川滿居 (京都廣場)

营业中

休息中

前排同屋企人黎左呢間食四川菜嘅餐廳，大家都好耐冇食川菜，要解一解癮😂嚟到川菜餐廳，必嗌一定係酸菜魚！因為屋企人唔太食得辣，所以我哋叫咗金湯酸菜魚。份量十分多，鋪滿晒魚片，魚質非常嫩滑，亦食得出好新鮮！配料亦相當多，全部都好入味👍👍另外要咗半隻片皮鴨，外皮好脆，鴨肉亦好厚實👍另外亦點左黃金蝦球，外層沾滿鹹蛋黃，相當惹味！而且蝦肉本身好爽口，又唔使剝殼，配飯食一流！本身怕唔夠食，嗌多咗個瑤柱蛋白炒飯。但原來好多菜嘅份量都相當多😂但瑤柱蛋白炒飯亦相當唔錯！炒飯粒粒分明，調味啱啱好，唔會太清或太咸！最後仲有四季豆，炒得好有鑊氣，但又唔會太乾身👍