川燒 (已結業)

上個禮拜我自己一個去食飯，見佢唔洗等位就入左去。入到去問我幾位，我話1個，職員既眼神完全系覺得唔應該一個人食飯。好啦同左一台人搭枱，我覺得ok因為冇理由一個人坐4人枱。落完單之後罐汽水我唔提完全冇人攞比我。到我埋單一句多謝哂都冇。到今個禮拜，我其實覺得佢野食唔錯所以提議同啲朋友再去，甘今次幾個人唔會仲甘既態度掛，我見佢坐滿哂，我行入去問：唔該！5個要等幾耐？佢望1望我完全態度惡劣話：9:30！我真系燥到冇野講，完全唔會再去。

比個黃金芝士龍蝦吸引左過來食，去到好彩唔使等，但就要住出面，熱少少啦。個店員話想保持食物新鮮，所有食材限量供應，手快有手慢無，所以最好一開始問下佢地今曰有咩係停咗，因為每樣野食即燒，等㗎時間好耐，而且佢分2間鋪，要搵人再問，比較難。唔講咁多啦，今次叫㗎野食都好好味，大家睇相啦，不過價錢唔平，加埋一，2個人都食左660。最推介㗎，黃金芝士龍蝦張圖，唔知點解上載唔到，推介大家一試，超好味!

我通常都係一些日式居酒屋食串燒及燒物，今次朋友介紹了一間以四川風味的串燒及燒物作主打，喜歡新事物的我又怎會錯過呢！店舖的裝修很有以前客棧的味道，店舖不是很大但感覺舒適。首先點了飲品，看見餐牌上有夏日清涼飲品，我叫了青檸柚子梳打，而友人則叫了清梅荔枝梳打！第一碟我們叫了黑松露燒腐皮溫泉玉子，這個配搭我也是第一次吃到的，每件須只得半粒温泉玉子，但配上點點的黑松露和香脆的腐皮，入口又軟又脆，一個不錯的配搭，值得一試。看見很多人也叫了這個串香肉碎燒茄子，也跟人叫了一碟來嘗試，茄子是去了皮才燒的，肉碎很香口，再配上四川的調味料，但入口仍然不太辣。海鮮我們點了燒珍寶大元貝，元貝肉夠爽口，裙邊又爽脆，元貝不單只不會燒得太老，你還可以看見整隻元貝浸在自家調製的湯汁，真配服師傅的廚藝。是晚重頭戲是叫了黃金芝士燒原龍蝦（$188)，龍蝦起肉再混合芝士才燒，一向芝士同龍蝦都很匹配，今晚當然亦不例外，肉質彈牙爽口，美中不足是蟹鉗出來效果較乾，可能因為龍蝦殼較薄的關係，否則則是物超所值。我們還叫了燒特濃芝士五花腩和燒特級牛利蕊，前者五花腩肉質很腍，再配上芝士和香草口，非常惹味；而牛蕊也燒得恰到好處，彈牙兼有咬口

呢日去咗佐敦間川燒，個招牌好中式嘅感覺，好似黃飛鴻電影嗰種武館咁，幾得意。串燒嘅選擇幾多，有啲仲係出面唔常見，因為第一次嚟，好多都想試。佢哋每檯放咗竹籤座、孜然粉同辣粉，不過當晚啲嘢食本身夠味，我都無用到佢哋喇。青檸話梅梳打，鹹鹹酸酸，話梅仲可以促進口水分泌同消滯。燒墨魚香腸，外表唔吸引，食落就甜甜哋，中間包住爽口嘅墨魚肉，我自己覺得唔洗蘸沙律醬就咁食都OK。川香肉碎燒茄子，正常情況下燒茄子都唔會差得去邊，佢哋加咗肉碎、青蔥、番紅花（一直以為係薑絲）同白芝麻，仲有微微辣嘅醬汁，上碟之前預先切咗數小件，食得幾過癮。燒芝士脆脆餅，呢個係新嘢嚟，外層非常脆口，餡料就有煙肉同芝士等等。我哋對佢個外皮充滿疑問，總之唔似一般麵包等等嘅質感，不過又唔記得問到底係咩嚟。黃金芝士燒原隻龍蝦，個賣相好靚。原隻龍蝦面層用香草、洋蔥、芝士同酸酸甜甜嘅醬汁覆蓋，另外有蟹籽等作點綴。因為原隻燒嘅關係，龍蝦鉗有少少乾，不過龍蝦身就肉質彈牙，當日個龍蝦頭入面仲擠滿蝦膏。蘋果雪葩，以為係一球球嗰種，原來係原個蘋果上嘅，入口冰涼清甜，都唔錯。

