川燒 (已結業)

因看見食評極高，才試試品嚐這間餐廳的燒物。我們3人一起用餐，共消費$900。但對於食物份量真的大開眼界;首先，我們預訂了3隻聖子皇，每隻$68，但食物上碟之際，所謂聖子皇真的很細，肉不多，完全不能稱上聖子皇，有點搵笨。其次，我們所點的油墨菜，為約$15一碟，但只有菜葉好幾塊，真的不能接受;其他的肉類燒物亦需約$20-30一份，但每份真的一口吃下了，完全不值。惟一好的是燒虎蝦，$68一隻，算是大隻多肉。本人不太介意食中價的東西，但介意完全食到物不所值的食物及份量，我們不會再光顧了。

好耐冇黎JORDAN食野, 有朋友話呢排川燒UPDATE左個MENU, 特意黎試試~menu有好多item 都有個new字, 忍唔住點左幾款新品 - 燒芝士脆脆餅, 26蚊抵食之選, 外面餅皮好脆, 上台仲係暖手, 望落好似燶左少少,但食落其實無問題打開D芝士仲溶緊, 入面有一片片煙肉, 幾香盬燒黑豚肉秋葵卷 $22秋葵脆嫩, 黑豚肉較薄, 唔會話食到成口油, 亦唔會好多肥肉呢個配搭不錯, 不過要留意番上面有少少辣醬, 食落可能有少少辣呢新品 - 燒特濃芝士五花腩上台個樣同自己想像ge完全唔同, 諗住係有一層芝士係五花腩上面卷住黎食點知原來係咁! 芝士味唔濃, 主力味道仍然係五花腩度話就話係五花腩, 食食下d豬肉滑到好似雞肉咁, 如果大家expect好肥既話就可能失望d我就好鍾意佢既肉質喇$188 黃金芝士燒原龍蝦what a surprise!! 上台一刻好震撼, 冇諗過禁大隻~個身好多肉, 睇下圖就知個蟹鉗幾大隻~~一層芝士sauce 係上面, 就咁食有d咸, 但連埋肉食就唔錯~肉質唔會話煮得好"鞋", 雖然等左25min, 但真係等得有價值!菠蘿雪葩 $68大約有double 拳

收工約好友食串燒、飲生啤，講講公司的麻煩事，真的是賞心樂事。相約在佐敦，因為渡船街附近的串燒店林立，又位處於荃灣線、西鐵線和東涌綫附近，朋友們各自回家都好方便。特別鍾情這一間「川燒」，在云云眾多的串燒店中水準比較好的。室內環境：餐牌：青檸荔枝梳打：天氣太熱，一坐下就想要杯冰凍生啤，不過見鄰座點了這個青檸荔枝梳打，所有忍不住「跟風」點一杯，荔枝香味很濃郁，帶一點點的薄荷味，好清新。黃金芝士燒龍蝦：是日海鮮，所以每次來呢到的海鮮都會有點不一樣，上一次吃過蟶子，味道不錯，所以今次試芝士龍蝦，原隻的燒龍蝦相當大件頭，蝦身切半釀滿了芝士，亦有點點蛋黃醬的味道，吃起來啖啖肉。不過蝦肉肉質有點挺，我還是喜歡爽身一點的。燒海殼王：同樣乃是日海鮮，這個一定要點！肥厚的原條魚，燒過之後店員將魚皮移開，裡面是雪白的魚肉，嫩滑到不得了，店員說魚皮最好不要吃，因為燒魚時醮滿了海鹽，不過小試一口，都好香脆。燒芝士脆脆餅：用腐皮包裹著香草、煙肉、mozzarella cheese，一咬開有長長的芝士拉絲，好喜歡它濃郁的香草味，膩度都得中和了。川香肉碎燒茄子：未必人人都喜歡茄子，但這個燒茄子真的值得推介，茄子肉非常之

