川滿居 (京都廣場)

营业中

休息中

蓮藕條炒牛肉片～大鄉里出城～第一次聽蓮藕條亦都係第一次食到，同平時嘅蓮藕比較蓮藕條更加幼細而且口感比較綿密，就唔會有平時大大舊蓮藕咬開牽絲嘅視覺效果所以可以話係食得比較方便，而且個細細嘅窿窿又可以吸曬啲甜甜辣辣嘅醬汁，感覺好似個海綿🧽咁，而且經過翻炒所以口感又帶點兒爽口脆身，牛肉片份量好多又稔身完全唔會韌金湯酸菜魚，冬菇切片、草菇、金菇，大量嘅酸菜，味道鹹鮮鹹鮮又唔會太鹹太嗆，酸菜索哂啲金湯嘅精華同埋味道，就算直接食啲酸菜都唔會過鹹或者酸到打冷顫，超級好味又醒胃😋

🌶️麻婆豆腐🌶️呢個同樣超級大盤，有大量白雪雪滑捋捋嘅嫩豆腐，味道麻麻辣辣香鮮味重，重聞到陣陣花椒油同埋豆瓣醬嘅獨特香味，完全無有時候有啲唔好味嘅麻婆豆腐會帶嘅豆腥味，配搭大量豬肉碎都會增加啲肉鮮甜嘅味道🐷經典重口味又好好味👌呢味菜配左一碗白飯，因為醬汁超惹味超送飯所以連我呢啲平時唔太鍾意食飯嘅人，都竟然食哂成碗飯😱❤️另外都叫咗一盤大大盤嘅水煮魚，份量驚人，除咗海量鮮魚片重包含唔同嘅菇類 紅薯粉 萵筍 各種香料等等，我同兩個朋友仔三個人都食到超級飽足！

蓮藕仔炒牛肉平時蓮藕煲湯就是得多炒菜好似都係第一次食。突然間見到覺得好神奇所以就上網睇睇資料 發現原來蓮藕仔又叫做藕帶，屬於植物蓮🌳最為幼嫩嘅根狀莖；係未生長成形嘅藕，口感上係最嫩最唔硬嘅藕。蓮藕仔爽脆又帶啲稔身，口感確實好得意味道清甜。因為食材本身味道比較淡所以用嚟配牛肉同埋醬汁一起炒。牛肉都有一定嘅厚度，食落質感極鬆軟，雖然未誇張到日本頂級和牛嗰種入口即溶，不過因為牛肉已經去咗筋所以都好嫩滑好鬆鬆軟🐮味道香濃酸酸辣辣，配飯食一流🍚

烤魚有四款魚嘅種類選擇：烤魽魚 烤加州鱸魚 烤大桂花魚 烤沙巴龍躉辣度有四級或者係唔辣口味選擇：香辣 麻辣 酸辣 醬辣基本配料有：薯粉 木耳 腐竹 蓮藕 大豆芽 青瓜條加錢嘅配料選擇有二十款有澱粉有肉有蔬菜有海鮮都有素食———————————————————————我哋就點咗三百六十八蚊嘅烤大桂花魚 麻辣小辣魚皮經過油炸卜卜脆然後魚肉保持到滑溜嫩滑嘅口感味道麻麻辣辣越食越麻辣越食越過癮超級爽💧小菜方面叫咗個水煮魚片 麻婆豆腐 辣子蝦球每樣都攞左好多辣椒同埋辣椒乾 成台紅卜卜顏色鮮豔超級開胃😂🤣

喜歡我嘅食評可以關注我🫰🏻❤️ʚ︎ɞ ๑⃙⃘๑⃙⃘๑⃙⃘ ʚ︎ɞ ๑⃙⃘๑⃙⃘๑⃙⃘ ʚ︎ɞ ๑⃙⃘๑⃙⃘๑⃙⃘ ʚ︎ɞ 位於銅鑼灣地帶🫰🏻上次閨蜜已經帶過我嚟食☺️食過返尋味～今次帶朋友過嚟試試佢！ʚ︎ɞ ๑⃙⃘๑⃙⃘๑⃙⃘ ʚ︎ɞ ๑⃙⃘๑⃙⃘๑⃙⃘ ʚ︎ɞ ๑⃙⃘๑⃙⃘๑⃙⃘ ʚ︎ɞ ⊰⊹═══════════⊹⊱🪢金湯酸菜魚💰188🪢一大盤嘅酸菜魚超吸睛🫰🏻唔止賣相好！而且味道仲好正！魚肉大大片滑溜溜的🐟份量亦唔少😍仲有啲配菜勁好味、下面仲有啲薯粉必叫之選🥰🪢滕椒雞💰66🪢鮮嫩雞肉🐤帶點滕椒味😍滕椒係咩味？麻辣個麻就係滕椒味🌶🪢孜然牛肉配嬤嬤皮💰88🪢孜然味幾好～串燒好鍾意落孜然粉，大概知道咩味吧🤭加上洋蔥🧅～夾住牛肉食層次更加豐富再配上白飯簡直一流🫣⊰⊹═══════════⊹⊱‎ﻌﻌﻌﻌﻌﻌﻌﻌﻌﻌﻌﻌﻌﻌﻌﻌ🔖 川滿居📍銅鑼灣駱克道491-499號京都廣場6樓‎ﻌﻌﻌﻌﻌﻌﻌﻌﻌﻌﻌﻌﻌﻌﻌﻌ

