川滿居 (京都廣場)

营业中

休息中

(九十八元)辣子雞軟骨個人認為呢位菜比平時食開嘅辣子雞塊更更更好味，直情可以話係高幾個層次。🌟雞軟骨經過高溫油炸之後口感好酥脆帶著獨特焦香嘅味道。雞軟骨油炸後落鑊加入大量辣椒同香料以細火慢炒至入味，味道香辣有麻香口感。🌶️(一百八十八元-正常份量)金湯酸菜魚可以加至二百八十八元要加大份量 但因為得我同朋友兩個女仔就叫正常份量已經綽綽有餘～基本配料會包括咗薯粉 木耳 腐竹 蓮藕 大豆芽 唔同嘅香料辣椒粒。🍜超級有興趣下次再來試試佢地其他嘅食物，相信都會好好味！

叫咗個最經典，每十張枱有八張都點咗嘅水煮魚。魚片有埋少少魚皮，魚肉口感都幾爽。調味係用好多好多辣椒炒製再加入魚片煮成嘅，食到辛辣感同埋過癮嘅麻感🌶️食辣野當然要叫翻一杯青島啤酒配一配。據聞青島啤酒係其中一款最廣為人知嘅啤酒，基本上隨便一間有賣啤酒嘅餐館都會見到佢嘅存在🍺青島啤酒釀造時候用嘅水係非常出名嘅嶗山礦泉水，嗰度嘅水質純淨、口味甘美。釀出嚟嘅啤酒啤酒花味比較淡一點，口感清爽潤順。好欣賞係餐廳明白到飲啤酒就係要夠冰凍同埋保留到啲氣泡，呢度都做到👍

🐔藤香雞🐔雞件係連骨上嘅，雞肉滑溜得嚟雞味都好濃好香好突出。藤椒汁都好好味比較特別，唔係好似口水汁剩係得辣味，而係多左陣強烈嘅麻痹感覺。配嘅🍚白飯🍚都想講一講：佢哋嘅飯粒比較幼身扁長，就唔太似平時日本壽司店或者其他餐廳食到嘅日本珍珠米肥嘟嘟脹卜卜咁，反而更似係泰國嘅茉莉香米，自帶一種清新嘅香味，係平時普通白米飯所食唔到嘅。而且因為佢嘅直鏈澱粉含量比較低所以食落口感柔滑又濕潤。🐟金湯酸菜魚🐟材料非常非常多非常足料，除咗魚片仲有好好味嘅酸菜、菇、薯粉。

我對酸菜魚有種心癮🥹👉🏼👈🏼每隔一段時間就會好想食！今次黎到銅鑼灣一間川菜餐廳【川滿居】，試試佢地既招牌酸菜魚😻餐廳位於銅鑼灣京都廣場，裡面掛滿紅色既燈籠、傳統手工藝等等🏮，好有中國特色🤣雖然裝修唔算好新，但勝在乾淨企理，仲有梳化位坐，好舒適💕❥ 金湯酸菜魚(小辣) $188呢個份量兩個人食岩岩好👍如果驚唔夠喉，可以叫加大size($288)🫶🏼我地叫左小辣，湯底飲落酸酸辣辣，好開胃😉魚肉大大塊，好嫩滑，完全無骨，超正😝🐟入面仲有紅薯粉、菇片、酸菜等等，完全吸晒湯汁既味道🤤撈埋d白飯食真係一流呀✔️❥ 籐香雞 $66籐香雞係凍食既，雞上面放左少量籐香，散發住淡淡既麻香♨️雞肉幾嫩，好食😋❥ 京蔥牛肉(配6張麼麼皮) $88牛肉嫩滑，牛味香濃🥰醬汁好豐富，連埋京蔥炒得好香好入味✨仲可以用麼麼皮包住黎食，別有一番風味🤎❥ 白飯 x2 $15❥ 可樂 x2 $15

一直係咁落雨，天氣影響心情，心情影響口味，想食D濃味菜喚醒一下自己一出地鐵站過對面廣場就黎度呢間川菜店，位置相當方便餐牌上提供招牌香鍋，金湯酸菜魚，水煮系列，估唔到連片皮鴨都有得食，仲有小炒，都幾岩食！ 食上海菜會叫醉鷄，黎呢度會叫藤香雞 ($66)，兩隻都係凍盤，係呢D炎熱天氣食都幾爽成條藤椒放係鷄件上，鷄件浸煮係帶有藤椒味嘅汁上，幾入味，鷄肉仍然係嫩滑，夠味之餘食到藤椒香味，即刻叫碗白飯，一凍一熱好過癮。呢客金湯酸菜魚 ($188)出鏡率幾高，一客份量足夠2-3人食，辣度任你選，我哋要咗小辣魚片入口嫩滑鮮甜唔在講，最緊要係無骨啖啖肉，食得開心又放心。湯底味道酸度適中，唔會嗆喉，小辣再助攻開胃口。除咗魚片，仲有雜菌，萵荀片及薯粉，配合個金湯好岩數，仲可以愛黎撈白飯食。再黎多個京蔥牛肉配6片嬤嬤皮 ($88)即係好似食北京填鴨咁用嬤嬤皮包住食，濃味嘅京蔥牛肉與軟身嘅嬤嬤皮一齊放入口，醬汁一滴都無浪費，好有滿足感。侍應姐姐招呼唔錯，卡位坐得幾舒服，難怪一直都有客到黎開餐。

