地嘅牛肉汁，真係超級正！！成個飯充滿牛肉味！我再加左2蚊要個麻辣汁，呢個香辣牛肉飯真係一絕！見happy friday我地仲叫左兩杯特飲，叫左杯忌廉紅豆冰同菠蘿水蜜桃梳打。兩杯都唔太甜啱啱好，紅豆粒粒飽滿，超正！叫左飯跟餐，特杯仲要減十蚊，簡直係超值啊！

一直都知道長沙灣都有唔少野食，點知離開左大街呢邊會有間小店。雖然間店唔係好大，裡面座位亦都唔多，晚飯時間全場滿座。呢到野食種類都有好多選擇，石鍋飯都有十幾種選擇，不過黎食之前已經上網睇左，一定要試下呢到既鰻魚石鍋飯。小食叫左呢個韓式泡菜芝士蛋卷，即叫即整，熱辣辣襯熱食真係好好味，泡菜蛋卷真係一百分match👍🏻然後叫左呢個三文魚蔥花手抓飯，好入味，三文魚有好多舊，啖啖飯都有三文魚真係食極都想繼續食，唔識飽🤤記得要撈勻哂佢先食啊！最後重頭戲黎啦，鰻魚石鍋飯仲加左隻太陽蛋，一黎到見到條鰻魚真係「哇」一聲，大條到離哂譜😂石鍋飯仲加左鰻魚汁，好正啊😍而且石鍋飯最好既就係有飯焦，鰻魚汁飯焦👍🏻👍🏻👍🏻

我地兩個人嗌左佢最出名嘅鰻魚石頭鍋飯同埋玉子燒。條鰻魚仲長過個石鍋，誇張到差唔多掂到張枱。條鰻魚的確又厚身又大，但唯一美中不足嘅係個頭同尾掂唔到個石鍋所以好快就凍左。鰻魚整得好香好軟身，但比較多細骨，食嘅時候好多時都會拮到。另外個飯好多飯焦，好香口好脆。玉子燒反而就有少少遜色，其實都算係性價比高嘅玉子燒，但就冇咩驚喜。玉子燒入面嘅配料都算多，但個蛋就整得比較散。整體嚟講，呢間餐廳都算抵食嘅。但小店嘅位置同人手都比較少，想食嘅可能就要早啲去等位同埋耐心啲等啦。

叫左個雞肉石鍋飯+ 溫泉蛋+ 韓式辣醬, 原來佢個飯本身包一隻太陽蛋, 早之唔再叫蛋, 同埋飯已經有泡菜汁, 早之唔使加辣醬, 因為加完都無咩分別。雞肉大大舊, 幾足料GE, 泡菜汁+ 飯, 唔太辣, 岩我。溫泉蛋勁滑,  正! 另外叫左麻辣雞翼, 大辣GE, 朋友話真係好辣, 好岩佢口味。朋友又叫左漢堡扒+ 黑松露蛋+ 芝士飯。 佢果隻係自己加生蛋+ 芝士GE, 撈完真係有拉芝效果, 漢堡扒好厚, 幾好玩GE。

丈夫點的麻辣粉很特別，很夠麻辣很香。牛肉配的汁醬好味，甜甜酸酸牛肉燒汁，還有韓式泡菜，很多材料。這裡的啤酒很好，可惜不是我不喝。食物也算特別，石頭飯的飯焦不太黏牙，幾脆幾香，但下次見到黑色飯粒，請不要以為是飯焦，不要吃

十級推介！非常有驚喜唯然店舖比較細，由長沙灣地鐵站去都有啲遠，但呢間餐廳嘅CP值非常之高！-火燒原條饅魚石鍋拌飯($131) 《一定要加芝士🧀！》去日本饅魚飯閒閒地都要百幾蚊港紙，仲要條饅魚係極細條，但呢到，百幾蚊可以叫到個巨型饅魚飯！仲要超有水準！饅魚充滿油香味，加埋芝士同燒汁簡直係人間美食！兩個人食都夠飽。-另外我地仲叫左韓式泡菜芝士蛋卷($38）泡菜唔會太酸，攞個蛋卷來撈饅魚飯都好正。呢間真係食過返尋味，絕對會encore!

係一間真心推薦嘅長沙灣小店！每次係lunch time嘅時候都坐滿人，如果多人食嘅話就要早D去攞定位。呢間餐廳主打手打牛肉，有漢堡包、石鍋飯、鐵板三款漢堡扒菜式，仲有其他食物同套餐揀～揀咗好芝士流心蛋手打牛肉拌飯好鍾意佢個手打牛肉，揀開5成熟～手打牛肉好軟腍，牛味十足又有鮮味。配菜有紫菜絲、青瓜絲、大豆芽、紅蘿蔔絲等等，係韓式拌飯嘅感覺，所有配菜味道都好清新。加埋韓式甜辣醬同片芝士，個飯再撈埋流心蛋一齊食，簡直一流！

前來光顧這間餐廳是因為有道菜式應該是全香港最長最大條鰻魚嘅石頭鍋飯，所以吸引我前來光顧。平日午餐時分人流慢慢增多，鰻魚飯到了！大大條鰻魚都不知從何吃起，只見到身旁的客人都望着我，很害羞的我不知怎麼算...鰻魚整到好似去日本食嘅鰻魚一樣新鮮嫩滑，喜歡食鰻魚嘅朋友絕對係一個好好嘅餐廳選擇！石頭鍋飯飯粒也有嚼口，滿足！

