川滿居 (京都廣場)

营业中

休息中

👻食過唔少酸菜魚，呢間都算數一數二好食。「川滿居」除左招牌酸菜魚，仲有其它經典川菜，雖然菜式不多，但每一道都誠意十足，川味滿滿！🐟金湯酸菜魚（$188）🌶️小辣魚肉份量超多，新鮮又嫩滑， 細骨全部挑乾挑淨 。金黃嘅酸湯，暗藏辣勁，風味頗有層次。底仲有大量酸菜、蘿蔔、萵筍、薯粉…酸爽醒胃！🐑孜然羊肉（$98）配6張麽麽皮羊肉鑊氣十足，炒得脆嫩入味，陣陣孜然香，包住麽麽皮食，口感更豐富好味！🐔滕香雞（$66）雞肉鮮嫩滑溜，入口有一種獨特嘅麻香味，清香濃郁，唔會好辣，但食得好過癮！

放工後心血來潮想食川菜，揀咗間係地鐵站附近嘅餐廳試下。好多菜色，價錢都唔貴。金湯酸菜魚（$188）- 份量真係好大，一放落嚟都有啲驚喜。我揀咗小辣，個辣度啱啱好。魚片嫩滑又多件，配料有香菇同萵筍，而底下仲有煙韌嘅薯粉，真心好掋食。藤香雞（$66）- 睇落去仲以為係醉雞，但其實唔係😂個雞件非常嫩滑鮮甜，帶小小麻味好惹味。京葱牛肉（$88）- 好有鑊氣，而牛肉又唔會因為過熟耐韌，配上軟熟嘅嫲嫲皮真係好食。

有鍾意食辣嘅朋友仔真好🥰無懼橫風橫雨都要岀嚟食😂不過2個人就食唔得到太多嘢唯有下次再嚟食🤣叫咗呢個招牌香鍋 -$26我哋叫咗比小辣多少少嘅麻辣入面嘅餸就係任選再逐樣計錢嘅5樣起炒豬大腸 -$46，牛肚 -$46係有少少失望嘅因為好淋但又唔太入味-牛舌 -$46都係淋淋哋但叫做有啲咬口不過都係唔夠入味無乜麻辣嘅味同埋食完有個口有少少騷味😖-鴨血 -$32呢個鴨血都係無乜味不過佢個Texture我幾鍾意係有少少鞋口，唔係好滑嘅口感但我自己就鍾意鞋啲嘅鴨血多啲🤣-腐竹 -$28本身以為係無炸過，會淋身啲都驚會碎晒點知上到嚟原來係呢個樣不過都OK嘅沾上麻辣更加好食-薯粉 -$22全鍋我最欣賞嘅食材🤣炒完都幾乾身，唔會好黏咬落煙煙韌韌咁啱晒我呢個煙韌控😋而且好入味每一條都可以食到個種麻辣嘅味道😋霸王蝦球 -$128本身想叫黃金蝦球不過2個人食一定會好滯驚會食得好吃力🥺所以最後都係叫返呢個見咁多辣椒都估到個辣度唔嘢少😂食第一粒都唔太覺愈食就愈辣不過係正嘅🤣🤣蝦球好大粒咬開都好彈牙辣辣哋重可以提高鮮味京蔥牛肉配麼麼皮(6張) -$88平時唔太食蔥不過咁樣包住晒一齊食啲蔥又好似無咁大陣味😂麼麼皮唔會太

等咗好耐都冇餸上台 、諗住舉手叫佢地幫我地跟 一跟，，，，服務員見到都唔理，當睇唔到！嘢食嚟到又比錯，再重新上過又少咗嘢！而且啲嘢食超級無敵咁鹹！唔會再食總之就好差！

📍 川滿居 ______又到每月一次的酸菜魚時間，太高興這次發掘了一家好店！網上看到川滿居金黃閃亮的酸菜魚，試罷果然沒有令人失望！酸菜魚湯底惹味，酸辣平衡之餘魚肉嫩滑，最最最令我喜歡的是除了酸菜魚伴侶薯粉外，裏面已經包括了萵筍，新鮮冬菇，菇乾等等。乾冬菇香濃鮮味，新鮮冬菇柔軟吸湯，兩種冬菇配搭暫時在香港酸菜魚界可謂罕見，我們都滿意這份$188便宜量大又食得開懷的下飯佳品。另點了藤香雞，雞肉嫩滑充滿胡椒香氣，令人胃口大開。京蔥牛肉另外配六件嬤嬤皮，有趣有趣，通常嬤嬤皮只陪襯北京填鴨，這種食法新鮮又可平衡京蔥牛肉味濃。川滿居便宜味美份量又大，旦大膽說一句這是近期最滿意的酸菜魚！______金湯酸菜魚 $188藤香雞 $68京蔥牛肉 $88______📍 川滿居 (京都廣場) (銅鑼灣)銅鑼灣駱克道491-499號京都廣場6樓______#旦食在香港 #旦食在銅鑼灣 #旦食在灣仔 #旦會再來 #egginhk #eggfoodie #相機食先 #hkfood #hkfoodie #foodie #foodphoto #hkfoodblogger #foodporn #hongkong #in