一向都鍾意食串燒，今日又捉咗個朋友仔嚟陪我食飯。見到一啲新嘅特飲，就試下青梅荔枝梳打，味道都好清新。又再叫平時都好鍾意食嘅川燒肉碎燒茄子，咁呢個廚師哥哥話佢係用咗六種唔同既醬汁同埋材料，加埋隻茄子燒果然非常之香口惹味。再叫下海鮮啦，蘇格蘭蟶子皇真係聞都覺得香呀，食落蟶子好新鮮，又燒到啱啱好。繼續叫牛脷，燒得幾爽口，都好有口感。一向呢都係超級芝士fans,見到呢個鍋燒噴泉蛋醬芝心炒飯，我對眼就即刻變咗心心眼，林都無林就叫左，佢地係我地面前炒飯，一路睇住啲芝士慢慢溶落啲飯度，真係正到暈，食落去味道都真係非常之好食。最後又例牌叫咗個蜂蜜鳳梨，甜甜酸酸燒得非常之好味。

佐敦附近有幾間專食串燒嘅舖頭,比較出名嘅都食過,反而川燒就未食過.呢杯青檸荔枝梳打飲落幾甜,夏天飲凍嘢係透心涼啲.呢度啲款式都幾新式,今次就叫咗幾款串燒燒物嚟試吓.燒特濃芝士五花腩,上面有香草芝士,五花腩肥脂部份爽脆,肉質唔癡牙,冇乜一口油嘅感覺, 唔錯.黑松露腐皮溫泉玉子,腐皮燒到微微哋脆,中間有黑松露嘅獨特香味,同半流心溫泉玉子一齊食又唔會太膩.燒蘇格蘭蟶子王,佢個size幾大,用咗蒜蓉,豆豉,蔥調味,啲肉好厚同鮮甜.川味芝士撈麵,即係辣版嘅芝士撈公仔麵,入面有蔥,洋蔥等等.公仔麵煮得較腍,醬汁仲搵到花椒粒蹤影,就係類似平時雞煲嘅麻辣味,比較啱啲鍾意重口味嘅人.蜂蜜燒鳳梨,燒得好香同多汁,作為餐後甜品都唔錯.

雖然佐敦串燒店林立，但每次吃串燒總愛相約朋友到川燒聚餐。然而地點不算非常便利，但在渡船街一帶，算是在環境及食物上最具特色的一間，身為芝士控的我得知餐廳推出了一系列芝士新品，當然要去一試餐牌的外觀上好像沒有明顯的變化，但細心一看其實每次也有新增了少量新品，而這次就主力新增了數款芝士類，例如芝士五花腩,芝士煙肉車厘茄,芝士韓式年糕及燒芝士脆脆糯米餅等。另外亦有新增了3款梳打飲品青檸話梅梳打 $28［分數：8/10］記得以前只有汽水或樽裝飲品，今次終於可點選一杯透心涼的爽梳打配以燒物同吃了。梳打有3款口味供選擇，有青檸柚子,青檸荔枝及青檸話梅。而我就選了可令胃口大增的青檸話梅梳打。梳打的甜度不會太高，入口酸甜，吃著熱辣辣的燒物，再喝一口梳打，非常的清爽呢黑豚肉白汁芝士大磨菇 $48［分數：7.5/10］這次就主力介紹一下三款芝士新品，第一款就有黑豚肉白汁芝士大磨菇，大磨菇面有著一片帶微焦的芝士片，再放上小量松露醬作點綴。切下去後大量的白汁湧出來了，當中還混合了黑豚肉小粒。磨菇入口濕潤軟腍，再加上香滑的白汁及肉碎提味，味道既豐富又有層次感四重芝士豚肉鍋 $128［分數：9/10］第二款芝士類食