一開𨋢門就聞到好大陣味, 係真係非常濃味包圍左成個環境黎到時姐姐已經話今日好多BOOKING, 只可以安排80分鐘, 我地有BOOK檯不過2個應該都OK既所以大家要注意番呀藤香雞 $66係幾好食既, 好滑既雞配埋D汁好開胃京蔥牛肉 配 麼麼皮 $88呢個組合第一次食, 好特別, 唔會太重味反而幾好, 皮好薄金湯酸菜魚 $ 188就係呢陣味, 一出𨋢個陣味XD係幾好食, 冇骨, 湯頭好濃, 對得起金湯既名食到呢到, 我地唔小心打瀉左杯檸茶, 因為係高杯, 所以其實都幾大動靜樓面3個姐姐望我地一眼, 完全冇諗過拎塊布幫幫我地直到30分鐘後, 塊檸檬同一堆冰一直都係到D姐姐經過過好多次, 每次都只係睇檯面有咩收, 而好明顯既檸檬佢地都係睇唔到, 好有默契

Woah woah woah! This place serves really good food. I'm surprised, I came in without any expectation but after tasting 1 bite either the chicken or the sauerkraut fish, I'm just speechless! I give this place 10/10 for their food, their service and best its not that pricy. 🥰❤️😍Definitely will come back again for their food and it was a busy day that night, waiting time is around 20mins or so? But overall, I LOVE IT!!!!! Thumbs up for me!!!! Hopefully for u too, yummie!!!!

由於女朋友太中意食辣野既關係，佢話銅鑼灣有間好傳統又足料既川菜，所以今晚就帶左佢去食佢至愛既辣野🌞——————🐽 藤香雞頭盤先叫個凍雞試下，佢既汁係好鮮味既雞湯再加埋椒麻味，陣係個汁已經可以撈一大碗飯🤣個雞生熟度岩岩好，入口嫩滑🐽 孜然羊肉好重既孜然味道，羊肉入口好香口，加埋洋蔥夾埋個包食好夾🥰🐽 金湯酸菜魚未食過甘足料既酸菜魚😍除左魚塊中有大量既鮮菇同酸菜，個湯飲落去鮮而無味精味，酸酸既味道特別開胃🙊

今次終於係久違嘅一家人一家四口出街食飯🏠因為嚟之前上網做過資料搜集見到啲人都話佢地嘅份量好多好澎拜，咁我地就怕自己會食唔哂唔想浪費食物，所以剩係叫咗三個送菜：大盤花菜、霸王蝦球、麻婆豆腐配幾碗白飯。首先先介紹我最愛嘅大盤花菜。唔好見佢顏色淡淡地，顏色又無另外嗰兩味咁深紅就覺得佢一定輸洩先！花菜就好似我地平時嘅椰菜花，口感粉粉軟軟，味道鹹香唔會過辣，算係三款之中味道最溫和溫順嘅。但就係呢種簡單美味最吸引到我💚呢三味菜都超級送飯，結果清曬一滴不剩！

/ 串滿居銅鑼灣抵食大大盆又滑又好味嘅金湯酸菜魚🐟最近沉迷食辣野, 所以周圍搵好食嘅川菜, 係銅鑼灣京都廣場樓上有一間出名食酸菜魚嘅餐廳, 一入餐廳已經有濃烈川菜嘅辣味, 餐廳唔算好大不過座位安排都快而且有卡位坐👍🏻🌶金湯酸菜魚一定要嗌嘅招牌菜, 可以根據自己能力選擇辣度, 超大盆酸菜魚魚片份量好足而且又滑又厚肉, 湯底酸酸辣辣好開胃, 除咗有魚片之外仲有雜菇, 蘿蔔片同薯粉, 足夠2至3人share!🌶藤香雞我好中意食藤香嘅味道, 麻而不辣好過癮, 雞肉吸收曬藤香味, 而且大部分都係雞髀肉好嫩滑😛🌶孜然牛肉(配6隻嬤嬷皮）好重孜然味, 牛肉經過腌製好嫩無筋, 另外仲比咗6塊嬤嫲皮夾住牛肉食, 幾特別👍🏻整體來講酸菜魚真係好出色抵食, 如果2個人黎食就咁嗌一個魚都綽綽有餘, 值得推薦👏🏻📍 川滿居 (京都廣場) (銅鑼灣)銅鑼灣駱克道491-499號京都廣場6樓

