川滿居 (京都廣場)

营业中

休息中

係間黎過兩次既川菜餐廳 第一次兩個人黎叫咗二人份既酸菜魚已經覺得好飽 今次同𝟑個𝐟𝐫𝐝一齊黎叫咗加大版既酸菜魚 無論係酸菜魚定紅薯粉既份量都好多 食得超滿足!!✿ 金湯酸菜魚(加大) $𝟐𝟖𝟖 唔係講笑黎到嗰陣真係嚇親 個碗大到傻!!(睇後圖)用鱸魚整既酸菜魚食落好嫩滑🌶🐟魚片既份量好多 塊塊都好大片 唔會好似出面有啲舖頭咁比埋啲散收收既魚片我地叫咗微辣 湯底係比較清淡既就咁用匙羹飲都唔會覺得好油膩唔係嗰啲有層油喺面頭既酸菜魚(꒪˙꒳˙꒪ ）(重口味既朋友仔要注意喇 我自己就比較𝐩𝐫𝐞𝐟𝐞𝐫呢款清淡少少既酸菜魚)酸菜魚既配菜有好多紅薯粉 多到我地連白飯都冇叫到配菜仲有萵筍、蘿白同唔同種類既菇用料好豐富 四個人食都好夠食~✿ 北京片皮鴨配麼麼皮(半隻) $𝟏𝟔𝟖呢個片皮鴨就一般般啦 冇咩特別鴨肉係偏瘦既 而鴨皮唔係好夠酥脆🦆黎到可以叫其他招牌啲既菜式試下✿ 招牌香鍋(自選配料) $𝟏𝟗𝟖因為朋友唔係好食得辣所以揀咗醬香味既香鍋🍲我地叫咗小酥肉、牛肉片、土豆片、蓮藕同腐竹醬香食落有啲似啫啫雞煲既香料味 都幾惹味*⸜( •ᴗ• )⸝*下次再黎既話想再試埋麻辣香鍋～ *ﾟ⌖˚˖* 評分𝐫𝐚𝐭

水煮魚🐟一上枱見到咁大一盤都幾驚喜，我地叫嘅係正常size就無加錢要增量級。份量都有好多，兩個人食絕對好夠飽，建議好似我地咁三個人或以上先好叫嚟一齊分。魚片係海鱸魚連魚皮，食到魚皮嘅彈彈地嘅口感同埋魚肉滑嫩嘅口感。魚片都有差唔多二十片，仲要每一塊都係大大片偏厚身嘅💙除咗海鱸魚片之外仲有金菇菜、芽菜、雲耳、芹菜、薯粉。最鍾意個金菇菜同埋薯粉，因為兩樣都好可以吸到啲麻麻辣辣嘅湯底味道。薯粉係比較幼身嗰種，吸滿咗辣汁質地都唔算超級煙韌嗰種，比較容易咬斷。

辣子雞: 眾所周知四川菜好多都係香辣菜式, 其中一樣經典四川菜相信就係我哋今次都有叫嘅辣子雞🐔聽聞係一味傳說中紅辣椒比肉多又比肉好味 然後會令你覺得好辣但又會令你越辣越上癮嘅菜式 , 認真古怪🤣驟眼睇辣椒份量確實唔少不過雞嘅份量都唔輸洩！雞肉係比較細粒嘅同平時嘅雞塊或者雞件相比較, 味道有鹹味有麻辣味都幾刺激另一樣叫咗個霸王蝦球🦐配料上同上邊嘅辣子雞粒一樣都係有好多辣椒乾同埋啲芫荽香蔥花生粒, 唯獨唔一樣係個主角換左做蝦球 蝦球就更加爽感又彈

餐廳裝修主要採用暖色調同埋好多木傢俬為主調 所以感覺特別溫馨座位方面都幾寬敞 用嘅沙發座位有卡位都坐得幾舒服如果想要多啲私人空間或者限聚令後想一大班人來仲可以包間房自己食飯 私隱度都可以好高麻婆豆腐👵豆腐口感超級滑溜 可以直接雪入口嘅感覺結構就係大量豆腐配大量豬肉碎同埋啲啲豬肉球醬汁食到花椒麻麻麻嘅味道但都算滑順唔會好過份地刺激上面加咗啲蔥花 雖然睇落簡簡單單好似不值一提但其實加咗蔥花真係會有更加清新嘅感覺可以話係點睛之筆！

係銅鑼灣地鐵站一出只需要行唔使一分鐘 搭電梯上到六樓就會到達呢間餐廳 十分方便。一去到餐廳嘅門口就會見到個充滿中國特色嘅白色牆身 左面嘅牆上面掛著咗四幅表演緊傳統中國特色樂曲嘅人像畫。餐廳環境都幾舒服而且同埋燈光好溫暖好舒適。叫咗牛肉片炒蓮藕仔🐮蓮藕同我平時食嘅形狀唔太一樣平時食開嘅係矮矮肥肥嘅 呢款蓮藕仔就係短短地相較更幼身 有啲似長條形但幼版嘅韓式年糕!!牛肉片好滑身完全唔鞋唔乾爭爭👍調味係鹹鹹甜甜又有少少辣咁樣都幾得意。