川燒是筆者這麼多間串燒店中較喜愛的一間，貪其落腳便利之餘人煙不多，食物價錢不貴，而且有酒飲，性價比算是很高的餐廳！這夜與家人來，同樣是一趟愉快的晚餐，特此記錄一下。燒牛肋骨 $158牛肋骨始終是筆者最愛的食物！川燒的牛肋骨做得特別腍身。骨肉分明的上枱，免卻自己切開的步驟。外皮燒得香脆，咬下卻是軟綿的口感，配以蛋黃醬更是香口，我們極想encore呢！黑豚肉白汁芝士大蘑菇 $48大片的芝士下是裹著豚肉的蘑菇，芝士燒過後更香。將蘑菇輕切開，芝汁伴著豚肉徐徐流出，咬下蘑菇香軟，肉汁四溢，卻沒膩口之感！噴泉蛋醬芝心炒飯 $108這個實在是必吃之選！和有蛋醬和芝士的炒飯不算粒粒分明，但卻以滋味取勝！勺起炒飯，一不小心成了拉絲的誘惑！蛋醬香口而出奇地夾，非常惹味。媽媽極愛吃魚，所以我們亦點了燒海殼王，時令魚價錢只需$188，價錢來說不算貴，上枱時更發現它是超值！海殼王份量大，而且外皮燒得很香，餐廳員工幫我們輕拆開魚皮，只見極多的白魚肉，入口魚汁鮮香，送飯一流啊！青檸荔枝梳打 $28大熱天時，食完一堆串燒同肉類食物，飲返杯清涼消暑的凍飲，解渴實在一流！

好少何，有間食串燒的，係咁有規模。而且，好味地道得黎，價錢都合理。朋友介紹，川燒位於佐敦，是著名食街，都好方便易搵啊。呢度的串燒，款式好多，實搵到你鐘意食既食物～～冰鎮芥蘭少有地，以冰鎮形式上菜。仲有得可以好似壽司咁點WASABI，又幾得意。不過我自己就麻麻地芥蘭，都係朋友愛食多啲～川香海蜇頭伴青瓜HK$38有著四川朮辣的香與辣度，加上青脆的新鮮青瓜以及爽脆海蜇頭。開胃之選～～燒白鱔HK$38呢款燒白鱔，必點之選。超級肥美，外脆內嫩。魚肉肥美得黎滲著肥美魚油，點咗少少燒汁，更加惹味。唔食就走寶！秘製醬燒BB豬肋骨HK$128百幾蚊，就有咁大條的BB豬肋骨，而且香到爆！醬燒汁十分足料，令赤豬肋骨每一條都有醬汁包裹住。外皮微脆肉汁嫩滑。也是必食推介！厚燒牛舌用上牛舌上最厚最嫩的部位，以成塊厚燒的形式上碟。有著些微的四川麻辣香料，食起上黎辣辣地，加上牛舌厚而嫩的口感。一試難忘～～香烤大啡菇超巨形大啡菇，新鮮現烤，有著炭火的香烤香氣，加上大啡菇的新鮮，要食當然是食新鮮的～炭燒日本蕃薯仔煙煙軔軔，仲有炭火香，食唔停口呢～燒海殻王HK$199超巨形的大魚！用上香茅辣椒等配料係魚內，外皮被炭火燒到又