一入到餐廳首先第一感覺係好有古色古香嘅感覺顏色以米色 木色 藍色為主調 仲有啲充滿中國特式嘅掛飾 燈籠做裝飾🏮喺呢個環境底下食中菜感覺都好似特別正宗咁🇨🇳菜式方面點咗1⃣辣子雞雞肉經過油炸 切成好細粒所以特別脆卜卜脆卜卜唔會話太乾太硬運用咗好多新鮮辣椒同埋紅辣椒乾一同炒再加入咸咸嘅花生粒🥜表面放咗啲芫荽連葉連莖部 味道又會清新輕型翻少少整體香口又麻麻辣辣咁 絕對會令你食唔停口 食完又想繼續食 完全毫無抵抗力！2⃣蓮藕仔炒牛肉片都係好濃味好唔錯

餐廳位於繁忙嘅銅鑼灣京都廣場樓上嘅六樓，好方便係銅鑼灣地鐵站行大約一分鐘上電梯就可以直接到達👍入到去感覺好溫暖：首先係店員好有禮貌服務你，其次係餐廳嘅燈光主要採用黃光 。顏色方面運用木色 黑色同埋藍色為主，座位就多數係卡位沙發位，舒適度好高😉除咗環境同埋店員服務之餘當然食物質素都好重要啦！今次叫嘅水煮魚片同埋藤香雞都超惹味，完全無失望👅水煮魚片用既鱸魚片，切成一片一片偏長身都唔會話太薄無口感或者太厚吸收唔到湯底香料味道👌湯底麻辣鮮香好正

川滿居🐠足料魚骨湯底酸菜魚🐟呢幾日 好似不停落雨咁☔️見之前有人介紹到魚湯係老闆每日用足料魚骨熬🐠嘅，想有熱湯又有辣野就揀左間川菜野食 食酸菜魚🐡金湯酸菜魚🐡我係比較鍾意食酸菜魚，因為唔想d鹹魚味俾d辣味覆蓋左 今次就叫左微辣今次飲左d湯 酸得嚟帶少少辣同麻香🌶，好好味除左表面睇到嘅魚片，撈起入面都仲有好多魚片，兩個人差d食唔曬tim魚係用大鱸魚，每片魚肉好滑好厚身，而且有鮮味，一個字 正~除咗魚片仲有好多種菇同薯粉等做配料，即使 3至4人分個份量都足夠！🐔藤香雞🐔我食雞都食得多啦~但未試過呢道嘅未帶，味道好新鮮睇，真係 唔好睇佢 外表平平無奇，食落有估唔到ge 新鮮感，每啖都有花椒香味 🌶🫑感覺到一陣舌頭麻痺 幾過癮 真係要用舌尖黎試下佢ge真身🐮京蔥牛肉🐮上菜已經聞到好香，牛肉豪滑 真。嫩牛🐮自己個人唔係好食京從 但食落好食有幾好 沒有抗拒 對於我黎講 係一個好好ge機會去接受京蔥味啱啱好，唔會太過重手，成道菜好惹味！仲配6片麼麼皮包牛肉嚟食，塊皮好薄身，兩種食法都好味，幾好玩咁樣食 人均200左右，兩嘅真係飽到~一個點

最近沉迷吃辣 所以到處搜尋好吃的川菜看到銅鑼灣這間的評價不錯就跟辣妹朋友一起試試點了幾款 味道不錯 價格也非常相宜金湯酸菜魚 有分普通版和加大版普通版份量已經好多 兩個女生吃不完如果你喜歡酸味比較重的酸菜魚非常推薦來試試這間魚片用上加洲鱸魚 非常嫩滑鮮味店員說湯底是用雞和豬骨煲成 所以份外鮮甜也比用魚湯更多了一份層次口水雞點的小辣 但感覺辣度比其他川菜店更辣雞肉結實有彈性京蔥牛肉配嬤嬤皮非常香口惹味 炒得半熟的洋蔥和京蔥帶點點辛辣 跟牛肉是絕配用嬤嬤皮包著同吃別有一番滋味推薦酸梅湯 酸酸甜甜特別解辣

午市時間去到見到午市餐牌嘅選擇都幾多下, 有重口味嘅麻辣香鍋 水煮牛肉水煮魚肉, 亦都有比較養生無咁濃味刺激嘅黃花魚湯, 都滿足到有唔同喜好或者需要嘅朋友仔😋回鍋肉｜$56男朋友嘅父母係住係四川土生土長嘅四川人, 之前陪過佢翻四川屋企探望佢嘅屋企人, 聽聞回鍋肉屬於非常出名的家常菜 家傳戶曉嘅一味菜式 , 基本上每個屋企都一定識煮呢味菜式, 同男朋友嚟到呢度當然都要懷緬一下家鄉之情。回鍋肉用嘅係五花腩片 有肥膏有肉相隔 都幾軟嫩香口, 調味辣辣鹹鹹 比較偏向重口味但唔會過分鹹!!出色!!