成日見到網上有人介紹川滿居既酸菜魚，趁媽媽生日，特登book左黎慶祝母親大人大壽☺️一上到去已經好大陣酸叔味🥲跟住入到去店員話搵唔到我哋Booking🥲，搞左一輪佢先安排左張好窄既卡位比我地🙊都好，起碼有得食~- 金湯酸菜魚 💰$188嚟到梗係要嗌佢哋嘅招牌酸菜魚啦！酸菜魚超大碟 金黃色既湯 都幾吸睛！😆 湯酸酸辣辣得黎唔會太過咸，幾好食！魚片嫩滑少骨，厚薄適中👍🏻配菜有菇菌、萵筍同薯粉 吸晒湯汁 好味☺️- 糖醋蝦球 💰$128醬汁酸酸甜甜，幾開胃👍🏻可惜蝦球炸得唔夠脆~正常發揮喇🤣- 芥香萵筍炒牛肉 💰$88萵筍好爽口牛肉有啲靭🤏🏻- 黃金蝦仁炒飯 💰$82就咁睇都可以見到大蝦有好多隻，幾足料👍🏻😆翻炒得粒粒分明 又唔會好乾，可惜味道略嫌淡🤏🏻- 百香果檸檬茶 💰$36- 青島啤酒 💰$28招牌酸菜魚的確係好好食，其他食物就一般。個人覺得個衛生環境好需要改善，由一入餐廳到坐低食野都聞到陣酸叔味🤥 同埋地方好逼，坐得唔太舒服。晚飯七八點嗰啲時間餐廳坐滿晒人，店員非常忙碌，有時想落單揮手揮足5分鐘先有人理😅我都明白店員好忙碌，佢哋都唔想嘅。但呢點就顯示到係餐廳嘅管理問題🙊總結係試過一次就夠

呢間見好多人好評 加左想去list 好耐 今日黎試真係好食👍👍😋😋✨金湯酸菜魚 (中辣）$188超多材料 🤩 除左酸菜同魚 仲有冬菇 秀珍菇 鴻喜菇 蘿蔔 薯粉🤤 魚都幾滑 有魚味 份量都幾多 但食到一兩舊有小骨🙈🙈 湯底好香 唔係好酸但好夠辣 對我黎講有啲辣 但好過癮😋 (平時食開譚仔三小）🙈 薯粉夠煙韌 👍👍👍 難怪咁多人推薦 真係唔錯✨孜然羊肉 (配6 塊麼麼皮）$98 孜然味好香 羊味都好出 撈埋洋蔥同麼麼一齊食好好食😋😋😋 推薦🍹凍檸茶$18正常 夠甜 🧃梳打水 $15總括呢間野我覺得真係好味😆😆😋😋 同埋都幾抵 我見佢星期六都仲有午市套餐 都係5,60蚊 有埋飯有埋野飲 但我地就算唔係叫午市套餐我覺得都唔貴 一黎嘅時候等左陣先有人招呼有啲奇怪 但之後落單個呀姐幾nice 幾好人 問佢食咩辣好吹左幾句假日晏晝去食都冇乜人 唔洗book 位 去到有卡位坐又唔會限你食幾耐👍味道❤️❤️❤️❤️💔抵食❤️❤️❤️❤️💔服務❤️❤️❤️💔環境❤️❤️❤️💔午餐人均～$160✅再幫襯

同事帶我上樓食川菜，入到門口覺得掂喇好地道，座位好密，裝修老土，富有祖國風，應該都好正宗下。叫左個最出名嘅金湯酸菜魚同埋京葱炒羊肉。京葱炒羊肉好油，京葱同洋葱係香甜爽口嘅，但羊肉比較薄，同埋肥膏好多，又有強烈嘅羊臊味，唔食得羊嘅千祈唔好叫。金湯酸菜魚賣相100分，用一個巨型瓷盤裝住滿滿嘅酸菜魚，湯呈微微黃色，可能就係金湯之名嘅原因，湯底咸辣麻俱備，但可能味精較重，飲完好口渴。魚肉好多片，肉質滑嫩，但無味，一啲魚味都無，配料係泡過油嘅菇，同埋好薄嘅萵筍，重有好多薯粉。整體黎講唔算出色。

食四川菜除咗食酸菜魚 個人麵都好鍾意️食香鍋❤上次就同朋友嗌左個招牌香鍋😋炒得好有獲氣！最正就係佢個小酥肉🐷係炸過嘅豬柳 食落真係好香脆 揀咗五個餸份量真係超級多 仲好惹味🌶

