川滿居 (京都廣場)

营业中

休息中

經朋友介紹, 今晚去銅鑼灣食川菜.   川滿居. 用上京劇女將, 照片有特式.入到去覺得個環境好熱鬧.  一派喜氣洋洋的佈置.餐廳 座位舒適, 整齊,  店員招呼有禮, 我和朋友,  先點青島啤酒一樽.  清凉  !!餐牌印刷清晰,  食物豐富, 有四川名菜, 有魚.   又有雞, 有辣有吾辣. 價錢中等.     我們點了魚和雞.金湯酸菜魚,    食材好豐富,   主角是鯛魚片, 配料甚多, 有酸菜, 蒿筍, 鮮菇,  菇片,  青紅辣椒,  唐芹, 芫荽,  薯粉等, 滿滿 一鍋.魚肉入口鮮, 有勁度十足的麻香和鮮辣味, 隨即而來一陣陣麻痹感, 花椒的清香和鮮嫩魚肉在口腔爆發.仲意食酸菜魚者必叫,  鯛魚魚肉好滑, 配菜相當好.紅薯粉好粗身, 煮得稔滑,  口感煙韌,  麻辣調味, 剌激食慾又惹味. 川香鮑魚雞煲 (半隻)   熱騰騰用鍋仔盛載,  好惹味又香噴噴.   大鍋足料, 色香味齊!   雞 肉質新鮮滑口, 好肉少骨,  材料細選,  份量足, 一鍋有四隻鮑魚,  好 滿意 !!  鮑魚炆得稔, 超好食調味好,  味道濃香,  吾會太辣.  我們叫了白飯撈汁.此餐廳師傅

今日同老公吃辣，叫咗兩個招牌餸：金湯酸菜魚、招牌香鍋😍😍金湯酸菜魚果然係真店之寶，嗰大碗酸菜魚好嘢未，叫咗小辣，啲魚好鮮好嫩，萵筍雜菇好足料，食極都未食完，好像尋寶一樣，酸味和辣味平衡得一流！招牌香鍋好惹味，一上枱已經香到不得了，令人流晒口水，送酒送飯一流。香鍋嘅材料都好多，牛肚好腍，炸豆腐好香😋😋我身邊個男人話如果配午餐肉更正，男人的浪漫🤣真係抵食，兩兜都好大兜，食到飽到暈所以叫唔到其他嘢試😂好想再去試佢新出嘅香辣海鮮🦞鍋！

囡囡話想食酸菜魚，朋友仔介紹銅鑼灣川滿居，又平又好食，囡囡放暑假梗係要帶佢去試下，中午時間入到餐廳大部分滿座，剛剛有卡位客人走，店員安排我們入座👍👍👍👍藤香雞冷盤推介，炎炎夏日食都幾爽，成條藤椒放左雞件上，雞脾肉又滑又彈牙😋😋😋😋京蔥牛肉（配嬤嬤皮）店員熱辣辣地送上京蔥牛肉同嬤嬤皮，香氣撲鼻，令人流晒口水，味道鮮甜又爽脆的京葱，配上肉質嫩滑的牛肉，十分惹味，用嬤嬤皮包住食可以令到冇咁油膩。轉眼間就清晒成碟😋😋😋金湯酸菜魚魚片爽脆得來又香滑，金湯香濃但唔會搶走魚片嘅鮮味，味清甜味，非常之適合香港人口味，可選微辣小辣中辣同大辣，大人細路都啱食😋😋😋😋入邊仲有很多菇類和薯粉。

今日過海銅鑼灣，放工時候約老公喺銅鑼灣駱克道京都廣場食飯，乘電梯上，每層一食肆，位於六樓的《川滿居》食京川菜。好好彩被安排坐窗口位，落地玻璃望到街景。片皮鴨(半隻)配麽麼皮~片皮鴨都有好多件，配青瓜及京葱絲，甜醬都好重要，麼麽皮好薄，食多兩件都唔覺太多，片皮鴨個皮都幾夠香，肉質唔錯。蓮藕仔炒鯛魚片(小辣)~原來一條條小圓柱體就係蓮藕仔，非常可愛，入口好爽脆，醬汁味道小辣帶四川口味，師傅先把魚片泡過油，魚肉質地爽滑，再加醬汁炒香。魚香茄子(小辣)~這個味道有別於廣東魚香茄子，川式小辣，煮淋了的茄子索滿肉碎濃汁，既惹味也可口，絕對要配白飯。店員友善招待，細心介紹各種菜式。

「如果將街燈的光線代表真愛
或者熄燈了會更發現你存在
如果日落西山燈光普照麻木了
蒙住這雙眼令黑夜再來
誰叫我這樣活該
縛起雙手給你愛
愛到兩腳浸沒在大海不懂再走開」川菜就似種誘惑，香辣味美，但辣是種刺激感，刺激舌頭上的味蕾。今晚點上了金湯酸菜魚、辣子肥腸、口水雞，其他兩人份量非常足夠。辣子肥腸從來未試過這麼香脆入口即溶的肥腸，炸得酥脆不油膩，香辣不嗆鼻，入口惹味。口水雞唯一略嫌失色，但雞肉尚嫩。金湯酸菜魚湯底酸味足鮮甜惹味，魚肉滑溜，魚皮彈牙，配上薯粉更是飽腹感一流，酸菜不會太酸，入口恰好，萵筍和菇亦是不錯的配菜。.兩個人只要400 元，價錢相宜，服務貼心，地點方便。