長沙灣食好啲其實食左幾次，但佢一直可以保持水準，不得不讚首先佢既石鍋飯係冇得彈，夠香夠熱，朋友話覺得有入口即溶既感覺我個人推介牛肉，配埋芝士好好食！一定要親身黎試下仲有Burger，個漢堡包好香好軟熟，配料好香配埋紅豆冰一流

😋 原條30cm鰻魚😱 足料石鍋飯💯✅ 燒原條30cm鰻魚石鍋拌飯 30cm long eel in stone bowl $99：第一次食咁大條肥鰻！🤩 味道不過不失，份量十足好抵呀～ 如果想嘅話仲可以加芝士！✅ 芝士玉子燒 cheese tamagoyaki $22：身為玉子控就梗係要試下😎 午市餐牌似乎無提供🤷🏻‍♀️晚市先有...正當失落之時店員哥哥話可以叫廚房整比我地🤩 有得食好開心！玉子口感綿密，加左芝士更加香口🤤

食乜嘢：火燒原條鰻魚石鍋拌飯 ($119) + 拉絲芝士 (+$12)評分：8/10.其實講芝士鰻魚石頭飯嘅始祖，呢間小店都算係有做到幾出名吓。😁 食過鰻魚嘅人都知其實無論煮得幾好嘅鰻魚都依然會有細骨夾係入面，好在個飯真係炒得幾鬆軟，就算鰻魚骨夾咗係入面都真係可以話唔系好覺。👍👍 佢哋用嘅鰻魚係偏長而唔系闊嘅果種 (我諗冇30cm 都有 27cm) 😂 想食得有技巧啲可以先整爛半條鰻魚撈飯，其餘嘅食到咁上吓先再混落飯入面。飯底絕對推介有加拉絲芝士食因為加咗會 Creamy 好多倍。😋😋 除咗芝士之外都仲有好多其他配料可以揀點配，例如牛油大啡菇、半熟玉子、甚至連鵝肝都有得加 (只係$35)。 鍾意食飯焦嘅人可以係撈個石頭飯嘅時侯唔好刮到底食到一半就會見到一層金黃色嘅飯焦黐住咗嚮底

看完一篇有關這間小店的instagram食評，被它們的特長30cm鰻魚飯吸引過來的我們一行二人大約在6:30到達店舖，在窗外望進去一個人都冇，都被嚇親。之後有一名店員出來招待我們內進我們當時並不肚餓，但為了嘗一下他們的招牌，便二人share 一個鰻魚飯、牛舌和芝士玉子。先來的是牛舌。每塊牛舌都大概有兩個五元硬幣大，唯牛味不濃。芝士玉子賣相吸引，但味道普通，温度略為不夠。主角到了上枱時被極長的鰻魚震懾了店員温馨提示我們先將鰻魚的頭和尾屈一屈，然後想吃飯焦的話便遲一點再括底鰻魚的味道不錯👍🏻飯焦香口，醬汁可以再多些

呢間餐廳其貌不揚，係長沙灣分分鐘真係不太起眼。但係食物質素絕對係有驚喜的！同fd都係隨機入左呢間餐廳黎食，本身諗住叫佢地出名嘅芝士鰻魚石頭窩飯，好可惜fd唔鍾意食。不過見到隔離檯個碗鰻魚飯，個size誇張到我眼都凸埋，真係原條鰻魚咁樣上上黎 所以我決定下次有機會要再encore呢間野好 咁講返我哋自己叫嘅嘢食啦我地三個女仔叫左個手打漢堡流心蛋芝士石頭窩飯個burger認真高質，同芝士同埋蛋漿撈埋一齊我地三個勁快清晒跟住講呢個芝士蛋捲！係可以拉絲㗎！仲要味道很不錯！抵食！呢個勁辣雞翼就麻麻地，因為pat醬同個雞翼完全融合唔到，唔好味！

上年同事食過一次，已經Black list左，但同事見到係OPENRICE評價咁好，決定比多次機會。一入去坐低到落單都冇咩特別事發生，好正常.......... 但之後既服務真係不得了:1. 等待送餐時，不停有客黎，但好多客人都冇將門關好，職員竟然視若無睹    大熱天時，熱風吹晒入餐廳，忽冷忽熱，有位同事便起身關門，職員依然呆若木雞地站著2.  當我們下單後不久, 職員便將我們的叉收起。但當我的烏冬送到的時候, 我枱面上只有一隻匙羹. 難道要我用手食?3.  食物送到的時候，發現落錯單，職員竟說:食物已煮好，不能退換    同事因喉嚨不適，不能食辣只好說：好的，我會給錢的，我再一次下單吧4.  三個同事都叫了個漢堡包再加薯條+汽水，卻只送來了三個漢堡包，薯條+汽水呢?職員亦沒有跟我們交代薯條要等耐一點，只放下漢堡包便走了。當同事食完包後再詢問何時才有薯條和汽水?職員說:製作中...... 薯條需時，但汽水呢?汽水也要等20分鐘才送到?5. 我們點餐的時候, 叫了5個餐, 另有三個漢堡包加薯條+汽水. 跟餐寫著廚師推介，我們便問她廚師推介是什麼, 她說菠蘿冰. 所以我們要了5份. 見我