好耐冇食辣嘢，今次喺銅鑼灣食咗呢間川滿居，覺得唔錯喎，每台入座起有90分鐘用餐時間。我哋點咗盤酸菜魚，超級大盤，配料豐富，超抵食！都係$188咋😍藤香雞 $66一入口以為係口水雞，入口麻味較重，辣味反而輕啲。孜然牛肉 配嬤嬤皮我哋揀咗孜然牛肉，表面滿滿的蔥同芝麻，店主叫我地配埋嬤嬤皮一齊食，好似食緊片皮鴨咁😆😆，口感唔錯。

好耐冇食辣嘢啦！ 係時候食下川菜先🥰 金湯酸菜魚 $188一上到枱覺得勁大碗，我哋叫咗細（bb辣）但係都食唔晒，呢個份量係適合三至四個人食👀 分量十足之餘啲酸菜魚仲要勁滑， 入邊仲有好多唔同嘅配料，有酸菜、蕃茄、三種菇、辣椒🌶️、紅薯粉（勁彈牙），以呢個價錢嚟講份量非常足料🤘🏻 藤香雞 $66口感勁似口水雞，啲醬汁都幾好食😋京蔥牛肉配六片嬤嬤皮 $88啲牛肉整得幾滑，配埋嬤嬤皮食啱啱好，唔會太鹹又唔會太淡🤍桃之夭夭 $36桃味幾香，不過叫咗少甜少冰都有啲甜，如果唔鍾意食甜嘢嘅可以叫佢走糖😌總括而言 (5個🤎係最高)好味指數 : 🤎🤎🤎🤍🤍服務態度 : 🤎🤎🤎🤎🤍環境打卡 : 🤎🤎🤍🤍🤍回頭指數 : 🤎🤎🤎🤍🤍📍川滿居 (京都廣場) (銅鑼灣)🏢銅鑼灣駱克道491-499號京都廣場6樓🕗星期一至日 11:30 - 22:00

午市套餐：有成十七款 牛肉豬肉雞肉同埋素食都有 有辣有唔辣 任君選擇；主食方面有啲配白飯有啲就可以選配薯粉 自由度都幾高。價錢由五十幾蚊到六十幾蚊 價錢合理！回鍋肉食到突出嘅蒜苗、辣椒炒香嘅味道，聽聞回鍋肉一般會選擇蒜苗而唔係蒜蓉或者蒜頭因為蒜苗口感更柔軟味道更香，食到濃郁嘅豬肉香味加上豆瓣醬甜甜辣辣嘅味道 香味撲鼻而來😝😝亦因為佢有咁正嘅醬汁所以呢款成為咗白飯殺手🍚朋友就嗌咗個水煮魚🌶️樣貌紅卜卜好似好犀利咁😄

個人認為呢款秘制拍青瓜🥒係屬於睇落以為好容易做但整落其實細節位置超級多要注意嘅菜式，首先係顧名思義叫做拍青瓜重點之一當然係“拍”，如果拍得太大力小青瓜會散散搜搜 一來賣相唔靚二來太細舊就會太容易入味導致太鹹，如果拍得太細力小青瓜嘅裂口又會唔夠大導致入唔到味，所以要好好掌握個拍嘅力量～👊；另一個細節位係要先將小青瓜嘅瓜囊刮掉 防止佢出水會沖淡咗整體嘅調味，調味方面係酸辣鹹都有而且都偏重口味 超級惹味😍介紹就講完啦，而家就分享下對川滿居拍青瓜既食評。明顯佢地係完全捉到拍青瓜既精髓，拍既時間冇馬虎，所以令到拍青瓜好入味。醋同辣椒既份量用得好巧妙，令到酸辣既味道相輔相成，一流👏🏻👏🏻👏🏻👏🏻主菜方面嗌咗個經典水煮魚 都相當高質！水煮魚好滑溜 份量都好多 食得到啖啖肉冇骨 真係幾推介！

話說呢日同媽媽喺港島區附近行街行行下行到攰就諗起我地一路都話想一齊去銅鑼灣試試呢間川滿居，所以就起行嚟咗試一試佢。😆適逢下午就好好彩有午市套餐供應，見到個餐牌都有唔少選擇，但我地其實已經鎖定咗自己想試嘅嘢，所以好快就決定好可以落單。叫咗一個酸菜魚同埋一個麻婆豆腐，前者配薯粉後者就配咗碗飯。👏🌊金湯酸菜魚薯粉🌊雖然係午市套餐價錢比平時單點嘅平，但份量都絕對唔敷衍！有成十幾塊滑滑嘅鮮魚片、香菇片、萵筍、蔥花、泡椒辣椒。金湯味道有酸酸辣辣但唔會太嗆，可能係因為食到啲甜味中和咗。底下都唔少嘅薯粉，質地彈牙煙煙韌韌好好咬口。🍜