今日同媽媽喺附近銅鑼灣商場行完街，眾所周知女人行街就唔知道時日過架啦，所以我地行完一睇鐘發現原來已經六點幾係晚餐時間啦，所以就嚟咗銅鑼灣京都廣場入面呢間主打食川菜嘅“川滿居”食飯。今次分別叫咗 1.辣子雞 2.水煮魚片。🌶️1. 辣子雞更偏向辣子雞丁，雞肉係小小一粒好的色一口大細咁，可以好方便好有儀態咁食👌仲有加埋啲炸到非常酥脆嘅花生粒同埋大量曬乾咗嘅紅辣椒乾。2.水煮魚片份量好驚人，海鱸魚片有超過十幾塊，唔係hea你嗰種份量同埋味道。雖然我無去過四川食正宗四川菜但都覺得呢度嘅味道同其他非四川人煮嘅四川菜的確有明顯嘅分別。👩‍🍳

喜歡大江南美食，喜歡川味風格，今次就介紹返銅鑼灣呢間川滿居，本人特別欣賞同喜歡。疫情放寬後，想食返餐好，特別係嘴饞了好久的川菜，我就會來川滿居。首先一定要講既係，呢度既侍應姐姐特別好服務，十分體貼又有趣，而且叫幫手影相唔會托手肘，而且仲好悉心介紹招牌菜，有咁好既員工，食客開心，老闆生意更興隆。事不宜遲就緊係點野食，見到網上好評金湯酸菜魚，藤香雞，京蔥羊肉，唔洗煩，照點呢幾味。金湯酸菜魚我之前都食過，送飯一流，而且分量十足，裡面還有很爽滑的粉，好入味，魚肉也滑溜，大大舊真係好頂癮，絕對係酸菜魚控的首選。第二味藤香雞，又係無得頂，雞肉本身都係滑溜溜，口感好又夠彈牙，難怪也是招牌菜之一。最後京蔥羊肉，其實可以炒其他肉、我就偏愛羊肉較多，真係無揀錯，羊肉夠新鮮又夠穌，再包上嬤嬤皮，加埋d京蔥，口感味道真係夠曬豐富，食極都唔厭啊。埋單$400到，份量夠3個人，係銅鑼灣地帶，又抵又好味。

🥦大盆花菜大盆花菜係由湘菜混合川菜而做出嚟嘅菜式花菜就係我地平時講嘅椰菜花質地細嫩煮到熟度啱啱好有咬口唔會太硬之餘又唔會話煮得太耐搞到無曬咬口好軟爛咁👌因為花菜嘅莖部比較軟又比較幼身纖維少 所以經過烹調後質感變得柔嫩可口基本上大人小朋友老人家都好適合食 調味就比較純粹 鹹鹹地又剩係帶輕微到可以不計嘅辣味配搭薄薄嘅豬肉片一齊炒完全係老少咸宜嘅一味菜式🦐霸王蝦球可以見到就算係蝦球嘅表面或者底部都有好多紅辣椒乾🐷回鍋肉食到濃郁辣椒加豆瓣酱嘅黃豆香辣味豬肉片好稔身又帶少少脂肪 脂肪肉脂肪肉隔著口感好好

六十八蚊 - 蓮藕仔炒牛肉片蓮藕仔口感爽脆又帶啲清甜 感覺超級適合用呢種炒嘅方法 因為索到濃濃嘅醬汁嘅味道之餘又有蓮藕仔本身天然嘅淡淡嘅甜味👍值得一讚係蓮藕仔嘅份量都好好多 因為係長條形而且有細細個窿所以可以緊緊咁樣包裹著濃濃嘅醬汁 有少少長通粉嘅感覺🥄牛肉片軟熟軟稔又有牛肉嘅香味 每一片牛肉片都無筋位而且唔多肥膏所以食得好爽口好方便🐮其他配料有青色紅色燈籠椒洋蔥木耳，撈埋一齊後鹹鹹辣辣好好味一百八十八蚊 - 水煮魚（加大$288）依家香港越來越多地方有水煮魚食，但係搵到色香味區全嘅水煮魚就比較難呀，咁啱呢一間川滿居整既水煮魚十分符合香港人既口味，香麻而不會過辣，魚肉爽口彈牙，索晒木湯汁，一流！