呢期開左好多間酸菜魚餐廳，新不如舊，梗係去食間老字號啦😋同同事一行三人去試，點左京葱羊肉配嬤嬤皮、藤香雞，當然唔少得招牌金湯酸菜魚！京葱羊肉香騷惹味，京葱洋蔥清甜，夾埋有啲似片皮鴨薄餅皮嘅嬷嬷皮，減少左油膩感，不錯！藤香雞嘅藤係指川耕藤椒，有獨特嘅麻香味，食落麻而不辣，雞肉滑嫩有雞味，別具風味，送飯一流！最期待嘅金湯酸菜魚終於上枱！用一個好大嘅瓷盤盛着白雪雪嘅魚片，份量驚人，三個女士都食唔完，有大量薯粉墊底，重有走過油嘅菇菌。酸菜魚湯底酸、辣、麻、香樣樣齊，飲完都不會口渴，讚👍

而家香港想食四川風味既選擇真係越嚟越多。好多區都可以揀到川味餐廳。講起川味近幾年酸菜魚就最紅。食得酸菜魚一定大大碟上最正。而呢度既酸菜魚就夠份量。金湯酸菜魚 $188金黃的酸菜魚的確吸引，揀小辣，入口酸味多於辣味且不油膩。主角魚肉大片冇骨，啖啖肉。用料又多又豐富，酸菜夠多又夠酸，薯粉吸曬酸菜魚既味，驚喜位有好多菌菇。孜然羊肉 (配6張麼麼皮) $98孜然羊肉充滿羶香與孜然香，夠重口味。羊肉又多又大件，用麼麼皮包住食，啖啖肉勁惹味。藤香雞 $66醉雞賣相，重點在於籐椒粒，提升爽麻味道，嫩滑雞件好入味，怕口水雞太辣不妨試下呢個。

藤椒雞口水雞、鹽焗雞、滷水雞、咖喱雞都食得多啦，藤椒雞好似真係第一次食🙈一入口首先會食到清香嘅藤椒香味，透咗一絲絲微微嘅辣味，然後會感覺到嘴唇同埋舌頭會有蜂擁而上麻痹嘅感覺， 超級過癮😳雞肉肉質肥美爽口，因為喺雞肉煮好之後會即刻過冰水，令雞皮更滑肉質更嫩更有彈性🐔金湯酸菜魚呢個有得揀配飯或薯粉我當然叫翻最愛嘅湯薯粉：配料有鯛魚片連魚皮、萵筍、雜菇都幾豐富，味道鹹酸辣都食得出，非常有層次。係嗰種會令你越食越想食，越食越大啖，越食越爽口嘅味道嘅感覺🤎

終於考完試！！今年第一年讀大學都真係幾多未知同埋唔適應嘅地方。又無諗過翻翻下線下客又會無啦啦變返先上zoom上堂，都真係幾唔習慣。同埋一向都鍾意同人相處感覺更加開心，依家每逢星期一至五都要自己係房上堂，搞到有啲好似抑鬱咁😮‍💨趁著今日星期六係假期就終於有時間出嚟嘆個午餐👍叫咗個酸菜魚，佢地有得選擇配白飯或者薯粉，我就揀左前者配白飯。酸菜魚主角分別係酸菜同埋魚。酸菜鹹香開胃，味道突出又唔會過份，魚肉鮮嫩無腥味👍配料有啲唔同種類嘅菇、萵筍條、少少嘅薯粉同埋唔同嘅香料。

見到社交平台上面有人介紹咗呢一間餐廳，望落去啲相都非常之豐富，於是就帶咗男朋友過去呢度食飯啦！一去到嘅時候就比呢一個辣子雞吸引住，呢一份嘅辣子雞份量非常之豐富，而且雞肉嘅份量都好多，然後再望到超級多嘅辣椒！本來都有少少擔心會唔會太辣，點知係唔會嘅，反而係非常之惹味！另外就係一個非常好送飯嘅麻婆豆腐，份量都大大碟！同埋呢度嘅麻婆豆腐真係非常之入味！肉粒同埋豆腐比例啱啱好！而且豆腐非常之香滑，真係一個好好嘅菜式！

蓮藕仔炒牛肉 $88 牛肉質感超級好似平時出街食或者會係街市買到嘅滑牛肉，好多時候有啲牛肉菜式嘅牛肉片會帶啲筋位唔太好咬，但係呢隻又唔會喔 佢真係好鬆軟純肉嘅口感又唔會好乾，係食靚牛肉先會食到嘅質感🐮🐮呢碟送除左牛肉片都仲有好多爽脆幼嫩嘅蓮藕仔 青色燈籠椒 紅色燈籠椒同埋原隻嘅黃色泡椒，所以都非常色彩繽紛 ！辣子雞軟骨 $98雞軟骨硬脆硬脆但唔係會令你覺得乾活著好難咬嘅硬👍👍調味就係簡單直接用咗好多新鮮紅辣椒同埋曬乾咗嘅紅辣椒乾，味道辣中帶麻 麻中又帶辣 辣得過癮！