佐敦道西一帶食肆林立，選擇眾多。今天晚上我們就選擇了這間很口碑不錯的「川燒」吃日式串燒。一入門內感覺是很居酒屋的格局，佈置、燈光、擺設都是簡單得來而又令人舒服。首先值得一讚的是供應串燒的食肆通常最令人詬病的是油煙多，通風不好而又翳焗，出奇的是這裡並沒有這個問題，在今天33度大熱天時仍覺空氣流通涼快。食物來到前店員極力推介本地出產的小麥啤酒Hefeweizen (5% Alc)。雖然索價不便宜，要$54一細支，但是我從未試過本地的出產，便一試無妨。味道是很清新的，小麥味很香，帶著輕微的果香及辣勁，很值得一試。食物很快便來了，先上的是「黑松露燒腐皮溫泉玉子」($32)，流心蛋加上炸脆的腐皮，口感一流，加上黑松露散出的香味，多吃不厭！「冰鎮芥蘭」($38) 先不說味道，翠綠的一株芥蘭放在桌上已經賣相一流，甚至有點不捨得吃的感覺！新鮮的芥蘭配上日本芥辣及豉油竟然是很搭的一道菜！「燒特濃芝士五花腩」($26)，名字看來感覺得油膩，但吃上口肉質鮮嫩，芝士濕度恰到好處。「燒特級牛脷芯」($36) 的外層燒至甘黃色，內裡肉汁依然保留，鮮味十足之餘又有咬勁。「燒羊仔架」($56 / 2 件) 是惟一比較

近排友人愛食串燒, 所以今次我地食飯也選了串燒的店舖.最後選擇了位於佐敦渡船街的川燒.店肉的座位不算多, 好快就滿座, 來食飯前, 最好先訂位.我地點了好幾款串燒, 包括燒芝士脆脆餅, 燒牛舌, 黑松露燒豆腐温泉玉子, 燒珍寶大元貝和黃金芝士燒原隻龍蝦.首先, 我地揀咗一款香口嘢, 就是燒芝士脆脆餅.外層是香脆的餅, 內裡就是芝士. 我自己鍾意食半溶的芝士, 入口有淡淡的芝士香味, 配上脆餅, 雙重口感.黑松露燒豆腐温泉玉子.這個幾特別, 所以點來試下.食的時候, 口中帶有黑松露的香味, 而温泉蛋是流心, 所以蛋味特別香濃.燒牛舌.牛舌可以說是我每次串燒也點選的食物之一. 這裡的牛舌不是厚切, 但也帶點咬口,入口幾多汁, 不會乾身和硬. 最期待的兩款串燒終於出場.燒珍寶大元貝.元貝好大隻呀.色澤夠雪白, 入口又夠彈牙和鮮甜. 食完一隻真係唔多夠喉, 但我要留肚食龍蝦.黃金芝士燒原隻龍蝦.上枱時不但香味撲鼻, 而且也被佢的賣相所吸引.龍蝦都算大隻.第一時間試下龍蝦肉, 肉質夠爽口, 又多汁, 時間控制不俗. 而且龍蝦面放了芝士, 香料等去燒, 所以單食已經夠味和好食,仲啖啖肉.最後, 就

終於去到我wish list中的串燒店 - 「川燒」啦!!!!上次黎呢頭食, 本身想食呢間, 可惜太多人等位,我地最後轉去了另一間, 今次有朋友特別早一點來搵位XDXD我去到佢地已經入座左, 辛苦朋友了!!呵呵~~一入到去, 聞到好香既香料燒烤味, 肚餓指數爆升!!!!!!!拿拿拿, 食串燒其實都真係好多選擇!!!!有主打的海鮮、不同的肉類、蔬菜等等, 再仲不同的特色小食、飯麵、梳打、清酒、啤酒!!真係唔知點揀好~~因為我們都怕太辣, 只點了小小小辣, 但每張檯都有兩支調味 - 孜然粉同川辣粉.方便自己調整味道~~! 貼心!野食未到, 先點了三杯梳打, 分別是青檸話梅梳打、青梅荔枝梳打、青檸柚子梳打!試齊3個味道, 個人最喜歡話梅呢杯!!!!!!! 好夾串燒味~ 而且咸咸地好開胃!!燒特濃芝士五花腩: 真係超香濃的芝士, 半肥半瘦的五花腩, 成件事好邪惡但好食!!冰鎮芥蘭: 嗯... 份量有點少, 味道很清脆爽口, 沾上芥末吃感覺不錯!燒煙肉荔枝卷: 比起平時只用小蕃茄更香甜!!!!! 夏天荔枝當造, 吃得過~燒豆卜: 看似平平無奇, 但入便加了腐乳醬, 好惹味!蜂蜜鳳梨: 即是燒菠蘿

