川滿居 (京都廣場)

营业中

休息中

喜歡大江南美食，喜歡川味風格，今次就介紹返銅鑼灣呢間川滿居，本人特別欣賞同喜歡。疫情放寬後，想食返餐好，特別係嘴饞了好久的川菜，我就會來川滿居。首先一定要講既係，呢度既侍應姐姐特別好服務，十分體貼又有趣，而且叫幫手影相唔會托手肘，而且仲好悉心介紹招牌菜，有咁好既員工，食客開心，老闆生意更興隆。事不宜遲就緊係點野食，見到網上好評金湯酸菜魚，藤香雞，京蔥羊肉，唔洗煩，照點呢幾味。金湯酸菜魚我之前都食過，送飯一流，而且分量十足，裡面還有很爽滑的粉，好入味，魚肉也滑溜，大大舊真係好頂癮，絕對係酸菜魚控的首選。第二味藤香雞，又係無得頂，雞肉本身都係滑溜溜，口感好又夠彈牙，難怪也是招牌菜之一。最後京蔥羊肉，其實可以炒其他肉、我就偏愛羊肉較多，真係無揀錯，羊肉夠新鮮又夠穌，再包上嬤嬤皮，加埋d京蔥，口感味道真係夠曬豐富，食極都唔厭啊。埋單$400到，份量夠3個人，係銅鑼灣地帶，又抵又好味。