🌶️辣子雞，因為啲雞都切得比較細粒，建議可以用調羹不嚟食，如果食到辣或者想挑戰一下嘅朋友仔仲可以放一兩粒辣椒一齊食，用調羹食一來比較方便容易食到，二來係感覺都比較爽，因為可以一次過食到幾粒嘅雞丁 ，更有口感更有層次🤩見到咁多辣椒都唔使怕佢會辣到燒喉嚨或者燒胃令你好唔舒服，佢嘅味道係麻味比辣味突出，會食到嘴唇麻麻地但都唔會話太辣👌（利申出街食開小辣米線）另一款叫嘅味道就更加溫和 係🐟金湯酸菜魚，個湯底的的確確係個名所講嘅金黃色，味道酸酸地帶啲啲甜好有層次幾得意

香港人愈來愈愛吃酸菜魚，所以美食林立的銅鑼灣也愈來愈多京川滬餐廳。這間位於京都廣場，又鄰近地鐵站出口，價錢比起同類型的餐廳更為便宜，且口味同樣地道水準。金湯酸菜魚 - $188金黃的湯色非常誘人，一片片光滑肥碩的魚肉連著魚皮，完全沒有魚刺，肉質柔軟細膩，迎面撲來就是酸酸的魚香味，還有很多酸菜酸爽可口，又有乾辣椒提升麻辣感，配料還有些菇類、萵荀及晶瑩剔透的薯粉。孜然牛肉 - $98即叫即炒的牛肉散發著濃郁的孜然香，帶少少微辣的刺激感，洋蔥炒香甜柔軟，配六塊麼麼皮正好用來包裹著。口水雞 - $66一件件口水雞，油亮柔軟的雞皮好滑溜，雪白的雞肉嫩口又濕潤，有少少炒香的白芝麻和花生碎，底部的口水汁有著紅油、炒香的辣椒渣及辣椒籽，富麻香芬芳，好有惹味。無糖可樂 - $15凍檸茶 - $18吃辣一定要配凍飲解辣，夠冰凍。

酸菜魚係有種魔力，久唔久就會想食，真係中曬毒。 搵到呢間位於銅鑼灣鬧市嘅川菜， 銅鑼灣C出口，對面就係，行一分鐘都唔使。方便到呢。 金湯酸菜魚$188梗係食佢個招牌「金湯酸菜魚」啦。兩個人食$188，超大碗。兩個人都食唔曬。我叫咗中辣。OK應付到。 雖然係辣，個湯底仍然飲到鮮甜嘅魚味， 衝擊著醒神嘅酸菜。正。 一定要講下條魚，條魚係連皮上嘅魚片。彈牙爽口，而且非常滑！重點係無骨！唔使驚啃親。 佢裏面有好多配料㗎喎，菇，萵荀呀，酸菜呀，令成盤嘢更加有層次同埋更加豐富。當然唔少得有我最鍾意食薯粉啦，索曬啲汁，又夠彈牙滑身。 仲有佢啲菇，有幾類，重菇味，菇迷一定要試。 藤香雞 $66超滑隻雞，而且啖啖肉皮下脂肪剛剛好。 孜然牛肉(配6 嬤嬤皮)  $88呢個真係一流， 配上薄薄而且新鮮出爐熱辣辣嘅麼麼皮，包住食好正。牛肉嘅超嫩， 夠火喉，炒得好。洋蔥索曬啲汁， 撈飯一流。兩個人食咗一個酸菜魚，藤香雞，炒牛肉，兩碗白飯，兩個飲品，都係四百蚊。仲冇加一，人均消費200蚊。

上次第一次嚟呢間川滿居就係平日嘅下午時段，會有午市餐點提供選擇。今日就趁著晚市時段六點幾嚟到，試試佢哋晚市單點嘅菜式🌛藤香雞$68有突出嘅藤椒香味，麻香味道比辣味重，可以話係麻而不辣。同其他辣嘢相比相對口感更加溫順唔搶喉嚨👅雞比左個雞髀位置，肉質肥美又嫩滑唔會好乾好鞋，非常嫩口滑身👍底部都滲著啲醬汁，唔會過鹹，如果覺得齋食雞肉都仲係未夠重口味就可以不埋啲醬汁一齊食，味道會更鹹同埋更麻少少。辣子雞軟骨$98顧名思義就係用平時做辣子雞嘅煮法，不過換左做雞軟骨👅

蓮藕條炒牛肉片～大鄉里出城～第一次聽蓮藕條亦都係第一次食到，同平時嘅蓮藕比較蓮藕條更加幼細而且口感比較綿密，就唔會有平時大大舊蓮藕咬開牽絲嘅視覺效果所以可以話係食得比較方便，而且個細細嘅窿窿又可以吸曬啲甜甜辣辣嘅醬汁，感覺好似個海綿🧽咁，而且經過翻炒所以口感又帶點兒爽口脆身，牛肉片份量好多又稔身完全唔會韌金湯酸菜魚，冬菇切片、草菇、金菇，大量嘅酸菜，味道鹹鮮鹹鮮又唔會太鹹太嗆，酸菜索哂啲金湯嘅精華同埋味道，就算直接食啲酸菜都唔會過鹹或者酸到打冷顫，超級好味又醒胃😋