聽朋友說川燒串燒好鬼正！ 這晚來到一看，全場爆滿，就知沒有介紹錯，好在朋友已訂座，不用等太久！除了串燒，還有好多小食，多元化的食物種類，真的讓我每款也想試試﹗川香海蜇頭伴青瓜$38， 爽脆海蜇頭，微微麻辣香，帶有少許酸，好開胃。延續麻辣的味道，秘製醬燒麻辣鴨舌$18，這款串燒比較少吃，意想不到可以這樣幼嫩多汁，好惹味﹗我認為燒鮮白鱔$38是必點的，香脆惹味，魚肉肥厚嫩又彈，還滲出魚油啊！喜歡吃魚的話，點條燒海殼王$199夠晒霸氣，魚身中間塞滿香茅辣椒等配料，散發出誘人的香氣，魚肉非常嫩滑，沾點魚露伴吃，好有泰國風味﹗喜歡吃海鮮的我們，又怎會錯過燒珍寶大元貝$58呢﹗裙邊爽脆，元貝肉爽中帶點嫩滑感，有少許海水味似的鹹香﹗ 正﹗黃金燒大虎蝦$68，彈口蝦肉夾雜鹹蛋黃油，讓虎蝦更加美味﹗ 蝦頭也不可錯過﹗蝦膏加鹹蛋黃，肥胖指數爆燈﹗這裡更有芝士串燒系列，燒特濃芝士五花腩$26，軟身芝士未有想像中般香濃，實際比較像芝心批的那種芝士，五花腩脂肪較少，肉質較乾身﹗燒芝士脆脆餅$26，相同的芝士，今次放在脆餅中就更像薄餅那感覺了，未知是否要與芝士一樣，要有軟身的口應，脆餅也真的較軟身﹗黑松露燒腐溫泉

朋友同我慶祝生日我地最likey就係辣野，重口味野！呢間川燒好啱口味。。最特別嘅我覺得係腐乳豆卜！好值得一試，勁惹味，脆卜卜！東風螺都好正，個汁好辣同香，好夠味無影相嘅燒蠔好肥美！勁甜芝士粟米亦估唔到幾夾喎，咸咸香香，粟米又甜又多汁！燒菇無影相，但都好推介，烤得好香好入味，勁juicy

 行左成日 夜晚同兩位友人揀左間燒烤店飲杯啤酒吹下水咁大概八點左右到 可能星期一啦  所以都唔洗等位Asahi Super Dry Draft Beer 2 很好喝 感覺清爽 很易入口 不會苦澀竹庶茅根咸柑桔呢兩杯飲品 個人覺得不過不失 味道有d淡 下次都系會揀反啤酒 加埋串燒 更加過癮川香肉碎燒茄子呢個真系五粒星茄子去皮切件了 滿口的茄子肉加上少辣的肉碎 特別惹味 好吃黑松露燒腐皮溫泉玉子預期以下 口感系幾特別的 不過味道個人覺得唔系話好好食 黑松露的味道唔突出 試過就算燒一口鵝肝多士友人點左呢個鵝肝多士 我唔食鵝肝 所以無食 都唔記得左問系咩味道熊本一口和牛肉味很濃 燒起來不會很乾 依然keep到肉汁 簡單加d鹽 已經好好食鍋燒噴泉蛋漿芝士炒飯唔好睇呢個炒飯賣相麻麻 料其實也很普通 但搭配一齊 就非常好吃 店員會系你前面炒飯 加上粟米 芝士 蛋 炒出黎唔係乾身個d 加埋辣椒秘製醬燒BB豬肋骨甜甜辣辣的豬肋骨 啖啖肉 很惹味  

串燒雞煲店集中地，文英街。吃串燒已成為香港人一種飲食文化，今晚找朋友，所以來到這。川燒係TST既時候就吃過，水準不錯。看看餐廳餐牌先冰鎮芥蘭 芥蘭相當新鮮，碧綠爽脆。加一點芥末豉油一齊吃，又是另一番風味呀，不錯的開胃菜。墨魚八爪魚棒墨魚棒十分彈牙，拌入蝦膠之餘，還加了鮮蝦粒和八爪魚粒，燒出來十分香噴噴。燒象拔蚌仔肉質爽口，以日式燒汁燒製，鮮甜得很。燒煙肉海鮮卷煙肉下是蘆筍、三文魚、蠔和原隻大蝦，爽腍有致，再以海鮮醬調味，清新的感覺頓時洗淨味蕾。蜀都炒飯最後以一個炒飯來完結這餐聚會。