放工走去銅鑼灣醫肚，最近想食辣既我地去左京都廣場試下呢間川菜😋水煮魚🐟平時食開小辣既我地，今次竟然挑戰中辣，就憑店員話佢既辣係比出面小一級就試試啦！黎到就聞到好香😃魚同配菜既份量都岩岩好～入面仲有我鍾意食既薯粉 十分索味！食到個咀都好麻辣 辣得都幾過癮～唔錯🤗孜然牛肉🐮呢個食法都係第一次食～用嬤嬤皮包住孜然牛肉黎食 好有食片皮鴨既感覺！孜然牛肉好香 好入味 有少少味，食晒d嬤嬤皮拎黎送飯都相當出色👍🏼滕香雞🐔呢碟係冷盤，開頭第一二舊食覺得唔係好夠味～之後我將d花淑浸落d汁度等一等再撈暈佢再食即刻入味好多，每件雞件都好嫩滑😃總括黎講，上菜速度算幾快，環境都有風味，食物都有中高分，唯獨店員可更寬容🤗川滿居 (京都廣場) (銅鑼灣)銅鑼灣駱克道491-499號京都廣場6樓

好友一向鍾意食川菜，而家天氣食香辣又醒胃，出返身汗特別爽！今日就去咗位於銅鑼灣既川滿居，試咗幾款招牌菜式，麻辣鮮香、大份又足料，正！香辣鮮香鍋有齊蟹、鮑魚、蝦、生蠔、沙白、魷魚鬚等，超大碟，勁足料，好豐富！！推薦大大隻鮑魚，質感柔軟有韌度，厚肉爽身，鮑魚味濃郁，正～蓮藕仔炒腩片即叫即炒熱辣辣，上枱時香氣四溢！蓮藕清爽，腩片爽滑，醬汁又惹味，拌飯一流。飲品揀咗自家製酸梅湯、凍檸茶，解膩解渴一流，飲落透心涼！

這天好想吃酸菜魚，所以跟朋友來到這裡！金湯酸菜魚 - 小辣是份量十足的菜式，兩個人分享一份已經很滿足！白嫩的魚肉是百吃不厭的！不過，下次我應該要選擇中辣，雖然現在的酸辣程度是我非常滿意的，但我覺得要是再刺激一點點，食物味道會更深刻！我們的飲品分別是桃之夭夭及凍檸茶。桃之夭夭是朋友的飲品，我沒有品嘗，但見朋友早早便喝光飲品，相信味道不錯。相對地，我的凍檸茶直到離開都沒有喝完，畢竟我喝凍飲的目的是用來解辣，小辣用不著解辣！

前排同屋企人黎左呢間食四川菜嘅餐廳，大家都好耐冇食川菜，要解一解癮😂嚟到川菜餐廳，必嗌一定係酸菜魚！因為屋企人唔太食得辣，所以我哋叫咗金湯酸菜魚。份量十分多，鋪滿晒魚片，魚質非常嫩滑，亦食得出好新鮮！配料亦相當多，全部都好入味👍👍另外要咗半隻片皮鴨，外皮好脆，鴨肉亦好厚實👍另外亦點左黃金蝦球，外層沾滿鹹蛋黃，相當惹味！而且蝦肉本身好爽口，又唔使剝殼，配飯食一流！本身怕唔夠食，嗌多咗個瑤柱蛋白炒飯。但原來好多菜嘅份量都相當多😂但瑤柱蛋白炒飯亦相當唔錯！炒飯粒粒分明，調味啱啱好，唔會太清或太咸！最後仲有四季豆，炒得好有鑊氣，但又唔會太乾身👍

姐唔係好食得辣但朋友無辣不歡，見係佢生日姐只好少有地辣一次，估唔到有驚喜！金湯酸菜魚-叫左少辣，係接受得到的香辣。湯真係金色的，酸酸微辣咁好開胃-魚非常嫩滑， 一放入口馬上溶化，魚味仲好鮮甜黃金蝦球-鑊氣十足，鹹蛋黃包裹住大隻的蝦球，重點係並不會太油膩-蝦球爽口彈牙，會再encore!四季豆-份量好多，夠4人份量-微辣但絕對係接受到的香辣，加上肉碎餸飯一流瑤柱蛋白炒飯-好足料好有住家媽媽炒飯的味道，蛋白同瑤柱都係大量，成個炒飯好乾身唔會油淋淋涼拌黃金皮蛋-非常出色的一碟，香辣味入哂皮蛋入面，有點麻辣但皮蛋的獨特香味亦然食到