想吃串燒的時間，總會想起川燒。這晚來到，依舊全場滿座，氣氛非常熱鬧！鹽燒黑豚肉秋葵卷 $22以黑豚肉包裹秋葵，外層黑豚肉微焦香口，配合裡頭味道清新的秋葵，加上帶點微辣的醬汁及蔥花，更為惹味好吃。鹽燒熊本一口和牛粒 $32外表微焦，裡面軟腍多汁，口感頗佳，而且肉味濃郁，非常美味。燒特濃芝士五花腩 $26五花腩入口甚腍，芝士味道配上香草，吃來味道非常突出，卻又不油不膩，不錯。蘇格蘭蟶子王 $136蘇格蘭蟶子王肥美多汁，口感爽口彈牙，面層的大量香蔥蒜蓉粒味道香濃，吃來滋味非常，讚！黃金芝士燒原龍蝦 $188大大隻的波士頓龍蝦，上面鋪上厚厚的芝士，吃來味道相當濃郁，加上龍蝦肉質鮮甜彈牙，蝦頭又有不少蝦膏，不錯。川味芝士撈麵 $78公仔麵質地彈牙，撈了芝士之後，味道香濃而不油膩，而且加了點麻辣，惹味得令人停不了口。

川菜是中國八大名菜之一，但論到調味料和味道煮法運用，川菜乃是眾此之冠，所以有「七滋八味」或「百味」之稱。雖然川菜味道變化多端，但多以麻、辣為主，小妹自問不吃得辣，但卻鐘意於串燒即叫即燒的新鮮滋味，得知在佐敦有一間以川菜x串燒的Fusion菜，人氣很高，感覺新穎又好奇，決定和朋友到場一試。餐廳門面和室內都充滿懷舊古式客棧味道，正門高掛餐廳店名的牌匾，室內掛有紅檔檔半圓木雕吊橙，古色古香。環境空間其實不大，另外有兩間細房，枱與枱之間位置較迫窄，連門外都放有兩個四人枱，物盡其用。雖然在室外吃著串燒，在炎熱的天氣下一定大汗搭細汗，幸好餐廳都放有大型風扇減少客人不適，又是貼心之舉。餐單就只有兩頁A4Size的點菜紙，分為新鮮海鮮、風味肉味、健康素菜、特式小食、飯類、甜品、啤酒和飲品等超過一百款菜式。這麼多選擇，真的要花時間消化餐單上的內容。未吃食物，先來一點飲品。餐廳有大量清酒米酒、吟釀、啤酒款式供應，不過我們不好酒的，還是乖乖地消䐭清熱的烏龍茶和竹蔗茅根。黑松露燒腐皮溫泉玉子溫泉玉子吃得多，但都是第一次見腐皮搭配溫泉玉子來吃。煎得甘香薄脆的腐皮，包裹半粒溫泉玉子，澄橙黃色的蛋黃，半黏半凝固的流

川香肉碎燒茄子，唔太辣，肉碎香口，夾埋茄子一齊食好好味😋燒大元貝，本身味道唔太濃，亦唔夠鮮，不過加點辣粉就好味啲。燒牛舌芯，呢個真係要encore，非常好味，口感十足，總共order咗6串👍🏻👍🏻 超推介！羊架就不過不失，價錢唔貴，抵食嘅。雞肉串，好味👍🏻總結大至上所點的食物都好食，冇失望嘅👍🏻但等食時間太太太耐，基本上每食一串都要等成15分鐘，一串一串咁等，好唔過隠好唔滿足，仲要成晚一度食一度流哂汗，枱枱客人都話好熱，完全feel唔到有冷氣！大熱天時咁樣食法，仲要唔平，3個人食埋單成1仟蚊，我寧願唔去😰😰