去開佐敦找米仔，梗係要順便覓食啦！見今日涼涼地，就去食串燒，去到渡船街附近，最後選了「川燒」，因為口碑有保証！燒蘇格蘭蟶子王大大隻既新鮮的蟶子王，有成隻手掌甘大，燒的時間剛剛好，整個肉非常肥美又鮮甜，係首個encore之選!川香魚湯清酒煮花甲香噴噴的酒煮花甲，上台時已芬香撲鼻，忍不住立即先嚐魚湯味道，果然鮮味十足，再嚐肥美花甲，每隻都很肥美，一隻又一隻，很也就比我同友人KO了！黑松露燒腐皮溫泉玉子濃濃的松露香味，已感受到果種味美！頂層有松露及蔥花，滑溜溜的溫泉蛋加埋荷包小袋的腐皮，一口過，味道很討好，創意十足！串燒黃金煲仔飯原來呢個黃金煲仔飯係一個糯米飯團，面層有色澤金黃的蛋汁，飯團咬下煙靱不鬆散，醬油調味適中，軟腍好食！燒羊架羊肉味道濃郁，肉質嫩而有彈性，燒得十分香口，不會很乾！由於太好味，我比米仔咬了一啖後，其餘都係我食哂！ Yummy！燒原條生燒粟米燒得外層微焦的粟米，上層放著木魚條碎，令口感增加，粟米不會燒得太乾，每粒粟米都脆卜卜，內裡還有很多粟米本身的水份!蜂蜜燒鳳梨鳳梨燒得不會太乾身，咬下菠蘿時還有大量汁液流出，非常清甜!店員服務態度友善，整體食物質數也不錯，下次有機會都會

今次係我第二次嚟川燒，一想到食串燒我就即刻諗起川燒，上次食過後都一試難忘。位於佐敦呢個宵夜熱點，雖然出面落住雨，我地今晚9點零鐘嚟到，但店內仍是座無虚席，可想而知呢度有幾多忠實粉絲。一嚟到即刻點返杯1664生啤先啦，我最喜歡那淡淡的花香味，冰凍感覺即時熱氣全消。燒雞泡魚干表面燒至金黃香脆，味道帶點鮮甜，一點都不乾，咬開仍有一絲絲魚絲質感的。川香麻辣豬大腸雖然帶有一點罪惡感，但呢個豬大腸真係好好味呀，面頭的蔥白段、蔥粒、芝麻增添香口感覺，個辣油真係好惹味，少少花椒粉，少麻辣香口而不至於令你舌頭麻痺，豬大腸又夠腍又入味，真係令人又愛又恨呀。燒川香麻辣腸初時睇表面好似一條普通的台灣腸，咬落去腸衣夠脆，裡面充滿肉汁，麻辣香味隨住啲肉汁漸漸湧現，好食到食完一條又一條。燒雞軟骨火喉燒得也剛剛好，一啲都唔乾，脆卜卜好有口感。燒日本廣島生蠔加了蒜茸一齊燒，後加有蔥、乾辣椒絲和蟹子增添香味和口感。蠔身飽滿，咬開蠔肉仲有好濕潤鮮味，又係好好食呀。 見到差不多每枱都叫碟燒鮮白鱔，我地都唔執輸，白鱔好肥又大件，表面搽了醬汁，鱔皮那邊燒得特別香脆，另一邊又啖啖肉，鮮味嘅鱔配合埋帶甜的醬燒汁，好惹味、那種鮮香味

今天來到了川燒吃串燒，叫了不少的食物。其中有幾款是我特別喜歡的燒牛脷芯入口爽口彈牙，聽說是牛舌最惹味的部位。燒得不乾口而爽嫩，值得一試。燒白鱔肉質爽嫩彈牙，燒汁濃香惹味，油香而不膩口。燒珍寶帶子大大隻帶子，肉質爽甜不乾身，帶子鮮嫩惹味。帶子味鮮未有被醬汁蓋過，出色之作。燒鮑魚鮑魚燒得嫩甜爽口，沒有過熟保持嫩滑，鮑魚鮮香而入口帶清甜。朱古力綿花糖多士軟綿綿的綿花糖香甜煙韌，朱古力醬份量足夠，麵包香脆，配上甜絲絲的綿花糖和朱古力，卻甜而不膩。

佐敦渡船街不嬲都係美食集中地，今日朋友就約我去食串燒，我仲要遲到老友同野食一齊等我到 呢度既燒物真係做得幾好，另外啲野食都ＯＫ呀。前菜叫左個涼伴皮蛋豆腐，夠凍，醬汁都好味。跟住有個魚湯煮花甲，湯底就有少少咸，但花甲都好足肉。燒物方面，黃金燒大虎蝦燒得香脆，仲好香，肉質彈牙；燒韭菜都OK，叫做有啲菜落肚咁啦～燒芝麻湯圓最驚喜，竟然可以將軟林林既湯圓燒到外脆內軟，熱辣辣好得意。

本小姐細細個就聽過川燒呢個名，成日都聽到朋友話去川燒食野，今日終於可以踩場一嚐味道！不嬲都對鍾情燒既野，貪佢夠熱氣，配支啤酒，再同朋友狂呻生活煩惱，爽！有師傅即叫即燒，唔洗自己落手落腳，岩哂我呢D懶人....牛舌、牛肋骨、牛架等都好入味，唔會OVER COOK而我最欣賞既係菜類食物，juicy爽口，而且感覺健康Ｄ，食黎起都冇咁罪惡感