上次黎京都廣場已經比呢間餐廳既poster 吸引到今次決定黎一試究竟~雖然店員十分推介香鍋，不過見到其他小菜實在太吸引, 決定下次先試香鍋!呢度全部小菜都係熱辣辣剛炒起，所以好有鑊氣—霸王蝦球第一啖食落去有驚艷感覺剛剛炒起更加熱辣，但辣味當中又帶少少甜甜的蝦球非常彈牙 而且好大粒雖然隊員W就話愈食愈辣頂唔順lol但隊長B是十分欣賞！—京蔥牛肉配麼麼皮(6張)原來除左片皮鴨京蔥牛肉都可以甘樣食~其實就甘食已經好香甜惹味估唔到包埋一齊又有另一種口感麼麼皮厚度適中 一齊食非常夾—手撕包菜即係辣炒豬肉手撕包花包菜爽脆五花肉片過油再炒非常香—清炒萵苣絲果然係最經典的菜式但一啲都唔遜色炒得爽口 用來清清味蕾再吃是非常適合的

朋友出名辣椒女，喜愛吃辣嘢；今晚她叫我去食川菜，半推半就地應邀因太辣的食物我驚不能接受到。食肆在銅鑼灣一座商厦樓上，主打四川菜及京菜。末入座前朋友就給我派定心丸，包保我食完今餐飯後便愛上了食辣嘢。我抱有懷疑的心態便隨她發板今晚的菜式。涼伴黄金皮蛋  $48金黄色的皮蛋晶瑩剔透，好似一件件寶石放在眼前；好靚。蛋黄是流心的，食時不覺澀口；與一般皮蛋完全不同，非常好吃。秘製拍青瓜  $46青瓜清新爽口，微微帶酸；以它為餐前小食可令胃口大增。金湯酸菜魚  $188一聽酸菜魚就知係四川菜，除了份量大外其味道亦很講究。首要盧魚一定要新鮮肥美，起骨後切成大大片啖啖肉。配料有酸菜、篙筍、各種鮮菇和乾菇、大量薯粉，確實用料豐富；還有大量青紅辣椒、葱花莞茜和香芹等，所以湯底旣香又惹味；湯中帶酸但暗藏麻辣，味道層次分明。京葱羊肉  $98羊肉和京葱係很好的拍檔，不僅可趕走騷味；又起殺菌作用的健康食品。羊肉炒得鑊氣十足，咬落好淋唔鞋口；夾上京葱配埋麼麽皮一齊食，食得滋味不覺肥膩。酸梅湯   $18炎熱天氣飲番杯自家煲的酸梅湯旣解渴消暑又很開胃。

朋友很喜歡食雞煲，今次去到銅鑼灣這間店，地点很方便，價錢很抵，7点半已經坐滿人。香鍋雞煲，有分小辣，中辣及大辣，材料豐富，蓮藕片爽口，雞肉新鮮，味道非常濃郁，每樣食材都沾滿醬汁，好好味。回鍋肉，川菜的首選，腩肉片及椰菜味道很冶味，有鍋氣，辣道剛剛好，令人回味。清炒萵笋絲，看來是很簡單的菜式，但味道非常鮮甜爽口，好味。通常吃辣都會飲酸梅湯，川菜的酸梅湯跟上海菜的不同，是紅色，像紫貝天葵，酸酸地，很開胃解喝。

搵間川菜食，本來搵左時代果邊，但價錢好似唔係好值，所以搵左e間我地叫左7樣野1。金湯酸菜魚+另加薯粉2。片皮鴨3。四季豆4。孜然羊肉5。回鍋肉6。霸王蝦球7。夫妻肺片七樣嘢五個人食，份量好夠片皮鴨d麼麼皮勁簿，所以食多幾嚿都唔怕夫妻肺片叫小辣都勁辣，但好食霸王蝦頭炸得好脆，但係冇辣味其他餸正常味道，唔會太鹹味道啱啱好埋單一千蚊平均每人兩舊，食到好飽抵食雖然人手嚴重不足，但係咁多客人，我們體諒的

十分方便嘅地段 喺銅鑼灣站附近大部份都係卡位 整體環境幾舒服員工有熱情介紹我們食海鮮煱有蟹有鮑魚看着非常豐富可惜我們當中有不吃海鮮的 所有嘅餸我哋都係叫咗中辣京蔥羊肉 配嬤嬤皮有嬤嬤皮好特別 唔使成日都係食飯或者麵皮算薄而且煙靭 最緊要羊肉夠騷包住食好味酸辣土豆絲香辣酸爽 得非常過癮 送飯一流招牌香鍋可自選五個配菜牛柏葉 萵筍 鯛魚片 豆皮 豬大腸份量非常多 熱辣辣非常惹味非常值得一題嘅鯛魚片 啖啖肉冇骨而且非常嫩滑彈牙豬大腸洗得好乾淨 炸得好香脆 食得好放心生啤一杯啤酒都值得一提 因為好少見食辣嘅地方提供生啤