平時媽媽煲湯如果有蓮藕我都一定會攞好幾舊嚟食，因為好鍾意佢牽絲嘅效果。嚟到睇餐牌見到呢款蓮藕仔炒牛肉就當然要叫埋啦🤤佢嘅蓮藕仔係一條條細細條嘅，同平時媽媽煲湯見到嘅圓碌碌橫切嗰啲大大塊嘅唔一樣。可能因為呢款係相對長身嘅關係，所以蓮藕仔更加可以吸收到菜式醬料嘅味道。呢個菜式由椰菜花同豬肉片炒製而成。主角椰菜花同肉片嘅份量都俾得好慷慨，好似食極都仲有咁🤣味道方面好有鑊氣，簡簡單單用醬料炒已經好好味好滿足🐷

$188金湯酸菜魚金湯酸菜魚如果加大都只係加多一百蚊 但因為我地得兩個人都食唔哂所以就叫反普通正常大小就可以啦 金湯湯底酸酸地辣辣地麻麻地又帶啲甜味 比平時出面食到嘅酸菜魚味道更加溫和滑順 叫嘅小辣接受度超級高 相信平時唔太食得辣嘅人都應該會接受到 魚片份量都唔少 唔需要爭可以慢慢食都仲有好多剩😂😂配料有紅薯粉｜萵筍｜唔同菇類 細食嘅朋友話佢齋食配料都可以飽啦😙$78回鍋肉有豬肉片又有啲椰菜｜青椒｜紅椒｜韭菜｜洋蔥片 佢醬汁唔算多但超級惹味鹹鹹香香咁

霸王蝦球蝦球口感爽口彈牙，經過油炸所以表皮會幾酥脆酥脆，咬開食到蝦自帶嘅鮮甜味，調味方面係用咗大量嘅紅辣椒乾同青辣椒一齊炒🌶️除咗食到辣味之餘都會伴隨著啲麻麻地嘅口感，食到後尾嘴唇都會有少少麻痹水煮魚片基本上係我每次食四川菜嘅必點菜式🌟一上嚟會見到個湯底呈深紅色好似好辣好變態咁，於是我第一件事試咗塊魚片先，味道的確麻麻辣辣但都食到魚片本身嘅魚味🐟另外重包括咗好多配料，如果想試埋其他菜式的話建議至少二至三人分享呢位菜，如果唔係真係會食唔哂

🌶 銅鑼灣惹味川菜館這次相約朋友到銅鑼灣川滿居嚐辣，有感辣度並不是大家期望中般辛香麻辣，可能餐廳迎合香港人口味，所以辣度未有太強烈後勁…🥒 蒜香拍青瓜38一道清涼的前菜，份量不少，作為解辣之用非常合適。🌶 回鍋肉 $78五花腩肉片經醬汁爆炒後，成為一道惹味的小菜，送飯一流。⚪️ 麼麼皮10張 $18這就是包片皮鴨的餅皮，薄薄的一塊，可包惹味的肉類作為主食。🌶 招牌香鍋 -鍋底$26 （5餸起炒）-中辣蓮藕 $28、四季豆$26、小酥肉$48、萵筍$28、豬大腸$46、薯粉$22這次得我們的自選配搭合共$224，麻辣招牌香鍋鑊氣十足，乾身入味。小酥肉即炸豬柳，雖然選了中辣，但辣度不太足，亦略嫌味道不夠鮮。水煮牛肉 $158沒有想像中的大盤，牛肉份量適中，入口尚算腍滑，配菜豆芽感覺偏少，紅薯粉則較硬，味道方面尚算不錯，辣度適中，但未被驚艷到。小總結：餐廳感覺比較擠迫，桌子放了兩個菜後便沒有餘下太多空位。食品味道屬重口味，吃後會感到口渴，但價格實惠，可以一試，但不作推薦。👅 味道：4/5💰CP值：4.5/5🕴🏻服務：4/5🔰餐廳環境：3.5/5🍽 餐廳：川滿居 （京都廣場）🌐地址: 銅鑼灣駱克

蒜香拍青瓜🥒以前菜小食嚟講佢嘅份量都算幾多下青瓜切成一塊塊厚片嘅經過加入醋同埋鹽醃製所以酸酸地超級開胃然後拌入大量蒜蓉蒜泥攪勻又有啲清新同埋大蒜獨特嘅香氣🧄因為青瓜味道酸酸地然後質地又非常爽脆冰冰涼涼咁非常之適合做前菜 好開胃令你可以食到更多之後上嚟嘅美食👅辣子雞🐔辣子雞嘅雞粒細細粒細細粒咁賣相超級似平時食嘅雞軟骨每粒雞粒雖然好細但都唔會話炸到好乾或者食完等於無食咁都會嚐到雞肉嘅口感加上大量辣椒炒炒埋埋辣辣地好刺激

Ready for a fiesta of flames? Ok maybe not that spicy but definitely enjoy a meal with a kick here. Pickled veggie is great with the fish, not too fishy and tastes fresh in comparison to other joints I’ve been to. Also tried the red oil version, but much prefer this pickled veggie one… Overall more depth!Lotus with sliced pork was super flavourful. I had so much to eat I packed leftovers the next day for lunch (but it was super spicy by then). Love dining here