之前朋友生日，就同佢去食一間佢一直都好想試下既串燒店。一到門口覺得間野環境幾靚，有Ｄ唔太似我想像中既串燒店既樣，幾別緻。入到門口就有人招呼我地，亦都推介左幾款野食，橫掂第一次食，就一於試試Ｄ野食。呢個係店家介紹，黑松露燒腐皮溫泉玉子，好特別，出面唔會食得到既野，係腐皮入面加入溫泉蛋，兩種截然不同的口感係口入面散發開黎，一定要試！呢個蟶子王好大隻，上面Ｄ香料幾香，食落口啖啖肉，而且食得出好鮮味添！紐西蘭大蘑菇，食落有少少青草味，唔係人人受得住，鐘意食菇類野既人會超愛食，我就麻麻地。呢個叫燒海殻王，魚味有Ｄ不足，但係勝在少骨夠滑，岩哂我呢Ｄ食魚怕骨既懶人！呢個燒露筍用既筍好嫩，仲有肉片包住，兩樣野包埋又幾夾ＷＯ！最後食飽就整左個甜品食下，綿花糖厚多士，太甜，我就唔岩得，反而我個ＦＤ貪佢夠甜，我就真係頂唔順呢Ｄ咁甜既甜品。整體黎講係幾好食，食過今次之後應該都會有下次。而且價錢比我想像中便宜，絕對對得住個價錢，環境又比一般串燒店好，唔錯。

朋友想食串燒，問我有無好介紹，佢係尖沙咀上班，我即時就想到川燒，行多兩步，化算得多。二人大擦11樣嘢，厲害！先來啤一啤，大杯Sapporo，正好配合燒一口脆腐乳，係燒腐皮，少少腐乳味，好夾。前菜係涼拌青蒽皮蛋豆腐，唔辣啲，豆腐滑，加埋白芝麻及蔥食，有香辛味。食海鮮，燒珍寶大元貝，個殻真巨大，有成隻碗啲面積，肉夠哂厚，味道好甜。黑松露燒腐溫泉玉子，次次都點，鐘意佢松露味香，玉子流手，混合腐皮好好味。牛利蕊燒烤過後特別香，爽口入味。羊架肉好嫩，加多啲孜然粉有川味。鹽燒西班牙黑毛豬的肉質的確特別有彈性，味道濃郁，燒得十分香口。蔬菜都燒得好好，保持水份，點了燒皇帝菜，及肉碎燒茄子。有個叫串燒黃金煲仔飯的東西，起初以為成個煲仔燒，原來唔係，個糯米飯形狀似啫！調味惹味，軟腍好食。燒筍殻魚最後先到，魚肉好嫩，仲好有泰國香料風味。真開心，仲送咗個燒菠蘿俾我哋，又香又甜又多汁。飽餐一頓，我的生活唔錯呀！

臨時臨急有人想食燒物, 還好, 即時訂位也有, 左穿右插街道…… 下次再來相信我要開GPS 帶路才行。餐牌實在太誇張, 分門別類也有 4大張之多；海鮮、風味肉類、健康素菜、飲品甜品, 巧多野都想食呀 >>>>今次每人揀一~二款最想食的。BALNCE 1664 ($64)有我最愛的生啤, 實在太好了 燒鮮白鱔 $(38/串)賣飛佛, 鱔怎樣食也 LIKE, 喜歡鱔肉的油香及嫩滑, 燒就更正啦, 點止油香嫩滑咁簡單, 還多了一層脆皮, 香口好多, 白鱔吸盡醬油的香甜及豉味, 好鬼好食 燒日本廣島生蠔 ($58/2隻)廣島蠔肥美亦新鮮, 蠔本身有海水鹹味, 故主要以蒜泥調味, 燒好再放上辣椒絲、蔥粒和蟹子整色整水, 一來增食慾, 二來增口感及香味  川香麻辣猪大腸 ($36)罪過罪過, 好邪惡呀, 邊條友叫架   哈 ~~ 好似係我  大腸既麻且辣, 辣得過癮, 猪大腸肥美又無"押"味, 吸盡了麻辣汁精華, 入味非常, 送生啤一流, 只是嫌略鹹了點, 減點鹽就更好。黑松露燒腐皮溫泉玉子 ($30/2件)樣子美麗, 先燒腐皮再放溫泉蛋,